霸嗎拉麵 (已搬遷) 新店位置

自己較鐘意醬油底，bari香濃得黎又唔會太油膩，不過舊叉燒瘦個part就硬咗D，肥嘠就唔錯。隻蛋係流心嘠，而且好入味。再配番支靜岡蜜瓜汽水，透心涼，唔怕外邊熱辣辣。

講起銅鑼灣，一定會諗起一蘭拉麵啦！只不過，原來銅鑼灣都有好多拉麵鋪頭嫁！呢晚朋友介紹來呢間食拉麵有小小期待！甘我地就叫左個豚肉拉麵，賣相幾靚份量都算ok～只不過，食落去有d咸D湯咸得濟！好在拉麵既口感幾好跟住叫左唐揚炸雞，呢個幾好播！因為香得來又吾油口！正最後仲叫左杯燈汁，成$20一杯，好細杯

其實想試哩間拉麵好耐架啦，但一直無機會，哩日終於的起心肝去食。店鋪位於好多拉麵店既登龍街，門口掛左好多旗，唔難搵。我地星期六既十二點左右去到餐廳，唔需要排隊亦好多位置選擇，有興趣試既朋友星期六日可以考慮早少少就唔怕無位喇！我同男友覺得各叫一碗辣同唔辣既拉麵，我就辣，而男友就叫左原味特盛。外加炸雞同流心蛋一份（注意特盛係無蛋架！）。麵我地選擇左硬，其他無更改。大概等左十分鐘就上檯啦，外觀無得頂，舊叉燒好厚，燒得微焦.湯頭非常濃郁，我點既辣味雖然點左少辣，但條利都feel到好熱辣辣，我自己就覺得好正，但怕辣既朋友都係揀番原味啦。至於麵既口感非常有咬口，我鐘意佢夠硬身。另外叉燒亦非常出色，食到好香既焦香，叉燒非常軟身帶有脂肪，入口即化，仲要係厚切！真係無得頂！差D唔記得講炸雞，份日式炸雞我地點左燒汁口味，D雞大大舊炸得非常香口，D雞完全唔會老仲好嫩好juicy, D醬汁甜甜地非常好味。黎食拉麵既朋友，記得點炸雞！服務員態度良好，時時記得幫我地加水～座位亦十分闊落。絕對會再黎食！

同友人一早出左銅鑼灣有野做攪掂後又唔知食咩午餐諗起登龍街有好幾間日本拉麵鋪 呢條街有3間都食過 今次就試下呢間新既枱同枱之間好迫 張枱感覺好油淋淋叫左2碗炙燒豚肉味玉拉麵 等左15分鐘黎左一碗當第一碗就快食完 大約15分鐘左右第二碗先黎到 中段時間吹左佢一次員工態度仲要唔好 話一碗一碗煮 等下wo仲要碗拉麵唔好味湯底好油 咸度正常 有味精拉麵毫無彈性 豚肉五花肉 有炙燒過既味道 不過好鞋口溏心蛋個心又一半係唔溏心食埋呢間日本拉麵 感想係日本拉麵都係去返日本食算啦

晚上一個人來這裡吃晚飯。點了個雞湯雞叉燒拉麵及一客辣汁炸雞。拉麵味道一般，口味上還是喜愛隔鄰希慎廣場內某店的雞湯拉麵的湯。雞叉燒本身的味道還是可以的。蛋煮得過火。至於炸雞的敗筆就是在辣汁，辣汁只得一股蠻辣，不能提升食物的味道，再也不想吃多一口的炸雞。相信其他辣味菜式也是用同一款辣汁。味道估計應該麻麻，不會合小弟口味。鄰檯食客發現自己碗麵少了一隻蛋，向店員討回，店家才匆忙的補上。。。

行完動漫節，搵下有咩好拉麵食啦，搵到銅鑼灣有幾間都ok wor!咁就無所謂啦，搭下電車啦，捉下精靈啦！到左啦，條龍好長，但係由於我一個人關係，有個單丁位坐，坐低左就叫左個雞叉燒味玉雞白湯拉麵再加個替玉！到左啦，第一時間飲啖湯先，好香好濃，食埋ｄ蔥真係好正，ｄ蔥真係好香，為防止轉頭無晒湯黎加麵，我立即食下ｄ麵先，麵身我選了硬身，拉麵好彈牙，好好味，到雞叉燒啦，雞肉好嫩滑，有彈性，有雞味，我相信係焗出黎，燒出黎一定無咁嘅效果，到最後成碗食晒！好好運俾我遇到ｅ間餐廳，一定會再黎！

喺公司附近搵食，今日揀咗呢間。。。因為我2點幾先入座，所以店內冇咩人。。。點咗豚肉拉麵，正常麵質，走蔥。。。一如其他麵店，份量偏少(定係我太大食)，食完都唔飽。。。湯底偏咸，不過好味 麵質ok (本身對麵冇咩要求)蛋同豚肉都冇咩特別。。。一試無妨。。。

