雪山冰廳

营业中

休息中

春天好節目就是看花，星期日不怕迫，先去南昌公園，再行落元州村，黃風鈴、木棉花、杜鵑花隧道都行了～～需要休息下啦原來這間冰廳已有五十年，下午茶時間，客人不少㗎‼️ 下午茶都是傳統那些，今日選了生炸雞髀+薯條+紅豆冰，加了避風塘辣粉，其實不需要的，原味已經很好，肥嘟嘟海苔薯條好味，新鮮炸的，食晒都很飽，紅豆冰紅豆不夠，冰太多啦⋯⋯香蔥蛋牛治好味嘅，咸牛好少呀～～可能蛋多呱，要製造出厚蛋的效果‼️不過新鮮烹調出來的食物，熱辣辣的，永遠是最美味的～～

雪山冰廳共有兩間分店， 自1956年開業。絕對稱得上係一間老字號嘅冰室！今晚到深水埗呢一間!店舖翻新後簡潔光亮，用色以白磚牆，木桌，就甘望唔會覺得係甘有年代感嘅冰室，非常舒適。餐牌已經集齊晒港人對冰室/茶記嘅comfort food 雪山沙茶牛肉麵 $26用沙茶醬煮成嘅牛肉味道醬汁更濃郁，牛肉亦大塊，以$26晚市單點價非常超值。另一必須推介係常餐，經典芝蛋牛肉漢堡 + 德州辣肉醬意粉 $52 呢個配搭幾新穎又邪惡，滿足晒幾個願望。辣肉醬份量好多，可以拌勻整碟意粉。辣肉醬有少少後勁，另外仲有比較少見嘅紅腰豆增加口感。經典芝蛋牛肉漢堡，漢堡包非常軟熟，半流心嘅荷包蛋、芝士同爆汁嘅牛肉漢堡，就係滿足簡單美味。忌廉薄荷朱古力 跟餐+$9 淡淡薄荷味，幾清新。老壇酸菜魚（迷你）$88可跟飯/寬粉 調味方面同一般外面有d 唔同，加入了醃漬蘿蔔絲煮，湯頭會帶甜。魚肉嫩滑無骨，寬粉吸湯煙韌。最後呢隻避風塘生炸髀 $30必食，大過塊面嘅雞髀因生炸緣故，可以保留大量肉汁，令肉質更嫩滑。外皮沾滿脆脆辣椒粉、黑芝麻倍感惹味！

星期六中午嚟到位於深水埗青山道的「雪山冰廳」，係一間始創於1956年的茶餐廳冰室，主打經典港式美食，定價適中親民，好受附近街坊歡迎，難怪假期都要排隊等位入座啦雪山沙茶牛肉米粉沙茶醬牛肉片香軟腍滑，配上爽滑米粉，香濃惹味又飽肚檳城特餐特餐內容有喇沙、炒蛋及多士。檳城叻沙摻摻可改全米粉/全油麵🍜配料有魚片、豆卜、鮮蝦、炸蒜及秘製醬，好豐富呢！湯底香濃滋味，微微辣，好正哦日本櫻花蝦炒蛋配香酥丹麥多士🍞炒蛋好嫩滑，充滿蛋香，加咗蔥花同櫻花蝦，更添香氣～熱辣辣嘅丹麥多士金黃酥脆又鬆軟，滿載牛油香南洋咖喱牛筋腩飯一上枱已經傳來陣陣咖喱香，牛筋同牛腩嘅份量都唔少，牛筋炆到好腍，牛腩係半肥瘦的，肉味香濃，佐飯一流！熱檸茶&熱奶茶港式熱奶茶入口好順滑，充滿茶香。檸檬茶嘅檸檬夠晒新鮮，酸酸甜甜

