雪山冰廳

营业中

休息中

出開深水埗的黃金買野, 就又去雪山冰廳食午餐~以前食過, 覺得幾唔錯~今天熱到傻,好在唔使等位, 行到出煙即刻涼返冷氣解脫><漢堡包是我的最愛必點, 朋友睇中夏日精選的蠔仔湯飯, 我就要低價豪食龍蝦叻沙摻摻芝蛋牛肉漢堡包: 即點即做, 漢堡包熱辣辣, 一刀切, 蛋汁流晒成個包, 加上融化的芝士, 我個心都融化埋蠔仔湯飯: 留意是湯飯, 而不是粥, 不過配料十足, 跟蠔仔粥差不多一樣的。超勁大碗, 我估計可以分4-5碗飯碗分量, 蠔仔嫩滑滑的, 湯也有蠔仔的鮮甜味波士頓龍蝦叻沙摻摻 : 中午食龍蝦, 豪氣! 其實都只係$98, 抵呀~ 把匙上的醬料融在湯中, 然後摻摻吸收了湯汁再食是最正的! 魚片頭超級彈牙勁好食!!阿姐好細心比了個夾我食龍蝦, 豆卜留最後吸晒湯時食最完美~茶走紅豆冰&雜果賓治 : 飲完即係消出開深水埗的黃金買野, 就又去雪山冰廳食午餐~以前食過, 覺得幾唔錯~呢間冰龐勁多唔同款式食物, 每款都幾唔錯~ 我間中都會去食下~

街坊美食之地:【深水埗】深水埗有很多隱世冰室, 各有特色, 食物質素高之餘, 價錢又超親民的🤩, 性價比高👍🏻💁‍♀️去懷舊冰廳點可以唔叫紅豆冰呢, 茶餐廳必叫! 紅豆粒份量多, 大大粒, 好香甜! 這裡的另一個特色飲品就是樽仔奶茶, 堂食或外賣帶回家慢慢喝也可以!經典芝蛋牛肉漢堡包🍔 - 兒時回憶, 經典的味道! 裏面的芝士片呈半溶狀態, 牛肉幾軟嫩, 芝麻麵包質感軟熟, 有芝麻香。厚切炒蛋三文治🥪 - 厚方包夾著嫩滑的炒蛋, 仍留有蛋汁。芝士焗波士頓龍蝦海鮮飯 - 上面佈滿半溶芝士, 白飯分量超多! 裏面有龍蝦🦞、青口、魷魚🦑、西蘭花🥦、日式魚片。上湯香菇浸時蔬 - 份量多, 時菜鮮甜。

假日一早來到歷史悠久的茶餐廳，本來還以為是1十分古老，大概餐廳裝修過，但仍保留了懷舊的氣息，最愛最愛。一看餐牌就知不惹少，最鍾意跟外面茶餐廳不同，連餐牌都有自己嘅特色，最後我哋點左兩個套餐，老公點了沙嗲牛肉湯通粉、配煎雙蛋多士和樽仔奶茶。我點了榨菜肉絲湯米份、熱檸水和追加了一份牛肉芝士漢堡包，由於太為食的關係，明知食唔晒都要點，這才是我的王道，哈哈。先不講味道，單項份量就已經回本，榨菜味道不咸不辣，米粉超滑，讚👍🏻最欣賞檸檬水放了整整四片，讚👍🏻牛肉芝士漢堡做得出色，只需加$18就可以嚐到材料足、非常美味的漢堡至於，沙嗲牛肉通粉略嫌通粉太淋太粉，還是喜歡口感比較爽硬的通粉。煎蛋很香，多士細細塊分量剛好樽仔咖啡值得一試總括：一致認為還是會再來光顧的店，服務員也很爽手，我們打包牛肉漢堡，她免費給我們紙袋，好貼心，下次再來想是他們家的肉醬意粉和西多士。

雪山冰廳哥哥剛剛覆課一星期，趁星期五一齊去食，當係鼓勵鼓勵。妹妹想食麵：經典芝蛋蛋牛肉漢堡+迷你肉醬意粉🍝。（意粉：絕對唔迷你，係一個平日常餐的碗，細食的要有心理準備。至於漢堡，係好多肉汁，唔鞋，好滑，但好明顯唔係比肉鬆粉整滑的。哥哥：芝士白汁巨大漢堡蛋包飯依個餐，我諗係男士份量，好大碟。巨大漢堡，就係雙層漢堡，中間再夾一塊芝士，要一定一齊食，上面再加白汁更惹味。蛋包飯內係炒飯，唔飽都幾難。我：招牌海南雞飯我至愛的海南雞飯，真係好滑。正呀！唔好唔食酸蘿蔔，比阿仔 KO 晒！另外，樽仔奶茶係新出！方便，飲唔晒都可以拎走。而且滑流流。*fusion茶餐廳*份量都好大

