雲南風味 (已結業)

我都係吃左此餐廳幾年了,半年前轉左手,廚房的人尚在,但是星期六去到,見到裝修左,又見他們將蔡瀾的介紹放到鬼咁大貼在門外,已經有點擔心了.入到去,先望望廚房的人,已經唔同哂!只係食左3味, 已經覺得味道沒有以前,d碟細左好多,又貴左,很失望....我以後都唔會再去了...永別了....有無人知道以前的老闆及廚房班底去左邊呀?

隔左二個星期又口痕去食~同上次一樣帶多二個大食怪去食~成檯都係~每人食左一百蚊~(飲埋風花雪月)~真係好大食~試左冇食過既羊乳餅~感覺流d ~始終中意羊乳扇多d ~仲有老闆娘介紹既加辣炒四季豆~真係好香口喎~佢冇介紹錯~麻辣雞煲~非常麻非常辣~所以飲左很多風花雪月~仲有皺皮椒炒牛肝菌~夫妻肺片~炸醬米線(d 米線真係好滑)~臭豆腐...都好食~但都係未夠勇食果碟有5個辣既炒原隻皺皮椒~而至愛既蒜泥白肉今次叫左三碟~多蒜多芫茜~好食~好滿足~今次食完個身很有強烈既辛麻辣蒜味tim~

呢間我食左4.5年架....以往一直都保持水準好好味架!! ( 麻辣雞; 炒四季豆; 蒜泥白肉; 都係我最愛) 但;近幾個月轉左手啦...d野食就有d遲步; 保持唔到水準; 雖然未去到難食; 可是沒有了以前那種令我每星期去一次既衝動了~~ 如果此餐廳新老細有留意此留意板;請多多注意一下~不然以前d老客仔會慢慢地流失的!!

今日中午朋友邀約今晚一起食飯，即興? 無問題。由於朋友要辦一點私事才與我會合，大家只在電話中商議吃什麼。最後，她提議吃雲南菜，並說觀塘街市附近有間唔錯的雲南食店，雖然我住係觀塘區咁多年，真係唔清楚有呢間餐廳。朋友還擔心我找不著而致電追蹤我，哈哈!放心!觀塘區當然不會難到我啦! 按著朋友簡單指示，很快便找到。起初看見其貎不揚的門口，我還有點擔心，但一看餐牌名稱，估唔到呢度有咁多特色小食，擔心一掃而去，還要趕快試試吧! 與朋友研究一會，便點了以下菜式:-1) 羊乳餅-----朋友指明要點，起初夾起，一陣濃烈羶味撲鼻而來，但放入口又無羶味，仲幾好味添2) 醃黃瓜(辣味)-----都係朋友點，連不嗜黃瓜的我，也忍不住多吃幾口，拌勻吃的辣汁好味道呀3) 排骨米線-----本來想試餌絲，可惜已沽清，下次一定要早點來試呀! 排骨切得細細，頗入味，唔錯，米線味道也不錯4) 烤餌塊------因為無餌絲，所以點餌塊，其實係烤雲南年糕，味道獨特，值得一試雖然門面簡陋，不過，全店掛有充滿雲南風味的吊燈，簡單而美麗。離去時，老闆娘還對我們說「多謝!拜拜!」感覺很親切，一定會再來試試其他精采小食架!

尋晚出開觀塘做野,見網上大家偏向讚呢度好食.所以特意叫老婆o係旺角過唻試下.平心講,店子質素交足功課, 唔會難食, 但亦唔覺好好食...食左羊乳扇--係幾特別,真係未試過,味道ok氣鍋雞(小)--三十蚊得四舊,唔抵狀元過橋米線--冇咩驚喜麻辣雞米線--都幾辣,唔食得辣者記得叫小辣. 味道可以蒜泥白肉--唔新鮮,好一般o既一般...失望虎皮椒炒牛干箘--幾好食,不過賣相一般另外,d真係幾細碟...總括唻講, 如果住o係附近過唻食, 係一個不錯o既選擇.但係如果特意過唻的話, 會失望的

星期二我與太太專呈去蔡蘭介紹那間云南風味餐廳,很難找,問了幾次人才找到.到後一看,全場滿坐,等了十分鍾才有位,座下後,沒看菜牌,就按蔡蘭推介的那幾樣菜,先來個炸臭豆腐,再來烤乳扇,牛干巴,麻辣雞米線,清純羊肉,最後還叫了水煎羊餅,吃後覺得不錯,很地道.我太太是云南人,她都覺得好像回到昆明一樣,就連我這半個云南人都覺得好好味,難怪蔡蘭也大讚他們做得很地道.相信不久,我們會再來,因為還有很多小食未試!

