顏府御膳 (已結業)

The atmosphere was so nice. A big room inside the Restaurant that you could hold a party there. When we sat down, staff put XO sauce and Walnut on the table for appetizer. Xo sauceWalnutA little bit sweet but I quite like this! Stir-fried shredded potato in chilli and sour style $88This one was spicy and it belonged to tongue numbing spicyshredded Potatoes were refreshing!Marinated cucumber with jelly fish $108jelly fish was so al dentePork shank soup When I drank this, I felt it was made by my

想食有氣派有格調嘅中餐🤩？ 朋友對呢間喺銅鑼灣開平道嘅中式餐廳讚不絕口🥰🥰餐廳內紅色嘅吊燈，中式嘅擺設，古典優雅，充滿時尚感☺️ 環境仲好寧靜舒適～～青瓜海蜇頭 （$138）賣相好吸引，上層海蜇頭大件多肉又爽口，木耳及青瓜，吸收海蜇嘅鮮味，加上秘製辣汁，好惹味鮑汁雞腳 （$98）雞腳炆好嫩滑軟腍，而且有滿滿嘅鮑汁味。另一驚喜係下面好入味但仍脆口嘅花生🥜😋青紅蘿蔔🥕螺頭煲雞腳（$98/位）唔好以為普通老火湯，因為佢嘅味道十分香濃，感覺好滋補鳳梨🍍咕嚕肉伴炸雲吞（$228）超好食呀🥰必點菜式❗️先講傳統嘅錦滷雲吞，佢有別於一般炸雲吞，外皮唔係用普通雲吞皮，味道酥脆香口，加上濃郁嘅甜酸醬汁，層次豐富😚 咕嚕肉無骨😁半肥瘦，外脆內軟。砂鍋XO醬蝦乾肉碎芥蘭（$168）滋～滋～滋。熱辣辣出哂煙咁上枱，陣陣XO 醬香😍 芥蘭鮮嫩爽脆，上盛蝦乾🦐鮮甜有咬勁

呢間餐廳啱啱新開張嘅時候嚟過，已經大約係半年前嘅事，呢日喺銅鑼灣想搵個坐得舒服嘅地方食中菜，就諗翻起呢間粵菜館，咁就食過番尋味😆我哋叫咗幾樣嘢share😊-「蒜片牛柳粒」：蒜片炸到脆卜卜，牛柳切成細細粒 bite size，幾好牛味😋，成碟都好香口😋-「尖椒皮蛋」：辣辣哋非常開胃😋-「冬瓜清補涼荷葉煲唐排」：呢個湯熱辣辣好好飲，感覺滋潤😋-「鮮沙薑陳皮生煎雞」：生煎雞鐵板上，熱到出晒白煙，店員哥哥再將雞肉夾起放落碟中，咁我哋唔使比煙「攻」到👍-「瑤柱蛋白炒飯」：簡單味美，仲非常大碟😋

之前去過銅鑼灣Cubus食omakase，發現原來呢度嘅餐廳食肆都走中上路線，於是今日就同個老朋友嚟呢度搵間中菜食，順道幫佢慶祝生日，最後就選擇咗開業大概半年嘅「顏府御膳」。餐廳規模唔算大，座位只靠餐廳左右兩邊排列，而中間嘅圓枱就係俾侍應處理食物之用。裝修甚有氣派，樓底高，空間感十足，環境非常舒適。簡單如餐具嘅擺放都非常講究，果然係高級嘅中菜廳。點菜之前，侍應已端上兩個小碟，分別係自家製XO醬同餐前小食。自家製XO醬帶有辣味，而裏面除咗有大量元貝同蝦米之外，仲加入咗蝦籽，所以食起上嚟份外鮮味。而餐前小食係琥珀合桃，非常新鮮脆口。我同朋友都好鍾意食茄子，所以就揀咗鹽燒茄子，茄子每一條大小一致，切成長條型，再沾上薄薄嘅粉漿作鹽燒，每條都外脆內軟，作為餐前小食確係一流。最近愛上食辣，所以叫咗個川味手撕雞，辣度我就幾鍾意，雞絲非常嫩滑，完全冇鞋口嘅感覺，下面仲有啲青瓜絲托底，連埋一齊食減去不少油膩感。食中菜我就最鍾意飲中湯，飲個赤小豆粉葛煲鯪魚湯清熱下火、祛濕潤燥，飲得出完全冇味精，真材實料，好有媽媽的味道。鮮淮山炒和牛非常惹味，鮮淮山切成條狀，加入蒜芯、菇菌、椒絲等，再混入蠔油等醬汁快炒和牛