深水埗有好多富有人情味嘅小店，甚至有啲已經扎根喺深水埗一段好長嘅時間。今日我哋就去咗已經係深水埗開咗好耐嘅雪山冰廳，餐廳經過重新裝修之後，環境同埋座位都非常之舒適。食物方面我哋就揀咗佢哋嘅咖喱吉列豬扒蛋包飯、招牌漢堡包、避風塘炸雞髀。🔸 咖喱吉列豬扒蛋包飯咖喱味道偏甜唔算辣，幾易入口，感覺偏日式。吉列豬扒炸得算香脆，蛋包飯嘅滑蛋夠哂滑，但可惜蛋味唔夠濃，同埋飯底係普通白飯底。🔸經典芝士煎蛋牛肉漢堡包港式嘅漢堡包配上芝士、流心煎蛋同埋非常多汁嘅牛肉漢堡，味道實在一流。一口咬落去之後，蛋汁同埋牛肉汁一齊流出，仲有夾雜着芝士嘅味道，實在非常豐富，再加上烘香嘅麵包，食落鬆軟，口感都富有層次。🔸避風塘炸雞髀雞髀成隻碟咁大隻，雞皮炸得酥脆，雞肉肉厚嫩滑！加上避風塘嘅香辣調味，勁惹味！🔸樽仔咖啡香濃幼滑，有傳統茶餐廳咖啡風味，無加冰所以唔會愈飲愈淡。

平時間中都會落茶記醫肚，價錢平得來質素又唔差，今次發現一間連鎖茶記 - 雪山冰廳，菜式選擇頗多，有驚喜😜👉 浦燒原條鰻魚蛋包飯一上台就覺得鰻魚的份量絕不欺場性價比超高👍🏻，配埋滑一滑的炒蛋🍳同軟硬適中的米飯🍚剛剛好😋👉 波士頓龍蝦🦞叻沙摻摻摻摻即係「兩溝」咁解😎，餐廳就用左米粉同油麵增加整碗麵的層次感，吸滿叻沙湯汁🍜的摻摻味道一流😚配埋大大隻波士頓龍蝦🦞，齋賣相都羸曬啦😂👉 榛子醬西多士西多士🥞中間夾左流心榛子醬，如果鐘意食甜野的你一定要試下😉👉 經典芝蛋牛肉漢堡配德州辣肉醬意粉🍝芝蛋牛肉漢堡🍔味道雖然冇咩驚喜，但係配埋的辣意粉🍝反而幾好食，辣辣地🔥好開胃👉 公司三文治🥪公司三文治🥪超級大份，中間夾左生菜、午餐肉🐷、火腿、芝士、蕃茄🍅等材料夠曬豐富🤣P.S: 餐廳有一個好超貼心位❤️值得一提，對小編來講個辣肉醬意粉🍝食到最後太辣，再叫叻沙的時候餐廳就幫我叫左小小辣🥰

嗰日同好友相約深水埗區搵食，深知道深水埗區小店林立，美食選擇十分多。咁啱我地喺嘉頓公司所在嘅街道，往前行唔駛半分鐘，就見到「雪山冰廳」，打算入去一探究竟！當時約莫兩點左右，入到去，都有唔少食客，幾熱鬧嘅感覺。打開餐牌，嘩，選擇都好多喎！我地都研究咗個餐牌好耐，最令人眼前一亮就係👇🏻冰室都有「波士頓龍蝦」食？？？於是我地就點咗一份孖份食，睇吓正唔正先「摻摻」嘅意思係油麵同米粉兩溝。叻沙湯底頗清新，感覺偏向冬蔭功湯嘅做法，同一般嘅星洲叻沙係有些少分別，不過仍無阻我地對佢嘅喜愛。特別係有半隻波士頓龍蝦，呢樣已經值回票價啦！👏🏻跟住就嗌咗份「蒲燒原條鰻魚蛋包飯」，以$68呢個價錢可以食到原條鰻魚，真係非常之抵呀！而滑蛋則略為熟咗少少，如果能夠控制得creamy些少，咁就perfect池喇！另外，我地都點咗個「上湯香菇浸時蔬」吸收吓纖維素嘅部分。菜芯非常爽脆清甜，同雜菇配搭得簡直係天衣無縫呀！之後仲有啲意猶未盡，就點咗個芝蛋牛肉漢堡包嚟二人共享。牛肉冇乜烤焗過，味道較淡，但係都不過不失。芝士蛋嘅組合無得輸，完食之後真係大滿足呢！總括嚟講，呢度食物質素夠高，服務員態度亦都非常好，以後經過都會多多幫