成日睇openrice d 食友既食評去搵食~終於而家先自己開返個acc 寫咋~第一個寫既就係呢間周不時都會掛住想去食既雲南風味~裝修後第一次返去食~地方仍然都係迫迫~要搭晒檯咁~油左暖色紅色牆加左很多雲南風味既吊飾同燈籠~睇落去點都柔和舒服過之前簡陋得緊要既舊裝~食野配埋好dd 既環境~心情都好d 架~三個大食怪食左三百幾蚊野呀~真係食左好多野喎~麻辣雞米線~次次都叫因為中意佢既麻辣~有淨麻辣雞架~但太辣有d 米線伴住食好d豆漿(米線餐送既)~仍然都係咁稀淡冇咩豆味~所以見隔離檯寧願轉茶飲蒜泥白肉(冷盤)~叫左二碟因為係呢度既至愛~好薄身爽口既肉同埋好中意佢既生蒜泥同落左少少醋~很開胃~出面果d 蒜泥白肉係熱盤黎同埋很厚身~多辣油同冇咁好食開胃既~ 夫妻肺片~麻辣既碎豬什內臟~中意佢既麻辣但今次咸左dd紅油抄手~d 皮真係好滑但唔知點解今次咁少肉餡既~朋友仔食左粒係近乎冇肉既得d皮~可能d 肉跌左出黎掛?!臭豆腐~叫左二碟~因第一碟應該放左裡面好耐先出黎~林晒~咁就叫多碟叫佢炸耐d ~好好多~今次食冇之前食咁臭既?羊乳扇~係睇呢度d 食友介紹~真係冇介紹錯~好中意佢既芝士奶味既薄脆脆

剛剛向附近佩眼鏡,又有少少肚餓,就試下呢間雲南風味.其實之前睇過佢d食評都勁多笑面,當然要一試!下午茶時間3:15, 2人叫了一些小食:蒜泥白肉:$18 細細碟,d肉切得好薄,加上大量蒜蓉,味道都幾好食,佢地好似仲加左少少醋落去,更加開胃.烤羊乳扇:$20 好似d好薄o既芝士片,卜卜脆,味道都幾得意,不過要快d食,因為後來食個幾塊有開始d"un un地".紅油水餃:$20 成碗都好似辣椒油咁,不過食落口又唔係好辣咋喎,d水餃皮好滑,入面d餡都好新鮮,大大隻,不錯!炸臭豆腐:$10/5粒細細粒,真係有少少似街邊d臭豆腐味喎,點埋d甜醬和?醬,仲好食,不過d豆腐係空心,得個殼.

6:00pm 兩個人, 又應承左阿媽返家吃飯. 叫小小食算啦小鍋米線$23以我"辣椒粉絲"口味來講, 辣度剛剛好, 酸味跟辣味好配合, 有牙菜;肉碎:酸菜等等材料. 不過我Honey就頂唔順, 話辣到搶口,又話荃灣有間無甘辣, 好食D, 下次帶我去試食云云, 我心想, 死就死啦, 唔食得辣, 多多藉口. 不過我下次有機會都會跟她去荃灣會一會那間食台羊乳扇$18好味, 羊膻味就無啦, 好似食炸芝士片, 但係不油膩板lor.豆槳...普通有好多野未試, 如氣鍋雞同xx豆腐湯. 下次再來.但有果現象好奇怪, 呢間食店甘出名, 但佢隔離個間川菜旺過佢好多..????

唔好睇佢外表殘舊,裡面都算寬敞舒適;食物幾正宗,我揀D 食送多數唔辣,不過清清地幾好味!不過份量少,男仔可能要食兩碗先夠飽。

睇到食評咁多人話好, 所以今晚同朋友黎試下, 呢道都幾偏僻, 朋友見門口燈光咁暗, 話似黑店想唔試, 但經我遊說下終於入左黎~蒜泥白肉- 原來係冷盤, 薄薄既豬肉少少肥, 配上生蒜有少少辣, 好味過橋米線(送豆漿) - 上左台阿姐先將配料同米線放入熱湯內, 湯底好清但唔夠熱, 加上配料唔多豐富好多蔥, 一般啦炸豬排- 味道普通, 好淋炸得唔夠脆烤羊乳扇- 羊芝士好似薄脆咁, 好有奶膻味酸酸地, 我唔係鐘意呢陣味豆漿- 太淡啦, 好似飲水咁阿姐服務態度超好呀, 如果未黎過, 不妨一試丫

