霸嗎拉麵 (已搬遷) 新店位置

此拉麵店近期經常被報導終於一嚐中午時間不用等位店內座位算多裝潢和式點菜後需等待一段時間雖然 有特色雞肉叉燒還是吃豚肉覺得比較正宗點了 炙燒豚肉海苔味玉拉麵及辛辣炙燒豚肉拉麵再加 燒餃子拉麵湯底杰身頗濃點了軟身麵質 但與適中沒有分別有一塊豚肉 半帶脂肪 肉味濃 都可以玉子是流心的麵份量較適合女孩子餃子皮薄 都可以如果與日本池袋 「無敵家」比還有一段距離呢

放假一早陪媽咪去完辦正經事11點幾就餓了。。。登龍街好多間拉麵店，選擇左入呢間明明係寫住11點開門，但11:12都仲係準備中所以行一陣先過去去到我們係第一枱午餐有個優惠加12蚊有5隻餃子，加8蚊有飲品😎餃子都不錯👍🏻皮薄！兩個人點了兩個不同湯麵試下濃d就豬骨，清d就雞湯我呢個葱怪仲加10蚊有一大碗😂😂😂豬骨好濃好傑呀！掛哂湯咁而叉燒好肥好肥好肥，肥到個湯都好油。。。所以下次要小油雞湯好清都幾好唔太油，而且個雞叉燒好滑呀，不過我都係喜歡豬骨湯如果可以豬骨湯但雞叉燒就好喇😂😂另外不得不提個流心蛋👍🏻👍🏻👍🏻👍🏻好流心👍🏻👍🏻👍🏻👍🏻***不過我見佢間野係自己用order紙落單，但比水我地嘅侍應又無講中午加錢要餃子又唔知點寫，如果講清楚就更好喇(因為我隔離枱同我一樣咁問)

有時心癢癢想吃拉麵 , 如果沒有事前的考慮 , 那麼我直覺自會帶我到拉麵街 , 至於是甚麼原因讓我會選擇這一間日本廣島拉麵連鎖店「Bari - Uma 廣島霸嗎拉麵」的在港首家分店 , 只因為朋友認為這拉麵店的拉麵是未合乎她的口味 , 這更加讓我有選擇它的決心。 寬大的門面 , 左邊位置其實是製麵房 , 街上遊人是可以從玻璃往內看看製麵情況。 Bari - Uma 廣島霸嗎拉麵以「 最強濃厚豚骨 No . 1 湯底 」馳名日本 , 因此湯底會由日本總部煮好 , 再真空包裝直送至海外分店 , 保證客人能吃到原汁原味的濃厚豚骨湯底；至於麵條卻是每天從店內新鮮生產。 湯底有兩種可選 , 就是豚骨湯或雞白湯 , 可加辣或不辣因為她們的秘製辣椒醬也是皇牌之一。 午間有個小優惠 , 就是以超值價換購羽根餃子或唐揚雞塊 架上的調味料有餃子醬油、蒜粉與辣粉 , 隨自己喜歡為自己的口味調味。 一壺放在檯上自由斟 , 加進檸檬令客人們喝得更清新。 雞叉燒味玉雞白湯拉麵 $ 88 , 另加 $ 12 要了 唐揚雞塊 及 $ 8 的一罐汽水 先喝一口雞白湯 , 我的媽吖 ... 雞湯面是有雞油的香

同朋友去食，order兩個拉麵，一份羽根餃子，一份沙拉餃子，一份炸雞，汽水，綠茶，佢地竟然可以漏單一份餃子，汽水，綠茶，吹足3次先齊，全場得三十幾人都做唔掂，得個名

與男友下午經過登龍街叫呢間拉麵鋪裝修得地道 所以就被吸引而來入到去見到有唔同款的拉麵我自己叫左個炭燒豚肉拉麵麵軟硬度岩岩好湯底鮮味濃郁最愛都係炭燒豚肉！肥瘦度適中炭燒呢種做法反而令豚肉ge鮮味更出絕對推介我地亦都叫左辣汁炸雞個辣汁都真係幾辣我地2個食辣之人都嚇左一跳！炸雞唔多油炸粉唔厚！配埋佢個辣汁真係一流！但我覺得有d似韓式多d我地最後叫左個綠茶雪糕賣相唔錯雪糕有好香的綠茶味紅豆我嫌唔夠甜！同埋太乾身！不過都不過不失啦但下次就會唔叫甜品試其他我地2個都覺得呢間拉麵性價比好高！一定會再黎！

好味到要申請帳號寫食評😂佢個叉燒不得了，個厚度100分，脂肪比例正到加零一。可以話係香港拉麵中最好食既叉燒，有啲啲似扣肉，至於佢既王子食唔食都得，唔算話特別出色。個湯底都幾好，不過飲得太會渴死😂另外又唔洗等位，正