今日同男朋友去南昌公園欣賞黃花風鈴木，之後去深水埗晚飯，俾餐廳既名字吸引，餐廳係老字號，加上見有樽仔奶茶，入去試吓。員工介紹我地2人套餐$168，有兩個燉湯、兩個小菜及兩個白飯。專登叫少來一個白飯，因為貪心嘅我哋仲想叫其他菜式試。今日嘅燉湯係姬松茸燉烏雞，每人一盅，落足料，絕對唔係普通例湯，湯很清甜。小菜方面，點了去骨霸王雞半隻，雞皮爽滑，無皮下脂肪，雞肉都好嫩滑，加上海量葱絲及薑絲，正。套餐選擇這霸王雞實在是性價比高，因為單叫霸王雞半隻就要$128了。另外加$10，點了大馬站班腩煲，有豆腐、五花腩燒肉配班腩，蔥頭蒜頭同薑加埋馬拉盞一齊，好惹味，食極都唔夠喉。另叫了芝士焗波士頓海龍蝦鮮飯，因為俾餐牌圖片吸引左，實物同相片係一樣吸睛，見到會心心眼，打卡一流，除左主角龍蝦外，都幾豐富，班塊、鮑片、青口、墨魚片，分量十足，主角都好大隻，龍蝦爆晒膏，不過焗得耐左，蝦殼有d燶，肉質爽口但有啲老。個飯係炒底，好香，配合大量菇菌，三色椒粒及白汁一起吃，好滿足。樽仔奶茶幾好，好香滑。茶同奶嘅比例好好。整體晚餐好好，餐廳多卡位，員工好有禮貌，環境又乾淨，感覺好好。

小時後最鍾意就係去茶餐廳食常餐、特餐同埋紅豆冰，今次經過深水埗知道呢間冰室CP值最高嘅冰室試吓佢嘅特色小食✨避風塘生炸髀依隻生炸雞髀🍗大大隻有我手掌咁大，賣相好吸引😍一啖咬落去愛情好才兩件雞肉好嫩滑唔會太乾，好Juicy仲有秘製嘅避風塘辣辣地，非常香口，值得推介✨榛子醬西多士西多士係我小時候懷舊小食，呢度嘅西多士中間加咗一層榛子醬，厚切落去一啖淡榛子流出再配上牛油🧈仲有蜜糖甜甜地，西多士炸得好脆睇到榛子流出邪惡到爆😍✨芝士煎蛋牛肉漢堡就咁睇牛肉漢堡平平無奇，但係一啖咬落去嘅時候牛肉汁滲出好Juicy😍蛋煎蛋汁流出配埋薄薄柔軟嘅麵包🥯味道都唔錯㗎啵✨咖喱牛筋腩飯咖喱牛筋腩係佢哋嘅常餐，每一啖食到牛肉鋪滿咖喱椰汁香味好濃郁，而且牛筋同牛腩嘅份量足料，咖喱汁裏面仲有番薯🍠夠晒爽口配一碗白飯簡直係Perfect✨海南雞油飯雞皮厚爽脆 有少許啫喱狀雞油 油飯散發著淡淡油香味，令人食指大動沾上辣椒醬及酸醬令到味道提升😍✨✨忌廉薄荷朱古力美味的薄荷味朱古力較為重，朱古力嘅田都唔算太甜，鮮奶忌廉口感軟綿綿😚✨港式奶走紅豆冰紅豆出經過煮熟後都比較腍，有少許紅豆蓉喺裏面攪勻奶茶已伴入煉奶，整杯紅豆冰奶茶更

