雲南風味 (已結業)

夜晚有飯局，但未出發已知唔會有好事發生，還是吃些小食打抵，就來到這裡吃碗過橋米線。地痞小店，場上貼滿著手寫菜牌，自問對雲南菜所知不多，只聽混混說雲南人日常食物，是香港人所不能接受的，臊得叫人作嘔的羊奶餅，一碗米線，內類一半是油，當地人吃得津津樂道，來到香港，不要說羊奶，就是湯內多點油或味精，保證業主可以提早收樓再租。叫了「餌絲」，聽說是用雲南年糕切絲做的，見幾特別，就叫來一試，大堆頭的雞湯餌絲，湯夠滾熱，喝到淡淡的雞鮮，二話不說將生菜、木耳、冬菇絲、肉片．．．．．．等材料放入湯內，這一撈就是所謂的過橋，當然「過橋」這個美麗的傳說屬真屬假，不能深究，就如劉邦斬白蛇，名人名菜背後總有著一個美麗的故事，是漢人的特色，說不定老闆娘的蝦籽白粥，日後能成為一個傳奇？又說這個「餌絲」，只有口感而毫無味道，還是豐富的配料及鮮雞湯叫人吃個唔停口，當然餐牌上還有著大量特別菜式，是值得一試的。

早幾日中午來這裏食，見店鋪裏已沒有多少人，坐下後便問侍應小姐有什麼好介紹，她問我們食過未？說真的，又真係聽都未聽過，就即管叫來試試；聽說如果用虎皮椒炒會更加好食，能夠完全帶出虎掌菌的鮮味，但因我怕太辣，最後只是用了青椒炒，但味道已經很不錯了；菜一來到時，樣子就真係唔多討好，有點像濕了的茶葉，但食落口感極佳，有點像食很爽的肉的感覺，而且很鮮甜；聽說這是老闆從雲南直接空運來港的，所以其它食店是沒有得食的。因為它是天然，沒有人工製做的，所以它的營養價值很高，有空到這裏食的朋友，真係唔好錯過。

今日即興走去觀塘行街,本來諗住實係去apm食.臨出發前上網睇睇,見網友到呢間小店評價幾好,又抵食.就即管去試下...我兩個人去, 都係叫左推介o既過橋米線,蒜泥白肉同埋羊羽扇.同網友形容o既相當吻合,d野食又黎得快.係唔錯o既選擇!!

又係多得有人介紹，果日行左過黎試。蒜泥白肉:好薄，肉味唔太濃但亦幾好味，個汁應記一功烤羊乳扇:好得意亦好味，好似食Nachos咁，但有陣奶膻味，唔係每個人頂得到炸臭豆腐:的確有臭豆腐咁味，但太少太細粒了，收十蚊都覺得貴。虎皮椒炒虎掌瓜:雲南出名既唔係食蟲就係食菇菌。今次來到，老板娘話新鮮牛肝菌賣哂，介紹我地食依個。食落都幾好味，個菇味幾特別。涼拌麵:麵質又係唔錯，但個汁比較得意，個人覺得一般罷。因為d野食太細碟，唔夠食，所以加左個水煮魚大辣。出黎後果當然無四川版咁滿佈紅油辣椒啦，食落亦唔覺好辣，但個麻香又唔錯，証明d香料都幾得。總結，其實我地想食到d菇菌類餸菜，不過只食到一味，算不過不失啦。味道就OK既，但部分餸菜個份量真係少得可憐。老板娘都幾好傾，成日叫我俾下意見啦咁，攪到我好似真係成個蔡瀾食家咁。

可能因為都是吃得之人，我們三個人一共吃了八款菜式。1. 蒜泥白肉2. 過橋米線3. 烤羊乳扇4. 紅油抄手5. 清炖羊肉6. 水煮魚7. 醬骨架8. 牛乾巴先來的是蒜泥白肉，我是第一次吃，肉切得很薄，蒜的香味混在一起，有少許辣味道不錯。第二味是過橋米線，配料、米線和湯是分開上的，把配料和米線一起放到熱湯（不辣），湯很清但很有味，米線吸收了湯的鮮味，極好味，與麻辣米線在食味上截然不同。在吃米線其間，羊乳扇和紅油抄手已放到檯上，羊乳扇味道有點像芝士，但沒有芝士般濃和膩，烤來有點脆，百吃不厭，紅油抄手最好味是「紅油」，有少許麻辣，我當作湯飲了一碗，反而入面的餃比較細少，吃來不夠過癮。之後我們還補充了清炖羊肉（小）、醬骨架和老闆娘推介的水煮魚，因為之前在深圳受過教訓，對水煮好多少誡心，但老闆娘講可以小辣就試一試。小清炖羊肉不太大，一個小炖盅，但湯夠三個飲，羊肉則有五六件，湯極之鮮甜，加以芫茜更帶出鮮味。小辣水煮魚果然不太強勁，對於我毫無問題（正確是我認為不夠辣），魚是用了龍利柳片，沒有骨可以放心吃，正是這味菜我加了一個飯。至於醬骨架，肉很入味，不過如果味濃一點更好。最後，我們意猶未盡的加了牛乾