我個人黎講一向幾鍾意食日本拉麵，日本拉麵開到成行成市，但係有特色既就唔係咁多。呢度我叫左份雞肉叉燒拉麵追加玉子。日式叉燒食得多，呢度叉燒唔係一般既叉燒，雞肉叉燒真係第一次食啦，口感厚過普通既叉燒，而雞肉就啖啖肉，肉質較嫩滑但食得較健康因為唔會有肥高脂肪，相對食得健康。湯底係豬骨濃湯，拉麵由於選擇左中硬度，唔會淋呀，配上玉子留出既蛋槳，woo，蛋味加豬骨湯味，令我清晒拉麵底之餘，仲清埋成碗湯添呀。

係燈籠街～有幾間拉麵店，希望可以逐一試哂佢，今晚就由呢間開始～ 我叫左炙燒豚肉味王拉麵 友人叫左雞叉燒味王雞白湯拉麵 再叫左個唐揚炸雞小食～ 落單紙除左有中文，仲有英文架～ 有得食喇～炙燒豚肉拉麵，湯底好濃，同好"結"，個湯一飲就feel 到油油地（我地無圈到少油），個麵雖然圈左硬面，但我覺得岩岩好，唔係好覺得係硬麵～豚肉一咬落去，食到有燒過的味道，但豬的味道就唔係好出，個豚肉好食，肥同瘦既分怖好平均～即使係咬落去肥的部分，都唔會覺得好膩～但係個豚肉得一塊，唔係好夠喉，有多一塊就更好喇～😂雞叉燒味王雞白湯拉麵～一睇個湯底就知比豚肉果個的湯底淡d~比豚肉的無咁咸，同無咁油，而且仲好香~叫果陣仲好驚，驚個雞會唔會好鞋，但一咬，完全唔鞋，仲好滑，個雞岩岩好熟，仲好重雞味～👍🏽蛋係拉麵其中一個重點，個蛋好好食，佢本身應該係調左味，因為食落除左蛋味，仲有少少其他既味，但唔係好食得出係咩味😂😂🙈但我覺得可以再流心多少少～ 好普通的炸雞，一夾起，就見到個碟面有好多油，但個雞食落就唔算係好油，但就唔係好有味，而且都無雞味，外皮唔算係好脆～結果脆d咸d會更好

某日, 我和太座途經 登龍街 這一間拉麵店 .... 忽然有 mood 便入內幫襯 ~㸃單紙 ~ 發現有午間優惠 :惠顧任何拉麵 另加 $8 可選飲品, 另加 $12 可選 羽根餃子或炸雞 ~ 先來一罐冰凍的 Zero $8 ~炙燒豚肉味玉拉麵 $88湯底由豬骨秘製而成, 味道濃而不膩, 濃鮮卻不太鹹, 油份也不多 ~炙燒豚肉, 肉質肥瘦均勻, 味帶炙燒的焦香, 肉質軟腍鬆化, 入口即溶, 肉味濃郁, 非常好吃 ~ 溏心蛋, 原隻雞蛋上的, 蛋白質感富有彈性, 溏心的蛋黃漿味道非常濃郁 ~ 麵條微微彎曲, 偏粗,充滿麵粉香, 掛湯力強, 口感Q韌彈牙, 軟硬度適中 ~ 羽根餃子 $12羽根餃子, 餃子皮薄兼且有薄薄的脆邊, 菜肉餡料一咬即爆肉汁, 亦不算油膩 ~ 湯底好喝得, 飲盡仍覺未夠 ~本篇完 ~

自己一個食晚飯毒男晚餐，黎左呢間拉麵鋪一試睇落都好地道咁裝修唔錯叫左個炭燒豚肉味皇拉麵豚肉因炭曉，味道香口亦都好夠霖脂肪分佈得唔錯亦都好滑湯底無乜味精，食完唔會要飲水亦都好香好甜個湯仲係新鮮熱辣辣上枱麵質硬度可以自己選 我選左中間個個真係岩岩好 索到d湯得黎又唔會太霖個蛋都唔錯 個黃真係做得糖心蛋的感覺整體成個拉麵都好好味但因為一個人黎食，食唔到太多野下次同朋友／女友黎食再寫吓其他野食係點啦

