隠家拉麵工場 (已結業)

[ 真正隱世的隱家拉麵🍜]••我第一次發現呢間店，係行緊西九龍中心入面既蘋果商場🍎行行下見到一個角落，有一堆人排緊長龍，就好好奇🤨同男朋友食過2次，覺得都幾好，地點又就腳🚶🏻‍♂️🏚店內裝潢令我覺得似坐係街邊食麵咁🍜枱係木板搭出來，凳係啲載汽水既架🥤坐得真係唔太舒服-🔹隱世白伝($79)⭐️7/10話就話係豬骨湯，但魚介味較重🐟沾麵湯入面有紫菜、筍、葱花、芝麻、叉燒3塊🐷沾麵湯係會比較濃郁，較拉麵湯鹹，但呢間比其他沾麵無咁鹹🙊可能加左幾片柚子，食落會有陣清新既味道🍊至少食完唔會勁口渴，只係幾口渴🤣🤣叉燒輕微燒過，半肥半瘦，食落唔會好鞋口岸👍🏻仲有要讚既係筍😋非常爽脆，完全無渣，我好滿意😼▪️+$12 要多份筍👅▪️+$12 追加糖心蛋🍳都好流心好滿意👍🏻-只有三款沾麵：▫️白伝(豬骨湯底) $79▫️黑伝(黑蒜湯底) $89▫️紅伝(蕃茄湯底) $99🦊男朋友係黑伝，但佢話好肚餓唔比我影🌚-🔺有包剪揼比賽🖐🏻✌🏻✊🏻同店員猜贏左的話，可以免費獲贈一客小食/汽水🎁---更多食評ig: hungrykays 💁🏻‍♀️

帶著七十歲既老媽食中午, 佢老人家想食拉麵, 睇到面書有期間限定素食蓮藕湯, 甘就帶佢食啦。本來隱家己經食過5-6 次, 可惜後來覺得太咸冇再食, 但今次有驚喜WOR。老媽心思思想試曬湯面同沾麵, 所以叫左一個白湯沾麵,一個 蓮藕湯麵。六週年特別版蓮藕湯湯頭好甜, 配菜做得好好,本來同老媽一人一半, 佢先食沾麵, 但飲完淡湯就好快放棄左個沾麵而食呢個。重點係佢個辣醬, 酸酸辣辣又好香, 食到一半可以落。好好食一定一定一定要落, 正!!!95分 , 唯一係湯面都幾多油, 沾麵呢個好多人都一定食過, 今次可能同阿媽分食, 食半碗又好鬼正, 而且好似冇以前甘咸, 冇食一排, 再食又覺好好味。另外服務態度超級好, 主動問要唔要熱水呀笑容呀全部100分

這間店確實很「隱」世，位於西九龍中心蘋果商場內的盡頭，不是從openrice看到再刻意去找的話，未必會經過。因知道店較細，所以特意12點就到達，當時只有一位客人，店果真很的骰，大概只能容納15人吧。因是第一次食，就叫了白伝，可以試真啲湯底味道先試一啖沾麵的湯，湯底十分濃郁，再沾麵食，麵質十分彈牙，唯略嫌湯底麻油味過重。在枱的旁邊，店舖十分細心地貼了沾麵的食法，有提到建議客人加幾滴昆布醋到湯裏調味，我當然要試下啦絕配！！昆布醋中和了油膩感，更帶出了湯底的鮮味，好好味到我離開的時候大概12時半，當時已經八成滿座了，所以要早啲到啊

今日放工同女朋友去咗食飯,服務態度好好,主動幫我地勾起包包,只係環境有d細,兩隻腳唔知點放,我地點咗兩碗麵以上呢碗太鹹,要加湯,味道濃郁,材料勁多,麵條 煙韌大碗,價錢大眾化

我們叫了隱世黑伝，就是黑蒜做成的湯底，湯底很濃，比較特別的是，這裏的湯和面分開上，按自己喜歡往面裏加湯，可以看到面的分量不是特別多，但lady的話是enough了…湯比我想象的濃，以至於我覺得有點鹹，其他還好，當然我還是懷念在日本的拉面

Delicious noodle and very polite male staffI enjoy the food a lot here The noodle portion is large Come with noodle with cha siu (pork) and egg With the warm service provided by the staff Definitely I will come again. Despite the environment is small, it is so warm inside the restaurant

