雅 ‧悠蔬食

营业中

休息中

呢排餐餐同老公都食西餐，離不開牛扒同豬肉，想清清地又想搵啲健康嘅食品食下，於是上網望吓睇吓有什麼選擇點知比我發現呢間餐廳很多人都讚口不絕，於是我就打去book枱book定今晚👍🏻👍🏻入到去見到地方都非常闊落，餐廳以紫色為主題，配合柔和嘅燈光又安靜好舒服dinner set 都有好多唔同種類嘅選擇,唔叫set都可以散叫🥰叫咗兩個set dinner , 好快就有前菜享用，紫色嗰個係紫薯紅菜頭，味道甜甜的，有好香嘅紫薯味道，令一個係花菇毛豆豆腐，味道調校得剛剛好，作為前菜一流，每一款都做得非常細心，細細碟食完都唔夠喉燉湯入面加咗黃耳，仲有百合加杞子非常清潤飲入口夠晒香甜香芒牛油果苜蓿牙手卷，芒果好新鮮，非常鮮甜😚加埋片牛油果配合蔬菜咬落去口感一流食得非常健康紫菜又非常脆口酥脆腐皮卷四件$58 一層層的腐皮做到非常厚🕺🏻仲有好香濃嘅豆腐味😆外脆內軟，炸得剛剛好👍🏻青咖喱薄餅😁這個是晚市主食set c ,有六片薄餅完全不油膩，咬落去彈牙脆口，青咖喱入面有青椒紅椒加入左猴頭菇，猴頭菇吸晒青咖喱汁嘅味道冇得頂泰式香煎魚餅$38 （2 件）經過煎嘅魚餅非常香脆可口，又夠彈牙咬落有一種非常香濃嘅香茅味

話說朋友係食齋既，所以成日都要陪佢搵啲素食嘅餐廳，而今晚呢一間就係我哋成日去嘅選擇之一，雖然價錢係偏貴，大概要$300一個人既晚餐，但係勝在佢有咖喱蔬菜白飯同酥餅，食落感覺唔會太似食緊齋（特別適合啲要陪朋友食齋既朋友黎食😂），酥餅亦都幾多件同埋好飽肚，所以雖然我本身唔係特別好食齋，都食得幾開心，朋友自然就唔洗講啦。之前試過去佢銅鑼灣嘅分店，果間面積比較細，而呢間尖沙咀嘅分店相對黎講大好多，所以都坐得幾舒服。

整個餐廳環境用上了紫色作主調，杯杯碟碟，桌布牆色都統一用上紫色，給人一種平和舒適感。餐廳四人枱和大圓枱都有，今晚所見有不少家庭聚會，適合一班人聚會。而且枱和枱之間都有距離，傾計方便。✨蜜汁脆燒腐皮卷 （4件）先來個前菜腐皮卷，賣相吸引！看落四隻炸雞脾整齊放左面前，但咬下去是腐皮卷！外皮烤得香口，滿滿的蜜糖汁，甜滋滋又脆卜卜，好食！中間用上雪條棍扮雞骨，稍嫌那雪條棍的木味太重。除此之外，這腐皮卷深得我們心，推介！👍🏻 ✨泰式炒金邊粉味道濃郁，加上少少辣，十分惹味。中間那塊吃落真似炸蝦但不是假，以假亂真。份量十分多！十分飽肚。✨鮮磨腰果露 + 湯圓很少見的腰果露，一於點來試。即磨新鮮腰果露熱騰騰送上，口感濃郁，綿密厚實，腰果味濃，大有驚喜！芝麻湯圓芝麻味濃，皮薄餡靚，正這間素食店不錯，下次會再來吃😊

