雪山冰廳

营业中

休息中

長沙灣呢一帶越來越多新食店，是日同朋友黎左呢頭睇平戲後食個下午茶，到左老字號的雪山冰廳，雖然係新開嘅分店，但裝修好有傳統冰室味道。下午茶餐牌選擇很多，由輕食到飽肚的焗飯都有，我地就點了幾款招牌野試試。先來的是跟雞脾餐的紅豆冰，紅豆軟腍不過甜，好飲。朋友改配了樽仔奶茶及樽仔咖啡，奶茶茶底不錯奶亦很滑，咖啡香濃，兩者個人而言係好飲嘅，不過朋友就覺得偏甜一點，各有各人口味啦。先來的是呢度嘅名物避風塘生炸雞髀，好香啊，熱辣辣香噴噴的雞脾睇見都流口水，雞皮香脆肉嫩滑，加上微辣的避風塘口味真的好正！還加配了薯條，同樣係新鮮炸起的，香口不油膩。同樣係呢度嘅名物芝蛋牛肉漢堡，賣相踏實，漢堡很厚身呢。內裏是這樣的，煎蛋加芝士同漢堡肉。漢堡肉滿有肉汁，調味不錯口感也好，煎蛋是半熟的，一口咬下蛋汁溢出，實在很滋味，食完要舐手指，哈哈～朋友點的吉烈豬扒漢堡，是大大塊炸豬扒配生菜啊。炸得香口又鬆軟的豬扒，配上少少沙律醬，簡單又美味。最後因為雞脾太好味，所以再單點了一隻share，香脆酥香大推介！好滿足的一餐，好味好味。