雅 ‧悠蔬食

营业中

休息中

話說前嗰排同幾個朋友喺尖沙咀行行下街覺得肚餓就求其搵左間餐廳食野 點知原來朋友搵咗間素菜館黎食 不嬲都覺得素菜選擇少味道唔吸引 點知原來有意外驚喜🙈🙈首先要講下餐廳嘅裝修 餐廳以白色同紫色做主調非常適合一班女仔打卡去 而且座位舒服環境一流 我哋四個女仔去都影到停唔到手😹之後到食物味道 我叫咗個Dinner set大概$200 前菜就選擇左嗰蔬菜湯🥬湯嘅味道好濃郁而且好幼滑 仲會保留小小蔬菜粒 所以飲起嚟口感好豐富主菜就選擇咗菇扒配薯菜 菇扒嘅外型超級似牛扒仲要大大份 唔講真係以為自己食緊牛扒 菇扒吸收晒醬汁嘅精華 咬落去會覺得好juicy完全唔乾到最後個甜品我就叫左椰汁糕 椰汁糕口感煙煙韌韌而且味道亦都唔會好假所以總括來講我係十分推薦呢間餐廳俾大家

近期食得太多煎炸野，食到個人濟濟地同埋腸胃麻麻，想搵啲好食得來又健康又Fresh 嘅嘢！依間位於尖沙咀金馬倫道嘅素食餐廳，似乎可以滿足到我嘅要求！呢間雖然係樓上店，我哋都算早嚟，但係都幾乎滿座，好彩我哋有訂到位。晚上佢哋都係主要提供套餐為主，選擇都幾豐富！前菜有黑木耳，鮮果沙律，南瓜蓉 - 三樣都幾開胃又唔會食到太飽食唔到其他嘢。之後黎左個香芒牛油果手卷，呢個配搭好新鮮，又出奇地好食，紫菜好趣，裏面有些西洋芽菜食落好爽口！猴頭菇燉湯 - 個湯好清，配合猴頭菇和其他素菜，都幾好飲！牛肝菌意大利飯 - 呢個飯都幾有驚喜，好食過出邊一啲意大利餐廳，意大利飯煮得剛剛好軟硬適中，又食到濃濃嘅芝士汁，配搭好有菇味嘅牛肝菌，一流！甜品：焦糖榛子千層蛋糕，乳酪蛋糕

今次黎左尖沙咀新開既西式素食餐廳，平時做開食肉獸，間唔中都要健康d食下素🥗餐廳風格好可愛，以紫白二色為主調💜•Dinner Set ($258)前菜 🥣涼拌杞子百合黑木耳幾爽口，酸酸地好開胃👄-🎃日本南瓜莓乾薯泥平時麻麻地南瓜既我都覺得幾好食🤤-🥗泰式鮮果沙律有🍇提子，🍍菠蘿，火龍果等水果，下面有沙律菜，幾清新👅•🌯香芒牛油果苜蓿芽手卷呢樣係全晚我至愛✨✨佢有成3塊紫菜包住🥭香芒，🥑牛油果，苜蓿芽，估唔到成個味道可以咁夾咁正！重點係紫菜極脆，好少可以keep到咁脆口，超好食😋😋•🍲猴頭菇竹笙黃耳雪蓮子燉湯足料，燉湯夠清，好滋潤健康😻•🍝黑松露意式野菜焗螺絲粉 伴 香脆腐皮卷野菜有🍄菇，露荀等，加左好多芝士🧀同黑松露黎焗個粉，味道好香好突出!香脆腐皮卷外層好脆，入面勁多層腐皮，口感好似食緊肉咁，好味呀🍗•🍰焦糖海鹽榛子千層班㦸（+$25）cream夠香滑，味道幾好，同lady m 比個蛋皮較厚🍴•🍯檸檬蜂蜜水（+$10）幾好，蜂蜜味夠～————————————（5⭐️滿分，💫為半分）整體環境：⭐️⭐️⭐️⭐️食物外觀：⭐️⭐️⭐️⭐️味道：⭐️⭐️⭐️⭐️性價比：⭐️⭐️⭐️回頭指數：⭐️⭐️⭐️💫————————————

最近成日感冒嘅我想食得健康啲，於是上網搜尋有關綠色食品嘅餐廳，發現附近有間近近地嘅素食餐廳，於是拉埋同我行緊街嘅幾個朋友一齊去試。一入到黎就聞到勁大陣黑松露味🤤好吸引我呢個黑松露愛好者，於是一坐低就叫左個黑松露dinner set，賣相好似肉扒嘅百靈菇扒好特別👍🏻香芒牛油果苜蓿芽手卷同甜品都好好食😋呢度嘅環境比我想像中要靚得多，以往見啲素食餐廳都係比較中式、傳統、古舊而且有佛像同燒香嘅味道，估唔到呢度係完全相反，用粉紫色做主題—感覺很新派，裝修很西式、很華麗、很夢幻😍推薦想減肥同想健康嘅朋友黎呢度食👍🏻

