霸嗎拉麵 (屯門市廣場1期)

营业中

休息中

霸嗎拉麵進駐屯門了今天同朋友睇完戲，在屯門市中心逛下逛下，見到有間拉麵店好多人排緊隊，原來原先拉麵店已經改名為霸嗎拉麵等左20 分鐘已經有位濃郁豬骨豚肉玉子拉麵拉麵喺店鋪自家製，可以㨂軟，梗，適中，可以満足不同顧客需求先呷一口湯，濃郁鮮甜，麵質㨂左適中，唔梗唔腍，啱啱好豚肉五分肥，五分瘦，肉質香，唔靭玉子蛋黃好香，重有蛋黃流出，蛋白滑溜沙拉唐揚炸雞炸雞好香，炸粉好薄又乾身，唔油膩，入面雞肉嫰滑多汁，如果多尐沙律醬，會更加好味

唔明點解會咁多人排隊1.先講個湯味道，講真無咩味道可言，因為個湯底根本無味。濃係濃但係無味。2.麵質本身就普普通通無咩特別。3.隻蛋可以講係普通烚雞蛋只不過係流心4.叉燒真係肥瘦叉燒，肥肉同瘦肉極爲分明。 瘦肉十分乾身，肥肉十分油膩。另外我點左炸雞同餃子炸雞唔講啦因爲無咩特別但餃子不得不提真係同7仔叮盒餃子食無分別。唔係難食，但係唔值！侍應態度一般，唔知佢地係咪經驗不足加上新開張太多人，佢地每一個動作都好似講緊比你聽佢地唔想做生意一樣！希望你地改善下個態度！我想講有錢入黎食野唔係大哂，但係客此終都係客，希望你地改善下，謝謝

我好鐘意食拉麵，見到佢寫「濃」，又見尖沙咀個間咁多正評就好想試下食，結果完全係失望。服務態度差：1. 我地坐卡位，筷子盒無曬筷子叫店員補返，佢用手拎左一大堆筷子過黎，「喂」我🙄，意思叫我幫佢補入筷子盒，雖然筷子盒係枱面最入面，佢要放入去的確有少少難，但可以講「唔該」「麻煩幫幫手」，同埋有無諗過我隻手係唔係一定乾淨。2. 埋單個陣，同一位店員問我地有無散紙，但系唔講幾錢，咁姐係想幾散呢，跟住講「無散紙就過對」。味道差：1. 湯底唔濃味2. 炸雞無味3. 糖心蛋無味環境不佳：咁岩無得坐入舖，要坐出面商場，越食越熱。等位等左45分鐘左右，我地兩個人食左兩碗拉麵、餃子同埋炸雞，夾埋260幾，雖然係飽，但係無一樣野係好食。👎🏽👎🏽👎🏽

整野效率極低, 坐左接近9個字先黎到 , 塊肉凍凍地都算 仲要7成肥肉 食唔落口! 麵質相比其他拉麵店差很多 , 叫少蔥仲多過多蔥 完全無分別  ! 完全唔值呢個價錢! 唔會再食 中大伏!

尖沙咀拉麵開到黎屯門， 仲要唔洗排隊，點可以唔一試。 問問店員原來開左唔夠兩星期🤣。新裝修唔覺有裝修味， 店內外都有座位， 十分充足。 店員先介紹拉麵款式，大致分兩類。 豚肉义燒拉麵， 同雞义燒拉麵， 麵底可自由選擇軟硬度。拉麵分量十足。炸雞及小食餐牌豚肉义燒豚骨湯拉麵， 香濃豚骨湯， 塊豚肉其實似厚切五花腩，足足成1cm 厚， 食落啖啖肉， 滿足。 溫泉蛋剛剛好， 切開即流。雞义燒拉麵， 湯底較清， 兩大塊手掌大既雞义燒。 除左拉麵， 仲俾呢個唐揚炸雞吸引住。 最終叫左沙拉呢款。我同老公都讚， 炸得金黃，但肉都juicy. 埋單都唔算貴， 最讚係無加一。