今時今日素菜都越來越多款式，健康得來又惹味。今晚友人提議來到尖沙咀這間雅•悠蔬來個素菜晚餐清清腸胃，平時一向少食素的我一於一齊來試試。打開餐牌才知道原來每人有$200 minimum charge，簡單的每人點一個dinner set。Set dinner 前菜 滷水花菇毛豆百頁豆腐 伴 醬燒牛蒡 及紫薯紅菜頭雪球初頭以為前菜是二選一，想不到是兩款都有豆腐入味！牛蒡滋味，配上濃味的冬菇，十分開胃。另一碟紫薯中軟綿中有著紅菜頭的脆爽口感，新鮮感十足，味道匹配。湯品 選了 茶樹菇竹笙黃耳百合燉湯一見到個湯名已經覺得好吸引！set dinner的餐湯竟可以有這質素？有驚喜😍 煲了好久的老火湯，滿滿的營養。味道濃郁，材料十足，真材實料的一碗湯！主菜是和風鮮蔬一品豆乳窩配日本珍珠米 熱騰騰的一大鍋呈上。滿滿的蔬菜香氣逼人令人口水直流。豆乳湯底令口感更濃厚，不會稀稀的，更有口感。味道不會太咸，濃味但剛剛好。湯中的丸很好食，彈牙惹味。甜品 椰香紫薯千層班㦸賣相精美，一切下去已見到一層層的班㦸，整齊得令人有種莫名的療癒感。急不及待往嘴裡送上一口，甜度剛好，班㦸薄薄的一層層，有咬口，紫薯味濃。love

今日同老婆出到尖沙咀book咗這間餐廳食晚飯，這間餐廳很特別是沒有肉的只有素菜，今天我們食齋入到餐廳店員好有禮貌招呼我們坐低，細看餐廳他的裝修以白色紫色為主，地方寛敞很有格調晚餐他們有套餐選擇這個猴頭菇竹笙黃耳無花果百合燉湯，飲一口燉湯，很清甜而且非常滋潤，我十分喜歡這些前菜一食落口很好味，證明這間餐廳十分用心去做，而且食物很特別這個蘆筍蓿芽手卷，非常非常好味表面的紫菜鬆脆，蓿芽爽甜清新十分出色這個素蘿蔔牛腩，它的味道入口真的十分似真正的牛腩，一食落口蘿蔔清甜多汁，有一陣花椒八角味道，這個素菜非常出色而且很好味這個黑松露野菌意大利飯也很好吃，黑松露很香很香，奶香味忌廉龍肉，黑松露獨特嘅味道帶出這個意大利飯不得了這杯飲品還可以這些甜品都是他自己給店舖親手做的，食落口Oreo蛋糕不太甜很適合我，而另外這個香芋千層酥食落口香芋非常香，也不太甜非常之好食這間店舖她所做出的每一款食物都是廚房專心炮製的，落足心思你是可以食出他的心意，廚師非常之用心值得推薦

又到一個月一次食素既時候啦！食一次素已經可以幫手減碳排放量，環保又健康！上次去左銅鑼灣悠蔬食覺得幾好食，所以今次就去近近地尖沙咀既姐妹店【雅。悠蔬食】啦。有別於銅鑼灣，尖沙咀店以紫色白色爲主，非常特別！Menu有非常多選擇，所以我地直接叫做Dinner Set，唔需要考慮禁多，同埋一個上次去已經想叫既小菜。Lunch Set同Dinner Set Menu都係一個月換一次，保證唔會無新意！今個月同我上次去D野食已經完全唔同啦！小菜：蜜汁脆燒腐皮卷外形超似炸雞脾，但其實係腐皮卷，外層加左蜜汁咸咸甜甜，入面腐皮卷超熱辣辣，好濃豆味！Dinner Set: 前菜：鹵水花菇毛豆百頁豆腐拌醬燒牛蒡：醬燒牛蒡同百頁豆腐好入味，不過有少少咸紫薯紅菜頭雪糕：非常特別，以雪糕爲造型既紫薯茸，搭配紅菜頭同柚子，非常清香！湯： 雪燕椰菜花南瓜筍薑湯雪燕食落口有D似桃膠，不過比較軟。椰菜花南瓜筍薑湯好creamy濃郁，無咩薑味，唔鍾意薑味都可以接受！主食：白靈菇青醬鮮豆包黑松露焗千層麵：分量非常多，菇同餡都好多。青醬有別於平常既番茄醬、比較清新！黑松露增加鮮味！菠菜核桃野菌忌廉燴意大利飯伴椒鹽天貝：天貝炸左好