尖沙咀樓上新派素食 有驚喜 有心思 走肉都可以好豐富【雅·悠蔬食】‼️‼️.日日大魚大肉好快食厭，想換下菜單換下口味，即刻Search下有咩素食先🤣搵到有間全間都用紫色做主題裝修，菜式有創意，地點仲係熱鬧唧尖沙咀！一入到去已經要等位，人山人海認真爆場😳由前菜至甜品都一應俱全，走肉都可以好豐富～紅菜頭拌蘋果好健康好有營養！酸酸甜甜咁，紅菜頭同蘋果都好有咬口好新鮮。中間仲有少少好香口嘅合桃！香芒牛油果手卷走飯走肉嘅手卷，感覺好新奇😂用咗苜蓿嚟代替飯底，但又幾好食，反而好食得出蔬果嘅鮮甜味，幾fresh。和風一品豆乳鍋配稻庭烏冬好香濃嘅豆味，用石鍋上熱辣辣好吸引！湯底好清甜，將烏冬浸落去再食，口感好滑，烏冬都有埋豆味，正！紅咖喱野菜猴頭菇配印度薄餅中意濃味少少嘅可以揀呢款，紅咖哩好惹味，有少少甜味要嚟點薄餅一流😋野菜吸收曬啲咖哩味，送飯都好開胃。黑糖手作芋圓配豆乳布甸呢個甜品係尖沙咀分店限定嘅，推薦～芋圓好煙韌，吾會太甜，豆乳布甸好香或帶有少少清香嘅豆味，一啲都吾溜！

一入到來有點驚喜，餐廳是少女般粉紫色裝修設計，外表已是討喜，有別與一般素食舖。感覺新穎。客人都好多，好旺場。同幾個朋友去食，每人叫咗一個Dinner Set —前菜例牌，手卷我選擇咗香芒牛油果苜蓿芽手卷；好Fresh，適合鍾意食Salad人仕，呢個Item仲可免蛋奶。湯我揀咗菠菜桃膠忌廉濃湯；桃膠好煙韌，也有濃濃菠菜味。主菜我揀咗黑松露蘑菇汁百靈菇扒配義大利薯菜；黑松露味幾濃，好大嚿菇扒，食唔曬，飽腹感完全可以代替鍾意食肉嘅自己，飽到不得了。甜品我揀咗宇治抹茶乳酪蛋糕；感覺上不太甜，瘦身永遠係女仔終身大事，會冇咁大罪疚感。以上係我Order嘅，朋友們Order嘅Details我就唔盡錄喇～🤪另外，我哋仲Order咗素食Pizza，當然感覺比一般Pizza無咁Heavy啦～👍🏻好飽肚，大家都食唔曬。其實素食分分鐘仲可以飽過食肉，而且又健康。幾滿意今次嘅素食晚餐～Have a nice dinner～

新年期間食得太多肉類同糕点，上星期五好想清下腸胃，來到這素菜館食晚飯，装修優雅。我地四人叫左幾款set dinner，有前菜，竹笙黄耳素湯，忌廉磨菇湯，牛油果手卷，好清新。千層意粉，好夠味！還有稻庭烏冬配磨菇煱，味道不錯呢！最後叫左幾款甜品~千層蛋糕等等。雖然這間菜館有些貴，但味道不錯，有新鮮感！👍

晚上約了幾位同事吃晚飯，有一位同事是吃素的，她說之前到悠蔬食吃過一次晚飯，餸菜好吃有益，因此我們也一致同意到這家素食餐廳吃晚餐。我點了一個套餐，餐湯是菠菜桃膠忌廉濃湯，這對我來說是挺新奇的，感覺像中西合璧的餐湯味道非常不錯，把桃膠加進忌廉湯十分有創意。主菜我點了黑松露蘑菇汁百靈菇扒配意大利薯菜。醬汁香濃，加上百靈菇扒後“菌味十足”，好吃到停不了。最後甜品我點了黑糖手作芋圓遇上豆乳布丁。芋圓是我最喜愛吃的甜品，我差點要把我同事的芋圓都給吃光光。很滿足的一餐，和同事餐聚是一個不錯的選擇。

