雅 ‧悠蔬食

营业中

休息中

樓上餐廳，環境寧靜，裝潢以粉紫色為主，好lady😂😂叫左lunch set，每個set約$100，包沙律、湯、飲品。#南瓜甘荀濃湯好香既椰奶味，本身好討厭甘荀味，但呢個湯南瓜味較重，入口creamy，好似食緊糊仔咁😂#日式拿坡里鮮茄野菜燴扁意粉有素火腿調下味，冇咁單調👍意粉硬度岩岩好，唔會太淋身，落左多款蔬菜去燴，好healthy😋#棒子咖啡乳酪蛋糕咖啡味好濃，蛋糕偏硬身，餅底鬆脆，反而食出陣焦糖味😂睇落細細件，但食埋都好飽肚🙉

同事約晚飯，有素食要求嘅同事加入，立即醒起上年試過嘅銅鑼灣美味十分嘅悠蔬食。今次選尖沙咀店方便準時開餐同散水。坐低睇完餐牌，一眾同意點選最抵食嘅晚飯套餐。黑松露忌廉蘑菇濃湯又香又滑鍾意西湯一定會揀呢個；茶樹菇竹笙黃耳百合燉湯，見材料已知係養生滋補，買佢火候時間已經覺得賺咗。三個前菜 麻醬沙薑豆絲粉皮、紅菜頭蘋果香橙拌合桃、華都夫薯仔松子冰菜沙律，個人最喜愛大量生果嘅 香橙拌合桃除咗又酸又甜夠開胃，合桃配生果軟、硬、爽嘅口感豐富又多層次。其實麻醬粉皮醬香皮滑，薯仔松子冰菜淋、爽、香口感及味道都一樣唔輸蝕。凍飲上檯 紫背天葵荔枝梳打、藍蝶花雪梨汁除咗夢幻味十足，唔洗飲落肚，見到立刻暑氣全消。蘆筍素香鬆苜宿芽手卷、香芒牛油果苜蓿芽手卷水準依然，好味飽肚。主菜1 牛肝菌忌廉燴扁意粉，忌廉滑牛肝菌香，美味程度不下雞肉牛肉。主菜2 紅咖哩野菜猴頭菇，上次食過返尋味只恨薄餅份量不足。主菜3 黑松露美國露筍南瓜紫薯鮮豆包焗千層闊麵，味道較銅鑼灣店更勝一籌；蘆筍、南瓜、紫薯、鮮豆口感豐富，松露與露筍香味配合完勝蕃茄芝士豬肉餡料，食多舊都覺得自己健康咗。加碼額外叫 泰式五彩生菜包 係素食同事推介的確係香口

本身對於齋呢樣野真係唔係話興趣好大，但朋友話呢間真係好值得食，亦唔會覺得自己係食緊素食，所以就黎試下見到前菜咁色彩繽紛已經胃口大開，包括有麻醬沙薑豆絲粉皮、紅菜頭蘋果香橙伴合桃同華都夫薯仔松子冰菜沙律，每樣配搭都好夾，而且包含好多唔同色GE蔬果，夠哂營養蘆筍素香鬆苜蓿芽手卷 - 好香脆，入面超FRESH，素鬆完全有肉鬆個種香味香芒牛油果苜蓿芽手卷 - 呢個配搭實好食啦～～茶樹菇竹笙黃耳百合燉湯 - 揀左中湯，十分足料，無肉一樣好濃厚牛肝菌忌廉燴意粉 - 好欣賞佢個腐皮卷，好多層次，意粉亦夠CREAMY黑松露美國露筍南瓜紫薯鮮豆包焗千層闊麵 - 呢個好特別，基本上就係好多焗蔬菜沙嗲猴頭菇豆卷串燒配墨西哥薄餅 - 好有創意，將猴頭菇變成燒肉GUM，出到艘效果都幾好，個汁好好味百爵紅茶千層班㦸 - 雖然己經好飽，但都忍唔住要左個甜品，完全無後悔，好好食！！一D都唔膩呢餐真係好滿足，由前菜、湯品、主食到甜品都咁有實力

