雲南風味 (已結業)

在旺角這個鬼地方, 想搵一間好坐少少(而平)的食肆, 可算是相當有難度。是日由太子行落油麻地都搵唔到一間, 迫住轉車返觀塘, 真麻煩。估唔到星期六晚的這裡就如旺角般旺場! 幸而老闆娘妥善安排, 得一對情侶讓出一邊卡位, 才能安頓下來。把上次吃不到的吃一遍, 喜歡的蒸臭豆腐也encore一客。上洗手間時見到拍黃瓜幾靚, 又要一份。這頓飯可謂相當豐富。男伴點的醬骨架是壓力煲貨色, 肉壓得腍腍的, 石謂難吃至極。要大家互相"禮讓"才能解決的一道菜。餃子是韮菜豬肉餡, 無不好吃的道理, 可是我認為, 餃子以羊肉餡的才最好吃。麻辣雞菜如其名, 是幾麻的。用上雞脾肉, 少骨多肉, 應該很多人會喜歡, 可惜對於不喜歡雞脾肉的本人而言, 就不對口胃了; 雞脾弄得入味, 惜韌了多少。米線的麻辣湯底有一層辣油浮面, 都幾油。這裡的麻辣弄得不錯, 麻辣兼重(而不帶酸味), 是本人喜歡的口味(不過都係油左少少)。米線質感唔錯, 有咬勁。不過都係覺得過橋米線的雞湯及充滿蔥芹的較好吃。拍黃瓜用上浙醋底, 加入蒜泥, 拍得夠碎, 酸得醒胃, 很好吃。上次的臭豆腐我覺得只在及格邊緣, 今次的連"臭"一字也沾不上邊。吃

何謂正宗? 其實在異地, 已不能弄得一手"正宗地道"菜式, 始終食材不盡相同。不過對我而言不甚重要, 好吃就可以, 懶理其地道不地道。因為對臭豆腐的偏好, 搵左好耐知道此店有清蒸臭豆腐, 終於立定決心遠征。此店雖小, 夜市都幾爆, turnover都幾高。因為趕時間, 一坐低便叫了清蒸及油炸臭豆腐。坐定定再加一碗過橋米線。油炸的先來。$10/5小粒, 有甜醬及腐乳伴吃。講真, 味道只係一般。細件的拿去炸, 臭豆腐獨特的香味與甘味都不復。驚喜的是伴吃的腐乳, 麻辣口味, 感覺唔錯。我認為, 清蒸臭豆腐味道遠比炸的好。這裡的把臭豆腐切到細細粒, 加肉燥及辣油伴蒸。個人認為臭豆腐不夠甘香, 太細件口感不夠好, 不過叫做望梅止渴, 好過無。過橋米線上來, 是一大碗盛著有魚片及肉片的清湯, 一碟有大量菜絲, 唐芹, 韮菜, 蔥段, 腐皮絲, 諗極都唔明點解度度都有的火腿片等等, 以及一小碟米線。將所有材料放落湯度, 撈下撈下就食得。湯又清又甜, 食落口啖啖香菜, 我最喜歡。個人認為這碗米線是上佳質素, 雖然只係你同我o係屋企都煮到的味道。總括而言, 這小店的水準不俗, 清清的, 少油, 我幾喜歡

昨晚又去觀戰，所以之前來醫肚。呢度唔難搵，但真係小店，裝修簡陋。我叫了酸筍雞米線，無晒餌絲喇。老老叫的是麻辣雞米線。兩個都好好味。豆漿是送的，淡，無味，叫一杯熱的，是室溫，莫講話熱，連暖也是完全不暖。服務態度真係一般。

前段時間麗江嘗過不小雲南菜式及麵食，是日經過觀塘，便順道一試這裡標榜的雲南麵食之餘，又可回味雲南之行。剛午飯時段，客人很多，雖然一個人，但在這小小的店舖都幾難擠得下，要等了一段時間才在門口旮旯位置佔到半張小檯；點了小份的微辣的燜肉餌絲及小份的抄手。雲南騰沖的餌絲是最有名，餌絲是由當地的大米蒸熟後壓扁而成，跟由大米做成的米線一樣的村料但只是製法不一樣，但前者則可方便遠行之用。當然騰沖是中國地理學及經濟學上的一個重要城市，但就不在此話。小份的燜肉餌絲份量不多，再加上六粒的小份的紅油抄手，不太大胃口的剛剛好！燜肉其實是炆五花腩，將腩肉切至丁方來炆製，淡淡的醬油味，沒什凸出，而餌絲比米線較為韌，但亦不見得吸引。紅油抄手比預期的不辣，而水餃內的豬肉鮮味不足，像吃紅油粉皮。以這兩這菜式來說，這裡的食物味道還是不行，始終這裡的食味多少需向港式口味靠一下，好像不太正宗；環境及座位窄窄但檯面地方都甚為乾淨；招呼不見得很窩心，店員及老板娘的笑臉總是欠奉。

Definitely not as good la. Really miss the previous Tomato Soup Noodle, used to be very rich and with natural sweet, now is much diluted and 'added sugar' sweet. It's always like that, very hard to keep the standard when the shop got famous...