After i have finished my meeting with a client, he suggested to have lunch together before heading back to office. We went to Leisurely Veggie, a vegetarian restaurant located at Cameron Road, Tsim Sha Tsui.  They offered lunch set as well as lunch ala carte menu too. As for their lunch set, it consisted of appetizers, soup, main course, drinks and desserts. Salad - It consisted of cut pear, bean and salad, with strawberry balsamic dressing. It was very crunchy and juicy, appetizing too. Watercr

約左朋友食晚飯聚會，她帶我到呢間（雅·悠蔬食）晚飯，一入到去餐廳見到坐滿食客，淨番兩個位😅，原來朋友之前已經book 定枱。我地每人都叫左個dinner set，每一樣野都好好食呀，食物上枱時全都時熱熱的。前菜：滷水花菇毛豆百頁豆腐伴醬燒牛蒡 及紫薯紅菜頭雪球 - 好味湯品：雪燕椰菜花南瓜甘筍湯 - 味道香濃，好味茶樹菇竹笙黃耳百合燉湯 - 足料既食材，味道香濃主菜：青咖哩野菜猴頭菇配印度薄餅及珍珠糙米飯 - 食到淨番啲青咖哩汁都想飲埋😅百靈菇青醬鮮豆包黑松露薯蓉焗千層闊面 - 食到濃郁既黑松露既味道，好香甜品：班蘭椰汁千層糕及法式香芋千層酥（尖沙咀店限定）上枱擺設得好靚，不太甜，好味加配手卷：蘆筍素香鬆苜蓿芽手卷 及 香芒牛油果苜蓿芽手卷 - 紫菜好脆，苜蓿芽好fresh👍🏻

尖沙咀樓上cafe越開越多 ，各有主題 ， 單純素嘅選擇很少 ,今次朋友介紹了這間中西Fusion素食店，同媽咪過黎一試。套餐很便宜，但因為想試多d食物， 所以決定散叫。兩個湯， 黑松露 薯蓉焗 大啡菇， 五彩生菜包，香煎如餅，香煎腐皮卷， 擔擔麵 及甜品。牛肝菌忌廉湯， 大大碗，很creamy, 下次可以兩個人share, 因為頗為飽肚。黑松露薯蓉焗大啡菇，打碎了的芝士薯蓉配合黑松露，口感creamy ，大啡菇咬落juicy, 兩隻配合得很好。五彩生菜包，我們選了帶辣味的， 五顏六色，內有木耳,生菜,冬菇，豆干，馬蹄等，不同食材的口感加上爽脆生菜， 既開胃又健康。香煎魚餅及腐皮卷係我最鍾意食品夠曬香口， 尤其是係個腐皮卷， 外型有啲似雞翼，包了多層腐皮。擔擔麵 水準也不錯， 最後食焦糖布甸燉蛋， 內有 西米露, 但略甜。總括嚟講坐得算舒適，食物種類及款式多， 作為素食店來說，相當不錯。