荔枝角好食內街茶餐廳荔枝角要搵間茶餐廳唔難，但要搵間好食，坐得又舒服既茶餐廳就有難度喇～今次呢間雪山冰廳野食又好食，坐又坐得舒服，值得推介。由於佢新開無耐，裝修新淨，而且坐位寬敞。同男朋友都比較肚仔餓，所以決定叫兩個飯餐加漢堡～🔻經典芝士牛肉漢堡包味道：8.5/10價錢：$32出奇地會係茶餐廳食到一個咁好食既漢堡包。牛肉煎都好香口，食到好多肉汁出嚟。而且煎蛋同芝士好夾。漢煲包皮都食得出有烘過，好食！🔻焗豬扒飯味道：8/10價錢：$58一個好食既豬扒飯，豬扒唔會太硬，幾嫩滑。豬扒上面仲有好多cheese，仲有拉絲既朋友一定要試下！而且份量都算大份。仲有唔少配菜！🔻海南雞油飯味道：8.5/10價錢：$60好香既雞油飯，而且啲雞都好嫩滑，仲有好多配菜同蔥。而且仲用上一隻好特色既碟！另外我地仲嗌左個湯同樽裝咖啡。個咖啡都幾好飲，幾香奶味～地址：雪山冰廳 (長沙灣)長沙灣青山道413號東景大廈地下4-5號舖

路過呢間冰室，見Openrice同 IG Tag都大獲好評就試下，一試真係不得了，平民價錢。酒店味道，係正wo 😋😋😋😋😋龍蝦超多羔，叻沙摻摻湯底好叻沙炸魚薯條仲有shake shake紫菜粉黑松露沙拉骨唔靱好味蝦骨馬拉盞炒菜就無咩特別但惹味燉湯勁濃味仲有細細粒螺肉食都係加$15下次想試漢堡飽同凍薄荷朱古力

行完嘉頓山，就喺附近搵咗間茶餐廳食晏晝，經過見到呢間茶几好多人食，就入去試吓我哋太肚餓嘅關係，就一人點咗一個餐，之後再嗌兩個小食，勁飽。喇沙參參，再配櫻花蝦炒蛋多士，喇沙最緊要係個湯底，佢個湯底味道非常之足夠，而且有椰奶嘅香味，米粉吸晒嘅湯底，食落好夠味道，而且佢嘅魚蛋片好彈牙XO醬炒豬扒公仔面，個豬扒好有水準，真係茶記嘅味道，唔會太油，而且公仔麵嘅份量十足，而且味道唔會太鹹佢個牛肉漢堡包係招牌貨，咁梗係要試吓，牛肉幾厚身，芝士啱啱溶化，隻煎蛋仲要係半熟，留喺個包上面，個口感好正避風塘炸雞髀，雞髀連埋果皮一齊咬勁正，啱重口味嘅人士，對我來講就鹹咗少少，不過辣辣地有幾惹味而且雞髀嘅份量都幾大隻

一直聽朋友說深水埗這老牌冰室很有人氣，終於有機會試試。餐廳裝修比我想像中新淨，原來是翻新過，不錯。先來個小食芝士煎蛋牛肉漢堡，芝麻麵包烤得香，一切開有半熟蛋、厚厚的牛肉漢堡扒和半溶芝士，相當吸引。漢堡扒內有惹味爽脆洋蔥粒，加上濕潤牛肉，很港式的滋味。 另外，選了個二人晚餐，有半隻海南雞、一個小菜和兩個燉湯。本來還有兩碗白飯，但我們想試其他主食，所以就沒有要。先講燉湯，椰子雪耳桂圓燉雞腳湯，很足料，一打開椰子的清香飄出，加上雞味，味道清甜，很滋陰的感覺。海南雞皮香肉滑，雖然不是雞髀的部份，但亦不會又乾又鞋。配上兩種醬汁，一款是酸辣醬，另外的是海南雞醬油，我比較喜歡前者，比較惹味刺激。小菜選了XO醬炒海斑片西蘭花，海斑片不是薄的，非常厚身，肉質爽有口感，不腥。西蘭花爽脆，份量多，令晚餐有足夠的蔬菜量。我們選了波士頓龍蝦叻沙摻摻做主食，茶餐廳居然有龍蝦，還是第一次見。叻沙味道討好，摻摻是油麵加米粉，加入爽口芽菜，整個面很順口。除了波士頓龍蝦，配料還有魚片、豆腐扑和雞蛋，非常豐富，二人分享一個絕對足夠。天氣熱的關係，我們還忍不住點了一個樽仔奶茶，冰凍的奶茶香濃順口，不會太甜，很消暑。