今晚一改常態，食開肉嘅我地竟然會有食素嘅一日。不過呢間素食店好特別，食完根本就唔覺自己食緊素~勁飽。每人叫左個dinner set,超多野食。前菜勁豐富，有3款，分別係麻醬沙薑豆絲粉皮，紅菜頭蘋果香橙伴合桃，華都夫薯仔松子冰菜沙律，好特別嘅配搭，連前菜都有心思過人。手卷有蘆筍素香鬆苜蓿芽同香芒牛油果苜蓿芽兩款。湯就有得揀黑松露忌廉蘑菇濃湯或者茶樹菇竹笙黃衣百合燉湯，熱辣辣非常好味。去到主食我就揀咗黑松露美國蘆筍南瓜紫薯鮮豆包焗千層闊麵，見到個菜名咁長就知道入邊有幾多材料啦，夠哂飽肚。友人就揀咗牛肝菌忌廉會扁意粉伴香脆腐皮卷，味道不俗。另一友人就揀咗沙嗲猴菇豆卷串燒配墨西哥薄餅，好有創意。甜品方面我哋揀咗紫薯乳酪蛋糕同埋伯爵紅茶千層班㦸，都好味！

我有時都會間唔中食素 朋友介紹下 所以就黎左呢間試下 素食既西餐廳.佢個dinner set有好多嘢, 包括:前菜1. 麻醬沙薑豆絲粉皮 ( 平時都係得青瓜同粉皮加埋豆絲好特別)2. 紅菜頭蘋果香橙拌合桃 ( 紅菜頭加埋蘋果同香橙 變得甜甜地 中和咗紅菜頭嗰個菜味 加埋合桃好有口感)3. 華都夫薯仔松子冰菜沙律( 有冰菜 超級爽)手卷1. 香芒牛油果苜蓿芽手卷入面係冇飯 用苜蓿芽代替咗 芒果同牛油果好creamy 紫菜又好脆 主食1. 黑松露美國露筍南瓜紫薯鮮豆包焗千層麵 $258呢個千層麵好足料 表面一層芝士加黑松露 嘉露筍 有兩三層千層闊麵 入面夾咗南瓜紫薯同鮮豆包 鮮豆包好彈牙 成件事就好似百寶包咁最後仲配埋個紫薯乳酪蛋糕好香紫薯味 一啲都唔甜

媽咪話想食素記得之前朋友介紹雅 ‧悠蔬食D素菜好新潮,就帶媽咪去見識下.餐廳以粉紫色為主色,好少女feel,又有梳化卡位,令人覺得好舒服.我地叫左個Dinner Set,好豐富有麻醬沙薑豆絲粉皮,紅菜頭蘋果香橙伴合桃,華都夫薯仔松子冰菜沙律,香芒牛油困苜蓿芽手卷, 黑松露忌廉蘑菇湯, 牛肝菌忌廉燴扁意粉伴香脆腐皮卷, 夢幻泡芙, 香脆五穀杏仁牛乳.另外加多個黑松露薯蓉焗大啡菇.前菜-麻醬沙薑豆絲粉皮,好有驚喜,好似食緊雞絲粉皮咁,粉皮通透,又夠滑,煙煙韌韌,加上麻醬,好好味. 紅菜頭蘋果香橙伴合桃,酸酸甜甜咁,蘋果好爽脆,好醒胃,仲有沙律,用冰菜好特別,比普通沙律菜更健康,好食.香芒牛油困苜蓿芽手卷,侍應好有禮貌提醒要先食,紫菜先會脆,好有創意,用苜蓿芽代替飯,無草青味,配上芒果,牛油果,好夾,紫菜都好脆,一D都唔Dry,又特別又好味.黑松露忌廉蘑菇湯,好濃郁既蘑菇味,仲有黑松露加持,菇味更提升,口感又Creammy.主菜- 牛肝菌忌廉燴扁意粉伴香脆腐皮卷,份量超大,材料好豐富有好多菇,番茄,露荀,菇味同忌廉好夾,意粉軟硬度又岩岩好,好掛汁,唔會膩,仲有好似雞脾既腐皮卷,係好多層腐皮整

