顏府御膳 (已結業)

一直以來這棟商業大廈，都有很多出名的食肆，今晚便選擇了這間高級粵菜。餐前小食，是蜜餞合桃，享受完這種小食之後，便進入今晚的主題。顏府雙式蝦球$328，一半蝦球沾滿了蛋黃醬，蛋黃的味道醎香，另一半的蝦球，以XO醬炒香，兩款蝦肉都爽口彈牙，用兩種做法，相映成趣，不分高下。合桃黑豆雞腳煲西施骨$98，合桃、黑豆和雞腳，溶化在老火湯內，湯頭味道濃郁，喝得出是老火靚湯，想不到用合桃和黑豆，可以做出這麼鮮甜味美的靚湯。鮑汁鳳爪$58，鮑魚汁的味道，完全滲透入鳳爪內，雖然是一道小食，不過製作認真。青瓜海蜤頭$138，海蜇爽口彈牙，配上酸酸甜甜的醬汁，非常開胃。鳳梨咕嚕肉伴炸雲吞$228，雲吞皮外表鬆化可口，內裏的餡料十足。咕嚕肉啖啖都是肉酸酸甜甜，非常適合夏天享用。瑤柱蛋白炒飯$198，瑤柱被炸至香脆可口，加上炒飯粒粒乾身，為今晚的晚餐畫上了完美的句號。

又過來顏府吃粵菜，我覺得，粵菜的精髓在於老火湯以及飯後甜品。顏府絕對滿足這兩個標準。環境也舒適，值得再去。老火湯：今天的湯很清甜，喝下去，就感覺很滋潤。這也是我愛粵菜的一大原因。總覺得，這樣滋補的湯，可以把人養得美美的。皮膚好，心情好，自然就美麗了。午市套餐：180川味手撕雞最愛辣椒醬，今天最下飯的菜式。 鳳梨咕嚕肉伴炸雲吞裡面竟然有新鮮草莓🍓，味道很甜美。菠蘿也很提味。午市套餐：180青瓜海蜇頭清爽口感簡直就是一流。 XO 醬法邊豆炒帶子邊豆新鮮，炒得很入味。帶子口感簡直一流。 甜品：桂花雪梨燉蘆薈一個滋潤的甜品，作為結束，畫上句號。總體感覺很清爽，在這樣的炎炎夏日，不會給身體太多負擔，同時，補充了完美營養。顏府御膳銅鑼灣開平道1號Cubus 5樓

📍 顏府御膳唔知係咪人大左會鍾意食返中餐，趁着星期日，梗係同C先生搵間高質嘅中菜廳，舒舒服服咁樣enjoy a nice dinner啦。顏府御膳雖然係銅鑼灣Cubus樓上舖，但裝修幾講究，菜式賣相精緻，屬中高檔次，適合同長輩一齊食飯。➖➖Dinner menu有好多選擇，令人眼花撩亂。經精挑細選之下，選了以下菜式。➖➖📌 青瓜海蜇頭 Marinated Cucumber with Jelly Fish $138青瓜脆卜卜，增添口感，海蜇頭處理得好好，食落爽口彈牙，味道帶點點辣，非常惹味➖➖📌 鮑汁鳳爪 $88鳳爪燜得好軟淰，入口即融，鮑汁味道突出但又唔會重口味，非常香口，又唔會太油。花生都煮得好入味。➖➖📌 淮山炒和牛 $208 和牛肉質軟硬適中，好大片，好嫩口！淮山係炸過，炸完好似炸薯仔咁，仲有好多菇做配菜，好爽口，呢碟菜口感好豐富。➖➖📌 合掌瓜子馬蹄無花果煲豬腱 $98真材實料既老火湯，夏日熱辣辣飲完真係覺得好正，味道好清甜，夠曬清熱解渴，好正。➖➖📌 XO醬肉碎四季豆 $98好惹味，有少少香辣，會令人不停咁食。➖➖地址：銅鑼灣開平道1號Cubus 5樓➖➖人均消費：$400

