雪山冰廳

营业中

休息中

今日同男朋友去完嘉顿山，随意入左雪山冰厅食晚餐。我地都唔太肚饿，叫左个常餐$48同特餐$55。男朋友食1号常餐，有雪山沙茶牛肉公仔面+顶级云腿午餐肉炒蛋+香酥丹麦多士，加左$9要樽仔奶茶。沙茶牛肉唔韧易咬，公仔面正常。顶级云腿午餐肉炒蛋都系正常货色。香酥丹麦多士唔错，几松软。樽仔奶茶唔特别，早知唔加$9要啦。我食既特餐有槟城叻沙掺掺+日本樱花虾炒蛋+香酥丹麦多士，饮热好立克。槟城叻沙掺掺即系油面加米粉，好彩米粉份量比较多，因为唔钟意油面，汤底几惹味。日本樱花虾炒蛋竟然有葱，我唔食葱，所以同男朋友交换左只蛋食。热好立克好离谱，有好几旧结块既好立克粉，超唔掂！