今日係偶然既機會下，去到位於尖沙咀既呢間素食餐廳。本身佢既位置唔算易搵，係一間商業中心入面，我都係透過朋友介紹同帶路先識路上去餐廳。一到門口，出奇地已經有唔少人等候入座。我地係等侯期間揭開菜單睇，發現呢間餐廳既菜式同高級西餐廳冇咩分別，有dinner set，西湯，各種小菜，連意大利飯都有，更估唔到既係用既材料的確全部係素食材料。我地坐低左之後叫左一個dinner set 同一個小菜（糖醋猴頭菇），dinner set非常抵食，有齊前菜，西湯，主菜同甜品。前菜既紅菜頭西柚蘋果十分開胃又有益。西湯方面，波菜味極出，黑松露味濃，完全唔覺係食緊素食，似係西餐廳食緊高級西餐。主菜我地揀左金瓜榆耳意大利飯，味濃又唔膩，可以話比真正既意大利飯更好食，食完仲想再來多碟。甜品既綠茶芝士蛋糕都好正，抹菜同芝士比例啱啱好又唔怕膩。小菜方面我地叫左既糖醋猴頭菇亦十分出色，酸酸甜甜咁幾醒胃，又冇肉類既油膩，可以話係食過最出色既小菜。埋單兩個人先500蚊，整體來講，呢間素食餐廳係絕對值得一試。

今日就去試啲新嘢 去食依間素食去到鋪頭裏面大部分嘅野圍繞着紫色嘅 仲有好soft嘅歌播緊 好舒服Dinner set:菠菜桃膠忌廉濃湯一嚟到見到一碗青BB嘅湯 飲落去十分之濃郁 而且有好多桃膠 滋陰養顏🙈十分之好飲 仲有松露香🤤🤤前菜四喜烤夫 食落有啲似豆腐干 紅菜頭蘋果拌合桃 食落幾清新 蘋果都爽脆 豆絲涼皮 食落去同平時食嘅雞絲涼皮冇分別 味道勁似 香芒牛油果苜蓿手卷食落去都幾清新 雖然唔知苜蓿係啲咩菜 但都幾特別 紫菜十分之脆 個口感有啲似小老闆紫菜主菜就食咗金瓜榆耳准山意大利飯配韓式炸物韓式炸物睇落有啲似炸雞 炸到金黃色 個意大利飯簡直係高水準 佢比我感覺到佢好似去咗高級餐廳食飯 而唔係去食素個飯入面有啲蘆筍 青瓜 菇 蕃茄 等等嘅材料 聞落仲有陣陣嘅松茸香味 正宇治抹茶紅豆Chesse cake個cake都唔錯 芝士味好出 宇治抹茶同紅豆嘅比例啱啱好泰式腰果糖醋猴頭菇酸酸甜甜好開胃 而且佢整到好似平時食開啲咕嚕肉咁 超正 像真度好高 猴頭菇整到好似平時食開一嚿嚿肉咁👍🏻👍🏻手作小漢堡中間個層素肉都好高質 煎得岩岩好 咬落仲有好咬緊真嘅肉咁 唔錯😋🤤🤤🤤

本來沒有 訂位 去到時已滿座 服務員叫我們留低電話 ， 等有位再打畀我哋。 因為我同朋友係食晚飯所以價錢 比較高 但 睇過午飯價錢是合理 的。 服務員 都很有 禮貌給我們 補充水了幾次。我和朋友叫了一個馬拉盞炒通菜 牛肝菌煲 泰式金邊粉 通菜微辣帶一點有回鍋肉味的 素肉 而牛肝菌煲 配有 很多 蔬菜 喜歡食素菜 的人 都幾 適合 金邊粉也不錯 雖然沒有海鮮但係 味道是足夠的 我們兩個人 叫了三個菜十分 飽肚 最後還叫了一個甜品 紫薯千層糕 甜度適中 我們還想叫一個千層凍餅 但沒有存貨了。

上次同女朋友嚟食過😋 呢度的素食好有特色👍 今次專登帶兩老👴👵嚟試試😘本來想約正月十五，但因為book唔到位，所以要遲一日十六先食到😐阿媽安慰我話，有心唔怕遲啦😅媽媽見到啲前菜，已經好有驚喜，話色彩繽紛，味道一流👍柚香紅菜頭蘋果拌合桃，顏色已經好吸引，酸酸甜甜，口感清新🤗四喜烤麩，烤麩口感鬆軟有彈性，加埋爽口嘅雲耳，麻油香氣撲鼻，呢道爸爸最愛😍麻醬沙薑豆絲粉皮，粉皮半透明，有彈性又有韌性，口感爽滑彈牙。清爽的青瓜絲，加上豆絲，跟粉皮及已調味的麻醬來拌食，爽口又惹味😋😋😋上次兩個人叫兩個set dinner ，食吾晒😅今次醒目喇，四個人叫兩個set,再加少少嘢，食得精明啲😜香芒牛油果苜蓿芽和露筍素香鬆苜蓿芽手卷，老爸老媽第一次食，苜蓿芽爽口，紫菜香脆，兩老食得開懷👍我和女友喜愛西湯，所以選菠菜桃膠忌廉濃湯，顏色出眾，既香且滑😋湯內還食到粒粒桃膠，口感一流👍爸媽選中湯， 茶樹菇竹笙蓮子紅棗黃耳燉湯，隔離都聞到香濃菇味，媽媽品嚐後，覺得材料配搭得很好，立刻用紙筆記下，我們看得哈哈大笑😅白松露蘆筍南瓜紫薯鮮豆包焗千層麵，材料配搭新鮮又特別，味道仲好夾😍意大利風乾蕃茄秋葵會扁意粉拌天婦羅露筍，