這間拉麵店很細心，可以選擇麵的硬度：硬/適中/軟，少油，少葱等！ 特盛炙燒豚肉拉麵：先談湯底，較濃味的一個湯底，有著炙燒的惹味。至於拉麵，出奇的入味！通常麵會煮得好稔，先會夠入味，相反，如果要保持麵的硬度，那麼麵一定不會入味或甚至會有鹹水味，但這間拿攝得好非常好！麵沒有鹹水味！非常入味而且麵能保持硬身。內有五塊大大塊豚肉，入口即溶，而且脂肪分佈平均，不會偏肥或偏瘦！燒過的豚肉更顯惹味！ 建議細食的人不用點特盛不然會好滞雞叉燒味玉雞白湯拉麵：這個明顯比豚肉的較淡味，清淡。麵一樣是值得一讚！入味之餘能保持硬度內有雞叉燒两塊，燒過的雞肉，肉質嫩滑，很好味！推介！另外，雞蛋，初初夾時覺得很軟，原來它是溏心蛋！蛋是腌製過的。但蛋沒有很重的蛋味。廣揚炸雞：五件，同樣肉質嫩滑！即使是原味，已入味非常。如果配合其他調味料一起用又是另一種風味！於是嘗試加入一味辣粉，少少辣味都配雞肉的，但個人較喜歡原味！最後，當然要來個甜品啦！綠茶雪糕綠茶控必試！先不談味道，賣相已值一百分！用木桶盛著雪糕，雪糕有著紅豆相伴，而且面上還有綠茶粉，很有心思的一個甜品！雪糕跟一般的不同，是軟軟的，有點似手製的雪糕，可稍微拉到出

係FB見到呢間好似好正咁便走去試試，一行到登龍街差不多成條街都係日本拉麵店每間都有唔少粉絲，呢間都唔例外呢道介紹係厚切五層义燒食落就好滑但有陣豬肉腥味，溏心蛋就可以喇，麵口感彈牙但個湯底好鹹炸雞好味好嫰口又滑，沒有雪藏味

今日試左呢間黎自廣島的拉麵店, 等左大概10分鐘就入到去, 呢度同日本一樣都有提供冰水比客人, 先清一清味蕾再食。不過因為店子小, 位同位之間距離好近, 所以有點焗束既感覺。同埋好肚餓既關係, 時次點左特盛炙燒豚肉拉麵, 呢度既湯底十分濃郁, 濃厚既豬骨湯, 而呢個特盛拉麵比其他正常既拉麵多左一倍既豚肉, 但食到一半已經覺得超膩, 所以都係建議點返正常既份量。亦叫左一客羽根燒餃子, 佢係即叫即煎的, 所以食既時候亦要小心熱, 而餃子皮薄餡靚, 咬上去仲keep到肉汁, 唔會好乾。

整條登龍街有不同的食店今次食左呢間拉麵店 由於當天下雨，不需排隊也立即有位銅鑼灣係旅遊旺區店鋪貼心地製作了英文點菜單 肚餓妹同朋友一齊食飯我地叫左2碗拉麵開心share食 炙燒豚肉海苔味玉拉麵拉麵麵質有 軟麵 適中 硬麵 3種硬度選擇呢碗我地選擇硬麵麵條能夠做到要求硬度及有彈力有口感湯底濃郁，湯汁完全能夠掛在麵條上讓紫菜泡在湯中，使紫菜吸飽湯汁後食用超級好味豚肉很重分量，脂肪與瘦肉比例適中湯底較濃的關係，有點點搶了豚肉的風頭最有驚喜的就是滷蛋，除了做到溏心狀外，帶有一點點的酒香，味道類似醉蛋，食後回味萬分 雞叉燒辛辣雞白湯拉麵（選擇辣度：中）呢碗拉麵軟硬度我地選擇了適中同樣做到了要求硬度，個人較推介硬麵湯底辛辣有刺激感雞叉燒肉質軟腍，雞味濃郁配合新鮮青蔥一起食用，滋味無窮小食方面我地點選左辛口燒餃子及沙拉唐揚炸雞 辛口燒餃子愛食辛辣口味食物既朋友一定要試試呢個辛口餃子餃子上面既辛辣醬料比拉麵中辣更辣餡料有豐富既菜肉 溫馨提示：記得餃子盡快食用，凍左就無咁脆口 沙拉唐揚炸雞炸得乾身酥脆咬開亦覺得juicy及能夠保留肉汁配上沙拉醬 味道清新 能降低油膩感完

這天，我們來到位於銅鑼灣登龍街的廣島霸嗎拉麵 Bari-Uma吃一頓拉麵晚餐。餐廳座位寬敞，十分舒適。辣汁唐揚炸雞 $38炸雞非常脆口，配上辣汁辣粉為味蕾帶來非常刺激的感覺 ，適合嗜辣人士！照燒餃子 $38餃子咬落外脆內軟，照燒汁甜甜的，值得推介。特盛炙燒豚肉拉麵 $118特盛有四大塊豚肉，非常豐富，厚切豚肉加上炙燒口感十足，濃豬骨湯底十分出色，絕對值得推薦。辛辣炙燒豚肉味玉拉麵 (小辛) $93這店的麵可以選擇軟麵、適中或硬麵，還可選少油、少蔥或走蔥，十分貼心。流心蛋恰到好處有蛋汁流入麵中，整碗麵加上一塊豚肉也被辛辣味濃蓋著。最後，還有一粒雪米滋送，可以減輕辛辣感覺。