顏府御膳 (已結業)

有時同長輩食飯長輩都會偏好中菜今日嚟到中環開平道Cubus喺銅鑼灣F1出口一出 行5分鐘左右經過利苑好快就到啦對上一次黎 呢棟大廈既餐廳都未開晒今次已經開哂啦 一入到餐廳 環境裝修感覺開揚和優雅我哋被安排坐卡位 啱晒同長輩傾吓計花多眼亂 午餐時間佢哋有個set lunch180一位 款式都唔錯 咁就即刻揀佢啦首先我哋揀咗手撕雞同埋海蜇頭做頭盤麻辣手撕雞對我來講有少少辣但係長輩就非常之鍾意 好香口海蜇頭非常之爽 微酸調味好啱開胃中式老火湯咁啱係我最鍾意嘅粉葛赤小豆煲鯪魚飲得出好足料好夠火喉食完前菜同埋飲埋個湯都飽飽地主菜揀咗咕嚕肉連雲吞同埋淮山炒和牛擺盤好精緻 份量亦都剛剛好好快食完走到甜品啦甜品：桂花蘆薈燉雪梨呢個係我今日最鍾意嘅超級滋潤 糖粉啱啱好又唔會太甜成個套餐份量 味道 賣相 都好出色一定encore

說到做到顏府御門膳, 主廚李師傅本身在逸東軒及富豪坊等酒店粵菜餐廳工作過, 再加上學過川菜, 同樣以川粵茶作主打, 令我想到之前吃過的念川居. 不同的是地點, 裝修和菜式定價更高貴, 更有私房菜的格局. 因同行友人受不少川菜的辣, 所以點的菜式也是以攻良過的精緻粵菜為主. 首先要讚的它的魚湯浸菜, 鮮甜中帶微微的胡椒香味, 是我喝過其中一家最鮮的, 配以雜菌和菠菜, 簡單而又相當舒服. 慢煮原條牛筋條是不少摩登中菜倉肆也有的菜式, 之前在孔夫子及大公館也吃過. 無他, 大份而又有霸氣, 可以以高價價原條出售, 西鐵人也相當受落. 這裡的味道和之前吃的大同小異, 脂肉層次分明, 肉質夠腍, 也是水準之作. 薑蔥桶蠔煲的美國桶蠔肉厚體豐, 海水味豐富, 也夠入味, 份量也不少. 相比起半隻脆皮雞份量之少, 很難想像兩者價錢相同, 而脆皮雞令人失望的不只是份量, 而是皮肉分離, 肉質甚韌, 這樣的水準有點參差呢!

青瓜海蜇頭帶點麻辣嘅感覺， 非常爽脆！ 冰涼嘅口感解暑一流。 下層嘅青瓜雲耳亦好清新，非常開胃。鮑汁鳳爪， 已經炆到非常軟淋！ 用口輕輕一啜，已食到膠質嘅感覺" 鮑汁味道非常香濃，非常入味！好高質。合桃黑豆雞腳煲西施骨， 湯頭非常熱辣辣，滋味濃郁又夠滋潤滋補嘅感覺！農家乳香黑豚肉，有大量 蓮藕吸哂南乳香味，超級正，濃得黎又唔咸，非常入味又爽又口，黑豚肉亦都幾嫩，唔年乾柴！成碟餸非常入味。砂鍋大澳蝦醬唐生菜膽， 非常夠鑊氣！ 蝦醬味道 令到唐生菜變得更加有層次感，非常惹味。餐廳環境幾華麗，坐得舒服。

><開完茶之後 畀咗碟xo醬同琥珀核桃 畀人感覺係較高級嘅中菜館先有提供Xo醬鹹鮮味辣 增添風味核桃沾上香脆焦糖口感硬中帶軟 果仁味濃郁青瓜海蜇頭海蜇頭好似切開咗嘅雪耳爽脆有厚度 加咗辣油調味清爽青瓜同木耳增加口感鮑汁鳳爪炆煮到可以吮完直接吐骨底下嘅花生亦都吸滿醬汁赤小豆粉葛煲鯪魚濃郁有少少黏口飲得出冇咩味精鮮淮山炒和牛每款材料均勻上色 切條均一上碟時更顯精緻和牛嘅脂香 淮山嘅粉爽菇片嘅入味 香口好啱送飯砂鍋XO醬蝦乾肉碎芥蘭見到人哋嘅砂鍋小菜翻炒時發出咋咋聲 香氣瀰漫所以要咗個芥蘭煲 只有翠綠嘅莖部清甜脆嫩 沒有半點苦澀味><><><><><><><><><><顏府御膳銅鑼灣開平道1號Cubus 5樓