1) 等位等左40分鐘先有位，仲要係唔可以行開，因為你睇唔到幾時會輪到你，佢既等位分類真係稻香都做得好過你!!!2)終於等到位，可以坐低既時候，原來要搭檯，但佢無提過，無問過搭檯有無問題，呢個都算!3)落單既時候要寫紙，個侍應阿姐完全無提過落左單之後要等半粒鐘先有得食!4)到我地等左半個鐘有多先講要等半個鐘先有麵食，個侍應阿姐話：如果等唔到，可以同你cancel!(真係火都黎!!!)5)個侍應阿姐話：如果等唔到，可以同你cancel!<<<擺明倒米，而唔係講"我幫你追追!"6)食物方面，前身個間武骨仲好食呢間，武骨既服務價錢食物都比呢間好，呢間麵好硬又痴牙，蛋又唔切開，碗麵又細碗，男仔食實唔夠食，啲湯唔好飲，好似飲油咁!真係唔值88蚊碗7)屯門市中心都有好多間食拉麵，真係任何一間都好過呢間霸嗎，我未試過食個拉麵要食個半鐘!今次一定係最後一次!

中伏，超差拉麵........屯門市廣場又開左間新拉麵，睇個名都想行入去試下，點知仲伏...........................！！！Lunch時間去食拉麵，一心諗住幫襯間新開拉麵，點知食到一肚氣，叫左兩碗麵，等左好耐，聽到隔離枱追單，侍應同佢講仲要等多30分鐘，佢地就唔等走左！我就問佢地煮一碗麵要30分鐘，佢地冇比解釋，結果我等左40分鐘先黎碗麵！碗麵又唔好食，唔夠熱！煮麵同侍應欠決溝通，仲要嗌交！無人解決問題，唔係諗住啲客自己行入去煮呀？超失禮，唔會再幫襯！

之前有睇到屯市個Page話開左呢間野睇條片好有興趣啦雖然底下有不少人留言有話好難食但見到佢有兩間分店 加上分店咁多好評(雖然負評都好多)應該試得過啦等位＋等麵到，等左成50分鐘湯得個咸字豚肉瘦既部分超“鞋”，因為咬唔斷成舊瘦肉就咁擺入口，未食過咁難食既，求其去八戶都好過佢 個舊雞叉燒真係唔識欣賞，睇落食落完全就係水煮雞肉連個蛋都可以做得唔好食😂個綠茶汽水定唔知可樂，冇綠茶味，淨係奇怪汽水味兩張單特剔左要走乜要加乜，全部漏左做既😂價錢又貴，一啲都唔值得

知道開左間新鋪,所以就同朋友一齊去試下。晚上9點開始等,等到10點左右。入座後,就叫左辛辣炙燒豚肉味玉拉麵同辛口燒餃子、麵條同辣度我係選正常、小辣。當時眼看已經冷場,但出餐仍然需要等半小時以上。等左大約15分鍾餃子就到左。餃子本身脆脆地同埋有落辣油,配埋個餃子汁係幾好食。食完餃子後等多20分鍾麵終於到左。個麵真係好失望。首先連麵條都未煮好,一食落口就食到麵條係痴埋一舊已經好唔惦。粒蛋雖然係流心幾令,但係味道就怪怪地。然後塊豚角先係重點。依間拉麵店係我食過甘多間唯一一間可以令我dump左塊精髓既拉麵店。塊豚角第一口咬落去就覺得味道唔好食。然後佢塊肉基本上得5%係肉,其餘都係肥膏。咬左一啖已經唔想再咬第二啖。我同朋友都一樣食唔落口。理申:本人好食得肥都搞唔惦依塊野。總結:湯底係幾好飲。但係麵同肉都好差。真心唔推薦。霸嗎拉麵。唔會再去第二次