香港有很多說吃粵菜的地方，聽朋友說這間的燉湯10分值得推薦。所以今晚和老公及契女們在這裏開大餐。這間顏氏的裝修中國色彩濃烈，每檯座位寬闊，帶出優雅又典雅嘅感覺。頭盤小食：鮑汁鳳爪$98鮑汁十分鮮味，鳳爪炆得剛剛好，入口溶化。青瓜海蜤頭$138海蜇啲刀工十分漂亮，像一朵打開的花瓣，入口爽脆。合桃黑豆雞腳煲西施骨嘩這個燉湯燉得不得了，不是誇張，喝了半碗就全身暖苙苙的感覺，好補身啊。顏府雙式蝦球這個蝦球有創意，有鹹蛋味及原味，係不錯的酥炸海鮮。鳳梨咕嚕肉伴炸雲吞這個真是送飯好伴侶，咕嚕肉的酸甜味可口。炸雲吞炸得鬆脆、入口溶化。瑤柱蛋白炒飯炒飯粒粒分明，吃出瑤柱的鮮甜味。老友介紹得不錯，下次一定會再來。

好耐無同家人一齊去食飯了，一於趁節日出去慶祝下先！今次book左呢間顏府試下，見網上啲相好靚，去到登記後 有房坐wo不過唔知點解個地下立痴痴，同埋有蚊之後尾頂唔順同侍應講就出返去坐裝飾不錯的 名貴的酒類紅燒花膠竹笙翅 湯頭都幾香 竹笙爽脆 花膠冇腥味 可惜略鹹了點釀蟹蓋蟹肉都幾多，入口蟹肉濃厚creamy幾足料，面頭有香烤過芝士 陳皮鮮沙薑生煎斑球 外皮入口乾柴，裡面都略乾，帶淡淡的沙薑味，有少少怪羊肚耳珍菌濃湯浸時蔬羊肚耳珍菌都香濃姑味，波菜同嫩滑無渣，可惜又係個濃湯好鹹嫩雞煨麵 呢啖湯直頭鹹到生腎石，麵條大概有二十幾條到 伴以乾的雞肉 唔信邪要叫碗酸辣粉試吓，啲粉略煮得淋，湯底太酸，好油同冇辣味，成碗最好食應該係啲豆半隻脆皮黃油咸香雞好鹹同好油，雞肉有一種不新鮮的霉而且有幾件仲未熟有血最後覺得呢餐填飽個肚就算，薑米瑤柱蛋白炒飯，呢個都食到淡淡薑味同飯粒煙韌 可惜個碟底又太油最後去埋個廁所。。踩到一隻鞋底全是廁紙🧻 呢個價錢，食物，衛生，服務都強差人意不會有下次了

位於銅鑼灣嘅顏府御膳，菜式精美，而且環境好正，同屋企人或者朋友一齊黎食野都一流呀💕鮑汁鳳爪 $88唔好睇佢好似好簡單鳳爪整到咁淋係要熬好耐時間而且佢係吸收晒d鮑汁😍-海蜇青瓜 $138選用海蜇頭，口感倍增。青瓜夠爽脆，作為開胃菜好適合💕-鐵板鮮沙薑脆皮生煎雞🐔 $268/half係用鐵板上，廚師係上菜時會係我地面前再兜兩兜，冒晒煙好夠鍋侯呀🤩d雞要趁熱食呀因為係鐵板度煎耐左會冇咁嫩的☺️-鮑魚雞粒一品荷葉飯 $268掀開陣陣荷葉香氣，面頭擺放切開左嘅整件鮑魚，飯裡面都有雞同菇粒，甚是足料💓💓可能吸收晒個汁嘅緣故，飯粒偏向軟綿。