今晚去開牛頭角, 猶豫去蘭香園定雲南風味餐廳, 最後比男友決定, 他選擇去雲南風味餐廳.叫左唔竦既牛肝菌, 狀元過橋米線, 紅油抄手, 同氣鍋雞.牛肝菌-- 都幾好味,不過好多油. 狀元過橋米線-- 湯底好清，ok 啦. 米線同餸份量唔多. 豆漿(跟狀元過橋米線) -- 無乜黃豆味, 淡, 唔甜. 好彩係跟狀元過橋米線送. 紅油抄手(6只) -- 少少麻辣，o的油幾香. 餡料非常之少, 皮幾滑同大塊, 有點唔成比例.氣鍋雞(小) -- 本來叫左天麻湯底, 點知無. 改左杞子湯底. 湯好清, 唔太特別. 雞唔覺鮮味, 又唔滑. 最離譜係只有4 舊雞, 收$30 價錢. 同男友都屬細食的人, 但竟然食唔飽, 食物唔係太好食, 所以無再叫其他食物. 埋單$110 .如果係山長水遠專程去食, 會有"dun" 心口的感覺.

呢度的炆羊肉炆得好入味, 仲有入晒味的蘿蔔, 所以每次來都會叫羊肉飯($20)或羊肉米線($23),羊肉米線可以叫佢加多D羊肉汁, 好正ga.呢度過橋米線($35)係我另一至愛,D料又多,湯又清.料,湯,米線係分開上.我都好喜歡炸臭豆腐($10/5粒) 炸得香香脆脆,配上雲南腐乳及甜醬.牛肝菌都好好味,可能因為我鍾意食菌類la,但係油多左d.豆漿就無乜黃豆味,不過又唔怪得佢,依家d大陸黃豆係無乜豆味.佢的蒜泥白肉就唔多得,唔夠蒜香,我鍾意"譚仔記"的蒜泥白肉多D.

個地方都幾難搵,地鐵站都要行20分鐘,但都係值得!因為涼伴米線很好吃,很大碗,但都幾辣,可能我唔係好食得辣,$18好抵!但豆漿不是很好飲.....但米線真的很好吃一定要試!

3個人叫了：蒜泥白肉：蒜泥是生的，味道偏淡。狀元米線：好清，湯底唔錯。炸地根：脆，但食落有少少苦，最後食淨好多。羊乳扇：咸咸地，幾得意，ok。牛乾巴：好咸。紅油抄手：朋友覺得唔好食，我覺得ok，有少少麻，o的油幾香。氣鍋雞：湯好味。炸慢頭：正常味。共2百幾。可以話係一間街坊食店，只可以話唔係o甘岩我同朋友o既口味。本人住o係新界區，老實講如果山長水遠想去試o下，個人就真係覺得唔係甘值，亦唔會有第2次。

尋晚專程去試下雲南風味叫左蒜泥白肉- 個汁加埋D 蒜泥好好味水煎乳餅- 外表好似煎豆腐, 但食落去o既口感同芝士 差不多, 有D 乳香麻辣豬耳- 食到條利麻哂..好刺激排骨米線- 普通豆漿- 無糖,不過都幾好飲牆上貼左好多野食o既名都未聽過, 下次要再去試多幾款

同朋友兩個去食飯, 叫o左一碗過橋米線, 蒜泥白肉, 松花蛋, 紅油抄手同埋兩杯豆漿~過橋米線-個湯好鮮甜, 唔食辣o既人要試試~蒜泥白肉-切得勁薄, 好味道好香, 好快就食哂~松花蛋-無咩特別, 唔識欣賞~紅油抄手-最鐘意, 因為個湯底又酸又辣, 都飲o左好多, 抄手好滑, 又有肉汁~豆漿-雖然淡口, 但飲得出係自製, 哈哈~覺得服務幾好, 老闆娘都有介紹每樣小食o既分別~不過好唔好彩我係唔食羊既, 無試到羊o既菜色~唔識分咩係正宗o既雲南菜, 但覺得呢間食店可以一去再去~因為真係好味道, 又抵食~

