雅 ‧悠蔬食

营业中

休息中

首次光顧，估唔到咁有驚喜！湯品︰姬松茸椰子黃耳竹笙燉湯前菜︰香椿拌翡翠/ 紅菜頭蘋果香橙伴合桃/ 泰式鮮果沙律香芒牛油果苜蓿芽手卷素瑤柱桂花賽旁蟹 配珍珠糙米飯甜薯條 正！如果薄餅多兩塊就好了份量好足，食到一半已開始飽超級驚喜，口感太似冬陰公味嘅咕嚕肉，估唔到菇類可以做得出呢個質感，好好味呀！跟餐︰紫薯乳酪蛋糕/ 宇治抹茶紅豆椰汁糕 百爵紅茶千層班㦸 (另加$25)  好香百爵茶味！一行六人試咗四款餐另加一個單品，基本上全部都好味，份量很足，無限用餐時間，但設有每人最低消費$200，同區食肆來說來，性價比高。

最近食得好heavy,剪完頭髮路經見到有素食，好似幾好食咁。咁就一於試吓佢啦。點知真係有驚喜！我哋叫咗兩個兩人餐，分別有小食，前菜、餐湯、主食、甜品、、餐飲等等。其中個餐湯係菠菜忌廉塗膠湯！真係好足料而且好飲😄一啲都唔馬虎！至於個主食分別係咖喱香菇飯配煎餅 & 黑松露香菌意大利粉！兩個都好唔好食而且好用心煮！其實久唔久食下素菜都係一個幾好嘅選擇，又健康又幾好食！不過如果想再健康啲餐牌裏都有唔同嘅選擇😄

心血來潮想食素,見好多好評,一於試吓.餐館睇落不算太大,原本行入啲有間可間成廂房的地方. 餐牌選擇不算太多,而且都是開心share食的多,一個人食就不能叫太多. 菜式以西/泰式居多,不似傳統中式素食店.主菜味道中規中距,反而想講吓個甜品 - 酥皮蘋果. 睇賣相已相當吸引. 但其實有擔心整開去會散到成兜係會好食得”呢hea”,最後都無理,由中間較薄位置開始. 原來個底都夠力,就算打開了,都無散出嚟. 一打開,玉桂香撲面而來,千層酥皮薄且脆,蘋果粒暖暖的仲有少少爽又唔粉,超正。 唯一美中不足係熱度不平均。

好友生日，當然要吃餐生日飯慶祝一下，她一向多菜勁少肉，素食就最適合不過。第一時間就諗起以她最喜歡顏色為主調的新派素食店，就是一身粉紫色的【雅•悠蔬食】，是我蠻喜歡的素店，相信她也會歡喜。餐廳裝潢沒有變動，感覺同樣舒適優雅，地方挺寬敞闊落，設有多張二至四人枱，亦有紫色梳發座的四人卡座，再入一點設有數張大圓枱，可容納不少客人。友人覺得整體格調有別於一般的素食店，環境優雅，加上枱墊和餐簿也是紫色，令她滿心歡喜。細閱餐簿，有不同時段的套餐和散點菜式，兩者同樣吸引。晚巿套餐包前菜、手卷、湯品、主食及甜品，定價為$248或$258，還可加錢配不同的飲品或轉特色甜品，好豐富。由壽星女揸主意，最終套餐和散點都要齊。*************************先來前菜三食，日本山藥麵線拌芝麻醬，切成一絲絲，黏滑中帶點爽，突顯其特質，簡單拌入甘香的芝麻醬，味道很夾。涼拌日本黑豆亞塔子黑木耳最吸引我，有黑木耳、杞子、青瓜、蜜豆，還加少見的亞塔子，拌入醋汁，又有益又醒胃。紅菜頭蘋果香橙拌合桃清爽多汁，拌入酸咪咪的橙汁，開胃好味。三款各有特色，味道清新，作為前菜最適合不過。****************

在OpenRice訂了2人檯，7:30晚飯。早到了10分鐘，男侍應要我坐門口等等，我說好的。在這10分鐘，裡面有空的2人坐位的，他說被人訂了，但10分鐘後沒人預訂而入坐，是否這樣對待在open rice訂坐的客人，要按時7:30才給你入坐，有空位都不給我入坐，差一分鐘都不叫我去入坐。在OpenRice 訂坐是沒有優惠的，是方便按制訂坐。現在這餐廳的服務影響了本人對於在OpenRice 預訂服務。二人位迫。叫了一份 dinner set 248 + 一份主菜$128，已經足夠2人食，食到好飽。食物質素一般。