顏府御膳酸辣土豆絲藤椒木耳合桃黑豆煲西斯骨鮮沙薑陳皮生煎雞大澳蝦醬唐生菜價錢💲: $98/ $78/ $98/ $268/ $168好味程度😋: 4.3/5服務🍴: 4.5/5環境🗾: 4.5/5性價比🥢: 3.3/5回頭率😚: 3.7/5-之前見朋友一直推介呢間中菜，今次終於有機會一試。上到去好有氣魄，好似高級宴會廳咁。當晚只有幾枱人客，坐得幾舒服。服務都好好，會主動幫你換碟😉-✅酸辣土豆絲。呢個好好食，唔會太辣，主要係酸味為主，好開胃，會想一條一條係咁食😋-🆗藤椒木耳。呢個真係幾辣，每多木耳入面都兜住d辣汁🥵 但食落真係川味十足，有藤椒的香氣。-✅✅合桃黑豆煲西斯骨。好鍾意飲湯的我，覺得呢個冇味精又煲到出晒味的湯好好飲🥰 飲完仲唔口渴，雞腳都煲到好軟。-🆗鮮沙薑陳皮生煎🐔。呢個係用鐵板拎出來，所以香氣四溢。店員會即刻搬落隻碟到上枱。雞肉滑嫩，食得出係新鮮雞😙 入口有小小陳皮味。而雞本身的鹹味都幾重。-✅大澳蝦醬唐生菜。呢個好似啫啫生菜煲咁，超香同惹味🤩 落左都幾多蝦醬所以都幾鹹，但就會寧捨香。生菜佢地只係用左菜中心的部份，所以特別嫩同爽，抵讚🤓-整體真係好高質的中菜，水準應該唔差得

顏府御膳喺銅鑼灣Cubus，主打精緻粵菜，環境幽雅，係見客同埋家庭聚餐嘅好地方！青瓜海蜇頭清新爽口中帶一點點酸，很開胃的前菜！鮑汁鳳爪鳳爪炆到入口即化啲狀態，完全入晒味，滿口鮑汁滋味，令人愈食愈想食！冬瓜清補涼荷葉煲唐排相當足料的熱辣辣老火靚湯，每一啖都是冬瓜、紅蘿蔔和肉排等鮮甜味，正！顏府雙色蝦球顏府的招牌菜，黃金蝦球的咸蛋黃漿上得完美，夠薄得黎完全包住晒蝦肉，入口滿口咸香，勁正！爆炒蝦球能清楚嚐到大蝦的鮮甜爽彈，推介！XO醬蝦乾肉碎芥蘭以鐵鍋上keep住熱度，芥蘭只取最嫩部份，削得工整，爽脆冇渣！

吃膩了西餐 只想找一處靜靜的地方午膳 爬文來到了這裡一試•午膳時間正好有lunch set 供應 包括頭盤// 老火湯// 主菜// 甜品 來一頓豐富的午餐•坐下已經有茶水供應 值得一讚的是茶葉很香身處古色古香的地方 慢慢享受著茶 已是享受想不到來鬧市中仍有一處地方讓係靜靜的思索人生•頭盤 - 青瓜海蜇頭海蜇爽脆 沒有腥的海水味右上點點辣椒衝擊你的味蕾 幸好有青瓜中和一下•老火湯 - 合桃黑豆雞腳西施骨 期待已久 呈上的時候是熱騰騰+著煙的一入口 好濃味呀! 是天然食材足料的濃味版還有雞腳湛出滿滿的骨膠原飲完覺得自己精力充沛 元氣大增的感覺很久沒有嚐過如此足料好飲的中湯我會為左呢碗湯encore呢間餐廳•主菜 - 荷香鮮沙薑陳皮生煎雞焗飯 🐔 精緻的上枱 一打開蓋香氣逼人雞件嫩滑啖啖肉 件數不多但食得出是靚雞 每口都吃到荷葉飯的香氣 • 主菜 - 鮮淮山炒和牛 🐄 好有煱氣的一道菜 好有媽媽買貴價材料又用心製作的感覺除了淮山 在旁的雜菜也炒得出色和牛雖然不多 每件都炒得火喉岩岩好誰說要3成熟的牛吃起來才嫩滑•甜品 - 桂花雪梨燉蘆薈 吃畢以上 已十分飽了誰知甜品再來一碗份量一足熱

