雪山冰廳

营业中

休息中

聽到雪山冰廳這個名字都會想起位於深水埗間有歷史的懷舊冰廳，後來她重新裝修過，變成了時尚又保留了懷舊味道的冰廳~今次光顧的是位於長沙灣的新分店，因為父母是這區的街坊，每次有餐廳新開，他們必定要去一試，這間他們很推介~樽仔奶茶是招牌菜之一，濃厚香醇，絲滑無比，我們點了一客二人套餐，加$15飲品可轉為樽仔奶茶，必試~不喜歡奶茶，可選樽仔咖啡，也是值得一試的~二人套餐包含每人一盅燉湯，真材實料，味道清甜，比起一般茶記的味精湯好喝得多，誠意之作~招牌海南雞肉質滑嫩，皮薄，肥瘦適中，酸蘿蔔作配菜，酸酸甜甜好醒胃~加$5轉配了一碗油飯，海南雞配油飯就是絕配~黃金豆腐拼鱿魚一碟有齊炸豆腐及炸鱿魚，這餐廳夠貼心，岩哂多心的人~炸豆腐外脆內超級的嫩，皮薄，但不會夾爛，一口一件，非常香口好吃~炸鱿魚同樣外層酥脆，夠薄，鱿魚新鮮，不鯹不un~晚市二人套餐，百多元，性價比高~

之前都聽過深水埗的雪山冰廳的漢堡好正，原來長沙灣都有分店，一於來試試雪山芝士煎蛋牛肉漢堡 $32好經典嘅港式漢堡，大大個，面頭的芝蔴烘到脆脆的，內裏夾滿餡料，牛肉香口又唔會太熟，芝士微溶，加埋流心的煎蛋同醬汁，足料又有經典的味道😋👍🏻檳城特餐$52呢個特餐有檳城喇沙摻摻，摻摻即係油麵加米粉，喇沙湯都濃郁另外配日本櫻花蝦炒蛋佩香酥丹麥多士，味道也不錯呀😉避風塘生炸雞脾$35炸雞脾超大隻超邪惡，差不多大過塊面，外皮酥脆，加上避風塘蒜味更惹未，而內裏的雞脾肉亦幾嫩滑😉上湯香茹浸時蔬＄35食咗咁多邪惡野，要食返d菜才平衡一下，呢個菜有真係好驚喜，超級大碟，菜煮呢晒上湯的鮮味，仲有香菇都好正，簡單又好味😉

打完羽毛球之後，幾個人食飯，各有喜好，朋友A要食burger，朋友B想飲燉湯和住家飯，我想飲奶茶，去雪山冰廳一次過滿足到晒。環境都幾大，多卡位，晚巿人流不絕。見到鮮魚就忍唔住即叫。晚飯小菜選擇多。小食都好吸引。經典芝士煎蛋牛肉漢堡包($32)，漢堡扒好juicy，肉汁爆滿，伴溶化的芝士食，味道十分豐富，好足料的漢堡包！香滑樽仔奶茶($25)係唔錯，有質素，茶香奶滑。豉汁蒸盲槽($78)要早下單，很快就沒有盲鰽了。蒸魚新鮮又大條，仲多肉，薑蔥豆豉也有不少，有酒樓質素，物超所值！燉湯(+$15)是姬松茸燉赤肉，抵飲，充滿松䇯味，補一下。花膠海鮮煮雜菜煲 ($72)，有蝦子、魷魚、鮑魚片、蟹柳、魚肉、雲耳、花膠、菜心、白菜、西蘭花、菇、粉絲，材料豐富，清清地，非常健康。始祖椒鹽豬扒炒飯 ($58)好香，肉質都幾嫩，用避風塘做法，微辣的味道很惹味。