呢間樓上中菜館地方唔大，全場得10張枱以内，不過環境幾好，坐得幾舒服☺️睇餐牌發現啲嘢食又唔算好貴嘅😌.鮑汁鳳爪煮得好入味，醬汁味道香濃。鳳爪都幾肥厚，煮到好軟腍，真係冇牙阿婆都食到🤪忍唔住叫咗碗白飯送鮑汁鳳爪食😚.金沙脆豆腐外層薄而脆，入面就好滑😍豆腐係一口size，可以一啖一粒🤪.第一次試鳳梨咕嚕肉係拼炸雲吞🤣雲吞炸得好香脆，伴咕嚕肉嘅甜酸汁食，幾夾幾開胃😚咕嚕肉唔會炸到好硬，又係好啱送飯🥰.砂鍋XO醬蝦乾肉碎芥蘭嘅芥蘭原來係去哂啲葉，剩低嘅芥蘭梗都係嫩脆嘅部份😙用咗XO醬去炒，食落會辣辣哋，所以都係啱送飯😂🤣🤣果然食中菜就係要有飯😎好啱我呢啲飯桶吖🍚🍚.另外我幾鍾意佢哋呢到嘅餐前小食琥珀合桃，即係合桃外面包住一層糖漿。合桃香脆，食落甜甜哋🥰茶我哋叫咗菊花茶，好清香😚總括嚟講都幾啱同屋企人嚟食☺️

📍顏府御膳📍平時夜晚出街食飯好少食中菜今次揾到間食精緻中菜既餐廳喺開平道Cubus上面 裝修雅緻 坐得舒服 服務亦都好好每枱都有既合桃同XO醬合桃沾滿糖醬 香脆可口 XO醬係好足料!啖啖都食到好多瑤柱🌶🌶藤椒木耳黎個冷盤開下胃先，好香口既木耳，舖滿尖椒，食得辣既人就岩哂啦🌶酸辣土豆絲比起藤椒木耳會無咁辣，同埋帶少少麻，土豆絲好爽口，好開胃🍲冬瓜清補涼湯老火湯好滋補，飲得出係落重料去煲，味道濃郁🥘沙姜陳皮煎雞上枱既時候師傅會喺鐵板再炒多炒就上碟怕啲雞過老，同時炒一炒迫啲雞油出嚟更香口 如果，雞肉果然係好嫩滑，仲帶有陳皮味🍲大澳蝦醬唐生菜好惹味既煲仔菜，一上枱係熱辣辣有香口既蝦乾，配飯一流！

呢間中菜館雖然係銅鑼灣樓上舖，但裝修都幾講究，菜式賣相精緻，屬中高檔次，唔少客人都會順便開枝酒，適合同長輩慶生。 🍽青瓜海蜇頭 Marinated Cucumber with Jelly Fish ($138)海蜇頭比平時食嘅海蜇爽脆有咬口，青瓜同雲耳就用左些少麻油和醋調味，中和返海蜇頭嘅麻辣，係一道幾開胃嘅前菜。 🍽鹽燒茄子 Baked Eggplant ($78)本身以為似日式嗰種鹽燒茄子，原來係椒鹽豆腐粒嘅做法，外皮每邊都香口脆身，同一絲絲嘅茄子形成對比，香口惹味。 🍽保健老火湯 Daily Healthy Soup ($98/位)是日例湯係赤小豆粉葛煲鯪魚湯，集阿爸最鍾意嘅元素於一身，一飲就知非常足料，粉葛同赤小豆煲到溶晒，鮮甜下火，阿爸讚不絕口。 🍽野菌燒汁牛柳粒 Sauteed Diced Beef Fillet with Mixed Mushrooms($208)牛柳粒肉質唔錯，完全無筋又淋，配幾款野菌同豆角，營養均衡，簡簡單單配個燒汁已經好食，如果可以少啲油就更好。 🍽嫩雞煨麵 Stewed Noodles with Ring Chicken and Vegetable