跟10年冇見既靚靚舊同事見面🙌知道佢係利園附近做野就book左呢間係Cubus Hk 既高質中菜同佢食晏😍呢度既裝修好典雅🤩紅色嘅吊燈與及一排陳年花雕與好精緻既菜式好夾🥰而呢度既行政午餐$180 已經老火湯、頭盤、主菜、飯及甜品🍮小食第一次見用豆角炒蝦乾做小食😝豆角吸收左蝦乾既鮮味 ☺呢度既小食真係一啲都唔馬虎🙌顔府精選老火湯冬瓜清補涼荷葉煲唐排夏天飲真係啱哂.清清地一碗湯既可清熱、潤燥及去濕🥰飲落仲有淡淡荷葉清香又清甜🤤頭盤川味手撕雞 川味比想像中冇咁辣😬當中有少少豆豉花生🥜味道☺️手撕雞啲雞絲都夠滑又細條，入口好好食😋青瓜🥒海蜇頭 青瓜清甜夠爽脆🥰海蜇頭肉厚煙韌且營養豐富 😝配埋木耳用來做涼拌菜口感更爽脆可口☺️特製既汁非常解腻😙如果再多幾舊就好了😬主菜XO醬法邊豆炒帶子❤️第一次食法邊豆都幾特別😬口感比青豆更幼及脆口😍Xo醬微辣吊出左帶子既鮮甜😍鮮淮山炒和牛🐂好鍾意鮮淮山味道清新口感香滑爽脆😝廚師快炒把和牛肉汁鎖緊喺入邊仲好嫩滑可口😋甜品桂花雪梨🍐焞蘆薈暖暖地既焞雪梨超級滋潤😍桂花味濃☺️配搭蘆薈一齊食落口龍好舒服😌啱哂成日需要講好多野既我們🤣

同朋友慶祝生日，見到呢間幾似樣既中菜，立刻book枱！一入餐廳就feel到好有格調，幾高貴，個人即刻講野都斯文啲🙈坐低就叫左茶先，因為夜晚唔想飲茶，叫左菊花，清清地幾好😚然後有一小碟合桃小食同xo 醬，合桃十分香脆，xo醬可以配接下來既麵食好野味！🤤✨酸辣土豆絲，少酸少麻少辣，好開胃！土豆絲好爽口，食落唔會好油膩，超正！✨鮑汁鳳爪，炆到超淋超入味，必試！入面既花生亦係必食🤤大大粒，炆淋晒，仲食到花生本身既香甜😚✨合桃黑豆雞腳煲西施骨，呢個老火湯火侯十足，加左合桃黑豆，湯更加濃郁👍🏻 飲完想添飲🙈✨淮山炒和牛，和牛好大片！好夠鑊氣，唔會鞋口，讚！入面既淮山係炸過，同平時滑潺潺既感覺完全唔同！炸完好似炸薯仔咁，食落粉粉地，幾出色👍🏻✨嫩雞煨麵，一上枱就聞到好香雞湯味，湯底一啲都唔麻乎！雞肉係鮮甜既手撕雞肉，絕對唔係啲無味既雪藏雞！麵條好滑，再配埋枱面既xo醬，真係無得彈😭

久違嘅中菜！喺銅鑼灣忙足一個早上，老公過嚟接我。老公話好耐冇食過中菜，咁啱我醒起朋友提及過喺Cubus嘅顏府御膳午市套餐性價比頗高，就打電話去訂枱！餐廳裝潢典雅中帶氣派，座位寬倘舒適。午市套餐（$180／位）有4道菜，包括：頭盤，精選老火湯，主菜及甜品，非常豐富。我哋點咗兩個Tasting lunch share嚟食。先送上前菜頭盤：川味手撕雞手撕雞肉質唔算好滑，不過調味確實唔錯，麻與辣好有層次，幾過癮。青瓜海蜇頭海蜇頭口感爽滑，係清新開胃嘅一道前菜。老火湯是日老火湯係青紅蘿蔔響螺煲雞腳湯，湯頭鮮甜入味，有住家湯飲真係好開心！主菜：荷香鮮沙薑陳皮生煎雞焗飯焗飯用荷葉包住上枱，一打開已經聞到陣陣荷葉香氣。焗飯冇落太多調味料，簡簡單單用陳皮及鮮沙薑反而更加突出荷香。雞柳煎得金黃，食落肉質嫩滑，肉味香濃，蒸嘅時候，逼出雞油，令到焗飯更添滋味。鳳梨咕嚕肉配炸雲吞咕嚕肉外皮炸到脆卜卜，入面肉質彈牙，肥瘦適中，如果份量多D就更抵食啦！ 甜品：桂花雪梨燉蘆薈甜度主要來自桂花嘅清香及雪梨嘅香甜，所以整體甜度恰到好處，係一個好滋潤嘅甜品。