由於見到其他人既讚賞,於是阿J相約阿姨&姨丈試新野,大概已經1個月之前既事喇......蒜泥白肉-好香蒜茸味,不錯羊乳扇-好似食緊一塊塊既芝士,幾得意炸臭豆腐-上菜時好臭,食個陣又覺得幾好食,1碟得5粒仔,真係細細粒,容易食牛乾巴-似食Bacon,咸咸地,好似佐酒小食紅油抄手-真係好辣,食到個口麻晒,愛辣人士之選過橋米線-湯底好清,料亦很足,米線亦好食,不錯氣鍋雞(小)-湯甘甘地幾好飲,很清淡,但份量較少呢間野有其他食物個名都好特別,聽都未聽過,等佢地裝修過後再試新野先......

對上一次來, 是OR第一次在這裡搞飯局, 之後試過星期一摸門釘, 今次是第2次. 心裡一早已計畫好一定要食我成日掛在口邊的羊乳餅和蒜泥白肉. 去之前上來看一看食評, 見大部份食友都讚羊乳扇, 反正未吃過, 便改變主意捨餅改扇.以為蒜泥白肉一定冇叫錯, 雖然蒜泥和汁都係好香, 但今次肉質幾乾, 有點失望. 羊乳扇並不特別香羊乳味, 唔知點解有丁點甜味, 同埋不是完全脆, 有些部分有點韌. 還是想吃羊乳餅多些. 朋友愛吃生拍黃瓜, 便叫了一個辣的. 他們應該是先放汁再放黃瓜, 所以黃瓜不夠入味, 因為太滿, 我們最初要邊吃邊拌, 過了一會再吃其餘滲入了辣味的爽黃瓜, 是好味的後半碟. 雲南臭豆腐, 應該是這裡比較貴的食物. 說貴其實只是$10, 不過只有5小粒(朋友最初以為是豆腐卜), 所以比起其他已算貴, 原來臭豆腐是由雲南空運過來的, 難怪. 我本來是不吃臭豆腐的, 但為應承了會吃,朋友才會點的, 所以也吃了兩粒. 上台時真係幾臭的, 第一粒只點了甜醬, 仍是臭, 第二粒加埋腐乳又不臭了, 真係比足面!最後點了個小鍋米線與朋友共吃, 味道不錯.埋單時店員提醒他們會於4月13日開始裝修1

和女友二人試試，真的不錯！過橋米線夠正宗，絕無味精羊乳扇arm晒鍾意cheese味同蘇味既人食左好多個送，超飽.會再去!

早前朋友聽我們說起這食店幾好味，便想來一試；所以上星期日，便約了他們來。因為他們都幾食得辣，所以又再挑戰自已，和他們一起食辣。我們叫了水煮魚(中辣)，虎皮椒炒虎掌菌、蒸臭豆腐、水煎羊乳餅、生拍黃瓜(唔辣)、清炖羊肉(大)、蒜泥白肉、酸筍雞煲(大辣)、雞絲米線和生煎鍋貼。水煮魚(中辣) - 好奇怪，魚用龍俐魚，肉質唔夠爽口，感覺就差了點，如能用上桂花魚就更好了。虎皮椒炒虎掌菌- 虎掌菌用了虎皮椒炒，又真係特別香口；但虎皮椒的子就比較辣，真係食到一頭汗。蒸臭豆腐- 完全唔敢食，呼吸都要細吙，真係好臭。>.<水煎羊乳餅- 帶有陣陣羊奶味，口感又好；雖然沒有羊乳扇那麼脆，但也值得一試。生拍黃瓜(唔辣) - 味道清甜，用來解辣，真係一流。清炖羊肉(大) - 羊肉煮得好腍，羊皮又煙煙韌韌，炖湯清甜好飲，真係難得的佳作。蒜泥白肉- 切得好薄，肉質嫩滑。酸筍雞煲(大辣) - 以為係今晚最辣的一味，但原本比虎皮椒子沒有這樣辣，雞肉煮得幾腍，但我就唔多喜歡那陣筍味，所以只食了少許。生煎鍋貼- 皮薄，肉質鮮甜，煎得又唔會太，都算幾好。價錢平，食物好，實在值得支持！