朋友介紹呢間位於銅鑼灣嘅👉🏻 顏府御膳👈🏻 主打精緻中菜，講到好好食咁，今日就去試下👅.入到去見到餐廳闊落，樓底高，環境好舒服☺️ 講返野食先... “顏府嚐味午餐菜譜”(每位HK$180) 包括前菜、老火湯、主菜同甜品，都幾豐富㗎➰..前菜: “青瓜海蜇頭” 海蜇頭睇落晶瑩飽滿，入口亦都夠爽口，連伴碟的青瓜與雲耳也都腌過，酸酸甜甜好開胃‼️.“川味手撕雞” 鮮嫩雞肉手撕成絲條狀配上辣醬，有椒麻香同麻辣嘅味道，好惹味💯.顏府精選老火湯:是日老火湯係💁🏻‍♀️ “冬瓜清補涼荷葉煲唐排”可以清熱、潤燥、袪濕，好適合而家嘅天氣飲。而且味道清甜，完全冇味精，幾好㗎💕..主菜： “XO醬法邊豆炒帶子” 上台已經聞到好味，鮮甜帶子加上蔬菜，炒得好有獲氣，唔錯😆..“荷香鮮沙薑陳皮生煎雞焗飯”係即叫即整，新鮮熱辣上枱，荷葉吸收晒啲精華，雞肉嫩口又夠滑，正💛..甜品： “桂花雪梨燉蘆薈” 食落唔會好甜，超級滋補，個人幾鐘意呢〰️

放工去咗銅鑼灣搵舊同事食飯，佢對中菜情有獨鍾，於是捉埋我去「顏府御膳」食晚飯。佢話之前公司開年飯食過覺得唔錯，等我又試下先🥢。餐廳位於Cubus大廈，同幢有唔少日本菜高級食府，而顏府亦係行同一高檔次路線✨。餐廳環境瑰麗有氣派，當中有唔少廂房。店員服務態度非常好，專業有禮。佢哋會留意客人嘅進食速度，並安排好上菜嘅次序👍。餐前小食係核桃，另外更有一碟秘製XO醬，夠辣夠惹味。茶芥方面，每位收費$20🍵。鮑汁鳳爪($88)，我自己就好少嗌鳳爪食，但朋友話一定要嚟啜下喎🙈。鳳爪有好多隻，大大隻、好飽滿，最重要係炆得好入味。鮑汁鹹香味十足，但又唔會重口味，兼且溫度夠熱，特別好食。藤椒木耳($78)，木耳係比較大路嘅前菜款式，整體幾有水準兼開胃。木耳爽口，藤椒滲出麻香滋味🌶，辣度同麻度均令人易於接受，面頭仲落咗啲芝麻粒添。是日保健老火湯款式係赤小豆粉葛煲鯪魚湯，赤小豆湯係春季時令湯水，而家飲啱哂！湯品清澈無油無味精，藥材味唔強，鯪魚味唔腥，簡單啲講就係好飲🤤，質素甚至比起自家煲還要正。蟹肉桂花炒瑤柱($248)，金黃色嘅造型相當吸引💛，兼且非常大碟。菜名所寫嘅「桂花」實則係指炒蛋，叫桂花係因為炒蛋炒