係深水埗區舊式餐廳多數較多,但隨住歲月好多都開始活化,今次黎到呢間舊式冰廳係最近都翻新過,環境雖然變得唔同左但內裏人情味不變.椒鹽豬扒飯以炒飯底上,蛋炒飯底炒得粒粒分明,入口乾身唔會感覺好油膩,加上少少椒鹽入口鹹香帶微辣幾惹味,如果蛋味再出少少會更香.椒鹽豬扒輕輕炸過,豬扒都幾厚身,入口鬆化又易咬開.豬扒唔會炸得過火,入口仲帶有肉汁夠晒香口.經典芝士煎蛋牛肉漢堡包內既牛肉漢堡入口嫩香多汁,肉質唔會死實實,牛味入口香濃.加上微微脆邊煎蛋同半溶既芝士,3款簡單既食材相信已經帶出港人獨特既滋味同回憶.漢堡包亦都唔會馬虎,包底塗滿牛油之再烘得十分均匀,入口帶牛油香又夠鬆脆.避風塘生炸雞脾宜家已經買少見少啦,得返老店會較有心機去整.原隻生炸雞脾大隻過我個拳頭,一d都唔簡單.外皮炸得夠脆又薄,入口咔嚓咔嚓聲,內裏雞脾肉嫩滑又唔會乾,再配上炸雞脾皮上既避風塘辣椒粉既香辣味,超邪惡但滿足.樽仔咖啡看似奶香比咖啡多,但一打開已經飄出超香既咖啡味.入口咖啡香滑,深焙味又夠香絕對唔比咖啡店差.

深水埗實在太多好野食，今次就嚟依間冰聽，其實姐係茶餐廳，不過依間茶餐廳有好多特色食物同飲品。💫價錢方面，依度真係好抵食，下午茶30幾蚊就食到一個餐啦。最推薦之芝士煎蛋牛肉漢堡🐂🍔一開始求其叫個漢堡食，估唔到咁平竟然會係我地最中意嘅食物。佢個麵包好軟熟，煎蛋蛋黃流行，一咬落去就爆汁，令個漢堡食落完全唔乾。最犀利係個牛肉漢堡扒，超級有彈性同滑嫩，好似酒樓牛肉球咁，非常推薦大家嚟食個漢堡。棒子西多士🧇佢好似平時啲西多士咁 不過裡面好特別 唔係花生醬 而係棒子醬 成件事都幾夾同埋個西多士外面炸得好脆 正 仲比左大大舊牛油 不過如果係厚多士就更加正 個人喜好 哈哈😄龍蝦海鮮芝士白汁焗飯🦞🍲估唔到茶餐廳會有龍蝦食 就試下啊 90幾當然唔可以expect好大隻龍蝦 不過依個價位嚟講龍蝦叫好食啦 同埋個飯份量好大 又有魚 又有蝦 同青口 真係唔話得 而且佢個汁好好味 整體個焗飯都唔錯我地仲叫咗杯紅豆冰同華田脆脆🥤🥤紅豆冰好多紅豆啊 華田脆脆個底有啲朱古力 一開始有啲暖 不過等啲冰發揮作用就ok啦🧊我覺得依度食物整體好食 而且性價比都高 尤其下午茶 同感覺乾淨 推薦黎食