前幾日,同屋企人行開觀塘,跟住醒起呢度有間好出名既雲南菜,而且好耐都無吃喇,所以就去左呢度而我呢個女朋友~仲係第一次去添我地一坐低.我發覺呢度既老板真係轉左人..初初仲念住.d味道可能同以前既有分別..點知吃落.都一樣咁好.而且d料仲比以前多添....今次叫左蒜泥白肉--d肉切到好薄.我念一定好考功夫.同埋d蒜頭一齊吃.好有蒜香味.仲叫左一個辣既生拍青瓜....過橋米線---真係唔同我地平時吃開既咁.因為佢將d材料分開晒.由自己將d材料擺落d湯到.d湯好清甜.真係一d味精都冇.唔吃辣既人.真係可以試下呢個.醬骨架---雖然唔係好多肉.但係d味好夠.好似我鐘意"su"骨既人.一定鐘意.4季豆...我地今次揀左唔辣既.因為女朋友唔吃得.但係無平時辣既咁野味.本人覺得都係辣既好味d汽鍋雞---比以前既多左幾款.如果唔係老板娘介紹.真係唔知.因為呢d新既菜式.係餐牌到無寫到.乳扇---本人都係第一次試.果種既味道真係好難形容...跟住呢度既老板娘仲介紹左我地吃剛剛新鮮運到既牛乾菌.d牛乾菌多就多油左d.但係比我以前吃開乾既鮮甜好多.三個人吃完..個個都話飽.女朋友仲話遲d再黎過添.

2006年01月01日，13:30借結婚紀念日，帶太座到這裡一試雲南特色小食。酸辣筍雞餌絲：一上檯，先湧來了酸獨特的香味，餌絲是用雲南年糕切成幼條，口感稍硬，湯底鮮而辣度適中。水煎羊乳餅：水準依舊，膻味不算濃，椒鹽比從前少。牛乾巴：依前輩經驗，涼了才吃，極香脆和質感。連我咀叼的太座，一時間，仍分不出是葷還是素。蒸臭豆腐：當蒸好後，小店內一時間異香撲鼻，據太座回報，我後邊的女食客掩著鼻，賣相有變，不公整。味道仍舊濃郁，肉醬不辣。烤羊乳扇：香脆，膻味超濃，未灑上椒鹽。手造饅頭：稍淡缺少了麵粉的清香。風花雪月：配方有點像青島啤。店員說：現已供應紅河和大理啤。豆漿：稍淡，豆香薄。今次各感到各小食都不辣，可能店員聽到太座吃餌絲時，不停說好辣，所以餘下的都減低辣度。這店的過橋米線，幾受歡迎，吃法算正宗，湯、配料和米線分開上，不像其他食店。可惜的是店員竟一次過，把配料和米線放入湯內，有食客笑說被店員拖了過橋。題外話：選了這雲南食店，原因是我倆當年蜜月地點是雲南的昆明和西雙版納。

openrice 黎呢度搞左幾次聚會一直都想黎試下有幾正琴晚同朋友仔睇完戲黎食飯叫左烤羊乳餅,炒牛肝菌,紅油抄手,涼拌米線,醬架骨,豆漿烤羊乳餅～好脆口既羊芝士,好重奶味,未試過羊奶試下無妨炒牛肝菌～叫左佢少油仍然都好油,牛肝菌味道帶少少苦,唔係個個可以接受到,唔太辣但真係有麻既感覺,結果最尾食剩左少少紅油抄手～皮好滑但唔算薄,餡料偏少,味道一般涼拌米線～呢味對我黎講係最好味,配料有蕃茄蛋豬肉碎,腐皮,花生碎,木耳,甜醬,雖然話涼拌但一d都唔凍,18蚊大大碗真係好抵食醬架骨～記得有人話呢味係招牌菜,而且朋友仔好懷念曾經o係大陸食過話正,又叫黎試下,肉係炆得好淋,但d骨較碎,唔同大陸o個d係大大件骨咁拎起食,個人覺得無乜特別,因為食完一晚都已經忘記左個味!豆漿～雖然話係自家磨製而且低糖,但一d豆味都無,都係貴記/山東好飲d

之前openrice在此搞過聚會, 但每每都因事而與食神無緣, 今晚同朋友在apm行街, 一於來這裏試試.兩個人點了雞絲鉺絲, 蒜泥白肉, 煎羊乳餅, 紅油炒手及拍黃瓜. 喜歡蒜泥白肉中蒜泥的辛辣及醬汁的微酸, 很醒胃. 羊乳餅少少臊, 對不太吃羊的朋友都可一試. 另紅油炒手我倆都好鍾意, 炒手細細料, 加上麻麻的紅油, 轉眼已被掃清. 另黃瓜很爽口, 加上一大埋辣椒蒜蓉, 令我食唔停口, 朋友講完一個電話後已被我消滅了一大半呢, 哈~~ 基本上點了幾款辣的, 於是點了一個唔辣的鉺絲緩和一下. 雞絲名符其實的係一絲絲, 已唔係粗身雞柳. 湯底好清底, 鉺絲食落無米線咁滑, 有少少鞋身, 但食落更煙靭, 口感更充實. 令我有點驚喜的是豆漿, 有豆香, 唔甜(同平時飲開的甜豆漿有好大分別), 可以解辣. 相信這裏的豆漿甜味是自家調教的, 因我聽到鄰檯的豆漿是加甜的.雖然份量唔係好大, 但價錢實惠, 倆個人食飽飽都只係一百大洋呢.