對上一次同呢位老友聚舊已是1年多前，今次老友生日都係時候約出嚟，最後約咗銅鑼灣《顏府御膳》食晏。顔府唔算就腳，主要係方便老友返工附近，我哋上到去見到頗為格調嘅裝潢，氣氛清靜，最吸引係牆身畫，雖然唔清楚表達訊息，但有種高深莫測。呢度有午市套餐$180，包頭盤、主菜、湯、糖水，我同老友各叫一客，整體巧手精緻。頭盤：川味手撕雞/青瓜海蜇頭前者因為四川製法所以帶點辛辣，後者則海蜇頭爽口，為開餐添上胃口。老火湯湯料中有合桃、雞腳、紅蘿蔔，雖說老火湯但味道唔係煲好耐，反而冇咁俗幾順喉。主菜：xo醬法邊豆炒帶子豆炒得幾香口，帶子唔韌，加上xo醬令味道有層次。鮮淮山炒和牛醬油炒到成碟餸係豉油色，但又唔會好咸亦唔會搶走和牛味道，淮山有種黏黏口感，唔錯。桂花雪梨燉蘆薈飯後甜品係燉糖水，蘆薈本身冇乜味道，成個糖水主要由雪梨嘅清甜帶起，而桂花則帶出清香，食得出呢個糖水燉咗好耐，仲係熱辣辣。可能氣氛關係，呢餐飯食得心情很舒服，雖然老友得個幾鐘食飯時間，但仍暢所欲言，我哋仲無意間見到電影人係度用膳，原來係臥虎藏龍之地。

今日趁着星期日，梗係同屋企人過嚟搵間高質嘅中菜廳，舒舒服服咁樣享受我美好嘅週末啦，上網比我見到依間餐廳人氣好高出名嘢食好味、服務好，於是帶埋屋企人一齊過嚟試吓，估唔到真係有意外嘅驚喜💕🤩一嚟到裝修好靚，裝修好高貴莊重😍而且環境超級乾淨，服務態度仲要超級好！嘢食都勁高質，頭盤叫咗兩個，一個係胡麻茄子🍆茄子同埋芝麻醬嘅味道好夾，茄子超級脆口，健康又開胃😛另一個係川味手撕雞估唔到可以喺度食到正宗嘅川味，手撕雞肉質好滑，仲要搞追到秘製嘅川味張，開胃又過癮，不過真係有少少辣㗎😚仲有精選老火湯老火湯不得不讚，勁足料！裏面有馬蹄、好甜嘅蘿蔔鳳梨咕嚕肉配炸雲吞必食！咕嚕肉肉質鮮嫩，酸酸甜甜，加埋炸雲吞脆卜卜👍🏻鮮淮山炒和牛我牛都係肉質好滑，炒得好香，好有獲氣！仲送咗兩碗絲苗白飯甜品係桂花雪梨燉蘆薈最後甜品先正，甜甜地嘅桂花雪梨，超級清熱，仲要好健康，仲落咗勁多蘆薈，呢個價錢有咁高享受嘅服務，真係好抵😍

媽咪生日慶祝系列，媽咪生日鍾意食中餐，冇理由同佢飲茶咁頹，搵咗間靚靚中餐同佢慶祝Lunch Set $180位唔算好貴，出去食餐cafe 都差唔多，勝在環境清幽，枱與枱之間嘅間距好遠，私隱度夠高前盤有三款，叫咗海蜇頭同埋川味雞絲，海蜇頭超級爽脆，有少少麻油味川味幾時食得辣先好叫，真係超級辣個老火湯超級正，青紅蘿蔔馬蹄湯，清甜爽利，淨系飲個湯都值回票價鳳梨咕嚕肉伴炸雲吞份量精緻，咕嚕肉酸酸甜甜好開胃，唔會炸得太肥膩荷香砂薑陳皮生煎雞焗飯焗飯嘅特點在於用咗陳皮，所以有淡淡的果皮香砂礓味唔算太重，荷葉再加果皮香味襯托出雞嘅鮮味整體來講，餸菜嘅味道偏向天然，唔會有味精，適合老人家食