今日經開深水埗做野就去左覓食，😛見呢間雪山冰廳啲菜式幾特別但價錢又好平民就入左去食。果然名不虛傳呀😍平時啲茶記頹飯完全冇得比呀！首先第一樣必點嘅係呢個經典芝士煎蛋牛肉漢堡包推介指數：5/5烘到香脆嘅漢堡包裏面夾住半熟蛋同半溶嘅芝士，咬一啖即刻爆晒漿出黎😍😭諗返都覺得好邪惡呀重點係佢塊牛肉漢堡非常之軟滑，幾乎冇起筋咁滯！咬落去啖啖肉，超級軟唸🤩價錢仲咁平，必食推介！之後仲叫左都係皇牌推介嘅榛子醬西多士推介指數：4/5呢個西多士超級大份，仲有牛油同糖漿任加🤩裏面嘅榛子醬雖然冇爆漿/流心，但都好夠多，兩個人分就啱啱好啦！鍾意食甜野嘅話就唔好錯過啦！另外都係小食，呢個$30就食到西餐廳水準嘅炸魚薯條！推介指數：4/5魚肉非常靚、唔係hea嘅劣質貨，仲連埋魚皮一齊炸，保持魚嘅鮮味😋炸皮薄得黎夠脆、仲配埋千島醬同茄汁。炸薯條都好有薯味，但擺耐左就唔夠脆，一定要即刻食！繼續係小食呀🤣我地真係最愛熱氣野🤣呢個係避風塘生炸雞髀推介指數：4.5/5隻雞髀超大隻，仲大過我隻手掌！肉汁鮮嫩、炸皮唔會太厚🤩$28真係好抵！我地叫左咁多小食、所以剩係叫一份主食share呢個係芝士焗波士頓龍蝦海鮮飯推介指數：4/5

今日3餐都係外面解決， 朝早11點同屋企去飲茶慶祝母親節， 到2點幾就肚餓。 難得係深水埗又出現， 緊係要搵d 好野食。上網openrice搵到雪山冰室, 上網食評都多人叫芝士牛肉漢堡包同避風塘炸脾。 先講避風塘炸脾，上面d炸蒜偏咸，但雞皮炸到脆卜卜，雞脾有肉汁嫩滑， 唔會過老。 雞脾唔算大隻，不過算有驚喜。芝士牛肉漢堡包， 1切落去有蛋汁流出黎， 包中間夾左溏心蛋， 個包面有芝麻烘過， 每啖都有芝麻香。牛肉唔係加工肉餅， 而係有牛肉碎有牛味。 芝士係卡夫芝士但亦半溶， 食得出有誠意。跟餐另有飲品， 但熱奶茶可以唔洗試

如果你想食到香港味又想食到好手勢,你點都要試吓雪山冰廳。同朋友經過食個tea, 見到旁邊點左既芝士漢堡好正咁。我地都點了一個, 跟手叫隻炸脾, 仲有咖喱滑蛋豬扒飯, 西多士。全部邪惡食物, 4 個女仔share, ok 啦! 個漢堡好食到震, 主要因為塊漢堡和芝士融和帶來的香及美味, 一食難忘, 唔輸俾好多漢堡餐廳。炸脾乾脆外皮, 咬口同時, 肉係嫩既, 好脾難求, 滑脾更是。加埋上面既香料, 滋味十足! 咖喱夠香, 塊豬扒算鬆。西多士內裡係榛子, 不得了的甜! 用它做我地既甜品, 正爆既一餐! 仲有, 仲上推埋佢個樽仔奶茶同咖啡, 滑! 邊食邊喝, 開心到震!

今朝一早好想食碗沙爹牛麵🥶茶記必備🥰呢間雪山冰廳嘅滋味推介雪山沙茶牛肉公仔麵。佢係傳統嘅沙茶醬和花生醬煮成醬～沙嗲牛肉麵。沙爹醬比一般濃味，牛肉7/8成熟，唔鞋好有口感。牛肉索晒沙嗲味，味道濃郁👍🏻配恰到好好麵底（唔會太硬或太林）呢個早餐好滿足。另外加$6配炒蛋，多士，蛋夠滑炒得剛好多士有烘底不過好細快。叫左杯凍奶茶，茶香奶濃，歺廳門口位有個凍櫃售買一樽樽奶茶，都唔少人買，下次經過都會買來試下。

眼見有這麼多好評，以為應該很靠譜，怎知完全是個「伏」！人人都讚的叻沙特餐，那碟櫻花蝦炒蛋，碎碎一小堆，比起澳牛的炒蛋真的輸十萬八千里遠，而丹麥麵包乾且凍，已心知不妙，主菜的所謂叻沙，份量少，米粉加意粉只是將兩種材料放在一起，食不出這配搭有何特色？薄薄魚片兩塊，蝦仔兩隻，盛惠52蚊一個傳說中的「深水埗名物」🤣🤣🤣🤣眼見身旁數檯客人所叫的小炒都吃剩很多，可想而知質素如何🤣🤣🤣🤣餐廳侍應吹水時粗口橫飛，如帶小朋友前往應三思，如當是課外學習粗口，一定獲益良多😎😎😎😎