今次同朋友黎到呢間位於銅鑼灣食精緻中菜嘅餐廳 餐廳裝修有氣派 侍應有禮 Lunch set為$180一位 價錢體驗絕對成正比 而Lunch set已包頭盤，老火湯，主菜以及甜品 CP值極高！頭盤我哋選擇了川味手撕雞以及青瓜海蜇頭 手撕雞相當滑嫩 海蜇頭都好爽口 非常開胃是日精選老火湯有青紅蘿蔔湯 細細地一碗但相當足料 潤一潤喉嚨就可以開始食主菜啦我哋選擇了鮮淮山炒和牛同荷香鮮沙薑陳皮生煎雞焗飯 淮山同和牛呢個配搭係絕配 加上醬料調配非常獨特 另外生煎雞入味香口 份量剛剛好最後甜品有桂花雪梨燉蘆薈 桂花甜甜地 呢個甜品夏天消暑係一流

今日去開銅鑼灣，想食中菜，諗返起上颜府御宴食過午餐都非常唔錯，今日就決定嚟試吓去個晚餐，點咗一啲前菜同主菜一共5款菜式。其中我個人最鍾意食佢個薑蔥炒蠔，味道都真係炒得幾香同鮮味，啱啱好保持到好嘅水份同鮮味但係又唔會太過熟。另外佢哋嘅涼拌酸醋木耳作為飯前菜都好開胃，個汁凍凍地冰冰地酸酸地用嚟當作飯前小食幾開胃，而佢哋嘅蝦乾炒芥蘭味道對我本人來講略為小小偏鹹，如果配飯食口感應該更佳。雞腳嘅鮑魚汁炆得啲雞腳好入味而且咸度適中，呢款菜式又係值得推薦。

今次黎到熱鬧嘅銅鑼灣,喺openrice見到呢間中菜餐廳嘅裝橫好高貴,所以吸引左我地去😳😳依間會由前菜開始慢慢食,而我地揀左飲鐵觀音茶餐前小食-合桃炸到好脆卜卜同香口,仲帶有適量既甜度🤩 而且仲配左一小碟XO醬比我地，配啲餸黎食就岩😌前菜尖椒皮蛋帶有重慶麻味既尖椒皮蛋,好開胃！ 食到辣嘅話可以夾埋尖椒一齊食, 而我先生就唔食得咁辣,所以無夾埋尖椒 青瓜海蜇頭依碟涼拌青瓜同海蜇頭食落好爽,而且感覺好新鮮😙超鐘意食,而且仲有埋雲耳, 越食越停唔到口😚 湯 合桃黑豆雞腳煲西施骨湯好濃郁👍🏽 飲落去好有層次,每種材料嘅味道都好有升華, 不過食完前菜同飲湯,我地都已經飽飽地😂😂主菜鳳梨咕嚕肉拌炸雲吞佢啲咕嚕肉揸到好外脆內嫩，而且仲有一本甜酸汁可以再額外林落去沾嚟食，好開胃👍🏽炸雲吞平時就喺酒樓度食得多，好少喺晚飯都可以見到，炸雲吞炸得好酥脆！砂鍋XO醬蝦乾肉碎芥蘭職員會再喺我哋面前再拆啦炒砂鍋入邊嘅餸，依一樣餸好吸引，好適合配埋白飯黎食，但係我哋食到主菜已經覺得好飽就咁齋食餸唔使配飯都已經好夠飽😂

呢間餐廳網絡感覺幾高尚，燈光係橙橙地暗暗地顏色比較有格調同浪漫，個人感覺幾適合情侶或者兩個人來撐枱腳。今次我同媽咪兩個人一共點左五款食物，包括有👇🏻🔸鮑汁鳳爪 （呢款係我好鍾意食，因為佢問得啲鳳爪好林好入味，但係又唔會太過鹹，而且裏面仲有超多花生，女仔食啱晒可以豐胸🤪）🔹滕椒木耳（呢款就味道比較龍尾同比較辣，適合鐘意食涼拌同埋辣野嘅朋友仔）🔸金沙脆豆腐（呢款比較清淡，識落清清地嘅豆腐味滲出來）🔹薑蔥桶蠔煲（蠔好大隻同埋用蔥爆炒幾香！）🔸砂鍋XO醬蝦乾肉碎芥蘭（芥蘭全部切晒皮所以食落口係好爽脆，XO醬蝦乾鹹鹹地，送飯食會更加好）

