雲南風味 (已結業)

觀塘近來多了幾間雲南米線店,幾乎每間我都吃過.但我還是覺得雲南風味比較正宗,原因係他們的原材料都是由雲南來的.比如牛肝菌,羊乳扇,臭豆腐,牛肝巴等等,都是地道雲南小食,吃起來很有地方小吃的感覺.由期是烤羊乳扇,是我的最愛.每次我都打孖才算數.

7月13日，20:00完成一週的工作，要找個地方鬆一鬆。特意再來這久違的小店。店內多了點少數民族裝飾，伙計全是生臉孔。先來支風花雪和烤羊乳扇；再要蒸臭豆。本想來杯桂花陳，但沒供應，小瓶紅河亦欠奉，最後多來支風花雪月。再追加脆炸牛乾巴。風花雪月：風采依然，別有風味。烤羊乳扇：膻味淡了，花椒鹽若有若無。蒸臭豆：上時竟臭不到那獨特異香，太乾身了，灑在上面的配料鹹香惹味。脆炸牛乾巴：賣相吸引，香脆、味濃，可惜不夠辣。祇好自己加辣油。離店前想買沱茶，再失望一次。個人感覺這店已退步-食味和款式。

這是一間好特別,好精緻既菜館。地方細細,但佈置得好有民族特色。一入到去,見唔到有任何空枱,但唔使擔心, 係有得加枱既。我地兩個人,但就見左成四個菜；頭盤: 拍青瓜(ok!)主菜: 山珍牛肝菌(第一次食, 味道較特別)羊腩鍋(好辣!)麻辣米線(好麻, 唔算非常辣!)除左拍青瓜之外,其他都算大份量,我地兩個都食唔晒。觀察所得：烤羊乳扇：一家四口食唔停，好似好好食咁, 下次一定要試。蒜泥白肉：份量非常非常少，至少一人要一份服務：ok啦，有家庭作業feel. Conclusion: 會再試其他菜

上次食左魚片酸辣米線加大,又幾好食,不果同人share個羊乳扇,好硬,唔太好味,佢地服務態度一般,同埋雖然好食,但食完都幾口渴

和朋友兩口子看了OPENRICE的食評便專程到訪! 一踏進店內有點怪怪的味道可能是羊奶之類好開始點菜蒜泥白肉: 沒有介紹錯!蒜泥惹味白肉切得薄薄的易入口不過份量較少烤羊乳扇: 好評如潮當然要試試結果...我們各吃了一塊便退回不夠脆奶味很重可能我們不好奶味吃不下非常失望紅油抄手: 點了六只我最喜歡這道! 不算太辣肉是較少但皮薄又滑湯底又好飲推薦.麻辣豬耳: 豬耳爽口麻比辣多水煮牛肉: 要求小辣牛肉蠻好吃又大碟生煎窩貼: 之前點了烤羊乳扇不敢再亂點所以要了窩貼普通水準但也不錯呀豆漿兩杯: 好淡好難飲. 大家飲茶好過環境有點特色內裡很靜冷氣亦夠服務很nice! 食得過!

相約S小姐在觀塘午膳,地點為小弟未去過,但很想去的"雲南風味".年前貴網在此的聚會,小弟仍未"復出".聽S小姐講,此店曾經裝修過,演變成今天的"大紅燈籠高高掛",如果有個貌如年青時代鞏俐的女侍應的,那就一絕.黃金時間過後,去到沒有餌絲,暗地裏失望,唯有要碗三鮮米線.再加些小吃如涼拌雜菌,蒸臭豆腐,尚有烤羊乳扇.三鮮米線正確一點是白肉米線,肉質幾爽.沒有任何麻辣/醬汁添加之下,喝得出湯底的清甜,如果米線變成餌絲,應該好得多.涼伴雜菌作為開胃菜,最好不過.蒸臭豆腐並不臭,我同S小姐也是同一反應,難道大家"臭味相投"?烤羊乳扇如薄片,略略烤過,入口騷香四溢,剛好有支冰凍的"風花雪月",深慶得人.其後獨自再來午飯,仍然沒有餌絲,主理人說早上不會做太多,恐怕賣剩而要棄掉.可惜.再一次屈就在米線之下,圖中的炆肉米線,即是肥豬肉切成粒,口感豐朕.味道有點麻辣.蒸臭豆腐並不臭,炸的又如何?可惜,也不臭,點上腐乳也枉然.難道現代人吃不到臭?再看餐牌上的過橋米線注解,湯底少油,死火.過橋米線的湯底最緊要是油,油少自然湯底熱力不夠,材料灼不夠熟,會有甚麼後果?盲目地吃得健康,隨時有反效果.

