雪山冰廳

营业中

休息中

［長沙灣］雪山冰廳經典芝士煎蛋牛肉漢堡包🍔 食剩指數:5/100上枱時以為佢平平無奇切開既時候見到蛋黃流出來好治癒☺入面既牛肉漢堡扒竟然有少少似牛肉球😂都幾多肉汁唔會又乾又柴另外佢好特別既係用左日式芝麻醬代替沙律醬個配搭幾新穎.避風塘炸蒜雞髀🍗食剩指數:3/100雞髀調味唔會好辣辣度黎講接近熱浪薯片？！怕辣既都可以試一下避風塘滋味由於佢係生炸所以唔會有厚厚既粉漿唔會感覺太油膩肉質都幾嫩口🤤.龍蝦叻沙摻摻食剩指數:0/100一上枱就俾隻龍蝦吸引住🤣湯底椰漿味都幾重，幾乎唔辣摻摻既油麵同米粉非常彈牙唔會煮到腍晒龍蝦半隻都多膏多肉不過個鉗無俾工具要大力先開到啖啖肉好爽🤤.樽仔奶茶食剩指數:0/100無冰但係都夠凍唔會飲飲吓淡左有正常茶餐廳質素.整體來講佢哋比一般茶餐廳多幾多不同配搭但基本茶餐廳食物都會有價錢都幾合理

下午茶時間最愛吃茶記，港式美食令人津津樂道！長沙灣這家冰室，有齊最能代表香港的各式小食，價錢合理，值得一試！餐蛋麵，蛋黃半熟，四邊煎得帶脆卜卜的焦，兩大片長方形的餐肉，食米知米價，餐肉現在可不便宜，這碗麵可謂簡單而隆重。芝蛋漢堡，麵包微微烘過，暖暖的，微脆帶牛油香！芝士半溶在漢堡肉上，是最佳的狀態！煎蛋會流汁，吃的時候難以保持儀態，少女要小心弄污衣物唷。榛子醬夾心的西多士！！非常邪惡！極度肥胖之物！一次半次我就豁出去了！個人認為不沾糖漿吃都夠甜，上面牛油溶化後帶鹹味，鹹甜之間是挺特別。蛋治是我的最愛，厚蛋厚多士，實在是最高享受！如果可以每天都吃到這蛋治就好了！雪山冰室名物是他們的樽仔奶茶咖啡，餐飲+$9，價錢還可以。不可選擇甜度，只提供凍飲。奶非常的滑，果然名不虛傳！值得一試（個人覺得有點甜）紅豆冰，紅豆佔半杯，煮得軟綿綿，質素不錯！推薦給各位街坊和上班族！！

今日下午茶嘅時間嚟到長沙灣雪山冰廳。餐廳設計幾有特色，用咗白色格仔牆，地下仲有好多花紋格仔，店舖都算好大間，坐位幾闊落。店舖嘅員工都好主動落單， 上菜速度都幾快。我哋叫咗經典芝士蛋牛肉漢堡包跟肉醬意粉 ，印尼炒飯，榛子醬西多士， 仲有樽仔奶茶。經典芝士蛋牛肉漢堡包 4星牛肉漢堡好多汁，好香麻醬味夾住芝士同蛋，個口感好豐富。 肉醬意粉 4星個意粉好大碗，加埋個香草味好濃， 同啲肉醬一齊食，啖啖都係肉醬同香草好惹味。印尼炒飯5星印尼炒飯個飯底炒得超香，再帶少少辣味，好有東南亞風味。正榛子醬西多士4星 榛子醬西多士好有驚喜， 剛剛炸出嚟嘅榛子醬西多士 裏面有滿滿嘅榛子醬好惹味， 而且又唔係太甜，比起一般花生醬來得特別好多。值得一試。樽仔奶茶5星呢個樽仔奶茶真係超曬班， 奶茶味好濃，最緊要嘅係個茶底勁滑，正。整體來講雪山冰室真係好抵食。