𝐎𝐯𝐞𝐫𝐚𝐥𝐥簡單來說 就是一分錢一分貨！裝潢高雅 食物質素對得起價錢!四道菜午宴整體體驗不錯😙⁣—————————————————⁣四道菜午宴 $180🍲顏府精選老火湯今日是青紅蘿蔔豬骨湯 餐廳定期會更換喔!雖不是驚為天人的味道 但絕對喝得出是熬燉時的老火湯🐥前菜 · 麻辣手撕雞辣度很有層次 麻香帶後勁 雞絲嫩滑🥘 XO醬伴法邊豆炒帶子調味很到位 辣得惹味也有鑊氣帶子肥美 但稍嫌份量有點太少 不夠喉呢🥺🐣荷香鮮沙薑陳皮生煎雞焗飯這是我最喜歡的一道菜 整個焗飯滲透着淡淡荷香陳皮煎雞很香口 油脂很豐富 也增添了焗飯的香氣🍐桂花雪梨燉蘆薈清甜解膩 桂花魚與雪梨味道很和諧粒粒蘆薈肉加添了一點口感喔

想食中菜的話，如果想簡間有水準有格調嘅就大力推介係銅鑼灣嘅顏府御膳。餐廳位置銅鑼灣，出地鐵站行五分鐘左右就到，唔會離旺區太遠，但又唔會超多人。而餐廳環境比起一般中餐廳走高檔嘅感覺，適合想食中菜，但係又想靜靜地有d feeling慢慢同朋友或者屋企人邊閑聊邊食野就岩曬。前菜：尖椒皮蛋一黎到賣相好靚好吸引，皮蛋上面堆滿尖椒，而食落皮蛋好靚，有少少流心。司傅切到每一件皮蛋岩岩好，細細件一口size，每一件都一啖皮蛋加滿滿嘅尖椒。味道上唔會太辣，但係有刺激感，作為今餐第一樣野食，好開胃。前菜：青瓜海蜇頭食完辣野，想食反樣清涼d嘅餸，加上今日天氣好熱，所以簡左涼拌嘅青瓜海蜇頭。除左青瓜同海蜇頭之外，底下仲有雲耳，配合埋酸酸甜甜嘅汁，三樣好夾，尤其係海蜇頭，索滿汁又清涼爽脆，非常好味。兩樣餸雖然係前菜，但份量好足夠，食到好滿足。湯：合桃黑豆雞腳煲西施骨靚湯好足料，好夠味，飲得出唔係加左味精，而係花左唔少時間心機用左好多料去煲。飲落唔會死咸，飲完唔會覺口喝，而家一鐘一鐘咁上，保留到湯嘅熱度，慢慢飲都唔會凍曬。主菜：鳳梨咕嚕肉伴炸雲吞黎到真係哇左一聲，因為賣相好靚。咕嚕肉外面炸得脆脆而入面充滿肉汁，而

今日係銅鑼灣收工，想食中菜，但又唔想食普通酒樓野食，於是就搵左呢間幾fancy既中餐廳。一入去個感覺已經覺得好高級，我鍾意啲紅色中國風吊燈。兩邊各有4張枱，中間有2張枱係俾侍應上菜做準備既。一坐低會問你飲咩茶，我都揀左香片，真係好香，飲落回甘。另外會俾正一碟仔XO醬同甜核桃做前菜。個XO醬好好味，我有用黎撈落飯到😂金沙脆豆腐 $98，呢個真係我最愛！外脆內嫩，簡簡單單但食到我停唔到口🤤尖椒皮蛋 $98，好夠麻辣，食到我咀仔紅曬，但一樣不停食🤣青紅蘿蔔螺頭煲雞腳湯 $98 一碗，好飲，唔會油，同埋飲落唔會有重味精既感覺。鐵板鮮沙薑陳皮生煎雞(半隻) $268，鐵板上，但影完相要極速夾落碟到，否則會燶。雞皮夠脆，雞肉夠嫩，係略嫌沙薑同陳皮味較淡。瑤柱蛋白炒飯 $188，個飯炒得比較濕，啲飯無一粒粒，但食落又幾好味wor.係呢個環境下食飯係真係舒服既，其實食中餐都可以係一個享受😉