之前吃過這間餐廳在深水埗的分店，除了小菜外，還有很吸引的小食和飲品。今晚放工後來到長沙灣的分店試試。雖然只是兩個人，但我們對各種菜式都很有興趣，尤其是小食。最後我們點了黃金咸蛋豬仔骨（$72），加$15 轉套餐跟飯和燉湯，另點了兩瓶樽仔奶茶（$25）。小菜很吸引呢！有咸蛋黃醬非常惹味，豬仔骨肥瘦均匀。小食點了招牌的經典牛肉芝士漢堡包（$32）、避風塘生炸脾（$28）、榛子醬西多士（$28）和上湯香菇浸時蔬（$35）。經典牛肉芝士漢堡包必點！雖然價錢不貴，但用材絕不馬虎，有流心蛋，非常好吃。另外棒子醬西多士甜而不膩，雖然很邪惡，但我們都把它清光了。上湯香菇浸時蔬也很實惠呢，大大碟，非常適合少吃菜的上班一族

雪山冰廳之前路過就想吃了，這次朋友來接放工，她說請食飯，我見到這家餐廳價格和東西都好像很不錯的樣子，然後疑似老板（？）的先生過來跟我們說了句：「不好吃我幫你們埋單。」我們一邊笑一邊也覺得哎喲那一定要進去試下了。首先，是四周人頭湧湧的樣子，看起來食物質素應該受附近的人廣泛認同的。我們先點了一個老火湯，味道清甜，還可以吃到湯料，很好味！另外就是這個芝士漢堡！！哇，是會在口中融化的，肉汁鮮甜在口中爆裂，牛有牛味芝有芝味我是覺得十分的「可」！這個上湯菜就沒什麼好說的，填飽肚子的纖維素哈哈哈，中上水平吧。無骨海南雞飯，竟然唔係黃色既油飯，但係食到好香的椰子味，而且我們很幸運地拿到雞脾，滑嫩的雞脾肉配上清香的飯感覺也十分不錯！特要講的就是這個！龍蝦海鮮焗飯，這個價錢食到這個質素的的龍蝦我覺得也可以說是物有所值了！龍蝦的肉我分成了三份給我們三個人吃～龍蝦肉有海水的鮮味，肯定是冰鮮的啦，不過質素也很好！還配有其他海鮮呢～另外就是樽仔奶茶﹑orea奶茶之類的，還不錯是中上水平不錯哦～

榛子醬西多士 $28第一次食到咁既口感好有驚喜，一D都唔油，仲要勁淋身既多士😱一食就知塊方包好新鮮，個榛子又唔會太甜，真係真心正👍🏻性價比好高！招牌海南雞飯 $58 因爲另外有一款寫明係冇骨，所以仲以為呢款會有骨，但原來都係冇骨既海南雞👍🏻方便我呢種食嘢唔鍾意lur 骨既懶人😆海南雞嘅份量仲好大份，勁抵食！避風塘生炸雞肶$28皮脆肉嫩，切落去仲有肉汁流出黎，加上有香辣炸蒜調味，成個感覺即刻唔同晒芝士煎蛋牛肉漢堡包$32 包身好淋一D都唔乾，再加上流心既煎蛋同譜左芝士多汁既漢堡排，一咬落去蛋汁就流曬出來，加埋牛肉漢堡排一齊食真係漢堡有蛋味，蛋有漢堡味😆另外仲有小菜可以叫，夜晚一家幾口或三五好友聚餐就可以叫下，大家 share !

今日泥長沙灣聽講座，隨意行下食個lunch先走，見到呢間係商場後面條街好多人等，就走去望下，甘就食呢間啦。其實都即刻入得，因為有一班人12個所以要等🤣入去好多卡位，有2人卡位，雖然有點迫但都坐得舒服既。果然係做街坊生意，價錢公道，平民價！我地點左一啲鋪頭招牌既食物試下，因為見好多人食，甘味道應該吾差。椒鹽豬扒飯：呢個飯係餐牌上面有個皇冠，代表係餐廳招牌，又見到好多人點，所以試下啦。好大份，好多炸蒜鋪面，同炒飯入面都有炸蒜，炒飯底一粒粒香噴噴。炒得好香有小小辣，不過好小，我見小朋友都食🤣豬扒炸得香用椒鹽炒過小小咸，肉質鬆軟好食！份量多到男仔都食吾哂，好大份芝士煎蛋牛肉漢堡包🍔讚丫！個煎蛋係太陽蛋，一切開蛋槳都咇出泥，另外個包烘完夠熱令到芝士都溶溶地，好香。個牛肉似係山竹牛肉既感覺，有汁好厚滑既。包底面都有塗牛油，好食😋榛子醬西多士西多平時食係夾花生醬，呢個係夾榛子醬！好特別，西多最正係牛油放面會自己溶，証明夠熱即炸起。不過嫌吾夠多醬，得薄薄一層，多醬應該會更加正。樽仔咖啡，奶茶好香好滑，樽仔好特別。咖啡夠香濃，奶茶又香滑。奶味好濃，又吾太甜，正😋呢度啲員工好友善，走會提你拎齊電話。啲食客