朋友一早就介紹這家素菜給我，決定試一試～這裡的裝潢都圍繞著紫、白色，相對感覺挺女性化和很舒適。和朋友點了晚市套餐，首先是小食、手卷、湯品、主食、甜品和飲料，吃得超飽！第一次食素都食到這麼滿足，很用心的餐廳！推薦！前菜有山藥、黑木耳、紅菜頭蘋果，全部都是冷盤，很開胃。之後是手卷，紫菜很脆，不過個人覺得有點生，有點草青味。湯品有兩款，同朋友一人一款，一款是黑松露雜菌湯，另一款是中式燉湯，兩款都很好喝！西式的黑松露味很濃很香，而中式的很甜而不膩，一喝就知是花了很多時間的足料燉湯！主食點了冬蔭意粉和青咖哩薄餅，冬蔭意粉酸酸辣辣，再配上炸牛油果，配搭上做得不錯～青咖哩薄餅再配白飯，這個值得一試！一來青咖哩做得很香濃，香料味重，感覺正宗；二來是超多蔬菜，還有猴頭菇，很豐富！飲料點了五穀奶和碟豆花梨子汁，碟豆花梨子汁酸酸甜甜，亦想不到碟豆花和梨子這麼夾，不錯！最後是甜品，點了斑蘭千層蛋糕和紅茶乳酪蛋糕，兩款甜品都做得很出色。千層蛋糕每一口都品嚐到斑蘭的淡淡香味，而紅茶乳酪蛋糕感覺很似芝士蛋糕，質感實身，不會太甜，很吸引！

兩個人叫左一個set ($248) 再散叫左兩樣野 SET既前菜有三款 四喜烤夫 - 似冰豆腐既質感 好入味紅火龍果藜麥沙律伴無花果黑醋 - 黑醋酸酸甜甜幾開胃羅馬蕃茄伴胡麻醬 - 依個組合點都唔會出事既 太子參黃耳馬蹄花菇燉湯 - 有幾款唔同既菇類 飲落清清地香芒牛油果苜蓿芽手卷 - 原來個手卷無飯既 入面全部都係苜蓿芽 中間都夾左醬同芒果 不過紫菜淋左好難咬黑皮雞縱菌鮮豆包白松露薯蓉焗千層麵 - 個名好長呀 ”鮮豆包”應該就係千層麵中間有層似厚身腐皮既野 “黑皮雞縱菌”就應該係撈埋係d醬度 千層麵面層芝士好厚好香 薯蓉好多白松露薯蓉 又滑又香 成個組合好好味 望落成量唔多 不過有薯蓉又多芝士 嗌一個main好夠黑松露薯蓉焗大啡菇 $158 - 大啡菇焗起好香 夠厚身 食落好多汁唔會乾 泰式腰果糖醋猴頭菇 $128 - 整過猴頭菇 要浸幾次水好麻煩 浸得唔夠會苦 覺得係功夫菜呀 上枱熱辣辣食一粒 外脆內軟仲要無粉漿無肥膏無骨 好食過咕嚕肉好多呀!!! 酸酸甜甜好中和番芝士同薯蓉既膩跟餐甜品 馬蹄糕 - 比一陣食既糕硬身好多 糕身好重菊花味 甘甘地唔會好甜 店員抵讚! 坐低冷氣好大

今晚約左個食素既朋友食飯, 食素黎講我真係無乜頭緒, 所以交比佢決定餐廳~佢就帶左我黎尖沙咀雅悠蔬食, 上到去餐廳唔知點解有種幾舒服靜靜地悠悠閒閒既感覺, 可能係因為播住慢歌, 加埋紫色白色為主既裝潢啦~ 平時幾乎都唔會接觸素菜餐廳, 望下menu又好似樣樣都好好食喎, 唔係單調無聊既食物黎喎四喜烤夫及紅火龍果藜麥沙律伴無花果黑醋 羅馬蕃茄藜麥伴胡麻醬作為一個前菜, 單單個賣相已經好吸引而且好特別, 有別於出面餐廳食黎食去都只係沙律菜 。四喜烤夫好入味, 但我就中意紅火龍同蕃茄多d, 無花果黑醋帶甜, 伴住黎食非常清新蘆筍素香鬆苜蓿芽手卷香芒牛油果苜蓿芽手卷 叫之前我都唔知苜蓿芽係乜野黎, 黎到見到手卷個樣同平時個d都係一樣, 一拎起輕好多喎, 因為由飯轉左做苜蓿芽, 本身覺得用蔬菜黎做手卷好似好奇怪, 但點知食落又出奇咁夾, 而且仲幾好味添! 原來手卷唔一定要包飯架周打黃耳桃膠忌廉濃湯太子參黃耳馬碲花菇燉湯我中意飲中湯所以揀左太子參, 飲得出無味精, 入面仲好足料, 十分清甜。而朋友個個我試左啖, 相比之下西湯就香d濃d杰d, 兩個都好飲睇你中意清甜定味濃啦~黑皮雞縱菌鮮豆包白松露薯

相約兩位好友一起用餐，其中一位是吃素的，所以選了在此，晚餐最低消費每位$200蘆筍素香鬆苜蓿芽手卷 $28香芒牛油果苜蓿芽手卷 $38兩款手卷都配搭新鮮，清爽可口手作小漢堡 $78漢堡包🍔的餡料似是新豬肉，味道及質感也令人滿意紅火龍果藜麥沙律伴無花果黑醋🥗 $68賣相吸引又健康，紅火龍果味道清甜菠菜合桃野菌忌廉意大利飯伴香脆腐皮卷 $148賣相清新，腐皮卷卷成雞腿🍗模樣，味道香濃😅大啡菇白松露薄餅🍕 $148相當香脆可口黑芝麻豆腐千層班戟🍰 $48黑芝麻味相當濃郁，口感豐富有層次

