雪山冰廳

营业中

休息中

同朋友長沙灣附近食飯 揀咗呢間茶餐廳 見佢有好多選擇 我哋就二話不說入咗嚟經典之蛋牛肉漢堡包-賣相絕對拍得上時新 絕對睇得又食得 隻蛋仲係留心 牛肉煎到啱啱好 夾埋一齊食真係好好味避風塘生炸俾-第一次食雞髀係呢個口味估唔到有幾夾喎海苔炸薯條-有啲似麥當勞嘅紫菜味shake shake薯條 超好味黑蒜田園炒時疏-黑蒜營養價值高係人都知 但係估唔到一齊炒菜又好好味喎鹹蛋黃雞翼-呢個真係不得了個鹹蛋炒到起沙 配埋雞翼真係冇得輸樽仔奶茶-完全係有太興奶茶嘅感覺 好高質港式茶走紅豆冰-原來用煉奶沖嘅紅豆冰仲好飲過淡奶 真係大開眼界XO醬乾炒豬扒公仔面-個公仔麵炒得好有鑊氣而且個豬扒好林好好食

呢日同哥哥出深水埗拎野，順便食埋飯先返屋企，由於晏左食飯，都幾肚餓下，所以我地各自叫左個餐，再叫左3個小食，低估左個份量，我地都食到勁飽港式茶酒紅豆冰，我幾鍾意，雖然台式都有飲過類似飲品，但係偏甜；港式就茶味出d,甜度適中👍🏻樽仔奶茶相比起茶酒紅豆冰佢唔係好甜，如果唔好甜嘅可以揀樽仔奶茶，細味茶味檳城叻沙摻摻幾正宗，有油麵配米粉，湯濃，配料都多跟餐配埋日本櫻花蝦炒蛋、香酥丹麥多士櫻花蝦好多😋多士厚而鬆軟，配埋一齊食正👍🏻經典芝蛋牛肉漢堡牛肉多汁，夠熱所以芝士都溶溶地，配埋個汁好好食德州辣肉醬意粉調配左唔同香料，花椒八角等等，別有一番風味爆餡蛋牛治真係好爆餡，美中不足唔係烘底，餐牌寫係烘底，但原來都係要落單同店員講先會整做烘底🙈不過味道唔差嘅，有蔥香，咸牛就多返少少會更好😝避風塘生炸髀好惹味，避風塘炸蒜夠多，啖啖都食到😋榛子醬西多士想細味榛子醬，所以只係落左少量糖醬，都夠甜，榛子醬好多，雖然未至於多到流心，但啖啖都好滿足👍🏻

懷舊餐廳買少見少同男朋友講開想食舊式茶記佢就提議食雪山冰廳一search 原來成60年歷史 不過而家裝修左男朋友話香港特色一定係沙嗲牛麵😂😂就叫個沙嗲牛試下夠濃味😋😋😋佢話暫時食過 呢到既沙嗲牛係最沙嗲牛一個set跟左炒蛋 餐肉 toast 蛋炒得幾好 唔會太熟但如果可以加啲cream會更加香睇menu 推介海南雞 仲要係限賣 雞既份量正常 雞肉嫩口油飯都好香口 唔會食到油膩以茶餐廳/冰室水平黎講 好高質最欣賞佢個碟 成件事即刻好有東南亞feel琴日已經好口痕想食薯條 Menu又推介海苔薯條薯條份量好多 薯條算係幼身 m記果款炸得幾靚 幾金黃不過話明海苔薯條 海苔份量如果再多啲 多到好似shake shake薯條咁多 就perfect 🤣嘩嘩嘩 仲有埋西多 仲要係繽紛樂既榛子 成件事好邪惡 魔鬼往往都係最吸引😂😂真係正宗既港式西多 炸到個邊起絲👍🏻👍🏻👍🏻仲要有一大舊牛油😋😋仲有成枝糖漿放係到俾你用不過枝糖漿真係毫無用武之地因為𥚃面既榛子醬滿滿的 但唔會好膩 第一次接觸榛子餡😍😍最後2杯餐飲凍奶茶 凍鴛鴦

