顏府御膳 (已結業)

話說最近太忙，好少同屋企人食飯，出咗嚟啦一定要請媽媽食一餐好嘅！揀咗一間環境比較好嘅中餐廳！位於Cubus嘅顏府御膳！環境有點昏暗，座位好舒適，好適合聚會！服務質素都好好，員工好友善！一坐低員工就送上前菜，有琥珀合桃！好欣賞呢個琥珀合桃，炸得好鬆脆，唔會甜到漏，仲有粒粒芝麻，食落去好香！有唔同類型嘅菜式，因為今晚我哋都係普通食飯，所以都係想食一啲家庭菜式，最好係健康啲，啱媽媽食！金沙脆豆腐呢個係我自己想食，最鍾意食香口嘅野，一口豆腐，炸到外脆內軟，豆腐滑到不得了！鮑汁鳳爪媽媽大讚呢一個鳳爪，每隻鳳爪都好入味，好稔，都充滿鮑汁鮮味，下面仲有好多入味花生！合桃黑豆雞腳煲西施骨媽媽對湯有情意結，湯水滋潤有益，合桃黑豆都係好健康嘅食材，再加埋雞腳同西施骨，呢啖湯又清又甜！荷香蟲草花雲耳蒸雞蒸雞好似係好家常嘅菜式，但係呢一道菜，用咗荷葉墊底，再用籠仔蒸，每一件雞都好滑，吸收晒荷葉嘅香味，仲有養生嘅蟲草花，大人細路都啱晒！砂鍋XO醬蝦乾肉碎芥蘭店員一打開個蓋，XO醬香氣撲鼻，熱辣辣吱吱聲，味道好惹味！芥蘭唔硬，仲有蝦乾好香！

今日客人帶我嚟咗呢度食晚餐，呢度嘅環境都真係好適合見客或者一家人食飯。一開頭我哋就叫咗兩款前菜，鮑汁鳳爪同金沙脆豆腐。個鳳爪做得好淋身，亦都好入味，所以成疊都俾我哋清晒。至於個金沙脆豆腐，一上碟好香脆，做到外面係脆身，入邊係軟滑。至於個湯就就係青紅蘿蔔螺頭煲雞腳，完全都冇味精，夠味之餘，飲完又唔會頸渴。主菜就要左砂鍋九層塔炆雞，一上枱已經香氣十足，啲雞都好入味略嫌不足嘅就係啲雞可以再滑一啲會更加好，而家就比較乾身啲。另外再叫咗個菜，大澳蝦醬唐生菜膽，蝦醬味濃郁，啲唐生菜索晒啲汁，好入味。環境方面都坐得好舒服，所以都好適合聚會。

今晚又再次來到顏府，今晚同2個朋友嚟食，他們是第一次惠顧。小食琥珀合桃香脆可口，朋友吃頭個不停。前菜海哲頭青瓜同鹽燒茄子都好非常合他們心意。 以燉盅上菜的老火湯保持了熱度。湯頭濃郁又不會過咸。 湯料有雞腳，冬菇。砂鍋和味粉絲海中蝦好惹味，有6隻蝦，隻隻都好大隻。粉絲又好入味，仲有櫻花蝦一齊炒，食到停唔到。濃湯魚肚芥菜都唔錯，魚肚份量頗多，每人都可以食3-4 件。加咗胡椒嘅濃湯本身都可以當係一個湯咁品嚐。 蟲草花蒸雞有大量蟲草花，好有誠意。

同媽媽喺銅鑼灣行完街，行到好攰地，想搵間環境舒服人少少的地方吃過午飯，於是選擇這間帶點古色古香的中菜廳午市套餐包括老火湯，前菜，主菜和甜品，一定食得飽，還有這個小吃很惹味前菜點了麻醬茄子和麻辣手撕雞，起初以為自己點錯了麻將豆腐，原來採用了茄子中間部份，雪白的茄子加上麻醬，更加美味麻辣手撕雞，肉質嫩滑，麻香但辣味十足，很惹味粉葛老火湯，呷一啖，材料火候十足，清熱下火鮮淮山炒和牛，用了一點日式醬炒得入味，鮮淮山爽口，和牛入口肉質柔軟，口腔感受香濃牛脂，加入黃椒香菇，味道更豐富荷香鮮生薑陳皮生煎雞焗飯，雞肉醃得入味，食落嫩滑，白飯吸收荷葉的香味和淡淡的生薑陳皮味，更有層次感桂花雪梨燉蘆薈，一聽個名就知滋陰潤喉，打開蓋已聞到陣陣的桂花香味，果然一入口清潤，蘆薈粒粒易入口，養顏滋陰

