隠家拉麵工場 (已結業)

原本這家沾面我真的很喜歡，山長水遠都會跑過去食，但是近日再去食就發現溫泉蛋和沾面醬汁裡都加入了柚子皮，原來就好好的不明白為什麼要加柚子皮，讓原本的湯汁變苦了，溫泉蛋跟柚子也不配，對於我這個不太喜歡橙或者柚子的人，得知湯裡都加入柚子皮，這點讓我覺得失望了，這令我忍不住去寫食評，也是本人寫的第一個食評，以後都唔知仲去唔去好。。但這家沾面的豬骨湯真的數一數二的香濃，希望店長看到這篇評論可以把柚子皮取消掉。

今日，30/8/2017, 約左朋友去深水埗食lunch, 佢就同我去試西九這間隱家沾麵店。我無食過沾麵，緊係要試下啦。我就叫了每日限定的咖喱湯沾麵 $89一黎到，碗麵我見到有煙出架，一住麵夾入咖喱湯中一掛，一入口，咖喱好好味 (仲有得簡辣度架), 我要了中辣，但唔多辣，一沾上麵食，味道恰當，有咖喱香味，好食。湯中有2 大塊豚肉，好食，內裡的薯仔仲好食入晒味(唔係咖喱) ，明顯係做過入味功夫，好得,而麵中都有其他配菜，所以食材算係好足料，都覺得值俾。而我個朋友就叫了隱世白湯嘅豬骨湯味沾麵 $79，佢都話好食。碗麵係有蛋跟架，仲可以簡半熟 or温泉蛋。總算我係滿意的。好食。

同班朋友咁岩去黃金買野，順便落隱世食碗沾麵，本身想去另一間都係深水埗既混x拉麵，不過最後都係去左呢間。其實唔係第一次食架啦，前排過左日本食六厘舍，本身好高期望啦話哂都叫頭幾位置，但係估唔到既係同香港食到既味差唔多。講緊既係邊間呢？無錯，就係 隱世啦星期日本來唸住要等位，但係又唔洗咼，咁岩有4個位岩岩好。食過既都知得三款沾麵簡（唔計有時d咩限定啦）分別係，白，黑，赤魂。我地嗌左3白1黑，蛋方面有得簡溫泉蛋同半熟蛋。白魂白魂姐係豬骨湯，麵條聽講係自家製，粗身又煙韌，無鹼水味。湯伴勻d粉之後就可以沾麵，用麵條沾上香濃惹味既湯汁，雪一聲就一淡，叉燒肥瘦分明，味道香甜，入口鬆化，半熟蛋黃香甜，流心程度一流，水準之作黑魂黑魂係黑蒜豬骨湯入面有蒜蓉，蔥，芽菜等等，比起白魂更濃味，本人就認為太濃啦，雖然唔係用黎飲，但沾麵食都好濃烈，建議一開始食白魂入手好d，不過都好食既。美中不足既係無小食，相反既係代表專注沾麵上既功夫。總括，香港既沾麵同日本既不相伯仲係有d令我估唔到既，慶幸既係我可以係香港食到日本沾麵既味道，唔洗飛過去先食到。

今日同屋企人去完黃金買電腦野, 買完見肚餓就去西九龍食野頂樓實左太多人, 諗下諗下都好耐冇食過沾麵於是同去左7樓蘋果商場食啦!!!好彩都唔太多人, 等左15分鐘就入左去啦 排隊既時候職員已經同我地落左單,  慳返好多時間啦我叫左白魂, 加左紫菜同fireball (辣椒球)加左辣椒球好惹味, 不過唔食得辣就唔好叫喇, 因為一上檯已經好大陣辣味湯底濃濃豬骨味, 加少少昆布醋吊一吊味仲好食下次都食返黑魂, 感覺更加重口味, 岩我多d!!

6點多去到排隊，大約等左半個鐘，排隊既時候會派張紙俾你點餐先 不過就唔知白伝、黑伝、赤伝其實係咩湯底我就叫左白伝同黑伝白伝黑伝既分別就係湯底only 其他配料都一樣配料有兩片肥叉燒、筍、葱、紫菜仲可以揀溫泉蛋或者溏心蛋〈白伝〉沾麵份量足夠，沾麵湯夠熱，唔會一上菜就凍哂！而且湯底及得上日本既沾麵店！好味！😋 揀左溏心蛋，蛋有三四成熟，蛋黃有流心感覺😋😋 食哂個麵就加左湯，湯一上菜已經放左係枱上，倒出黎仲有煙出！不錯不錯！👍🏻至於黑伝，淨係試左一啖湯底，覺得好重黑蒜味，不過可能因為係黑蒜油，感覺湯底比起白伝凍〈環境〉店內一直播日文歌，加上裝潢設計，很有日本感覺但坐既位置會有頂腳既情況出現