同朋友行完街，突然間好想食素食，於是朋友就帶咗我去食新派素菜。未到八點已經差不多坐滿人，好彩行快兩步，唔使等就有位。每人叫咗個Dinner Set，Dinner Set好豐富，每個Set都有前菜、手卷、湯品、主菜及甜品，而且每項都有選擇俾你👍🏼。🍴前菜 - 已set 好分別有，醬燒百靈菇山藥本日本黑豆、奇亜籽紫薯蘋果薯仔伴梅乾及泰式香茅金柚鮮果沙律，又真係幾正喎🤤。🍴手卷 - 蘆筍素香鬆苜蓿芽手卷(夠清新配上脆脆嘅紫菜，果然好配😋) 及香芒牛油果苜蓿芽手卷 (甜甜的配上脆脆嘅紫菜，無得彈)。🍵湯品 - 猴頭菇竹笙黃耳無花果百合燉湯，我哋見到個湯名就已經好吸引，果然好夠味好甜，如果可以飲多碗就好啦😁 (其實仲有另一選擇，牛肝菌桃膠忌廉濃湯，下次一定要試吓先)🍴主菜 - 分別order左，大啡菇雙薯藜麥焗千層麵 (以芝士茄汁焗，真係好入味，茄汁味道酸酸地好開胃)及黑松露椰菜花野菌忌廉意大利飯伴香烤茄子(濃濃嘅黑松露味，無得彈👍🏼🤤）。🧁甜品時間 - 古法黑芝麻糕(好香黑芝麻味道，而且仲好滑添) 及 Oreo曲奇乳酪蛋糕 (夠晒味又夠滑) ，最緊要兩款甜品甜到剛剛好，抵讚👍🏼！

上次去過銅鑼灣的悠蔬食，好吃得令我對素菜改觀。知道佢地尖沙咀都有分店，呢日做完野經過尖沙咀，所以上來雅.悠蔬食來吃個午餐。我點了一個午餐，都有幾多野食架！首先前菜是水梨扁豆藜麥沙律，水梨很水很甜，第一次吃以梨做主打的沙律，口味新鮮。 餐湯有中西湯選擇，我選了西湯—粟米雪耳忌廉湯，很香滑的忌廉，估唔到以雪耳做配搭又幾夾，雪耳索哂忌廉湯，啖啖滋味，湯非常足料，好好味！ 主菜是喇沙湯麵配南瓜天婦羅，想不到素食可以選柬南亞風味的喇沙湯麵！ 湯香濃而不辣，麵很彈牙，喜歡豆卜因為索哂湯的精華，好美味！ 但天婦羅就爭ＤＤ，感覺炸得比較乾和硬，粉漿厚左少少，但味道不錯的。 最開心係加了這個甜品：法式香芋千層酥～想不到上素菜館有咁靚咁精緻嘅甜品！ 唔同角度打咭都靚，香芋Cream好滑，唔太甜，千層酥好脆啊！ 餐飲點了：藍蝶花雪梨汁，一上枱不禁大叫一聲：「好靚啊！」～漸變紫色，好夢幻的感覺啊～飲落都好好味，最底有粒粒雪梨好清甜～！ 餐廳環境都好靚，唔似一般素菜館，粉紫色好浪漫的！坐得舒服，食物又好味，怪不得有不少女生上樓都來吃啊～ 仲有其他款式想食，下次再黎過！雅 ‧悠蔬食 尖沙咀金馬倫道48號中國保險

又是生酮朋友的好介紹，佢自己本身喜歡食fusion菜， 這餐廳位於尖沙咀鬧市，提供不同國家品種菜色。全店裝修以紫色為主，是我最愛的顏色呢，最適合襯托素菜綠色。芒果蔬菜越南紙米卷~芒果酵素絕對可以大家醒神，呢個沙律好精彩，顏色豐富，胃口大開。馬拉盞炒通菜~馬拉盞味不濃，通菜炒得青綠爽口，越食越開胃。酥炸腐皮卷~貓屎兩隻炸雞槌，油新鮮，炸得香口。黑松露炒篙筍~這個我最喜歡，黑松露是近年來香港新興的口味，使用橄欖油炒，健康可口。擔擔麵~已經點了辣，可惜入口未能感覺到，可能辣椒並不是齋，味道遍淡，上海麵麵質唔錯呢。酥炸本菇~這個是我的至愛，酥炸味道比較鹹，我最喜歡。西米焗蓮蓉布甸~不是周圍可以吃到，這個份量剛剛好，無需要預訂，廚師即場焗製，好食。其實食到一半已經發現香港歌手曾航生坐咗喺隔離枱，他非常喜歡甜品，這裡是他常常光顧的食店之一。