今晚跟老公去長沙灣附近的餐廳食晚飯，我們大約七點左右已經進店，比起深水埗店更加大多很多位置坐。麥冬紅棗燉雞腳冬天天氣都好乾，飲燉湯就最滋潤，今日呢款湯都岩我，不算太補，真材實料,雞腳唔算太肥，都有骨膠原，湯沒有太多油花海南雞飯上碟已經好吸引，無要求特別的部份，幸運都食到翼脾位，雞肉很滑身，不太肥，油飯上灑上蒜片，另外有醃漬蘿蔔幼條，很醒胃燒汁秋葵三色肥牛卷顏色很鮮豔，很有創意，不好吃彩椒的我都試左件，老公覺得有蔬菜伴肥牛片就無甘肥膩，秋葵沒有煮得太老，味道不錯樽仔咖啡奶茶冰凍新鮮，有標示最佳食用日期，很滑很有奶香，茶底都唔錯。熱檸蜜因為都係天氣乾，飲杯足料檸蜜就最岩我，喉嚨飲左舒服曬，三片檸片岩岩好

老冰室新裝修有齊香港化東西經典菜式長沙灣一帶的兩間戲院最近在打價格戰，睇戲性價比什高，睇完當然想食個晚餐，路過這家冰廳， 已有六十多年歷史， 裝修後更於長沙灣一帶開分店， 一於入去試下。新店裝修依然維持冰室風格，卡位白磁磚依然保留，風味依舊。經典煎蛋牛肉漢堡配迷你肉醬意粉 ($48)港式漢堡在冰室買少見少和美式漢堡橫行的情況下已經不易找到了。港式漢堡當然會有漢堡扒漢堡扒外還有芝士和煎蛋，芝士配上流心煎蛋，入囗即融，漢堡扒是手打的，味道非常好，鬆化味美，肉汁和油感十分足夠，肉質也不錯，肥瘦比例剛剛好，厚度絕對是好，值得一食！驚唔飽？另外仲有一整碗肉醬意粉！當然不是最好的，不夠乾身但是份量絕對足夠。招牌海南雞飯 ($58)海南雞飯是南洋的經典菜式，味道可謂四平八穩，雞肉皮爽肉滑，配有黑豉油、薑蓉及辣醬，有可惜不是配上香油飯，有點美中不足。炸魚薯條 ($30)炸魚拼薯條，向來是英國的代表食物，作為前英國殖民地的香港， 當然也有這款菜式！香脆的炸魚配上薯條，可謂四平八穩。特色飲品：樽仔咖啡 樽仔奶茶 (Extra + $9)用樽仔冷藏就不會被冰塊溝淡味道。樽仔奶茶其實就是凍奶茶，無冰茶味更濃；

呢間茶餐廳真係夠晒經典，我身為深水埗嘅街坊，唔會未聽過「雪山冰廳」🤩，由1956年開始已經開始經營，真係夠晒老字號！夜晚大約7:30去到，都坐滿左2/3客人🙄果然深受街坊喜愛😁講到老字號茶餐廳，真係不得不食佢嘅懷舊食物！🔹經典芝蛋牛肉漢堡$32：皇牌推介😎麵包好鬆軟，食落仲帶有芝麻香味😌入面隻蛋仲要係半熟㗎🤤啲蛋汁流晒出嚟😆好鬼正！塊漢堡牛肉仲要唔係薄㗎！厚身得嚟肉質鬆軟😍仲好Juicy！再配埋芝麻醬一齊食，真係不得了‼️🔹榛子醬西多士$28：花生醬嘅西多就食得多！榛子醬真係唯佢獨創😆聽到都覺得邪惡😂其實食落唔會好甜，入面啲榛子醬都好足料！而個西多士炸得岩岩好，上枱時牛油已經半溶狀態，搞到好香牛油味😌🔹招牌海南雞飯$58：原本都係諗住食小食，但見到好多食客都叫呢個海南雞飯，搞到我地都忍唔住叫左一份🙄賣相好吸睛🤩第一次見用竹籃嚟上菜，都幾特別！而佢個海南雞又真係幾好食，雞好滑溜👍🏻冇骨再加分😂份量都好多，呢個價錢真係冇得輸！伴碟嘅蘿蔔係餣制過的！夠晒誠意，一啲都唔hea👍🏻🔹港式茶走紅豆冰$25：茶走紅豆冰又係經典中嘅經典，所以我每次都黎都會叫😊最主要係我好鍾意飲佢嘅奶茶