香港島其實一向冇乜特別好食嘅茶餐廳，前幾日一直想食茶餐廳但係又諗唔到邊度有好地方，今朝就叫男朋友搵吓深水埗有咩好茶餐廳，橫掂出開九龍唔好浪費呢個機會🤪之後佢就搵咗呢一間雪山冰廳，其實一開始我都有少少猶豫，不過佢搵到我就唔會 question 佢😂 見到OpenRice d comment 話喇沙好食，但係好少茶餐廳會做喇沙，仲要做得好食🥲 anyway，我由常餐沙茶牛肉麵到特餐喇沙不停struggle，到最後都係試喇沙，到上枱嘅時候，望到個樣就知道一定唔差🤤🤤昔日茶餐廳識嘅喇沙，上枱嘅時候就好似去左一間食新加坡/馬來西亞餐廳咁，睇個樣已經覺得好有誠意，有誠意嘅位唔係因為有蝦，而係湯底嘅顏色同埋嗰一湯匙嘅蝦米辣醬🤤🤤完全level up左個湯底！蝦我就冇食嘅，因為呢排皮膚敏感，所以唔敢講新唔新鮮，但係$55成個餐，佢有冇蝦其實我已經唔太介意😂 滲滲嘅米粉係高質米粉，我覺得佢做到掛湯嘅效果，所以我都食得幾滿足😍櫻花蝦炒蛋我就覺得有啲老，可以再滑啲，咁高 perfect🤭

話說之前專誠嚟深水埗好出名既嘉頓山，就搵到呢間「雪山冰廳」食個靚早餐，當時已經覺得佢哋既早餐好有特色同有誠意，有好多選擇，而且有我想食既辛辣麵🤤今次下午茶時間嚟，順便食個Early Dinner，就叫多少少😅同朋友一人叫咗一個下午茶set，再加多個入門口前，已經吸引到眼球既「老壇酸菜魚」，有飯同寬麵揀，就揀咗寬麵，畢竟酸菜魚同寬麵先係絕配😅🤣其實淨係單單下午茶既set，選擇好多元化，比起一般茶餐廳，而且係有誠意的，材料同份量都絕對配得上個價錢，性價比好高😍我同朋友就分別揀咗：🌟經典芝蛋牛肉漢堡包 $36🌟配樽仔奶茶 +$9個蛋係流心蛋嚟😳裡面有芝士，夾埋牛肉漢堡一齊食，即刻變得好juicy🤤，個包係熱辣辣的，好軟身，幾樣野加埋一食，好滿足😍🌟香蔥爆餡蛋牛治 $30🌟配紅豆冰 +$9好彩唔會過多香蔥定餐廳唔記得咗落香蔥🤭🤣😅不過對我嚟講少少吊下味就足夠了，麵包烘得外脆內軟，細心留意吓，裡面係有搽到一層牛油的，食既時候係散發出陣陣牛油香味😍蛋牛比例亦剛剛好，蛋香嫩滑，同牛肉既咸香味，相映生輝☺️🌟老壇子酸菜魚(迷你)跟寬麵 $88🌟好彩有叫埋呢道酸菜魚，餐廳好貼心，有迷你同正常份量供客人選擇

深水埗青山道上嘅雪山冰廳歷史悠久，記得以前佢嘅裝修都好舊式，幾年前經過大翻新，依家光猛整潔得多，今日就揀咗嚟咗呢度開餐。港式茶餐廳當然要有常餐同特餐，而呢度仲提供All Day Breakfast，果然與時並進。揀咗特餐「檳城叻沙摻摻」配炒蛋及多士，另加$9就可以轉大大杯嘅特飲，我揀咗港式茶走紅豆冰，入面有勁多紅豆，而且煲得夠林，原來紅豆冰唔用椰奶改用奶茶煉奶又別有一番風味。佢嘅炒蛋就加入左櫻花蝦，食起嚟啖啖都有櫻花蝦嘅味道，加埋綠色嘅蔥花，色彩繽紛簡直可以送碗白飯。而佢嘅多士亦都採用咗丹麥多士，充滿濃濃嘅牛油味。而特餐嘅主角就係呢碗喇沙，所謂「摻摻」其實意指油麵加米粉，將兩款麵底混合埋一齊食，索咗湯底好好味，另外有2隻蝦、魚片、豆卜，配料十足，我尤其鍾意佢嘅魚片，真係爽夾滑！另外叫咗常餐「經典芝蛋牛肉漢堡配德州辣肉醬意粉」，雖然係有兩份食物，但絕對唔係迷你版，大大份好抵食！飲品就揀咗忌廉薄荷朱古力，好香薄荷味，上面仲有好多忌廉，雖然有罪疚感，但係真係特別滑！呢個肉醬意粉嘅肉醬帶點辣，入面有啲紅腰豆，呢個配搭幾唔錯，而且佢仲有勁多肉醬，多到食完個意粉都仲有好多肉醬剩返喺度。呢個牛肉漢堡