隱家拉麵工場這間麵店平時好多人排隊，今日都唔例外。等咗20分鐘之後，我同友人就有位坐，坐係岩岩背住門口個位，好就好在佢旁邊有啲位放下野，都照殺啦😅。好鐘意佢啲坐位，都幾得意。$79（隱世白伝）+$18（Fireball)我個個湯底係豬骨湯底，冇咩豬骨味同有啲咸。。（雖然沾麵係用濃縮咗既湯，但我都係覺特有啲咸😂）我本身對拉麵就唔太講究，所以我覺得食落都唔錯既，加咗個Fireball。佢有好多指示牌教我哋點食，其實我覺得咁樣好細心！ 個Fireball就係將個個肉丸浸係啲湯到，咁佢會散開。佢令個湯加咗啲辣，同有少少肉碎可以食返，但我覺得$18都係有啲貴😅佢啲蛋真係好出色！一整開佢係可以見到非常流心，我好鐘意！次次食都話想飲埋佢哋湯，但其實食完都好飽，同埋我覺得就算加咗湯都會咸😅佢比起西九龍中心其他既店鋪黎講都算係中上級，所以如果行開黎呢頭我都會再黎🤗

第一次食沾麵 之前見到西九龍中心 蘋果商場入面有間真係幾「隱」既日式麵店 一直都想試上次黎係大排長龍 今次好好彩 時間仲早 一到就有位lu試左原味既隱家拉麵 我要左温泉蛋 朋友就要左半熟蛋温泉蛋其實唔知正宗點食 試過之後覺得應該係要打爛佢 然後沾湯再沾蛋漿會幾正 可惜我今次就係就咁放左落個麵度 然後撈勻左就再沾麵湯 但會比d湯蓋左個蛋漿味 所以下次會再試下另一個方法了haha半熟蛋就真係好好味 放到最後食 蛋黃仲有流心架！ 冇比d湯浸熟 正！講番個湯底 記住唔好就咁飲呀 好濃好濃架！ 可以參考番店入面貼左個指示去食沾麵沾左湯 真係好正 浸一陣已經夠曬掛湯 鍾意食軟身少少既麵就可以浸耐d 不過都唔係浸10秒內好啦 個人黎講鍾意硬身d既麵 浸3-5秒都仲好有口感~枱上面呢 就仲有其他調味料 有辣醬 芝士粉 同昆布醋 店家係指示寫左加d醋會好食d 我就當然有加到啦 加完之後的確會好食d 仲無咁漏 又有d甜味 真係岩岩好 但鍾意濃味既 唔加都已經好正~ 而我同朋友都鍾意食辣味 都覺得加左辣醬之後仲正 多一層味覺享受添~btw我朋友食完仲加多左個麵食添！但最後加湯再飲麵湯 就一般啦 加既湯太重"

同朋友出左SSP....係大家都唔知食咩好既情況下就試下呢間拉麵啦~係SSP另一間海老我有食過~但呢間就未...佢係門西九商場某個角落...唔係我朋友帶路真係搵唔到....拉麵都係黑/白/紅...唯一唔同佢有得加肉丸同揀溫泉蛋呀~我個人覺得黑色好食D~係最香既紅色略嫌唔係好夠蕃茄..個味有少少怪...但唔係唔好食既朋友加左個肉丸~我要左溫泉蛋~佢係另上~仲要唔記得左上...人太多啦..提狙幾次個侍應先比我到..麵質水準係KEEP到既~一樣彈家爽口但係個湯..我就覺得海老好食D...同埋佢地D侍應NICE D...始終呢邊大間左..人多左佢地忙左....

聽講呢間拉麵店係網上大獲好評，所以去飲之前就去試下，打定個底嘛。去到個陣一坐底，店員就走過黎話有個猜包。剪。揼遊戲，猜贏左就有免費小食一份或汽水一枝我地有5個人，但！但！但！我地一個都無贏，幫個店主省唔少。玩完就好認真咁揀野食，最後決定隱世黑伝。溫泉蛋好味指數: 太咸，可能你會話沾麵係咁。但日本食個啲唔係咁，試過你就知。。哈哈佢有個隱世白伝，可能無咁喊仲有個隱世紅伝，聽講係辣不過今次食完，唔會再食，完。

呢間位於西九龍中心蘋果商場裡面的沾麵店隱家拉麵工場，店如其名，地點比較隱蔽，但其實是正宗日本人來的亦有日本師傅主理。我地一行三人決定了白、黑、紅三款各叫了一碗來試試，白伝是原味豬骨湯、黑伝是黑蒜油豬骨湯、赤伝是蕃茄豬骨湯。三款之中，我們一致認為還是覺得原味豬骨湯是最好味的，依次就黑蒜油豬骨湯之後就是蕃茄豬骨湯!價錢七八十蚊正路的，份量都十分ok唔加麵都夠食，食完麵仲可以加湯飲完真係超飽的!～～如果第一次食就試左原味豬骨湯先

隱家在深水埗可爲街知巷聞，之前食過覺得味道一般，今次再同老婆來再試清楚。晚上六點幾嚟到當然要排隊，排左成30多分鐘先入到去。要了一個隱家白伝 和隱家黑伝，等10分鐘左右嘢食到齊。麵質算係彈牙不錯口感不錯，湯汁尚算好味但略鹹，流心蛋恰到好處，叉燒好香口，另外有一張印咗人家飼養嘅紫菜非常精緻。可能是沾麵的特質口味較鹹同油膩又可能是我個人口味因素。我依然覺得味道不算突出。要排隊的話，應該唔會encore.