平時比較少食中菜，今次經朋友介紹後，嚟到位於銅鑼灣嘅顏府御膳。顏府御膳係一間好精緻嘅中菜餐廳。餐廳嘅裝修高雅，吊燈有格調，座位都坐得好舒服。另外，茶壼、茶杯、碟等餐具都非常精美!前菜青瓜海蜇頭：海蜇頭好大片，肉質厚，好爽，口感一流。青瓜好新鮮、好爽脆，木耳好滑。廚師以四川風味嘅辣汁涼拌依三款食材，少少辣，好開胃。塩燒茄子：茄子份量好多，足足有12條。茄子外表炸得香脆，而內裏軟淋淋，口感好特別，味道帶少少鹹香。湯青紅蘿蔔螺頭煲雞腳：湯品味道好濃郁，充滿青紅蘿蔔嘅味道，飲完感覺好滋潤。湯品仲會配上煲湯嘅材料，非常豐富。主菜野菌燒汁牛柳粒：兩款主食份量都偏大。我同朋友決定食啲蔬菜，所以嗌咗依款主食。成個餸菜都好香，好有鑊氣。除咗有法邊豆，仲有菇菌同牛柳粒。牛柳粒四四方方，份量多，肉質軟淋，肉味濃。加上特製嘅燒汁，成個餸菜真係色香味俱全！薑米瑤柱蛋白炒飯：第二個主食我哋叫咗比較經典嘅蛋白炒飯。飯嘅面頭佈滿瑤柱，非常吸引。蛋白嘅份量亦都好多。飯粒炒到粒粒分明，又唔會太油。蔬菜脆脆地，為炒飯增添口感。另外亦會食到一啲薑粒，令炒飯嘅味道更有層次。

上次食過呢間顏府御膳既食物幾精緻整體感覺都覺得唔錯所以今晚又同朋友黎試下前菜叫左鮑汁鳳爪除左鳳爪仲有啲花生鳳爪炆得好淋，鮑汁好入味另外叫左鹽燒茄子用左椒鹽拎去燒粉漿好薄，食落一啲都唔會油膩食起上黎仲熱辣辣，好香口叫左老火湯，今次係鯪魚粉葛湯飲落好夠火喉，係家常老火湯嘅味道主菜叫左砂窩三蔥九層塔炆雞雞肉好滑，而且炆得好香口同埋每啖都有九層塔既香味仲叫左碟羊肚耳珍菌濃湯浸時蔬D娃娃菜吸晒啲濃湯，好夠味整體黎講，食物Keep到水準，可以一試

周圍覓食,私房菜就食得少。呢間都幾特別,店面高檔,餐牌睇黎都經常換。茶有幾款可選,我次次都叫鐵觀音、前菜有炒到好香既核桃,好脆口!鹽燒茄子係我從未食過既煮法,好香口,好開胃,令人一條接一條食。中意SPICY既人就唔可以錯過川味手撕雞,撕到一條一條,配自家製既醬,好有四川風味。湯係青紅蘿蔔螺頭雞腳湯,平時係家都成日飲,好有家既感覺!主菜係鐵板鮮沙薑陳皮煎雞,應該加左料酒,未上桌已聞到好濃既香味,一流!真係色香味俱全呀!最後個羊肚耳珍菌濃湯浸時蔬都好得!我地飲埋個湯汁添!今餐有肉亦好多蔬菜,真健康!

一睇張相就流哂口水，係銅鑼灣有間隱世超高質嘅中菜餐廳！係朋友介紹下就齊去食，價錢合理，但人山人海最好book定位去食，食物總類多不勝數，食材質素極高。顏府鹽水鴨呢隻鹽水鴨肉質鮮嫩，係咁熱天氣下涼涼地食超一流。蒜片牛柳粒蒜片爆到超香，而且係一片片比平時食開梗有口感，而牛柳粒落左小量黑椒，遠遠已經嗅到啲鮮味，肉質超淋好好味。合掌瓜馬碲無花果煲豬腱湯料比足你，而且唔係味精湯，保健清涼。慢煮牛肋排成條牛肋骨奉上，因為慢煮所以啲味入哂落啲牛入面，比頭先牛柳粒更好味，啲汁好特別出面食唔到，撈埋飯一齊食超有胃口。砂窩金不換白糊椒海中蝦海蝦有成隻手咁大隻，炸到香噴噴，而且落左小辣椒吊下味。天府酸菜桂花魚今餐重頭戲，由細到大我都唔鐘意食有骨嘅魚，但呢款桂花魚竟然唔多骨，而且啖啖肉，一鍋夠食飽2個人，肉質鮮嫩，酸菜濃度啱啱好，一路食個口一路麻，麻到個口無反應，超級過癮。