很少來觀塘, 要向警察問路才找到.店的裝潢很有特色, 那些燈好像燈籠.點了狀元過橋餌絲. 湯的味道比較淡, 材料本身也沒甚麼味道. 餌絲口感像幼身烏冬. 普普通通.再點了烤羊乳扇. 有些酸, 有些鹹, 有些甜. 味道怪怪挺有特色的, 不過說不上好吃.可能點錯菜, 其他會比較出色?附近是街市, 老闆見甚麼缺了就叫伙計去買, 好方便唷.

跟男友看完《蜘蛛俠3》立刻試著找尋這裡，來到這兒已晚上九點多，而她們的營業時間是早十晚十呢！所以我們一口氣叫了好幾味大家推介過的。夫婦肺片、羊乳扇、拍黃瓜、蒜泥白肉、乾扁四季豆等。我們都十分滿意，唯怕阻住人收工，所以盡量快手食完。但老闆娘非但沒有催促，還問我們"食得慣唔慣呀？"感覺十分親切，一定會再去呢！

其實早在open rice 已經找到這間很多哈哈笑的小店, 但我跟男朋友經常到內地搵食, 唔想再o係香港食差不多的東東, 所以遲遲都未黎試食過, 今晚唔知o係邊度食好, 就揀左呢度享受我地既dinner了。兩個人叫左以下野食:1)炸地根: 口感幾得意, 似曾相識, 如果送酒就真係幾好。2)烤羊乳扇: 都有羊乳味, 唔會太過重(可能要就返港人味道), 在內地都曾經食過類似既野(羊奶制食物), 食落令我想起在川西吃過的藏餐,都算唔錯!3)炖羊肉(小) : 即清湯炖羊肉, 一點都唔"蘇",湯飲哂, 羊肉都幾"林", 不錯!!4)狀元過橋餌絲: 很大碗, 逐樣野返落去, 湯的確唔係味精湯, 幾好食。5)山珍牛肝菌: 呢味菜好有內地小炒feel, 食落去d 味道好似.... 都算ok!~6)蒸臭豆腐: 一d 都唔臭.... 不過味道幾特別, 同o係大陸食果d差唔多。兩個人一共食左hk$171, 我覺得貴左dd, 因為佢d 小食既份量實在太小喇..... 一碗米線食得飽人既要23蚊, 但果個炸地根少得要命, 卻要賣20蚊....好似有點兒那個, 不過在香港確實難得試到咁地道既中國菜。雖然好食, 但

同姐夫補番生日請食飯, 黎左依間全觀塘最多哈哈的餐廳, 叫左ok多野食:烤羊乳扇(8): 羊就食唔出, 但係有d乳味, 要趁快食, 如果唔係就唔脆, 好特別蒜泥白肉(7): 好大陣蒜味, 有醋味, 更開胃麻辣豬耳(7): 一定要辣先好味紅油抄手(6): 少左d肉咁蒸臭豆腐(5): 食落去唔知想點咁炸饅頭(6): 普通貨仔干煸四季豆(8): 好香口, 可以話全晚之冠!!!氣鍋雞(小)(4): $30得幾舊雞,唔抵> <3碗米線(8): 炸醬同雞都好好食, 牛腩唔知, 米線好彈牙, 超正!!!全部4個人食左$267, 都算係咁拉!總結黎講, 都算係咁拉, 但係如果d餸可以大碟d而價錢又保持不變的話, 咁我會開心d!!