喺銅鑼灣收工可以食一餐精緻嘅中菜真係好幸福今晚朋友推介呢間顏府御膳 就一齊試下的確裝修唔會好似其他中菜餐館咁沉悶傳統亦都好舒服 , 餐廳準備的前菜合桃都幾好食仲準備好XO 醬可以配搭之後嘅餸菜食我哋先嗌左一個鮑汁鳳爪同埋雲耳做前菜鮑汁鳳爪唔會好鹹越食越好食而雲耳for 我同朋友就有少少辣做開胃菜啱啱好之後到到主菜 , 我哋嗌左雙色蝦球（蛋黃&清炒）同埋XO醬芥蘭😬😬個芥蘭一嚟到就聞到好香我同朋友平時都唔算食好多但係見呢度推介都忍唔住點知真係好好食如果蝦球好新鮮亦都好大隻食辣啖啖肉之後仲加左個老火湯補下😂番工實在太忙咁岩係清補涼去濕湯 , 好夠火喉之後就慢慢傾偈係一餐好開心嘅晚餐

今次同男朋友黎食中菜 環境唔算大 但裝修雅致 有氣派 比平時食中菜多左一分高貴既感覺🥰而且服務都好好 好似去左高級西餐廳咁一坐低店員就會問飲咩茶🫖同送上琥珀合桃同xo醬☺️🥢琥珀合桃沾滿糖漿好有光澤 金黃香脆💛🥢自家製XO醬超級香！！！好好食 係咁當小食食😂 食落有蝦籽味😍 就問下店員用左咩整 果然係有蝦籽,蝦米,瑤柱 而且師傅亦強調冇炒過 冇平時咁燶👍🏻🥢尖椒皮蛋 ($108)皮蛋上面佈滿尖椒碎 同埋落啲豆豉碎 香口惹味 尖椒同辣油都好多 中意食辣既朋友就啱晒啦😍🥢酸辣土豆絲 ($98)入面有好多花椒同辣椒🌶️食落夠晒麻同辣😍 對普通人黎講可能會偏辣😂 土豆絲炒得岩岩好 熟得黎爽口😋🥢冬瓜清補涼荷葉煲唐排 ($98/位)正宗老火湯好濃郁鮮甜 飲落口感濃厚 好似d材料煲到啲精華走晒出黎咁 夠晒滋補🥰🥢砂窩涼瓜豉蒜燜頭腩 ($268)頭腩好好食！好入味 外層微脆 入面juicy嫩滑 啖啖肉 啲骨又大大舊 懶人必食😂 涼瓜煮到一d都唔苦 食到最後帶少少回甘☺️🥢砂窩XO醬蝦乾肉碎芥蘭 ($168)芥蘭去左啲葉 淨係用菜梗黎炒 爽口鮮嫩 而且睇到每條都有削皮🙀 盡顯心思 唔會有渣👍🏻👍🏻 蝦乾厚肉

好欣賞呢度嘅餐廳裝修同佈置都好有心思，而且佈置好有格調，所以有種好高級嘅感覺。鮑汁鳳爪呢個鳳爪份量非常多，足足有10隻鳳爪咁多，而且好香濃！青瓜海蜇頭我哋好鍾意呢度開胃小菜，有青瓜雲耳同埋海蜇頭，海蜇頭嘅口感好好，而且個汁係帶點麻辣，佢味道非常開胃，青瓜同雲耳幾健康，又可以中和返嗰種辣未。菠蘿咕嚕肉半炸雲吞個咕嚕肉炸得唔錯，外層嘅皮夠脆，仲有少少脆口，而且佢嘅菠蘿食得出係非常之新鮮，仲好新穎咁加入左士多啤梨呢種食材。砂鍋XO醬蝦乾肉碎芥蘭熱辣辣炒得好香口，除咗蝦乾同埋芥蘭都好足料，足夠四個人食，而且芥蘭都好爽口同，蝦乾的味道亦都好入味。