跟朋友參加完舊同學婚禮，連早餐午餐都未食，由我決定去食我喜愛的拉麵，此拉麵店也早已是我目標之一。6點幾到達後，看見店外竟然仍未有人龍，心想難道這間拉麵並無推薦中的好食，但難得期望已久仍想一試。店內裝修一貫日本居酒屋風格，很有日式風味，老闆也是日本人，所以間中會聽到純正日語，坐了一會兒，店外開始出現人龍，幸好我們早少少來到。我跟朋友同樣選擇了豚肉拉麵，炸雞可以share，等約15分鐘上枱。拉麵份量很足夠，完全夠一名男士飽肚，我們兩位女仕都飽到上頂。拉麵麵質是選用較幼身質地，但不會過熟同過焾，很有彈性，豚肉非常大塊，是經過火燒，表面一層焦香，所以會有少許乾身，但仍很香口，湯頭是很濃郁的豬骨湯，較為濃結同油身，喜歡濃厚湯底的此處最合心意，但我個人比較喜歡薄身一點不太油身較好。唐揚炸雞很脆身，連芝麻一齊食會更帶出香味更香口，肉質仍很嫩滑，不乾，但肉本身沒有調味，所以味道較平凡，不算出眾。最後埋單吾駛加一，這樣才是最開心的一餐。

Arrived there around 3pm on Sunday thus no queue. Soon be seated and ordered their signature Ramen with chashu and egg, requested hard noodles with less oil and scallion. The soup is in golden brown colour, oil ratio is as expected. Since I hate very soft noodles thus I prefer noodles a bit chewy texture, but this noodles is really hard in texture, next time should request medium. Soup is wonderfully delicious, rich is soy sauce flavour, only a bit salty, but I love the taste. The soft-boiled eg

放假黎到銅鑼灣登龍街食下拉麵，見呢間新鋪食評唔錯就入去試一試。門口幾有特色，坐係度影相都唔錯，因為有張長凳係門口。招牌炙燒叉燒味玉拉麵湯底應該係麵豉湯底唔錯，但塊叉燒就唔太適合我同女朋友，比較乾，而隻味玉就熟過頭加上係無味道。原本以為日本拉麵鋪既蛋都好有保證，所以叫多一粒蛋，呢粒係幾流心，但都係無味。而最後呢個雞叉燒就反而有驚喜，湯底唔會過咸，雞肉非常滑同大塊，唔錯值得推薦最後個好評其實係俾店員既服務（Paul)，主動幫手調卡位，態度誠懇有禮

今日去銅鑼灣行街，好想食拉麵，所以走去登籠街望一望，其實都有好幾間，所以冇目的地是但入一間，就走咗入嚟呢度！點了一個炙燒豚肉味玉拉麵，麵身可以選擇硬度，我本人點了硬身試試。湯底味道，濃道適中，片豚肉表面燒烤得好香！落咗少少黑椒，勁香！個半熟蛋係我至愛，好好味！好想飲哂d湯！

因為工作地點既關係，放工既晚餐都係銅鑼灣食多，拉麵係又快又飽肚之選，霸嗎拉麵暫時係我係銅鑼灣食過最好味既拉麵。湯底濃之如唔會太“傑”。黎^霸嗎^一定要佢地既燒叉燒....勁厚肥瘦剛剛好，超級好食。一個月入面我黎左5次...上次食既雞叉燒其實都唔錯，可惜我太鐘意食辣,所以次次都食呢款。仲有佢哋既炸餃子有3隻味，今次食原味，其餘2款味道都好有特色。座位都尚可，唔會太迫。食到最後仲有雪糕糯米糍送，可惜既係溶哂，如果唔溶就太好了。

雞肉叉燒夠特別真係好好味又滑又有雞味但係可惜湯底唔夠濃郁唔知可唔可以要雞肉叉燒又要豚骨湯底真係一再回味雖然拉麵普通硬度對我嚟講真係硬左少少但係浸耐左真係好好味再加野菜真係懶健康咁呵呵呵！勁辣真係夠辣今次真係過足癮真係會返嚟不過下次會叫豚肉湯底服務一流貼心雖然喺門口裝裝下俾人引誘左入嚟但係完全無悔我仲好感激佢其實乾嘅蒜頭真係潮咗不如唔好擺出嚟 俾人用生蒜好過 呢個係我唯一嘅投訴 

Bari-uma is one of my favourite ramen shops and I used to go to their Tung Lung Street branch in Causeway bay all the time. It is though my first time visiting their TST branch since its open. This branch to me looked a bit more spacious with more bar table. The feel to me is less congested with more privacy. The L shaped ramen shop is clean with a warm vibe, not to mention that the staff are super friendly and helpful! You may order from the sheet which you may create your own desired bowl of r

去左銅鑼灣辦完公事，一於去試下霸媽拉面 排隊20分鐘就入座都接受到啦特盛炙燒豚肉拉面 $118 炙燒豚肉味玉拉麵, 拉面的湯底好濃郁豬骨味，4大塊重量級豚肉上枱， 每塊五花肉都係厚切,每塊有明顯炙燒過的痕跡,燒至香口感覺， 油脂溶化開又香又撲鼻 豚骨湯的濃烈香味撲鼻而來。麵質是硬身幼麵, 拉麵好有彈性, 爽口不膩帶點咬口. 整體黎講都唔錯