隱家拉麵頗有名氣，難得在深水埗美食林立的地區站得住腳，想必有其過人之處？今次因工作關係過來深水埗，終於有機會試一試。因為來的時間較早，所以不需要等位，而且可以坐大枱（算是比較好坐）。不過我眼見整個店都很細，頗狹窄。夢寐以求的沾麵麵質一般，甚至有點糊掉。尤如在吃分了湯的拉麵，很失望。沾麵的湯湯頭過鹹，感覺像味精湯，愈食愈口渴。$88 的價錢定價不算貴，但同一價位可以有更好選擇。起碼可以坐得舒適一點。離開時開始有人龍，應該跟我一樣是慕「名」而來？

因為一些原因得而試到呢到既隱藏menu - 咖哩沾麵。老實講 隱家主打既三款口味都悟係我既至愛但試過咖哩沾麵後就念念不忘 想一試再試既感覺咖哩同主打三款既不同之處就係碗比較細但悟好以為細碗就悟夠食沾麵既份量不變 另外仲有椰菜 紅蘿蔔 同蕃薯做配菜 份量多至蓋過沾麵 一上到我面前都有啲無從入手沾麵一如以往般都咁係彈牙 精彩既係啲配菜 甜度有如飲緊果汁 蔬菜悟洗沾上任何野就已經多汁到滿足至於個咖哩 比平時食既咖哩更濃但悟膩 咖哩中仲有啲未滾融既蕃薯粒 配上肥瘦適中既叉燒食 入口即融 簡直係享受 同場加映：溫泉蛋偏門食法如下我鐘意用麵去沾上溫泉蛋去食既食法半生既蛋白同漏心既蛋黃沾係啲麵到 食既蛋味同少許柚子皮 清新又特別推介大家試下：）後記：點解係隱藏menu既原因因為每日只有少至兩三碗左右賣想試既最好午市時間去食晚市就悟好諗啦試過既就明 對比起三主打呢個先係值得去推既款式。

我不嬲都鍾意食拉麵，女友就較喜愛烏冬，但吃過一間位於日本大阪梅田的沾麵之後，齊齊戀上沾麵。之後在香港反反覆覆試過好幾間沾麵店，我們很早已經想來嚐嚐這間隱家拉麵工場的沾麵，唯獨是沒有理由來深水埗。這天因為要教女友踩冰，而我又怕星期日午飯時間要排隊，所以十二點就到了。不用排隊即接入內。侍應叫我們於四人枱坐一邊，點了黑、白伝各一後又有一對情侶坐我們正對面。其實都唔算太擠逼，木枱是一塊實心木放在幾箱汽水膠箱上，但對腳就有點頂住了。拉麵份量比想像中要多，因為我不用替玉就吃飽了。已經數不清吃過幾多間沾麵麵條，又不覺得隱家的有重鹼水味，軟硬度適中而且溫度剛剛好。黑伝的湯底用上大量黑蒜，回家後口內還有強烈蒜頭味，不好蒜者切勿選擇此拉麵。這個湯底除了蒜頭味之外還加上鏗魚粉，提升了豬骨湯的味道。（奇怪只有少數食評有提及鏗魚粉，難道大家的黑伝沒有？）牆邊貼上一張中日對照的圖解，當中吸引我的是一句「把麵條吃完後，請要求店員為閣下注入熱清湯，份量可自行決定，或由店員提供意見。」因為已吃完麵條，便揚聲叫侍應加熱湯，誰知那名侍應跟我說、枱面已經有壺熱湯，接著便回到原位跟同事傾計。「店員提供意見」這個選擇似乎沒有了，

西九龍中心，車仔檔聞名。但講到食，首選此食店，是隱家拉麵工場。呢間舖聞如其名，非常隐蔽，要左穿右插才找到。店舖非常細，所以要輪候約30分鐘才能入內。店內食品選擇較少，以拉麵主打。我便叫了 隠世黑伝和隠世赤伝來試試。麵質非常彈牙而不太腍身，煙靭爽口，吃落極佳。豚肉肉質感重和新鲜，美味可口。而配料更有竹筍，增加你牙齒的轉動， 。最後上湯底用豬骨熬製而成，味道極為濃郁。整體而言，價錢合理，食物質數有水準，值得一試。