利申 係11月26號去食，仲有晚市。放工想搵間冰室食，就求其google map入咗去。嗌咗 「金磚豆腐拼椒鹽墨魚嘴 」🥢個豆腐都嫩滑，唔會因為係炸嘅就用啲硬豆腐無咁易散。但墨魚嘴就無乜味，所以雪味好出。再嗌咗 「黑松露沙拉一字骨」🥢黑松露無乜味，啲沙律醬都太多，個骨都okay👌🏻加9蚊轉飲飲做燉湯，係松草花姫蟲茸燉烏雞，都幾抵飲都好足粒。整體感覺不過不失，都無期望好高😹不過啲姐姐幾好人，好熱心介紹😹

由於「新蒲崗」直到現在交通還未算非常方便，無論從「鑽石山站」出口，抑或從「啟德站」出口前往「新蒲崗」，還需要步行一段長時間，所以我在「深水埗」購買「香菇滑雞」食品之後，選擇乘坐巴士前往「新蒲崗」。結果我徒步由「荔枝角道」，前往乘坐巴士的巴士站道路「青山道」，只是我等候了很久，巴士還未真正來到。我見距離晚上看電視節目的時間還很遠，所以先在「青山道」享用下午茶，食完才繼續等候巴士。結果我不斷尋找港式茶餐廳食店之後，終於決定了選擇光顧，位於「深水埗」「青山道」巴士站旁邊的港式茶餐廳「雪山冰廳」。「雪山冰廳」的下午茶茶餐分別有「湯粉」、「火粉麵」以及一般茶餐廳小食食品下午茶。不過，既然我已經購買了「香菇滑雞」點心食品，只差還未購買外賣自取的「牛腩飯」食品而已，沒有理由在「青山道」等候巴士期間，還在「雪山冰廳」裡面享用粉麵飯食品。結果我研究「雪山冰廳」裡面的下午茶茶餐餐牌很長時間之後，終於都決定了享用「雪山冰廳」下午茶裡面，稱得上屬於「雪山冰廳」招牌食品的「避風塘生炸髀」。另外我還選擇了，享用「雪山冰廳」下午茶茶餐餐牌裡面的另一款，屬於「三文治」類別的下午茶茶餐食品「香蔥爆餡蛋牛治」。不過我一時

餐廳位置近青山道嘉頓左近，離深水埗港鐵站都需要行5至10分鐘，又不算太遠，就在寶血醫院對街，早餐特別又好食，多款式又可以靈活配搭。。早餐都有 經典芝士牛肉漢堡包，櫻花蝦炒雞蛋，配丹麥多士，沙爹牛肉麵，鮮奶麥皮，試了幾樣都很美味，推薦。。

屹立左喺深水埗多年，人氣一直高企嘅茶餐廳，今日終於嚟到試一試。佢每個月都有唔同嘅晚餐餐單，當日去到就叫咗兩款小菜，包括霸王雞半隻，同埋翠玉瓜炒牛仔骨。餐單仲送蟲草花燉湯，真係好滋補！以茶餐廳質素來講半隻霸王雞真係水準之上，雞肉嫩滑，份量都幾多，餐廳將豉油同熟油淋上面，令雞肉更加滲入到豉油嘅甜香，而且蔥花好多，無論作為裝飾又好，配雞肉食都好，都相當吸引。兩碗白飯仲係裝到成個小山丘咁至於翠玉瓜炒牛仔骨份量都唔少，翠玉瓜爽口，牛仔骨淋軟，仲配備左油炸鬼，超夾超入味。食完好飽最啱行吓隔離嘅嘉頓山！