今日剛好跟朋友來到長沙灣附近，發現有很多間港式冰室，所以就想起懷舊小食了，決定了雪山冰室了。飲品方面，我點華田曲奇妙趣，表面有很多奶油、彩色糖粒作為裝飾，已經很吸引眼球了，配上曲奇餅乾，曲奇味道更濃烈了。這裡的招牌飲品港式樽仔奶茶，有濃濃的茶香味，而且不會太甜的，比起一般港式奶茶不太一樣，我比較喜歡這裡的。來到冰室少不了點一些懷舊小食，芝士煎蛋牛肉漢堡包也很不錯，整個包很多汁的，尤其是煎蛋配上漢堡是很配合的，份量也很足料。避風塘炸雞腿，外面表層是脆脆的避風塘蒜香，很有港式大排檔的風味，而且雞腿肉不會乾，作為小食是最好不過。然後榛子醬西多士一定要跟朋友一起分享，因為真的比較少見有榛子醬的，加上表面淋上糖醬，兩種不一樣的甜度很特別，西多士也是新鮮炸起的。波士頓龍蝦喇沙直得一讚，配菜滿滿的一碗，尤其是龍蝦也很大的一隻，粉麵有米粉跟油麵，都吸收了喇沙湯底很入味呢。總結，想嘗嘗港式小食的話，這裡的性價比是不錯的，推薦樽仔奶茶 、牛肉漢堡。

男友屋企人住呢頭，佢話最近知道佢嘅兒時回憶有第二間分店，好想同我去體驗下，就又帶左我黎呢間長沙灣嘅雪山冰廳。見到大部份人都係食小菜，都幾吸引，但係男友話想食返傳統野，咁算啦！下次再食😕，但我地都叫左個焗飯share。😋芝蛋牛肉漢堡包 - $32真係好似返返去二三十年前果啲style，幾樣平價材料配合一齊味道好岩key。麵包好鬆軟，牛肉漢堡好腍身，蛋黃仲未熟，一咬就變左窩蛋漢堡咁。😋榛子醬西多士 - $28我鍾意食西多士就梗架喇！😂咁男友叫我試下榛子醬味，夠重口味岩我喎。。。西多牛油蜜糖夠甜，加埋榛子醬又幾好味喎，好似朱古力醬咁，我又唔覺得膩喎！😋芝士焗波士頓龍蝦海鮮飯 - $108之前都食過波士頓龍蝦通粉，又見人地個焗飯好正喎，咁今次咪叫焗飯囉！不過有啲失望，因為今次個排長無人地果個咁有氣勢😖。龍蝦好似比之前細隻左，可能因為之前有拉直到隻龍蝦？🤔但就好多其他配料搭救，雖然芝士多，但都略嫌個飯較乾身。😋是日燉湯 - $35 (轉套餐只需加$15)呢日係沙參玉竹燉赤肉，好多料，都幾大盅，兩個人share剛好。😋樽仔奶茶/咖啡 - $25@招牌嘅樽仔，原支冰陣嘅奶茶/咖啡，夠濃味。

