雪山冰廳

营业中

休息中

今日下午茶嘅時間嚟到長沙灣雪山冰廳。餐廳設計幾有特色，用咗白色格仔牆，地下仲有好多花紋格仔，店舖都算好大間，坐位幾闊落。店舖嘅員工都好主動落單， 上菜速度都幾快。我哋叫咗經典芝士蛋牛肉漢堡包跟肉醬意粉 ，印尼炒飯，榛子醬西多士， 仲有樽仔奶茶。經典芝士蛋牛肉漢堡包 4星牛肉漢堡好多汁，好香麻醬味夾住芝士同蛋，個口感好豐富。 肉醬意粉 4星個意粉好大碗，加埋個香草味好濃， 同啲肉醬一齊食，啖啖都係肉醬同香草好惹味。印尼炒飯5星印尼炒飯個飯底炒得超香，再帶少少辣味，好有東南亞風味。正榛子醬西多士4星 榛子醬西多士好有驚喜， 剛剛炸出嚟嘅榛子醬西多士 裏面有滿滿嘅榛子醬好惹味， 而且又唔係太甜，比起一般花生醬來得特別好多。值得一試。樽仔奶茶5星呢個樽仔奶茶真係超曬班， 奶茶味好濃，最緊要嘅係個茶底勁滑，正。整體來講雪山冰室真係好抵食。