自己真係極少會去食中菜，不過今日team lunch老細請去食高檔野就緊係乜都食下😂 ✨胡麻茄子 - 佢係去左皮嘅茄子，口感幾特別，有d似食緊菇😂 配埋胡麻醬幾好食✨川味手撕雞 - d雞幾嫩，不過我個人食唔到辣，食左少少就交俾其他同事處理✨精選老火湯 - 個湯好多料，有雞腳同合桃，味道幾清甜✨荷香鮮沙薑陳皮生煎雞焗飯 - 呢個配搭好特別，個雞滑得泥又有d陳皮香咁，加埋個飯有荷葉香味，整體夠惹味✨鳳梨咕嚕肉配炸雲吞 - 咕嚕肉夠淋好入味，佢仲有別於一般酒樓，加左士多啤梨，成個果味幾出；雲吞夠脆幾香口，係幾精緻，不過份量略嫌少左d~✨桂花雪梨燉蘆薈 - 幾滋潤，甜而不膩，啱晒女士~

今日家庭日，專登帶佢黎銅鑼灣行街食好西，預好左時間行到甘上下之後同爸爸黎到Cubus既5樓。一入黎就有一種高貴既感覺，裝潢非常精緻😁。。前菜叫左騰椒木耳同鮑汁鳳爪。騰椒木耳有滿滿既騰椒，食落都幾辣下😆，不過又吾會話辣到頂吾順，愈食愈開胃🤤，另外配上爽口既木耳，味道上再中和下，好食👍🏻。而鮑汁鳳爪本來望落覺得同出面普通酒樓冇分別，🤔不過食落好有驚喜，鮑汁完完全全掛起鳳爪上面，吾會太淍亦都吾會太水，岩岩好🤩，而且鳳爪肉煮得好淋👍🏻。。另外，當然要有個湯暖暖胃🤣，我哋叫咗赤小豆粉葛煲鯪魚，個湯嘅粉葛味濃郁，而且飲落相對清甜，唔錯🙈。。跟住嚟到重頭戲，今日嘅主菜分別有砂窩和味粉絲海中蝦、慢煮牛肋排、泡椒田雞。砂窩和味粉絲海中蝦一嚟到就大大個砂鍋放喺眼前，未食就已經聞到好香嘅蝦味🤤，蝦煮得啱啱好，可以睇得出啲蝦彎曲唔會灣過龍😆，另外成個砂鍋嘅精華其實就係鍋底嘅粉絲，粉絲吸晒所有嘅調味同埋蝦嘅鮮味，好食到不得了🤩。而慢煮牛肋排亦都好有驚喜，用慢煮嘅方式去整牛肋排，牛嘅鮮味完全咁揮發出嚟☺️，而且肉質煮到好嫩好淋，簡直係入口即溶，有牛味之餘再加上佢本身嘅肉汁，極度推薦😋。至於泡椒田雞，其實平時都好少食

提早收工就係為左同準備移民既好朋友食晚飯我地揀左間環境舒適，格局亦情調既中菜食店落腳一坐低，店員已經迅速放下餐前小食同醬料呢碟XO醬好足料，非常惹味，辣勁都係十足添！！我地各自揀左一款小食同主菜，然後一齊share朋友揀左口感爽脆既 青瓜海哲頭，而我就要左香口既金沙脆豆腐外層脆薄內滑既炸豆腐，一口一粒，眨下眼就可以迅速KO主菜方面，朋友點左呢碟 野菌牛柳粒除左各款菇菌同牛粒外，仲有大量既青豆，整體既味道都配合得好好！因為最近都外出用膳，所以就嗌左呢份店員推介既蝦醬生菜膽以原個砂鍋呈上既生菜膽超有鑊氣，加上以蝦醬調味，所以整個菜式都好惹味我同好朋友都好滿意呢一餐，食物大致都好有水準，店內環境又舒適，好適合愛食中菜既朋友黎嘆返餐