深水埗呢頭十分多野食，今日去西九龍，特登想食拉面，就黎左呢間隱家。叫左個差燒沾面。有指示教點樣食，先撈勻，夾一著面再掛汁上去，最後再加湯飲。個蛋可以揀溏心或者半熟，我揀左溏心，恰到好處，好食唔漏！湯底香濃而唔太咸，食完唔會話非常口乾，同行就叫左黑蒜湯底，非常香既蒜味，鍾意黑蒜既朋友不可錯過。面質亦適中唔太硬太軟，不過無得改，如果可以根據人客要求黎做就更好啦。環境就普通，細細間，都合乎佢個名-隱家。價錢合理唔太貴，鍾意食沾面既可以一試

好耐之前食過一次，當時覺得味道並唔突出。令我印象最深既就係汽水箱造型既櫈，成間鋪頭都充滿日本既氣息😆可惜吧枱座位較為狹窄，拎水同調味料既時候極不方便🙅🏻‍♀️-今日黎到既時侯大概係十二點半，已經坐滿左半間鋪，唔洗排隊👏🏻我嗌左白伝($78)，即普通豬骨湯底。幾特別既係，呢度有得自己揀要温泉蛋定半熟蛋👍🏻-等左十分鐘左右，熱騰騰既沾汁同麵條就送到我面前。麵既份量睇落去好多😱好懷疑自己能唔能夠食得完！沾汁上枱仲係熱辣辣，值得一讚👏🏻我去過其他拉麵鋪沾汁上枱已經係暖，食幾啖就凍左。湯底方面，加左好多鰹魚粉，可惜味道一般，魚介同豚骨既味道欠奉。而且我超唔鐘意芝麻😭麵條好掛湯，但唔彈牙🙅🏻‍♀️我食開既沾麵都係會嗌凍麵配熱湯，但呢個麵似乎唔係凍麵黎☹️温泉蛋幾好食，但湯底同叉燒真係唔係我杯茶。其實食食下都唔知自己食緊咩～只係抱住唔想浪費食物既心態，食完全部麵條。對於我黎講，食沾麵最大享受就係食完麵之後，將清湯加入沾汁變成熱湯😍可惜呢間個湯底家實在冇乜味，飲左兩啖已無意欲繼續飲落去。個人認為，一次就夠～

之前一直經過都太多人，沒有吃這天下午和男友拍拖經過沒有人在門口排隊！去吃個午餐吧麵很簡單，分4款本來我想要黑，但男友想要就讓一下試多另外一個嘛本身男友叫我選咖喱，我怕自己不喜歡還是選了白裝修其實就很簡陋，用一塊木板就間了一間店出來當然也可以說是很有風味男友覺得這裡所有都很有味道...很日本不過椅子坐得不太舒服...箱子會頂著腳...腳太短的朋友會吊腳..旁邊有教怎樣吃這個沾麵附有檸檬的水，檸檬準備得不錯應該是有另外滴汁？因為檸檬味特別香黑伝來了借來吃了一啖，黑蒜味極香湯很濃郁，開正男友的胃口我的白伝豬骨湯低，口味沒有黑伝重但一樣是濃底比較厚的所以紙上指示說明了湯是用來醮著沾麵吃不是用來喝的啦叉燒半肥瘦是不錯看到湯的濃度還掛了在麵上麵質雖然沒得選硬或軟但這Q彈Q彈我好喜歡下次想再加麵來吃，感覺會再飽點蛋我選了半熟煮蛋OH MY GOD，我最喜歡的熟度2口就吃完了好想再吃呢有機會會找少人的時間來吃吃...