第五次來悠蔬食~支持用心製作精緻素食的小店。餐廳位於尖沙咀金馬倫道樓上舖，環境簡約整潔。黑松露椰菜花野菌忌廉意大利飯伴香烤茄子套餐 $258大啡菇雙薯藜麥焗千層闊麵套餐 $248我們每人點了一份晚餐，包前菜、手卷、湯品、主菜、甜品和飲品，相當豐富。前菜前菜包括醬燒百靈菇山藥伴日本黑豆、奇亞籽紫薯蘋果薯仔伴莓乾及泰式香茅金柚鮮果沙律。醬燒百靈菇山藥伴日本黑豆百靈菇和山藥爽口入味，醬汁鹹度適中，日本黑豆口感軟糯，稍甜。奇亞籽紫薯蘋果薯仔伴莓乾醬汁酸甜開胃，蘋果爽脆，紫薯軟熟，加了super food奇亞籽，含豐富膳食纖維，更有口感。泰式香茅金柚鮮果沙律有驚喜，醬汁酸甜微辣，生菜爽脆，柚子清新，加了花生碎口感更佳手卷蘆荀素香鬆苜蓿芽手卷店員再三提醒我們要盡快吃，不然紫菜會變軟。手卷內沒有飯，以滿滿的苜蓿芽代替，更輕盈健康，紫菜非常薄脆可口，蘆荀清爽，尤其喜歡素肉鬆，鹹香惹味。香芒牛油果苜蓿芽手卷牛油果軟滑，芒果清甜，配合爽口苜蓿芽和鹹香素肉鬆，口感味道豐富。 湯品猴頭菇竹笙黃耳無花果百合燉湯以燉盅端上保持溫度，熱得冒煙，相當足料，大大件猴頭菇和黃耳，無花果更添清甜。牛肝菌桃膠忌廉濃湯 雖然是

很久沒有到這素食餐廳，餐牌已更新，都是比較時令的食材。我和朋友各點了一個餐，包了前菜、小吃、湯、主菜、甜品。這裡的餐湯是非一般的，很足料，中式及西式湯都有西湯用了比較少有的桃膠。三款前菜當中，我覺得奇亞籽紫薯蘋果薯仔伴梅乾最好味，紫薯帶微甜，蘋果又清新，配搭得非常好。主食的份量都很足，我們點了西西里鮮茄椰菜燴扁意粉伴吉列牛油果、黑松露椰菜花野菌忌廉意大利飯伴香烤茄子。意粉鮮茄味濃郁，醬汁能均勻地沾在意粉上。意大利飯散發著松露菇香，飯粒是剛好吸收了忌廉汁，是水準之作。甜品中的法式香芋千層酥是餐廳今期推介，圖片與實物相符度係99.9%﹐生果新鮮，千層酥酥脆但沒有油膩感，香芋打得滑滑，我啟動了第二個胃來接收它。飯後，我們還任性地加了飲品，點了香脆五穀杏仁牛乳。這次晚餐非常完滿，吃得飽飽，離開時要慢慢移動。

今晚約左朋友到尖沙咀行街街+Dinner ，之前我地都食過銅鑼灣店悠蔬食，覺得質素吾錯，知道佢地尖沙咀有分店，就決定去呢度晚餐，走到門口，見到好多枱食客，環境令我坐得好舒服。看看餐牌，點了兩個dinner set ：先係三款前菜（醬燒百靈菇山藥伴日本黑豆特別好食，醬汁好香濃得黎吾會覺得咸，另外兩款都吾錯好開胃）；手卷（香芒牛油果苜蓿芽手卷，紫菜好脆、苜蓿芽好fresh，兩者加埋口感好正）；湯品（我揀左牛肝菌桃膠忌廉濃湯，香濃既牛肝菌味豐富了味蕾😋）；主食 （西西里鮮茄🍅野菜燴扁意粉伴吉列牛油果🥑👍👍😋，青咖哩野菜猴頭菇配印度薄餅及珍珠糙米飯，好野味，豐富食慾）；甜品（古法黑芝麻糕👍香香的芝麻味）