去完女朋友學校o既開放日，由上水搭巴士到觀塘試新野。係裕民坊附近找崇仁街，竟然係十字路口比女朋友窒到心靈受創，不過最終都搵到。一間小小的舊色舖，天花掛了數個寫上了怪獸符號的燈籠作裝飾，兩人坐下叫了推介的蒜泥白肉、羊乳扇，另自選了炸牛乾巴，炸地根和田七花茶2杯。蒜泥白肉不外如是，羊乳扇卻十分好味，薄薄的乳扇有濃濃的羊乳味，值得推介，一試難忘，但炸牛乾巴是一片片的牛肉片炸，似煙肉，卻比煙肉更鹹，真的送酒都過鹹，炸地根是一些植物的根炸到脆，樣似冬蟲草，味似花旗參，送酒一流，鬆化可口，一定會再叫；女朋友大胆叫了田七花茶，飲落甘甘地，入口好舒服，由於我地的口味越來越似的關係，為免爭食，添叫多1杯，正。會有下次，到時可以試下燉羊和餌絲。

來到觀塘，決定要試試這間小店。小店不算難找，我們七點左右就到達了。幸好來早一步，不久小小的店子就座無虛席了。點了蒜泥白肉、上湯水餃、過橋米線。蒜泥白肉是冷盤，白肉切得很薄，而且很有蒜香味，真的好味得停不了口!然後上的是過橋米線，清湯、米線和配料是分開上的，自己將米線和配料一一放入大湯碗中，比較特別。湯很夠熱，而且清清的並不油膩，男友大讚，還喝了很多湯呢!最後就到上湯水餃了，我們點了六隻，皮薄，餡料是韮菜和肉，味道都挺不錯的。隨米線有一杯豆漿，比較稀，一般啦。不過服務都挺貼心的，老闆娘也主動給茶我們，很細心。更令我覺得在這小店食得很溫馨。環境當然不能有什麼要求啦，但是店內的掛畫和燈籠，真的別具一格。還有很多小食沒試呢，一定會再來!

上次離港之前約左我個fd係到食lunch,之前已經想來食,但只記得係康零道附近,有次同另一個fd行左一大輪都搵唔到係邊,但之後有次行過物華街時終於比我發現到佢既位置,咁就同fd來間野真係無裝修,o的檯凳係好簡陋的,坐底叫左個米線,算唔錯,不過無啦啦比兩杯豆漿,唔熱唔凍,雖然唔洗錢,不過都唔好咁求奇啦.個日收銀搵女士唔知係唔係心情唔好,我地問佢野無乜點應,之後又係到同一個店員既後生仔(佢細佬?)嘈起上來,我又坐近收銀,搞到無啦啦要聽人嘈交....真係唔知點好

我今日lunch 要等到2:45分要可以走出去. 因工作近此店, 便想去試一下.叫了壯元米線, 夫妻肺片及鮮拍黃瓜我一個人食都食得晒(係我大食姐) 3樣野80幾, 真係好開心, 忘記晒d煩惱咁.

可惜gei唔係d野唔好食,而係本人生左3粒非滋,食唔到辣野.......不過都無阻同Gal黎到e間觀塘出名gei食店,之前都見到好多食評話又平又好食,梗要黎試一試啦!!星期六七點幾算係少人,只係得三枱客開始叫野食喇:首先係蒜泥白肉(個個都話好食,又真係幾好食wow,d蒜泥好得!!)羊肉米線(幾好食,騷騷咁,岩哂我,成日聽人講"d羊幾好食wow,又唔騷",我心諗食羊就梗係食騷ga la,唔騷同牛有咩分別?!??!?)雞絲米線(Gal話麻麻,我都覺,湯冇味的)水餃(唉.....原本想食紅油抄手,可惜...味道冇乜特別,但係本人幾鍾意食餃,所以覺得幾好食啦)蒸臭豆腐(我同Gal都覺得冇乜特別)羊乳餅(朋友講好騷,一定要試,但係食落都唔係好騷,失望)最後飲左杯田七花茶(好飲,我最鍾意d湯or茶有藥材味!)整體黎講幾好,服務唔錯,老板娘態度友善,會慢慢講解每樣食物,最後覺得真伙幾平wow,咁樣都係$130,值得推介!!紅油抄手,夫妻肺片等我ar!!!我好返再黎過!!!