當心靈感覺到疲累時，就會約一位信佛茹素的知心朋友相聚，讓我傾訴心中的話，讓她聆聽我的鬱結，縱使大家立場未必相同，但互相尊重為基本。選擇了這間雅悠蔬食，共晉素食晚飯。我們點了牛肝菌焗螺絲粉併小紫薯、茄汁牛油果薯蓉焗千層麵、新豬肉薯餅、黑芝麻千層蛋糕。牛肝菌焗螺絲粉很香的牛肝菌味道，超讚的味道，車厘茄，各種菇菌，醬汁很濃郁，我們都很滿意這碟螺絲粉。炸小紫薯就像炸蠔的口感，微甜的紫薯滿有趣的。焗千層麵，滿滿的芝士焗面有點膩，尚好有蕃茄汁酸酸甜甜減輕膩感。新豬肉薯餅配自家製千島醬，很好食，推介。黑芝麻千層蛋糕有濃濃的芝麻味，很香。飲品，我叫了一壺桂圓紅棗雪耳茶，甜甜的，很滋補。

潮流興健康！而家好多人都會去食下素菜！而好多人都會對素食店抗拒既原因！就係成日覺得好油！因為一般舊式齋鋪既菜式通常落油會比較重手！而呢類新式素食店就例外肋！佢既菜式除左係用素菜做食材外！另會加入生果菜式做主題！反而多左一種清新感覺！可以一試！包你會對以往食素個種油膩感消除！

尖沙咀一間以素食為主的餐廳，雖然以健康為主，但食物的賣相同味道仍然非常吸引。湯水用料十足，而且非常滋潤鮮甜，清新的味道。漢堡包以素肉為主，配上番茄，相對較健康，而且能保持肉味，不會太清淡，值得一試。

點了一個午市套餐：木瓜栗米杏仁湯：清甜多料，沒有味精，另可選南瓜湯，不過驚太飽所以沒選。迷你沙律：材料包括藜麥、芒果、嫩菠菜、青瓜、葡萄，並以芒果汁作沙律醬，酸酸甜甜刺激味蕾，可能適逢當造季節，無論食用或調味的芒果都很甜。冷麵：十分喜歡這個冷麵，大熱天時吃涼涼的主食也比較開胃。紫椰菜、牛蒡、青瓜、豆腐卜、甘筍切成幼絲，加起份量比麵底還要多呢！甜品：這個芝麻千層蛋糕的黑芝麻味濃郁，吃完一塊沒有罪惡感，感覺少甜、低脂（事實當然未必係）薑蜜：不用加錢，正正常常吧。

同阿媽出開來尖沙咀做D野，天口熱行到命都冇，周圍又好多人，又冇咩好食，仲有想找個舒服D地方食下野，上OPENRICE睇睇，食素都幾好呀, 於是就走左上來試下。依家行到邊都可以用OPENRICE找食，真係好方便，有相又有唔同人既COMMENT，真係好好。入到來都幾多人食，不過唔駛等，午餐有SET，包湯、沙律主食，飲料一杯，哇都幾豐富，而且價錢都係$100左右，環境又舒服，正好俾我地抖下，因為真係太熱。我食既係點心拼盤，再加有一配蕃茄湯烏冬，質素好高，彈牙而且湯好清甜。點心每樣有一件，食曬就剛好，而且其實夏天胃口會減D，所以份量O岩曨。

身邊有朋友係素食者，如果去普通餐廳食唔係唔可以，但相對選擇上會比較多限制，雙方都冇食得咁開心，所以同素食朋友都會揀返素食餐廳，上網一搵，呢間「雅悠蔬食」已經係好頭既位置，抱有期望嚟試下。餐廳內外Reception 位置分隔左餐廳有左右兩面，屏風隔住左面同右面食客，所以冇咁嘈吵，同朋友傾計舒服啲。食物選擇Dinner Set相對比較抵食，當然都有散叫，由前菜、小吃到主菜、甜品都有。叫左2個Dinner Set，青咖哩野菜猴頭菇配印度薄餅及日本珍珠米($258)及黑皮雞縱菌鮮豆包白松露薯蓉焗千層麵 ($248)，價錢由主菜而定，包括前菜、手卷、湯品、主菜、甜品，飲品就需要另外加配。前菜：四喜烤麩及紅火龍果藜麥沙律伴無花果黑醋及羅馬蕃茄藜麥伴胡麻醬我自己幾中意食上海烤麩，軟綿綿好似海綿咁，吸附醬汁好惹味，紅火龍果好清甜，兩個Dinner Set有4小碟前菜都好足夠。手卷：香芒牛油果首蓿芽手卷、蘆筍素香鬆首蓿芽手卷未試過食首蓿芽代替飯既手卷，一款係蘆筍，另一款係香芒牛油果，我食香芒牛油果果款，包左好幾塊紫菜，所以好脆口，首蓿芽本身冇乜味，配搭都幾得意。湯品：周打黃耳桃膠忌廉濃湯、太子參黃耳馬蹄