放工搵吓附近有咩食，見到呢間評價都唔差，所以就去試吓，入到去成個感覺好高級，可能因為水晶燈嘅關係，紅色夠晒特別一坐低就問我地飲咩茶，同埋擺低餐前小食，係合桃啊，甜度啱啱好又脆卜卜，我哋嗌左香片，茶底好清香，而且飲完有回甘嘅感覺見好多人都有食呢個豆腐，所以我哋都叫咗呢個試吓，果然冇失望，外脆內軟加埋黑芝麻好有層次感呢個尖椒豆腐望個樣以為好普通，食落去有驚喜，先辣後麻，比平時食開嘅辣少少，朋友食到要飲水😂我鍾意呢個老火湯，青紅蘿蔔螺頭，好足料好夠味，而且飲完唔會口乾呢個雞我見都多人食，但對於我黎講，我覺得鹹咗少少🤏🏻整體味道係OK嘅最後炒飯做結尾，我哋梗係食唔晒啦🤣兩條友，朋友攞走返屋企。

想食一個舒適嘅中菜就會諗起顏府御膳，今晚又嚟幫襯。前菜選咗青瓜海蜇頭。海蜇頭沒有切碎，特別爽口。入面仲有我鍾意嘅雲耳。整體味道適中，唔會太濃但又達到開會嘅效果。另一道前菜係鮑汁鳳爪，有成8隻多啲人都夠食呀。每人點咗一碗湯，係合掌瓜馬蹄無花果煲豬腱。飲得出好足料，好夠味而唔係嚟自味精。主菜野菌燒汁和牛真係要落力推介。和牛煮到啱啱好，中間仲係紅色的。雜菌吸哂啲燒汁，食到停唔到。另一個菜係XO醬肉碎炒芥蘭。估唔到係用煲上，類似啫啫生菜煲咁。蝦乾都好好味。芥蘭仲只有莖部無芥蘭葉，誠意十足。豐富又滿足的一餐。

依間中菜廳位於銅鑼灣大廈裏頭，由門面望入餐廳夠哂氣派，而且燈光偏昏暗，加上中式擺設，幾有格調~ 唔怪得有唔少人推薦依到作為節日慶祝地點♥️ 餐廳主打傳統與創新結合嘅中菜，選擇種類幾多，見到lunch 四道菜套餐$200唔洗😋 今次晚市去就單點幾道菜試下-金沙脆豆腐 ($98) 又名金磚豆腐，將豆腐切成正方粒，再沾上炸粉同調味，以高溫油炸，最後再灑上調味粉同黑芝麻~ 入口外層薄而脆，內裏滑溜，口感一流🥰*川味手撕雞 ($148) 個醬要讚一讚，夠辣之餘仲會有豆豉嘅鹹香🌶 份量就僅夠二人share，過下口癮就算~*赤小豆煲鯪魚 ($98/每位) 當日嘅煲健老火湯🥣 粉葛赤小豆湯有清熱潤肺功效，見到幾足料，飲得出魚嘅鮮味，又唔會腥*鳳梨咕嚕肉拼炸雲吞 ($228) 作為平時都食到嘅惹味住家小炒，依到除左特別地拼埋雲吞外，依到嘅咕嚕肉用新鮮水果(菠蘿&士多啤梨) 一齊炒，所以個醬酸甜中帶陣陣果香🍓 食落外皮夠脆，炸粉唔會過厚外，肉質夠爽嫩，係有水準之作👏🏽*肉絲兩麵黃 ($198) 源自上海，將乾煎過嘅麵條淋上加入左肉絲，芽菜等配料嘅芡汁，令本身表層酥脆嘅麵條帶點濕潤嘅感統🤓 口感幾過癮

顏府御膳，位於銅鑼灣商業中心區，可以說是一間用心的新派中菜，格調優雅舒適，與一般的中式酒樓感覺不一樣，以精緻中菜為主打。前菜小食，青瓜海蜇頭，蒜味中略帶點酸味，開胃爽口。鮑汁鳳爪，非常入味，味道不會過濃過咸，鳳爪處理得宜。野菌燒汁和牛，和牛上菜時仍處於半熟，廚師技術高超，配上金菇豆角冬菇，絕對推介菜式。XO醬肉碎炒芥蘭，以沙鍋形式上菜，芥蘭只保留最嫩的莖，超級好食。是夜老火湯為合掌瓜湯，絕無咪精。