食之劇場餐廳 (已結業)

黎到西貢，雖然呢度成日比人話係美食沙漠，但原來沙漠度都巾綠州既，食之劇場就係呢個綠州喇，位置golf場隔離，一睇就知係for d有錢人食既格調，但omakase 黎講，原來都唔太貴，性價比真係幾高。環境方面，呢間真值得滿分，新新淨淨既和式裝修，配合埋個超級無敵大海景，清幽遠離嘈雜市區，加上咁精緻既餐具，帶女友黎食就真係一流/一班fd黎西貢chill下都真係幾唔錯。刺身方面，都算係唔錯，幾新鮮鮮下，值得一提既佢個前菜有個乾冰effect，出場都幾grand幾唔錯，就算唔食得都睇得下呀。蟹膏方包，方包熱辣辣，蟹膏又好味又夠鮮甜。壽司方面，睇住師傅即叫即實真係份外好味，仲會拎埋遞到你手上，上面舊刺身就一路都幾好，個飯整得都好好，軟硬適中，配埋個白豉油，就岩岩好。