素食體驗 呢幾年第一次係無肉嘅一餐黎到裝潢好紫色嘅雅·悠蔬食同MY BOSS叫左個Dinner Set ($258)前菜已經好豐富 見到麻醬沙薑豆絲粉皮已經心心眼粉皮口感煙韌 青瓜絲爽脆 味道清新😛而香芒牛油果苜蓿芽手卷 交左比MY BOSS用苜蓿芽代替飯 感覺更健康同清新茶樹菇竹笙黃耳百合燉湯湯水入口充滿菇菌香氣 不油不膩👍🏻牛肝菌忌廉燴意粉伴香脆腐皮卷牛肝菌味道要比鮮菌濃 意粉都入晒味腐皮卷亦都好香脆 十分香口😛我哋額外泰式鳳梨炒飯 ($98)賣相很好之外 味道也很好🍍而我覺得必食係黑松露薯蓉焗大啡菇 ($158)只要簡單的調味已非常好吃大啡菇每件有掌心大小 而且十分厚肉甜品嘅杏汁椰香紅豆糕同紫薯乳酪蛋糕都好好味整體上完全唔覺得係呢餐係素食🙈_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

其中一位朋友揀了這間店食西式fusion 齌，見openrice評價都唔錯，就嚟咗lee 度試下。一入到去lee間舖頭感覺相當適合同啲girls gathering ，因佢既装修配合咗紫同白色好浪漫好公主feel，同埋地方寬落,啱晒我哋lee 班OL朋友聚首一堂。之後我哋叫咗4款set dinner。一個set都非常豐富，有前菜、手卷、main course、甜品。咁講下前菜先，佢有一款係類似雞絲粉皮既前菜，用咗青瓜絲同豆絲代替咗雞絲，食落去和平時上海店舖一樣味道，仲有一種清新feeling,配撘得唔錯。而另外一款非常健康營養價值好高既紅菜頭蘋果香橙配合桃，酸酸地非常開胃，真係好適合而家繁忙又注重健康都市人。手卷方面我哋選擇咗牛油果芒果手卷，因這個手卷係冇飯喺入面，得牛油果、芒果同D雜菜係裡面，咬落去食緊salad咁,好正。湯方面我揀咗黑松露忌廉湯，黑松露既味好出，湯好creamy，非常欣賞。來到main course,我想推介係黑松露南瓜紫薯包闊條麵同牛肛菌忌廉燴扁意粉。首先講黑松露闊條麵佢入面包咗勁多南瓜同紫薯，啲食材係 high quality 南瓜同紫薯好甜好好味,值得推介，而

最近食到肥哂 一於去食下素食清下腸胃啦我地叫左2個dinner set一叫完食物 就會有頭盤送上 3種都好開胃 令人想一食再食我地每人叫左中西湯各一 中係猴頭菇湯 無落肉都咁鮮甜 西係黑松露蘑菇湯手卷都叫左2款 我食既係芒果牛油果卷 牛油果好香 同芒果好夾男朋友既主菜係紅咖哩配飯同印度薄餅 咖哩好香 入面材料好足 有我最愛既泰式茄子 而我既主菜係牛肝菌雜菇意粉 呢個菜有齊我最愛既配搭甜品方面好出色 紫薯乳酪蛋糕酸酸甜甜 泡芙即叫即製 香脆又好味 食到好滿足呀！