今日同男朋友去完嘉頓山，隨意入左雪山冰廳食晚餐。我地都唔太肚餓，叫左個常餐$48同特餐$55。男朋友食1號常餐，有雪山沙茶牛肉公仔麵+頂級雲腿午餐肉炒蛋+香酥丹麥多士，加左$9要樽仔奶茶。沙茶牛肉唔韌易咬，公仔麵正常。頂級雲腿午餐肉炒蛋都係正常貨色。香酥丹麥多士唔錯，幾鬆軟。樽仔奶茶唔特別，早知唔加$9要啦。我食既特餐有檳城叻沙摻摻+日本櫻花蝦炒蛋+香酥丹麥多士，飲熱好立克。檳城叻沙摻摻即係油麵加米粉，好彩米粉份量比較多，因為唔鍾意油麵，湯底幾惹味。日本櫻花蝦炒蛋竟然有蔥，我唔食蔥，所以同男朋友交換左隻蛋食。熱好立克好離譜，有好幾舊結塊既好立克粉，超唔掂！

今日同朋友嚟咗深水埗，經過呢間冰室就入左尼食下午茶😙冰室嘅裝修好地道 環境都新淨同整潔👍🏼🍜檳城喇沙海南雞米線 $40呢個下午茶餐份量會少啲，喇沙湯底香濃，椰奶味都幾出，唔算辣，海南雞肉做到幾嫰滑🤤🥤樽仔奶茶 跟餐加$9 單點$25好香好濃，冇冰既奶茶唔會好似出面嘅茶餐廳因為啲冰搞到啲味淡晒！🍗避風塘生炸髀 $30雞髀肉質好嫩滑，炸得好香脆，避風塘風味好夠，有好香蒜味，不過真系有d辣🙈🦐日本櫻花蝦炒蛋多士 $28櫻花蝦都幾足料，蛋都炒得香滑，但可惜我覺得調味做得唔好，整體味道較淡。🍔經典芝士煎蛋牛肉漢堡包 $36麵包好軟熟，漢堡包烘香，完全唔乾，用咗沙律醬好夾 😋牛肉好有肉汁成個包食落口感豐富好有層次👍🏼平價都食到好味既漢堡包

同朋友行開深水埗，見到呢間餐廳有人排隊等位，我地都排一陣試下佢嘅下午茶，估唔到又有特式又有水準，而且價錢很親民。我地叫左個咸旦黃雞中翼加熱檸蜜，咸旦黃雞翼一上枱，已經嗅到好香既咸旦香味，入口咸香脆口，夠味而不油，真係咸旦控必必必食！另一個係避風塘雞髀🍗加8蚊有薯條，餐配凍紅豆冰，紅豆冰非常好味，紅豆夠淋夠多，我好耐未飲過咁好味既紅豆冰，推介！避風堂雞脾一上枱，已經覺得好抵，雞髀大隻，薯條加8蚊估唔到份量都唔少，避風塘雞脾少少spicy，好香蒜味，雞肉外脆內軟，薯條份量足而且夠哂熱，好味食完炸嘢飲返杯熱菜蜜都夠哂潤喉。埋單都只係80蚊左右，絕對有誠意，下次會再試下其他餐

搵笨的焗一字骨，所謂錫紙焗，其實只係將啲一字骨煮好後再用錫紙包好攞出嚟就當係焗，既然咁求其就不如刪除錫紙焗咁咪仲好，起碼啲食客唔會覺得被搵笨，唉！今晚呢餐真係又貴又要做豬😔 呢個肉餅好食，不過就只有6塊，而且仲好薄片