雪山冰廳位於長沙灣，看似簡單嘅街坊飯堂，原來都充滿住不同嘅誠意之作一幅大大嘅金魚壁畫，除為令餐廳添加新穎感，也提醒了我要學習金魚一秒記憶，暫時放下工作嘅煩憂，好好享受用餐之樂。除左一般茶記會有嘅盲鰽同鯧魚，雪山仲有紅鮪同鱸魚，有得揀，另帶一提，不可錯過，仲有足料燉湯點餐時樓面同事都會建意點樣轉成套餐令cp值提高今晚燉湯係茶樹菇燉赤肉用料適中，除有赤肉仲有烏雞，火喉足，清甜又唔油膩，都算唔錯。海南雞---老實講真係做得好好，肉質嫩滑，皮香而不膩，記得一定要跟油飯，風味更佳椒鹽鮮魷拼黃金豆腐，外層脆漿做得唔錯，但椒鹽就未夠鑊氣xo醬海班片炒西蘭花，除左海班真材實料，驚喜位竟然係炸過嘅鮮菇，惹味得黎又同度菜好夾蜜椒野菌薯角牛仔骨煲，薯仔入味，牛仔骨亦夠霖身，整體層次豐富，我個人幾中意。樽裝奶茶，咖啡(略為偏甜，如果可將甜度降至8成就very good 啦)紅豆冰

去行山前，我哋決定咗去雪山冰廳食午餐💛餐牌有好多選擇，有常餐，快餐，中西式飯類等等，因為我唔係太肚餓，所以淨係叫咗芝蛋牛肉漢堡包同避風塘炸雞肶，男朋友就叫咗南洋咖喱吉列豬扒蛋包飯💛 芝蛋牛肉漢堡包漢堡包嘅材料睇落好簡單，有雞蛋、芝士、牛肉，但係味道豐富，要試下！漢堡包即叫即整，熱辣辣， 牛肉好juicy好多肉汁，一啲都唔會乾爭爭，配埋半溶嘅芝士，真係好正㗎😍😍如果加一兩片番茄，漢堡包食落就冇咁膩～原本諗住淨係食少少野，但係食完一個漢堡包，我已經好飽💖避風塘生炸比肶生炸肶好大隻呀，雞皮脆卜卜，肉質嫩滑，味道好香口，帶少少辣，醃得啱啱好呢！就算唔點醬都好食！男朋友既南洋咖喱吉列豬扒蛋包飯，睇落好大份，仲有兩大塊吉列豬扒，金黃香脆，幾好食架💖💖咖喱好惹味，唔會太辣，配埋炒飯底，超正呢～香滑樽仔奶茶都唔錯，夠晒冰凍香醇～下次都會再嚟食💛

老實講我對港式茶餐廳冇乜好感，來來去去唔係芝士焗豬扒飯、肉醬意粉，就係餐蛋麵加多士，千篇一律欠缺新意，又冇乜邊間好食到哇一聲，加上而家啲茶餐廳價錢越嚟越貴，倒不如自己返屋企煮個麵😢早兩日睇YouTube見到衛詩雅推介雪山冰廳，俾佢個邪惡炸雞髀吸引到，上網查一查發現原來長沙灣都有分店，仲要係新開，同屋企只有十分鐘左右巴士距離，唔試下都對唔住自己😉餐廳裝修好有特色，連水杯都好特別。首先上枱嘅係經典芝蛋牛肉漢堡包，經典簡單組合，煎蛋、車打芝士加牛肉漢堡，漢堡麵包搽咗牛油再烤過，上枱嘅時候熱辣辣，非常香😍加上大量日式芝麻醬，簡單嘅組合食出唔簡單嘅滋味，估唔到咁好食🤩推薦！呢排潮流興食生炸肶，加上衛詩雅講到咁好食，冇理由唔嗌！雖然唔係話超大隻，但真係皮脆肉嫩又多汁🤩用刀切落去真係脆卜卜到有聲，加埋邪惡避風塘炸蒜同辣粉，太過份😍下午茶當然唔少得西多士，新鮮即叫即製，兩片方包夾着榛子醬，沾上大量蛋汁再炸，蛋香四溢，配上香濃榛子醬，無敵組合！如果方包再厚啲就更完美❤️食完三樣無敵小食，先生仲係意猶未盡，叫多個沙茶牛肉公仔麵，面頭有大量滑牛肉，沙茶味香濃，公公麵煮得剛剛好夠爽口👍🏻重點係咁嘅價錢今時今日去