一間餐廳可以六十幾年歷史經營而圪立不倒，必定有它的一個歷史價值，隨了可以保持到食物品質和水準，經營心得，員工的服務態度，都足以令顧客有賓至如歸的感覺⋯⋯樽仔奶茶同樽仔咖啡——味道濃郁，咖啡香濃滑溜，必飲芝蛋牛肉漢堡包🍔配薯條➕港式茶走紅豆冰=下午茶套餐流心荷包蛋➕濃芝士，配上滑溜的牛肉，咁既價錢，呢個質素，抵食好食😋紅豆冰——-講明紅豆冰，當然紅豆是主角，滿満的紅豆，足料，奶茶香濃夠滑，其他餐廳既紅豆冰同佢呢到既紅豆冰完全無得fright ，又係嗰句，甘既價錢，呢個質素👍😋避風塘生炸雞🍗脾——-雞皮炸得脆卜卜而不影響雞肉的肉質，皮脆肉嫩滑，而且又有肉汁，🐔脾肉不會乾水，調較火喉令肉質可以鎖住水份，👍脆皮怍🐔雞翼—-雞翼大大隻，皮脆肉嫩，熱辣辣，外脆內軟熟，😋😋✌️✌️棒子流心西多—-又係不得不吃，入面棒子味道濃郁，西多炸得適當⋯⋯六十幾年的餐廳經驗——食物功架一定有份量👏👏👏👏👏👏👏

🌴海車雞飯（$58）份量都幾大份，非常抵食！油飯充斥住椰香味，但飯粒質地有d「鞋」雞肉滑嫩有光澤，雞味突出！伴碟嘅酸辣醬非常惹味，身為辣控超鍾意呀😋🥤樽仔奶茶（+$15）茶&奶比例剛好，茶香奶滑唔會太甜，非常好味👍🏻🍛椒鹽豬扒飯（$58）飯底炒得好香，飯粒粒粒分明且帶點辣勁豬扒炸得香脆肉嫩，絕對係必食呀！🥤華田曲奇（+$9）面頭澎湃嘅忌廉，加上彩紅針糖做裝飾，賣相超靚💕華田加咗oreo碎，入口有顆粒感而且唔會太甜，女生必愛！🍔 雪山芝士牛肉漢堡 （$30）熱辣辣，脹卜卜，超吸引😍中間夾住太陽蛋、手打牛肉漢堡、半溶嘅芝士...非常有層次🤤🤤🤤麵包烘過，外脆內軟；太陽蛋一咬落去蛋汁爆發，令人好滿足呢！🍗避風塘生炸雞髀($28)皮脆肉滑，雞皮脆到似食薯片😋加上避風堂辣勁&蒜香，果然係必食之選呀！🍟海苔炸雪條（$22）食炸脾無薯條，總會有d「羅羅亂」，好似唔夠完美咁😕所以特意order喔！薯條面頭加咗紫菜，好有shake shake粉嘅影子呢😆🌰榛子醬西多士（$28）新鮮熱新，金黃香脆中間夾住一層榛子醬，唔會太甜，真心正呀！