—————📍銅鑼灣🙈每次黎銅鑼灣都淨係識去希慎廣場 sogo 搵野食 但前排見到有好多人去左利園附近一間中菜食 環境好吸引到我 所以我都bookmark 📚📎📌 今日終於去到試🥰今日係lunch時間去 叫左兩個套餐 套餐都包左湯、前菜、小食、主菜、甜品🍮*每位$180#鮮淮山炒和牛 🤣用左燒汁黎炒和牛 鮮淮山好淋入曬味 好岩攞黎餸飯 咁岩每個餐都配一個白飯#荷香鮮沙薑陳皮生煎雞焗飯🤣份量剛好一人份量 雞皮煎到好脆 焗飯吸收曬雞汁雞油 食落有風味 本身都驚食薑 但好彩食落沙薑味唔重🌸環境好適合大時大節帶一家人過嚟食 座位亦都有足夠距離 坐得舒服———顏府御膳 (銅鑼灣)銅鑼灣開平道1號Cubus 5樓#winfat#winfat銅鑼灣#winfat港島

是日晚上去左銅鑼灣恩平道的「顏府御膳」品嚐高級中菜晚餐。店內裝修雅緻高尚，帶點中式韻味，無論家庭或朋友飯局聚會都適合藤椒木耳木耳口感爽脆，加入大量紅油和藤椒，香辣究極，開胃前菜首選鹽燒茄子茄子切成大小均一的幼條，炸到金黃色，香脆唔油膩，微微鹹，好惹味呢，非常邪惡！赤小豆粉葛煲鯪魚湯湯底呈深歇色，火候十足，味道濃郁鮮甜，也散發著魚鮮味！湯裡有唔少粉葛同赤小豆，真材實料顏府雙色蝦球雙色蝦球即是清炒蝦球及鹹蛋黃蝦球🍤大大件嘅蝦肉口感彈牙，鮮甜味美，加入咗香蔥、菇菌、紅椒一齊炒香，有提鮮作用！鹹蛋黃蝦球則被滿滿的咸蛋黃包裹着後炸香，酥脆滋味，不得了哦大澳蝦醬唐生菜唐生菜新鮮又碧綠，加入左大澳蝦醬&蝦乾一同炒香，鹹香滋味，仲好入味呢

高級西餐就食得多，中餐Fine-dining就真係第一次食！今晚黎到銅鑼灣呢間樓上中餐館，一入到去已經覺得裝修十分有格調，樓頂既紅色水晶燈和擺設都很有氣派，充滿中國色彩。鮑汁鳳爪$88前菜先來鮑汁鳳爪，鳳爪炆得好淋身，入曬味，滲透鮑魚汁，底層仲有好多粒花生，讓人食唔停口，一口接一口。青瓜海蜇頭$108另一道前菜點了青瓜海蜇頭，呢道冷盤很開胃，帶點麻辣風味，青瓜爽口，海蜇頭充滿口感。合掌瓜馬蹄無花果煲豬展$98每人一客燉例湯，是日靚湯係合掌瓜馬蹄無花果煲豬展，清熱解燥，又潤喉，十分清甜。農家乳香黑豚肉$168呢道精緻小炒菜式好滿意，蓮藕片加上秋葵、雲耳再配合炒薄黑豚肉片，很有鑊氣，夠香口，健康又美味。薑粒瑤柱蛋白炒飯$188最後，點了一客瑤柱蛋白炒飯，炒飯粒粒分明，加入瑤柱絲和蛋白，蔥花，足料夠香，十分推薦。大家想係環境優雅的中菜館品嚐精緻小菜，呢間精緻中菜就一定適合你！