Monday all in green, 梗係食素啦～ 九龍區食素必定食呢間，真係極好食，想唔推介都唔得～呢晚食黑松露薯蓉焗大啡菇～ 香焗熱辣辣，食材新鮮，而且味道充滿層次感～ 一食落口，先有強烈嘅黑松露味，緊接芝士嘅濃香，然後有薯蓉嘅中和，再有大啡菇嘅飄逸香味，最後係淡淡嘅鮮茄味，真係好食到無得頂🤤🤤🤤👍🏻之後食泰式五彩生菜包，炒料豐富，有木耳、紅椒、青椒、沙葛等，調味帶微辣。被新鮮爽脆嘅生菜包住，一啖咬落去 😲 好好食呀～ 完全唔覺得係食緊素～ 如果你唔食素，怕食素會啖如無味，咁我可以話你100%錯～ 呢度嘅素菜必定令對食素有偏見嘅人刮目相看👀邊食邊飲藍碟花雪梨汁 😋食飽食甜品，要左紫薯乳酪蛋糕同杏汁紅豆糕。食前梗要擺靚D 😂 不單止味蕾享受，賞心悅目👀 連相機都話好食 😋📷 打卡成功❣️

朋友有左bb，今次佢主動話想食素，所以我就上網搵一搵，見到雅.悠蔬食呢度都幾多好評，所以就即係打電話嚟Booking✌🏻上到見到餐廳已經有好多食客，估唔到平日都咁多人客，好彩預先打電話約咗👍我地叫左2個set dinner麻醬沙薑豆絲粉皮紅菜頭蘋果香橙伴合桃華都夫薯仔松子冰菜沙律蘆筍素香鬆苜蓿芽手卷:第一次食冇飯嘅手卷，好清新😍香芒牛油果苜蓿芽手卷: 朋友話好香好想食多件茶樹菇竹笙黃耳百合燉湯: 無肉都可以好好飲，材料燉到好似入口即溶咁👍🏻牛肝菌忌廉燴扁意粉伴香脆腐皮卷: 一上枱已經聞到好香嘅牛肝菌味，朋友食完自己嘅千層麵之後都忍唔住要我分啲俾佢😆黑松露美國蘆筍南瓜紫薯鮮豆包焗千層闊麵:朋友話好滿足，入面有好多唔同嘅料，好有層次感😊紫薯乳酪蛋糕(一件):乳酪味好香濃，上枱嘅時候已經幫我哋切開左兩件，好貼心👍🏻夢幻泡芙(+$25):見到呢個係尖沙咀店限定，梗係要試啦😊雪糕好凍泡芙好脆，好夾！另外3個泡芙入面仲有吉士好好食🤤我哋一致認為呢$25係好值得加嘅❤香脆五穀杏仁牛乳(熱)+ HKD 15藍蝶花雪梨汁(凍)+ HKD 20

去完旅行又係時候清一清腸胃啦，之前食過悠蔬食銅鑼灣分店，記得佢選擇多之餘，味道還很不錯。今日就同朋友去尖沙咀分店。基於選舉困難嘅關係，我們倆人決定叫Dinner Set，每人計埋加一$300有找，十分抵食！三款前菜都好好味又夠清新，用冰菜做沙律夠曬特別最鐘意食麻醬沙薑豆絲粉皮。苜蓿芽手卷好特別，爽脆清香，食完感覺好健康喔！茶樹菇竹笙黃耳百合燉湯，睇到個名都知道呢個燉湯材料夠豐富啦！無肉素湯不油不膩，湯水入口充滿菇菌香氣及香甜味！今日特別想食D惹味啲嘅野，所以叫咗沙嗲猴菇豆卷串燒配墨西哥薄餅，賣相已經好吸引沙嗲味道香濃、有少少辣！將薄餅包著猴菇串燒食，口感豐富，好滿意的一道菜式！食到呢度其實已經有少少飽，但係仲有甜品喎！我哋仲叫咗一份尖沙咀分店限定嘅夢幻泡芙，同埋伯爵紅茶千層pancake！兩個份量一啲都唔少，朱古力泡芙外層脆卜卜、加埋雪糕同吉士一齊食，真係好邪惡但又好好味！