今日行開長沙灣見到有雪山冰廳，就同朋友打算試下同深水埗個間有咩分別，如果兩間都一樣咁好食!芝士煎蛋漢堡配薯條呢個真係好有驚喜，漢堡有肉汁而且夠大塊，芝士再加埋半熟既煎蛋仲有個芝麻醬一齊味道超夾，好食過其他大型連鎖快餐店，因為仲可以食到呢種香港先有既特色漢堡!椒鹽豬排飯每次嚟親都必嗌既飯，因為出面真係完全食唔到呢個味。椒鹽豬排好惹味香脆，加埋炸蒜粒已經好好食。個飯亦都係炒過唔係白飯，夾埋一齊食真係食唔返其他餐廳既炒飯，加上份量亦都好多，正常男人食完都一定會夠!焗太極鴛鴦扒飯有茄汁既豬排同埋白汁既雞扒，連埋炒香過既蛋炒飯，焗既時間好夠令外面層芝士有少少微燶，芝士味更加突出。加上份量亦都係超大，比起一般茶餐廳焗飯大一倍，所以真係好抵食同滿足!兩塊扒亦都有輕輕煎過所以有少少脆身，整體呢個焗飯真係冇得輸!樽仔奶茶嚟得呢度一定要試埋樽仔奶茶，因為都係自家制而奶滑茶濃，兩者配合得好好，甜度亦適中所以鍾意飲奶茶既一定要叫一樽試試!

聽聞雪山冰廳喺長沙灣開左分店 之前喺深水埗嘅時候食過幾好食 所以決定同朋友係晏晝嘅時候食返個下午茶🤔_避風塘生炸脾🤔見到好多枱都好似有叫所以就決定一試☺️呢隻雞髀有驚喜 非常大隻～能夠做到外脆內軟😋雞肉都幾夠滑又入味_雪山芝士煎蛋牛肉漢堡包🍔麵包熱辣辣😎牛肉漢堡扒食落去非常多汁❤️配合芝士醬汁和半熟煎蛋 非常不錯😋_足餡榛子流心西多🥪西多士就食得多，榛子西多你又食過未？雖然好邪惡但唔會話太甜 唔夠甜嘅朋友仔旁邊都有糖漿可以自己再加_脆皮炸雞轉彎 （3只）朋友見到個名咁搞笑決定話試吓 其實即係炸雞翼 雞翼都係好大隻而且入邊啲雞肉好滑 下午茶一定要試吓佢🍗_樽仔奶茶 雖然係一早沖泡好，但係飲落去都幾夠滑而且不會太甜_港式茶走紅豆冰而家已經唔係好多茶餐廳有得飲依一款懷舊飲品😋港式茶走係指奶茶轉用煉奶，再加入紅豆冰中，層次感非常豐富～一層紅豆加一層煉奶再配一層奶茶，雖然係要加錢轉特飲但係都值得一試😀

今日係同朋友放工一齊嚟食茶餐廳，其實冇諗過會嚟到一間咁高質素嘅茶餐廳，所以真係好驚喜呀。佢個位其實有少少遠離市區所以都冇諗過佢會咁多人，但係見到咁人頭湧湧嘅情況就知道呢間一定係正嘢啦！想特別講佢個龍蝦海鮮焗飯真係超抵食，冇諗到呢個價錢竟然真係可以食到真嘅龍蝦，海鮮焗飯就冇乜特別嘅坦白講，但呢個價錢真係質素以上了個湯其實都唔算話特別好呢個係我唯一覺得唔算好嘅地方但其他嘢真係高質呀！佢個漢堡包真係好好食,牛肉好juicy，然之後啲芝士係上面溶化真係超級正海南雞飯佢哋專登俾咗雞髀，肉質好滑個飯又好似好香咁有椰汁味，而且佢擺喺竹盤上面好靚靚嘢飲就普通嘅茶餐廳水準但係都唔貴我覺得幾好飲呀