今日同朋友帶左得出去食好西慶祝佢升職又加人工當然要好食d啦餐廳雖然位於銅鑼灣鬧市附近但係呢個地段絕對係高級而且非常之就腳喺利園2期行過去就係裝修非常之闊落而且可以枱之間有適當嘅間距最重要嘅係食物都有質素嘅保證青瓜海蜇頭天氣熱，來道涼菜吧！比起海蜇皮，我更喜歡海蜇頭。海蜇頭口感厚實亦脆口配埋青瓜口感更加清新。鹽燒茄子實屬驚喜之作本身我以為佢係椒鹽豆腐但係佢係孜道味道嘅茄子咬落吾會成口油，忍吾住一件又一件合桃黑豆煲西施骨我一向都好鐘意飲湯，每逢食中菜我都會點個湯依到既湯好足料，味道亦好濃郁。鮮淮山炒和牛淮山切到細細條咁樣，入口好粉嫩味道非常之濃郁唯牛肉偏向炒得比較乾身砂鍋XO醬肉碎炒芥蘭最初我哋仲喺度諗緊係咪叫咗蘆筍芥蘭完全入口冇渣，亦都非常之爽口配埋XO醬辣辣地真係非常惹味。賣相好靚之餘仲非常之好食

已經好久一段時間沒吃中菜，所以便約愛吃中菜的媽媽一同吃晚餐啦。顏府御膳是間高級粵菜館，師傅把傳統菜式加入創新意念，製作的菜式獲得客人們的一致好評。 當晚光臨，我們選擇兩款前菜、一款湯、一款主食和一款蔬菜，份量十足，食得好滿足。 金沙脆豆腐 $98 外脆內軟的金沙脆豆腐，炸漿非常的薄，入口即化，然後吃到滑嫩豆腐，品質很高! 尖椒皮蛋 $108 辣度十足的尖椒皮蛋，愛吃辣的朋友仔不能不試啦! 砂煲涼瓜豉蒜燜頭腩 $268 發出吱吱聲響的砂煲涼瓜豉蒜燜頭腩，惹味又好吃! 頭腩肉質結實，肉嫩飽滿，頭腩、涼瓜、紅椒等都被充份調味，配一碗飯更好。 XO醬干煸法國邊豆 $148炒得乾身不油膩的法國邊豆，爽口清脆，也不錯。

✿╮❤╭✿✿雜感女生   好味日記✿˚*•✰。顏府御膳．精緻中菜。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤ 在高級食府林立的銅鑼灣要企得穩，一定要有特色  就如顏府御膳格局極有中國風情調很好提供精緻中菜 無論是帶外國朋友又或是傳統長輩來吃飯都非常合適 前菜已經很是吸引！ 金沙脆豆腐香脆可口，外脆內嫩原不愛吃豆腐的朋友都一粒接一粒的吃！  麻辣手撕雞香辣惹味，令人流口水雞絲肉爽皮脆青瓜絲沾滿麻辣香汁令人回味  冬瓜清補涼荷葉煲湯排足料有火喉而且一啖飲落非常有味是有心煮的好湯  農家乳香黑豚肉南乳香十足肉滑爽彈最愛的是秋葵木耳入味好食   砂鍋XO醬蝦乾肉碎芥蘭滋滋作響，熱辣辣上台芥蘭去皮留心，爽甜有鑊氣蝦乾肉碎鹹香十足整體而言水準不錯 . 

之前同媽咪嚟撐過枱腳 覺得好正今次就一家人嚟食晚飯啦開左壺菊花 好清香一人一盅湯潤一潤先青紅蘿蔔螺頭煲雞腳好足料好清甜 飲落好有膠質釀焗鮮蟹蓋薄薄一層焗芝士嘅底下係一絲絲嘅蟹肉混合左少少薯蓉 食落好幼滑茶樹菇雙冬煀乳鴿如果鍾意菇菌嘅 推介叫呢個超多茶樹菇同冬菇 好香乳鴿又夠晒嫩滑 同比時食開嘅燒乳鴿完全唔同陳皮鮮沙薑生煎斑球啖啖肉 魚皮夠厚夠咬口陳皮蒸魚就食得多 原來同斑球一齊煎係咁香口蘇堤春曉東坡肉好好味 肥瘦適中 煮到入口即化食完都唔會好有罪疚感