星期五，老闆宣佈提早收工，令平日忙碌工作，喜歡加班又鼓勵下屬們以工作為重的我失了預算。這一天，沒有藉口要求同事們加班陪我，也令我在這天晚上需獨自渡過．．．５時過後，公司所有人都走了，佳人有約吧...我呢? 形單隻影，是平日兇巴巴的，嚇怕身邊的人？還是我要求太高，過於挑剔呢? 唉...　在公司附近到處逛，不經不覺已是８時多，我就在這小店吃飯。一個人吃東西不用很多，所以我只點了個雞絲米線跟紅油抄手，食物來得很快，也想不到的可口，原本只為充饑，不過吃的過程竟有種幸福的感覺，很是享受，或者是因為老闆娘的慇勤服務吧。很久沒有偷快地吃一頓飯了，或許平日埋首於工作，沒有好好欣賞身邊的人、事與物，就如這一所食店只在公司附近，也都忽略了。或者，有一天，我不會想勉強下屬陪我加班，我也有自己的約會，我也不用工作麻醉別人，麻醉自己。又或者，找一天跟同事們再到訪光顧"雲南風味”，聯絡一下感情也是好事，畢竟此店食物與服務俱佳，價錢亦廉宜合理。中秋節理應人月兩圓，不過．．．我．．．不會孤獨終老吧。中秋節，或許令人想多了．．．　

今日下晝去觀塘辦工事，順便揾食。自己一向好少好少嚟呢頭食嘢。之前做定功課，知道呢度有不少好評，於是嚟試吓...地方好隔涉(可能觀塘人唔係咁諗)，兜兜轉轉揾咗十幾二十分鐘先揾到。一行入去，係典型嘅小店，得六七張枱。一望menu，主要係食米線及小吃為主，天氣有D熱，就叫咗個小窩餌絲及蒜泥白肉。餌絲係一種雲南麵食。望落去有D似上海麵，食落就比普通上海麵煙靱，幾特別。配料簡簡單單，只有葱段、豬肉碎、鹹菜及豆芽，味道比想像中普通，辣度亦不夠，湯底亦唔夠濃，只可算係一碗普通水準嘅麵。唯一可取嘅係分量幾多，實夠飽...蒜泥白肉蒜泥唔夠，已經大打折扣，食嚟食去都係Olala肥仔周嘅最出色，不過價錢亦有雲泥之別...應該唔會特登再嚟...

我幫襯左呢家食肆七年了~ 食過唔少以雲南米線自居的菜管, 但呢一間係少數能夠比到我真正地道雲南感覺的, 尤其愛食蒜泥白肉, 羊乳餅, 乳扇, 四季豆等等. 好唔好食就見人見智, 因為味道比較"地道", 所以亦都試過有朋友話比我聽唔0岩口味, 我自己就好鐘意了.至於睇到有人話呢間野轉手之後, 食物質素差錯D, 我個人就咁睇: 始終師傅唔同左, 好難要求做到一模一樣, 其實新老細已經盡量沿用舊時的一套, 菜牌完全繼承了以前的菜色, 而且0係繼承之餘, 我睇得出佢有心求變, 例如我食開0既茄醬米線, 佢改變左舊有0既煮法, 加入左更多蕃茄, 比以前更加有蕃茄味, 亦更0岩香港人口味.另外有一樣野, 我最初係察覺唔到會咁大影響, 就係裝修. 我諗最近呢半年去0既人都發現呢間舖頭重新裝修過, 加左好多有雲南特色0既布置, 其實連冷氣, 假天花都重新裝過, 我本來都唔為意呢D野對食客影響咁大, 直至有一次我同我阿媽去食, 佢話: "裝修過, 幾好喎~ 以前up up dum dum, 依家唔同晒." 佢一提, 又真係架喎~ 以前無論食物幾好, 但間舖頭實在係殘殘舊舊, 仲記得有次我食食下, 個假天

09/08/2006因想食雲南野之下就收工同朋友一齊黎,因已大半年未黎過當企係門口一刻感覺到有d古怪,首先見門上貼上盡量放大o既飲食雜誌推介報導,入到去居然見店內已經過翻新另熟悉o既面孔都已經唔見晒加上唔見埋貼到滿墻都係o既菜單,心諗唔係玩到咁大丫......店內差唔多八成滿跟手坐低後就叫左......蒜泥白肉-- 薄薄肉片配上蒜香醬汁,但咬落肉身比較乾烤羊乳扇-- 食落脆口帶有少少羊酥味送酒一流紅油抄手-- 食落有麻有辣同帶酸醋香,唔似坊間一般只得個辣字,唔錯但湯汁似乎少d!炒牛肝菌-- 原先叫虎皮椒同炒因前者沽清改為淨炒牛肝菌但加辣,牛肝菌食落爽口但唔覺辣反而同炒o既蒜片更佳清炖羊肉(小) -- 等左好耐之下終於上檯,湯尚算清甜但比較油另盅內連皮o既羊肉食落唔夠鮮嫩同之前食差一,兩班!狀元過橋米線-- 除左湯底比較鮮外感覺普通,但居然冇送到豆漿比我地!加多支"風花雪月"埋單$177,雖然唔算貴但講真食物比之前的確差左,唔知係咪換左人o既關係食果刻好似同以前差好遠咁,進食其間見客人不斷進出店內經常有7,8成客人唔知係咪傳媒威力另一例證呢?希望新班子努力d啦!