等拉麵等左半個鐘都未到，味道一般，湯濃但唔香，1位朋友叫軟麵走蔥，黎到又有蔥d麵同適中既麵1樣咁硬，最嬲既係等位等左45分鐘，叫飛個位姐姐好搞笑，4人枱入2台2人，留低3人，4人的唔叫，她既回答竟係個d等左成個鐘好耐，你們只等左26分鐘，到她叫4人既時候又話4人都等左個幾鐘，咁我就想知點解開始有4人台唔比人地等左成個鐘既4人入要比2台2人坐4人台，咁張飛駛乜分人數，直接比號碼就得啦，反正2人，3人，4人都係坐4人台人多我會建議你認真考慮下去唔去，唔會再黎食

冇諗過平生第一次打食評就竟然係劣評！我同朋友3個見屯門都新開左呢間拉麵諗住試下，但派位制度好差，等左好耐都未到，明明見有4人台但就遲遲唔俾入，由頭到尾到淨係識得叫2人台，本身其實都冇咩嬲，因為知人多都係要等，但到我朋友只係問下仲要幾耐，個員工就話呢到好多2人台都係等一個鐘以上，你地只係26分鐘！！咁意思係咪即係貴公司限定一個鐘先可以入場？26分鐘就永遠有台都唔俾入...同埋講緊我地係問佢3人台幾時有！！

我係夜晚去食既，但係真係太令我失望，一入去坐低畫紙仔，由交完紙仔到碗麵上枱，用左三十幾分鐘！！個麵睇樣係幾得，點知。。。辛辣個湯底得個咸字，雞湯底就淡，兩碗即食麵湯咁。豚肉就肥到爆。好好地一舊豚肉，點估到佢有3分2都係肥膏丫。想飲啖水？有呀，成枝係枱面，不過唔叫佢就唔俾杯你之麻。煎餃就過得去，炸雞一上枱就係暖既。老實講，拉麵我都食過唔少，差到咁佢都算第一間，呢個價位，大把拉麵店好味過佢多多聲。第一次食野嬲到要打食評，我寧願返屋企食杯麵都唔會再去

霸嗎拉麵也在屯門開業，對於我來說絕對是好消息。最近弟弟倒霉連連，繼電視，冷氣壞掉後，iPhone也被人偷去，就連來接我吃午餐也被人抄牌320元，值得同情，作為姐姐的我索性請他吃拉麵，補助一下他。🤣我說他可以選貴一點也沒關係，不過他選了較便宜的濃厚豬骨豚肉拉麵，而我則選吃辛辣炙燒豚肉味玉拉麵，他看見我的有玉子，他的沒有，臉上一臉失望🙈一早跟他說喜歡吃甚麼就點。弟弟說他的濃厚豬骨豚肉拉麵蠻味道濃厚，湯底重鹹，喝了一會有點膩味，他喜歡吃清爽口味，至於我則覺得味道剛好，可能因為我是重口味。辛辣炙燒豚肉味玉拉麵微微辣度挺刺激的，湯頭相對會不太鹹，不過豚骨味仍然濃郁，我全都喝光。🤣炙燒豚肉很肥美，油香十足，且很大片，非常厚實，平日不愛吃肥肉的我也一掃而空。味玉也煮得不錯，醬油完全滲透蛋中十分入味，蛋黃流心度高，弟弟羨慕不來我可以吃到。小食方面我三心二意很久，最後被燒汁唐揚炸雞吸引，那香脆的外層丁點油膩感也沒有，裡面雞肉嫩滑還保有肉汁，超級美味。就算灑上燒汁，炸雞外表沒有變得軟腍，依然酥脆滋味。最後當然要喝綠茶可樂吧，每次吃拉麵必喝，這才能滿足。

終於唔駛係尖沙咀同銅鑼灣排隊，霸嗎拉麵係屯門市廣場開咗分店喇。第一日已見好多人排隊，但慶幸這店的座位也頗多。今日選了"特盛炙燒豚肉拉麵"，4塊厚切的燒豚肉，非常香口，口感一流。超讚。