今日去長沙灣搵中學同學食飯，今日我搵了一間平比較親民的餐廳，聽講價錢公道和味道也不錯，餐廳位置很近長沙灣地鐵站大約行十分鐘都算方便。去到餐廳時見冇咩客人，職員安排我們坐一張四人枱。餐廳環境衛生乾淨，坐位也很闊落，上菜的速度也很快，職員態度亦很殷勤，值得一讚！芝士煎蛋牛肉漢堡包$32一隻煎蛋加一塊芝士，都砌到漲卜卜好飽滿。麵包雖然是很多空氣的港式麵包，但最少乾身鬆香，夠挺身。一啖咬落去好有層次，好滿足！樽仔奶茶$15樽仔奶茶有的優點就是直接把沖好的奶茶倒進玻璃樽內，再冷藏，不加冰塊便可以保持奶茶的原味，茶味較重，口感厚滑，不錯！避風塘炸雞髀$28佢既雞髀係即叫即炸，有手掌咁大隻🤤！食落不會感覺油膩，適合女士食😙凍華田曲奇$25滿滿的忌廉在阿華田頂，入口香滑，加上濃濃的阿華田味道，非常吸引，另外還有一塊甜甜的曲奇🍪，唔錯的！波士頓龍蝦叻沙摻摻$98湯底帶濃郁椰香，顏色紅噹噹又夾雜些奶白，大口食米粉同油麵摻摻，鮮美湯汁！而且材料非常豐富有叻沙葉、豆卜、雞蛋、芽菜、魚片。龍蝦🦞尺寸都算大隻多汁，爽口鮮甜。

住長沙灣兩三年，都未食過e間茶記，今日決定試一下！午餐平均價$50左右，其實和附近菜記差唔多，勝在環境裝修乾淨！加3蚊凍飲，另送老火湯，湯就一般，淡淡地！今日叫左一個A餐，薄切西冷牛扒飯，質素其實一般，下次再去試下其他餐，因為今次塊扒好老，明白$53不能要求多多，但我請願加廿幾蚊去另一間西餐廳食，性價比不高，不過大家如果只求飽肚的話，可以一去，因為飯多😂😂😂整體來說，可接受，不知道晚市會否好一些，下次揾日再試！

估唔到今日平日入到去已經幾乎滿座心諗呢間餐室啲食物質素一定唔差 揸車嚟仲非常方便可以泊喺門口附近落地玻璃可以望出餐室外邊餐牌有多款食物選擇有中式有西式仲有小菜套餐選擇咸蛋黃一字骨好少會食到就叫返個套餐加$15就有燉湯花旗參燉赤肉湯原盅上加上入面非常足料雞腳仲要好林睇吓仲有一塊塊花旗參！咸蛋黃一字骨一份有六件豬骨食到外脆而且很濃郁的鹹蛋黃味道肉質鮮嫩 仲有肉汁滲出撈飯一流！皇牌推介招牌海南雞加$5就有油飯仲有兩款醬汁選擇海南雞份量都幾多皮薄肉嫩 味道好新鮮點小小辣醬仲好食😋還有招牌的樽仔奶茶奶茶非常絲滑香醇一定要試吓下次一定會再幫襯試吓其他菜式

依間冰廳就係長沙灣附近穿過左屋邨同商埸就好快到今次去到食佢個漢堡包 真系好正！無論係其他正餐定下午茶都好好食1）食左個始祖椒鹽豬扒飯［炒底］依個飯真心好好食 因為啲豬扒多之餘夠香 好有鍋氣 而且咬落去系鬆軟既 吾系好難咬 而且啲椒鹽同飯好match 份量好多 係絕對飽肚！炒飯底好香 可能有少少咸 但系好食既2）沙荼牛肉公仔麵公仔麵同個湯底好夠味 啲牛肉係主角 好多肉質好嫩 係好正宗好味既沙嗲牛 而且佢系常餐 份量好足夠 個炒蛋好滑 同埋餐肉同包一齊食係絕配3）經典芝蛋牛肉漢堡包而個真心經典咬落去係好似入口即溶咁 好綿個蛋仲要系流心 以一個下午茶尼講好飽肚 有時想tea下都可以去食下 再加上食耐左吾會有果種好厭既感覺 食到後面都係好留戀牛肉既味道3）港口味雜果賓治&華田曲奇妙趣雜果賓治係超級多水果係底！好多菠蘿椰果桃 而且隻味好解渴 好飲既 另外曲奇妙趣係華田底好適合比小朋友或中意甜野既人飲 但甜得尼係好飲既似甜品