今次經過雪山冰廳見到佢更新左menu有新菜式，加上雪山係深水埗係一間好有歷史既冰廳，就吸引左我黎一試經典芝蛋牛肉漢堡包 $35(美味指數: 😋😋😋😋)去食雪山黎個芝蛋牛堡簡直就係必點之選，但今次個包有些少唔同，之前食既係芝麻包，今次黎個輕微炸過，包身偏淋。另外有半流心蛋，半溶芝士同肉汁牛肉漢堡既配搭依而係好好食招牌海南雞飯 $62(美味指數: 😋😋😋😋)無骨既海南雞飯，雞皮爽口雞肉嫩滑，仲配有一個酸一個甜既醬汁。而飯落左少少雞油同炸蒜片好香老壇酸菜魚 $88 (迷你份量)(美味指數: 😋😋😋😋)酸菜魚可以配飯或者寬粉，我就揀左寬粉。本身見到menu寫迷你份量諗住係細細碗甘，點知都有一配米線既size甘多。酸菜湯底少少辣偏酸，魚片無骨好嫩滑，最中意就係寬粉吸引晒d湯汁😋整體食物質素：4 / 5💰性價比：4 / 5👍推薦指數：4 / 5

中午三点多经过这家老字号，就进去吃个下午茶。餐厅足重新装修过，变得有时代感。店内客人不多，马上就可以找到位子了。下午茶有不少选择，从26元开始，最贵的才42元。听说他们的避风塘生炸鸡髀很出名，最后决定了要一份。由于是即叫即炸，等了不到10分钟就到了。跟餐的红荳冰大路货，忘了叫少冰，能喝到的奶水不多，而且稍嫌过甜，不太合我胃口。炸髀只是普通大小，只点了小辣。看到表面都是避风塘风味的调料，口味只带微辣。鸡皮部分能吃到风味，但鸡肉部分就有点淡，而且整体比较干，少了点肉汁，这也是一般炸髀的缺点。整个餐才35元，虽然水准一般，但算是一个合格的下午茶餐。

秋風起最啱去行山，今朝行完嘉頓山再去呢間茶餐廳，我一入去講真感覺真係好差，我哋兩個人安排入去坐嘅位置好迫，我150cm都頂住腳。🙄試咗遠近馳名嘅「避風塘生炸雞髀」，個雞髀都炸得好脆，不過調味粉好重味精，之後好口乾，除咗味精重啲之外都係揸得唔錯嘅，都多汁同滑 所以就叫咗凍樽裝奶茶，佢屬於奶味較重嘅奶茶，不錯👍🏻👍🏻另外就係普通沙嗲牛肉麵常餐😂

行經深水埗又諗唔到食乜，就去返之前幫襯過嘅老字號冰廳，起碼食過知道味道有保證👍🏻➡️招牌海南雞飯（$60）海南雞件幾有光澤，肉質又嫩滑，即使係雞胸位置都唔會覺得嚡口，而且已經全去骨，所以啖啖肉👍🏻配同酸甜嘅醃蘿蔔及青瓜一齊食幾清爽開胃😋➡️南洋咖喱吉列豬柳配蛋包飯（$65）無諗過吉列豬柳都有兩大塊，炸得又金黃香脆，食落彈牙又香口，真係停唔到口，即使之後放涼咗，口感都無變🤩蛋包飯呈半熟狀態，滿佈蛋漿，睇見都已流口水🤤配同辣辣地嘅咖哩真係超好下飯👍🏻值得一提係咖喱汁都幾香，而且都幾多，絕對唔會唔夠汁下飯😋➡️樽仔奶茶（跟餐加$9）朋友一向鍾意樽仔奶茶，因為唔會因為冰粒溶化而令味道有變，而呢度嘅奶茶都幾滑，而且唔會好甜，味道都ok😋➡️熱杏霜（跟餐加$6）熱杏霜唔會好甜，杏仁味都幾香，屬一貫茶餐廳水準，但大杯啲會更好，我唔洗一陣就飲晒😆➡️燉湯（跟餐加$15）因為熱杏霜已飲晒，所以我多叫咗個淮山陳腎燉赤肉湯！燉湯都幾好飲，而且都算足料，飲到幾香嘅陳腎味，可能我平時飲湯都不太加鹽，所以對我嚟講燉湯偏咸，但整體係唔錯嘅😋茶餐廳嚟講有呢個質素確係唔錯👍🏻