係深水埗嘅隱家拉麵工場去親都好多人排隊今次一放學就去 終於試到喇🤤本身唔係好中意沾麵嘅我今次叫左隱世白伝🍜湯底夠濃啊 鰹魚味較重豚肉都好味啊 但唔夠厚身麵質夠彈牙 份量亦足夠👍🏼絕對值得一試啊😋_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$78________________________唔信我嘅可以自己去試試😂地址：深水埗西九龍中心7樓7083號室

喺西九無咩好食，又唔想坐 foodcourt 個d 斜凳，去左7樓，Apple mall 行到最入間隱家食沾麵。 星期六7:30pm 都有d 人要排下對，等左20分鐘度，最難受喺等位個area 有d熱。叫左個黑拉麵，雖然黑蒜味唔會太重，但食完都會有口氣。見有d 肚餓， 想食多d 肉又唔想加叉燒，就叫左個 fireball試試。 個賣相好得意，大大粒紅色meatball，好似好辣咁。 跟 instructions, 叫放落湯到沾黎食。加左落去個湯度辣左好多，好野味，但因為沾黎食，d 肉碎完全食唔到，到最後飲湯先食返。

店舖是位於七樓的由於小時經常到西九逛就沒有上網睇地圖等資料~想不到在商場七樓走了一圈也找不到原來是在一堆精品店入面忽然覺得名字改得很貼切!差不多七點的時候去排隊前面只有4個人 輪候時間亦不久旁邊也有些店可以耗時間 只要有一位朋友願意排就可以~店面有位伯伯非常好禮貌出入有說一些日文 雖然不知道說什麼對了 輪候的時間他會先派下單紙和筆給我們先填至於食物 我們一行三人都選擇黑傳因為黑蒜應該會比較濃味果然 非常的濃烈旁邊亦有些調味料芝士粉, 炸蒜和醋建議可放一點在湯匙 就可在不破壞湯底下試不同吃法下次會再試試白傳

店如其名，呢間隱家拉麵既位置真係好隱蔽，行左好耐先搵到。如果你係鍾意食重口味既野，你應該會好鍾意呢度，因為佢既湯既味道真係好濃好濃，可能呢個就係沾面既特色。我男朋友就係個好例子，佢話呢度既拉麵幾好食。可惜我同佢相反，我鍾意食清淡d既食物，所以覺得呢間既拉麵實在太濃，食完會令人好口渴，所以對呢間店既評價一般。 仲有呢間鋪好細，裝潢有點簡陋，坐椅係用裝汽水既膠箱疊成，所以唔太適合坐太耐。可取既地方係店員有禮貌，幾helpful。

傳說西九龍有隱世拉麵，梗係黎試下啦～實際又真係幾隱蔽。早早六點半就黎到，竟然已經有人在門外等入座!好彩今次做孤獨的美食家，所以好快就有吧枱位置坐。 叫左一隻溫泉蛋同黑拉麵。溫泉蛋同我之前食嘅有分別，賣相似新加坡嘅半熟蛋，一早已經幫你剝殼，浸住豉油。一睇，咁細隻匙羹點用，入面啲黃流出黎咪唔駛食!所以忍住，等拉麵個大匙羹。黑拉麵係沾麵黎，見到個湯都尚算黑，不算是"杰"嘅湯，相對稀啲，但沾麵嘅時間仍然能掛湯，掛左湯嘅麵條都仍然濃烈。見有食家話黑蒜味濃，個人認為可以再濃郁一點。。講番隻溫泉蛋，有驚喜，入面竟然係半熟嘅質感，是半固體嘅狀態，值得再試。

話說女友既表妹就黎行畢業典禮，所以就陪佢去深水埗尋覓下畢業公仔。幾經波折 鐘意搵到一隻岩心水，落左order之後就等佢織返件畢旅袍。咁呢段時間有咩做好？梗係走去覓食！之前睇個某討論區提過呢間隱家拉麵唔錯，所以就去一探究竟。鋪內既座位都較為逼夾，相信最多可以坐20個人左右，大家可以想像一下當中既逼夾。但唔緊要食物質素最緊要！隱家主打三款沾麵，分別係黑伝、白伝同赤伝。我就order左白伝，傳統豬骨湯底，另外揀左溏心蛋。湯底以豬骨為主調，再灑上蔥花、芝麻、筍同日式叉燒。對本人以言，可以完全感受到濃濃既豬骨同魚介香，但有點兒偏咸同偏油。叉燒就肥瘦參半，肉質軟𣺉。麵條份量大概有200g，份量剛剛好。麵條口感煙韌偏硬，但掛湯能力唔錯。女友就點左黑伝，一時忘記冇影到相。但以佢既描述係黑蒜十分之重，比白伝咸更多，未必個個都接受得到。老實地說 整體和我想像中有點出入，味道 環境都係剛剛好過我心中既合格線。