記得前排食過一間革新版嘅老牌街坊茶餐廳, 點知今日去開長沙灣又撞到同一間, lunch坐到滿唒, 等一陣就有枱啦🍴>常餐(HKD46)🍽雪山沙茶牛肉公仔麵 🍽頂級雲腿午餐肉炒蛋 🍽香酥丹麥多士黎得茶餐廳一定要食最經典嘅牛麵, 好香沙茶醬味, 牛肉份量多件件勁易咬, 感覺一啲都唔hea整; 午餐肉高質, 炒蛋超滑呢; 有別於一般多士li塊丹麥多士係非常酥脆嘅, 每一啖都充滿牛油香. >皇牌快餐- -招牌海南雞飯 (HKD58)雞油飯好味, 超嫩滑白雞肉放滿大半碟, 辣醬睇唔出辣到飛起🔥, 真正大碟抵食.>避風塘生炸髀 (HKD28)炸蒜瘋狂包圍嘅避風塘style生炸雞髀, 脆皮唔使講, 因為係生炸唔係雪藏, 啖啖雞肉都juicy, 啲脆蒜完全令人停唔到口惹味非常.>榛子🌰醬西多士 (HKD28)急不及待切開嘅榛子流心西多勁重餡🤤, 全是nutella味道, 再dip附上糖漿, 沾滿蛋漿外皮香脆, 邪惡得黎又真係欲罷不能嘅. >樽仔奶茶 (+HKD9)上次飲過嘅香滑樽仔奶茶今次梗係encore啦! 茶香奶香並重, 必飲之選.>華田曲奇🍪妙趣

長沙灣難得有特色既茶餐廳，環境好闊落、乾淨，所以都想試下佢幾個皇牌食品🏆🤣 整體黎講評價好高啊🌟👍🏻始祖椒鹽豬扒飯(炒飯底) ($58)超級惹味既菜式!! 值得一讚既係個炒飯炒得好出色!! 睇落有辣椒但其實食落係唔辣，椒鹽味好重，呢個價錢絕對係物超所值，重口味控值得一試😎👍🏻經典芝蛋牛肉漢堡包 ($32)呢個真係勁加分⭐⭐⭐溶左既芝士、蛋汁，再加入麻醬，成個醬汁份量十足!! 牛肉唔會韌，唔怪得呢個係佢既皇牌食品～木魚花蝦球煎烏冬 ($58)上枱果一下係有驚喜到🤩 因為佢將個烏冬變左一塊餅咁，中間有木魚、醬汁、蝦、芽菜等等，好似日式燒餅咁，好特別～跟住就撈埋一齊食，味道唔算太濃味，所以冇始祖椒鹽豬扒飯咁吸引，但對於女仔黎講都幾算健康🤭港式茶走紅豆冰 ($15)紅豆冰就聽得多，但茶走紅豆冰就第一次聽🤣 不過放心唔會好甜，我覺得比傳統既紅豆冰好飲!! 幾創新既嘗試😛

今日經過長沙灣，好肚餓，入左呢間外觀好企理既冰室試下！- - - - - -- - - - - - -- - -榛子醬西多士 茶餐 包飲品 ($32)第一次見入面係榛子醬既西多士 當然要叫來試試啦! 店員仲會成支糖拎埋過黎俾我地用，真係好邪惡呀!! 不過唔理得咁多啦，呢個中間又甜但出面又脆既西多士真係非常出色!!一定一定要黎試試🤤-芝士蛋牛肉漢堡 茶餐 包飲品 ($44)本身諗住嗌個漢堡填下肚, 但都估唔到呢個burger咁出色! 中間果塊蛋仲係流心架!牛肉都唔會煮到好老，好味好味！😍-波士頓龍蝦叻沙摻摻 ($98)至於呢個叻沙亦都係呢間冰室既一個招牌，冇理由唔試啦🥰非常足料，一整條龍蝦放左落一碗叻沙入面真係好奢侈!, 龍蝦D鮮味都入曬個湯入面，食完D麵都忍唔住飲左一飲D湯@@肥死haha-避風塘炸蒜雞髀 茶餐 包飲品 ($35)呢個炸雞髀係老闆特別推介，本身已經食左好多野，但都冇得唔試下，避風塘瀨尿蝦就食過，用黎整雞脾咁奢侈都真係第一次，但又出奇地十分夾，好味好味!🥰