上網睇到有人介紹尖沙咀呢間標榜素食嘅餐廳，咁啱行到呢頭，就上咗去試吓🤔每張枱都算好闊落，店員都好友善，值得一讚(可能喺其他餐廳見慣d黑口黑面嘅侍應🤣)擔擔麵 $58本身見好似幾抵食就叫咗擔擔麵，估到個湯底係咁濃郁😳完全唔似食素，而且份量都好多，幾好食！泰式香煎如餅 $68我見齋食麵好寡，就叫咗個小食做餸；如餅真係好好食，強烈推薦！😍本人一向中意食呢類泰式食物，用素做到嗰個效果之餘，又無肉咁油膩。香茅味好濃，個醬都係係自己校嘅，無李X記嗰啲咁甜～

平時見男朋友冇咩食蔬菜，身體唔係太好，咁岩又比我見到間食素菜，個樣又好靚，咁就去咗食啦！我哋係lunch去，都幾多人，最好就book定啦費事等！咁我哋叫咗個lunch意粉，包沙律🥗湯！個沙律幾好食！幾開胃！之後我哋要咗個中湯！不得了呢個湯好好飲，冇咩味精！香芒牛油果🥑苜芽手卷$38我覺得依個菜式，10分有創意，仲要幾好食！啱晒啲唔鍾意食菜嘅朋友😂😂蘆筍素香鬆苜宿芽手卷$28中午lunch set ♥️有番茄好開胃，同埋裏面好多唔同種類嘅蔬菜，超級之健康！手作小漢堡$78個包係熱辣辣嘅，裏面嘅肉好似真肉咁！配埋一齊食好好食！泰式炒金邊粉$98個樣同平時嗰啲就有少少唔同，不過個味道係相似嘅，只係佢無肉，多咗一啲薑味！總括來講幾好食！加咗$10轉呢個藍蝴蝶🦋梨汁個人覺得有啲甜，不過男朋友話OK！冬季限定甜品個布丁係豆腐味，食落去個口感都好似係豆腐咁，芋圓好好食，個汁就好重薑味😂

一直以來都係食肉獸，但間唔中一餐半餐都要食下素既～難得搵到一間咁新式又好味既素菜，呢間真心正呀❤️👉🏿✨香芒牛油果首蓿芽手卷 HKD 38 💸📌估唔到牛油果搭芒果呢個配搭都幾fresh~酸甜既芒果好開胃，首蓿芽份量好多，作為前菜簡直一流🤭👉🏿✨紫薯焗千層麵 Hkd 158 💸📌上面「肉醬」，千層麵，最底會有南瓜同紫薯仲有腐皮等😊滿滿既素菜絕對食到飽人！由其係佢啲紫薯！超香甜，南瓜唔會煮到淋晒，好味😊👉🏿✨擔擔麵 Hkd 58 💸📌超濃味既擔擔麵，最鐘意佢有啲辣辣地，每條麵條都會索晒湯汁😍連埋花生既香味，必點👌🏽👉🏿✨泰式腰果糖醋猴頭菇 Hkd 128 💸📌其實食落陣味真心超似食緊咕嚕肉～佢啲糖醋汁做得超開胃！腰果又多，食落香脆，仲有菠蘿😻同埋猴頭菇咬落係爆汁咁濟，脆卜卜，勁唔似素菜！高質！👉🏿✨千層蛋糕Hkd 48 💸📌入面係啲咖啡忌廉好cramy😍成件cake做得甜而不膩，同媽子share食輕輕鬆鬆就ko🥳👉🏿✨冬季限定甜品布丁芋圓 Hkd 58 💸📌中間個布丁係豆花咁，佢啲芋圓真係食丁有芋頭同地瓜味，加埋啲薑汁，冬天食真係好暖胃🥳