星期五同埋老婆&媽咪專程試呢間雲南野，行行行終於行到，都幾唔就腳。一入去已經好多人食緊，咁唔就腳都咁多人，睇黎有d料到......望住個menu好多都想食，最後終於叫左:1. 蒜泥白肉- 好肥，好蒜，真係全部白肉，幾好食但係唔健康。2. 紅油抄手- 好好味，但都唔夠詠藜園好味3. 氣鍋雞(小)田七湯底- 好濃田七味，甘甘地，食到底好多田七粉。4. 小鍋米線- 非常一般，失望。5. 牛干巴- 媽咪鍾意，我覺得似牛肉干，老婆話似\"立\"肉6. 水煮魚- 一般，比expect差。不過，價錢真係好平，都可以一試。

今天路經觀塘,所以特別去了雲南風味,很懷念此店的食物,不得不去再次品嚐,新裝修後的雲南風味,店內格調和以前大有不同,店內的擺設增添了幾份身在雲南的感覺好在多得老闆娘女兒為我們推介,要不然那麼多款小食,都不知道點那樣才好了,服務態度實值得一讚,今次我和朋友兩人點了紅油抄手,雞絲米線,氣鍋雞(小),羊乳扇,蒜泥白肉紅油抄手-抄手是四川人對餛飩的稱呼,食得辣的朋友真的可以一試,湯汁辣而濃香,但又不失餛飩的鮮美雞絲米線-湯底清清地,分量大,一大碗足夠兩個人的分量氣鍋雞(田)-入口甘甘地,雞味十足,田七有活血定痛,止血散瘀的功效,的確是一款美味而又有藥用價值的湯水羊乳扇-入口有點兒蘇味,但當再食幾塊之後,就不由自主地把整碟羊乳扇吃掉,之前我到雲南都食過乳扇,外型與這款羊乳扇一樣,果然做法夠正宗蒜泥白肉-味道清香,令人再三回味可以食到那麼特別的雲南食物,結帳都係106蚊,真是很抵食, 我會繼續支持雲南風味的!

今次係2nd去次喇~ 上次去食係一個月前左右，今次再去水準無退步到，依然好好食，:-)上次食左排骨米線，真係好好味，原本今次去又想再食，但有朋友提議試其他野，所以就叫左炸醬米線,烤餌塊，麻辣雞，蒜泥白肉同紅油抄手,叫左咁多都驚食吾晒，不過. 我地吾覺吾覺就食晒，真係好好味呀，不過個肚就食到好飽，飽到吾捨得走~嘻~~順帶一提，d服務都吾差，落單同上菜都吾係等好耐，仲幾nice添:-)希望下次再去試埋其他野食啦，其實呢間既價錢吾算貴(今次仲有人請添，haha)，但野食真係吾錯架，值得一試!!

老闆Judy返左雲南嘍! 間鋪讓左比d鄉里...我最近食過都唔同哂.cheers!

同意之前個位所講，的確係差左，足足半年冇去過，昨日再去時發現裝修過。今次因為得二個人，只要了茄醬米線、紅油抄手、煎鍋貼同羊乳扇。先來了茄醬米線，基本上係保持水準，不過之後的紅油抄手就真係冇以前咁好食，紅油明顯係少左；至於羊乳扇，唔及之前整得咁脆口，有少許韌。整體上，食物唔係唔好食，不過真係冇左衝動想即時再去喇。價錢方面，好似略略加左少少，不過仍可接受。唔知係咪真係人怕出名豬怕肥，未夠7點已經滿晒，但係食物就冇咁正，希望佢地做好D啦。

唉!我成個月無返觀塘了,每天都想起我的最愛,小鍋米線,烤乳扇.今天休假,叫齊老爺,奶奶直奔觀塘.老闆娘見到我,真虧她還記得,不用出聲,就問是不是小鍋米線,烤乳扇.我說除了這兩味外,其他的要等老爺奶奶話事,因他們怕太辣,就叫了過橋米線,不辣牛肝菌和臭豆腐.見他們吃得津津有味時,我就問奶奶好不好吃,她只笑不說,原來在我去洗手間時,她同老爺說,真想試下我吃過的小鍋米線,但怕我說她大吃,不好意思講,我知道後,即刻叫多碗小鍋米線,不吃尤可,一吃就說非常好吃,還一邊吃一邊說,那麼好吃的小鍋米線,為什麼不早告訴她.唉!真沒辦法,老人家就是這樣,今天真是非常高興,不但重溫我的至愛,還收買了老爺奶奶的心.