今日去了深水埗！我們去了"雪山冰室"我們點了波士頓龍蝦海鮮焗飯$98，配槫仔奶茶$15波士頓龍蝦海鮮焗飯嘩！有半隻龍蝦，青口，魷魚，日本魚蛋...上面是濃濃的白汁，炒飯底！味道不錯！波士頓龍蝦喇沙$78，配槫仔奶茶$15有半隻龍蝦，魚片...喇沙湯底好香好濃，好濃郁的蝦湯味！小小辣小小椰奶香味！👍🏻👍🏻🤤下午茶餐海南雞喇沙$40槫仔奶茶$9下午茶餐好底食！海南雞好滑！好好味！湯底好正！好好味！槫仔奶茶奶味香濃，絲滑濃郁的口感！好好好好飲！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻🤤🤤🤤

樽仔奶茶雪山冰廳 地址: 深水埗青山道62D號地舖電話: 23865025假日行街街,行電腦商場格下價，了解新配件行情。行夠都要陪女友醫肚，一發脾氣我就有排氹。$88 一人份$158 酸菜魚 士豪份，兩個人應該夠食，可跟粉或白飯。酸菜要落得夠多，食落個陣先爽快，同埋個湯飲時酸香更會引發食慾大增。$50 叉燒蝦仁蛋飯大碟，一食個蛋仲依付了蛋汁好嫩，男人的浪漫。小食炸雞脾$30 即叫即炸，成隻雞脾炸好仲有好多脆炸蒜粒舖係面！皮脆肉無炸乾身之餘仲好入味。$16 菠蘿油係下午菜架必食，飯後做甜品增肥，塊牛油滑溶係口加埋甜菠蘿包，香港人架傑作。$35 上湯香菇時蔬，清一下腸胃，食左酸菜魚同菠蘿油架內疚。

由於疫情關係，很久沒有和朋友吃飯了 難得紅日就約出來聚聚吧(＾∇＾)ﾉ♪ 我和朋友在深水埗逛街，走到嘉頓麵包那邊 看到這間雪山冰廳裝潢蠻特別便進去了┏(＾0＾) ✨✨✨✨✨✨✨✨✨✨✨✨✨✨✨✨ 韻兒最喜歡吃沙爹牛肉麵，這樣十分有香港特色 這間沙嗲牛肉麵算是吃過最濃味🤟 套餐跟了炒蛋，餐肉和多士 朋友叫了 檳城喇沙摻摻 +日式櫻花炒蛋+ 喇沙摻摻即是 油麵 加米粉 ．使口感多層次 ．湯底夠惹味🥰 椰奶味重~ 配料有蝦 、魚片 同豆卜 我們加了一個小食『鹹蛋黃雞中翼』 一上臺的時候已經聞到那香香的鹹蛋黃味 入口鹹香脆口- 夠味而有不油🤟 鹹蛋黃控必試 樽仔奶茶(跟餐加$9) 茶底濃．不錯 ✨✨✨✨✨✨✨✨✨✨✨✨✨✨✨ 雪山冰廳 深水埗青山道62D號地舖

Came over for late lunch after some exercise with a friend . This is our first order lol as we actually had our 2nd meal here. Burger 🍔 we picked the signature fried pork burger, it was crunchy and nicely fried - could have more sauce instead the bread 😝 but the fries were amazing - hot crunchy and soft in texture - loving it!! French toast was their signature pick with hazelnut chocolate 🍫 spread inside. It was okay but portion was huge - definitely worth and lived up for the price. For the 2nd