昨晚突然想食齋， 朋友推介我去了位於尖沙咀新派素食餐廳，入到餐廳內看見全用粉紫色及白色為主， 感覺好浪漫呀。食物方面:我和朋友每人點了套餐·前菜已非常豐富:麻醬沙薑豆粉皮~ 粉皮晶瑩通透，又夠滑。紅菜頭蘋果香橙拌合桃~ 好味又健康。 華都夫薯仔冰菜沙律~用了冰菜伴底夠新鮮。餐湯：黑松忌廉露蘑菇濃湯~ 餐湯濃得嚟又不會有傑撻撻感覺。芒果牛油果苜蓿芽手捲~生果新鮮配苜蓿菜，這個配搭好味又清新。主菜:紅咖哩野菜後頭菇配印度薄餅及珍珠糙飯~ 猴頭菇我以為淨係可以煲湯，原來仲可以煮咖哩， 咖哩汁滲入猴頭菇內，真係好味喎， 這套餐跟印度薄餅及飯，真的完美配搭。甜品：百爵紅茶千層班戟~ 紅茶味香濃，不會太甜好味，夢幻泡芙~ 這個甜品是我最愛，建議連同雪糕一齊食， 簡直停唔到口

又到相聚時候，今次到我揀餐廳，我一於嚟個大挑戰，找素食餐廳同這個愛肉好友相聚，上開飯一搵即見人氣高企、環境優雅嘅「雅 ‧悠蔬食」，一於訂定位·齊素食！😄喺尖沙咀地鐵見面後先告知好友今晚係素食主義，儘管佢有點猶豫但都奉陪到底⋯⋯哈哈哈！從金馬倫道出口直行一陣再過對面已到餐廳嘅大廈，一出𨋢即見以白紫色為主嘅佈置，環境彷似一間高級西餐廳。服務員態度親切有禮安排入座，枱距好寬敞，傾計聚餐一流，好友見到如此優雅環境+服務質素，先來第一個滿意。👍🏻食物和飲品嘅選擇及種類非常多，睇相都已相當吸引，令好友都揀到心大心細。我哋最後就選擇兩個豐富嘅Dinner set，有前菜、手卷、餐湯、甜品、加配飲品，而主菜又可以share食。<<< 前菜 >>>< 紅菜頭蘋果香橙伴合桃 >健康嘅紅菜頭配合爽口蘋果+合桃，充分發揮化學作用，超好味醒胃嘅一道前菜。< 麻醬沙薑豆絲粉皮 >惹味非常嘅麻醬遇上煙煙韌韌嘅粉皮，第二道前菜已令胃口大開啦！< 華都夫薯仔松子冰菜沙律 >配上松子冰菜的華都夫薯仔沙律，令原本簡簡單單的沙律變

今日，我和喜歡吃素食的媽媽到了尖沙咀這家素菜店吃素菜，環境不錯，而且最特別的是這間素菜店以紫色為主調，就像一間西餐廳一樣。首先，我們點了香芒牛油果苜蓿芽手卷，這手卷十分特別，因為有芒果及牛油果的香氣，感覺非常清新。然後，我們選了茶樹菇竹苼黃耳百合燉湯，由於是素的關係，感覺不油膩，值得一讚。主食方面，我們選了紅咖喱野菜猴頭菇配印度薄餅及珍珠糙米飯，紅咖喱配上酥炸的印度薄餅，煙煙韌韌， 不錯！最後，選了杏汁椰香紅豆糕和香脆五穀杏仁牛乳，這杯牛乳是亮點！杏仁牛乳香氣四溢、加上五穀，口感十足！