隠家拉麵工場 (已結業)

店子躲藏在西九龍中心蘋果商場的一角，若不是專程去食，都幾難留意到，果然是隱蔽。不過，以店主的名氣，即使鋪位是再隱秘再難找，盛心的香港食客也總會搵到上門。 進去以後，又是另一番味道。檯是簡單的木檯，坐椅是盛汽水樽的膠盤，充滿玩味，大玩返樸歸真。既然是沾麵專門店，因此出品也是貴精不貴多，就是專做三款的沾麵，分別是隱世白伝、隱世黑伝以及隱世赤伝。店方是有建議食法，入鄉要隨俗，才知道人家最棒的是怎樣子。點了一客黑伝，拉麵和湯底是分開上，把湯底攪勻，再將麵條放進去，便可大啖啜吮了。把麵條吃清光，可請店員加入清湯，然後湯也是可以喝過夠的。幾喜歡這款麵條，爽口又有彈性。由於吃時才把麵加進湯內，麵條不會被浸腍，幾好。配料的筍則是爽脆，蛋是溏心美味，叉燒是軟熟，而且經燒過，各款配料，均是出色。至於湯底是混入了黑蒜，味道很濃，配合這麵，是很合拍。若嫌不夠味，更可自行下調味。大概我都是比較喜歡濃味的東西，所以這個加入了熱湯的黑伝，也很合本人口味。只恨胃納太細，怎樣也無法把整碗湯完成。

西九龍中心以前細細個會好中意嚟呢到行街，但人大咗就愈黎愈小黎今次去完深水埗買完旅行用嘅電話卡之後，就嚟到西九龍中心懷念一下以前，順道食我未食過嘅呢間隠家拉麵工場。呢間拉麵店主要有三種味道嘅沾麵，分別係【隱世白伝】﹑【隱世黑伝】同【隱世赤伝】！店舖唔大，一個人食嘅話當然無問題，但如果兩三個人一齊黎食嘅話可能就要等一陣先可以一齊坐啦！好中意食辣嘅我以為隱世赤伝係辣味，所以就試佢　但點完餐問先知原來隱世赤伝喺蕃茄湯而唔係辣湯，拿拿林改咗做隱世黑伝　姐係黑蒜頭～枱旁邊會教你點樣食沾麵先係最好，好貼心食沾麵最好之處係唔會令到啲麵都變得好油，又同時食到果種湯底味道嘅精華！味就好濃郁，味道有小小辣，好開胃！叉燒亦都唔會太淋，份量亦好足夠！不過最後就算加咗湯個味都好濃，今次就無飲晒啲湯啦！呢三款麵仲有外賣拎返屋企煮都得！喺屋企都可以食到咁好食嘅拉麵係開心嘅！可以一試～

朋友帶我去一間好多人排隊的拉麵店，這家位於深水埗西九龍中心7字樓的拉麵店很有日本風味，地方陝陜小小的，裝潢像刻意的簡陋符合日本風，鋪頭坐滿顧客，熱熱鬧鬧的。我們三人分別叫了隱世黑伝 及 隱世白伝，黑伝應是加了醬油那款，我吃的是白伝，這是以沾麵的形式進食。湯是很濃濃的，麵條放進去才可做到掛麵的較果。湯的味道一般，麵條還可以，叉燒倒值得一讚，肉味濃，稔滑。你更可於湯中找到一片有 隱家 字體的紫菜，有點心思。朋友將湯全部飲完，我怕肥膩只能淺嘗。

私藏了這所拉面很久，終於有機會一嘗。晚上7點多到，大概要等10分鐘。環境不太大，適合速食，人流流轉較快。隱世黑伝：上枱香噴噴。黑蒜味濃，個人覺得濃度太濃味，就算沾面有點太鹹。半熟蛋出色。麵質煙靭，但偏硬，上枱有點已經成舊，比較難弄散。隱世白伝：豬骨湯頭都有點偏鹹，但沒有黑伝那麼濃。叉燒份量多，但味道一般。魚介粉有點過多，令到湯頭有點腥味。其實店家推薦加醋入湯底一齊進食，不過本人覺得沒有很夾，所以沒有全加入。

呢間拉麵小店位於西九龍中心蘋果商場入面，朋友推介下一試愛上🥰次次去都會見到人龍👨‍👨‍👦‍👦店內座位唔多，坐得比較逼。佢d凳係用咗可樂箱都幾有特色🤣呢間仲要唔收加一，性價比超高！•🍜隱世白伝（$79）每次都嗌呢隻白伝沾麵（豬骨湯），佢嘅湯底超濃，麵條粗身又彈牙又爽口🥢沾湯咁食好完美🤤🤤配料方面，叉燒夠厚，半肥瘦勁好食，分量仲比出面多，跟一隻半熟蛋或溫泉蛋，我揀左半熟蛋（溏心蛋）🥚真係勁好食，係流心架😻仲有紫菜同荀都好好食👍🏻食完麵可以叫侍應加熱清湯溝返冇咁鹹咁飲🍲連湯都超好味👅————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️⭐️味道：⭐️⭐️⭐️⭐️💫性價比：⭐️⭐️⭐️⭐️⭐️回頭指數：⭐️⭐️⭐️⭐️💫

偷偷早放Lunch同老公鼠去食拉麵，住港島嘅又唔係成日去深水埗。特登去食，上一次去已經一年前，仍是很回味沾麵/湯底呢嗰味道。真係好好味。我叫半熟蛋，將蛋放在麵里，一起吃嗰味道同質感一流。最後，湯加少許昆布醋飲到好滿足!

之前都有聽過人稱＂拉麵陳＂既事績，得知陳先生都引入同開左好多拉麵同沾麵店喺香港，我覺得係一件好事，因為當年確係令到好多香港人品嚐到質素更好既拉麵同沾麵。一路都聽過深水埗有間隱世既沾麵店，今次終於同朋友嚟到試下先。去到發現都真係幾隱蔽，位於西九龍中心7樓，亦有幾個人喺晚市時段等位，店內環境較狹窄。店內主打3款沾麵分別係白伝 ，黑伝以及赤伝 ，白係豬骨濃湯 ，黑係黑蒜濃湯， 赤係蕃茄 。我揀左白伝 ，即係豬骨湯底 ，麵條唔少都已經結成一餅 ，之後將一注麵放落湯中掛一掛湯再放入口 麵條掛湯力不算很強， 質感煙韌不過麵既味道較淡， 幸而湯底幾濃郁 ，充滿鹹香。 蛋幾軟熟 ，而醬油亦醃得入味 ，叉燒輕輕火炙過 ，不過肉質有點嚡 。一般沾麵湯底會做得比較鹹 ，因為唔係比你就咁飲 ，所以食晒麵之後加清湯落去剩餘既湯汁中和番再飲 ，湯底香港嚟講算唔錯，但叉燒同麵條都較普通 。隠家拉麵工場深水埗欽州街37號西九龍中心7樓7083號室

隠世黑伝 $89黑蒜湯底超香濃 仲有好多蔥同芝麻 令香味勁豐富😛 麵條粗幼適中 煙韌掛湯 而且麵量超多 叉燒呈半肥瘦 入口好香豬肉味🤤另外沾麵可揀配溫泉蛋或半熟蛋 溫泉蛋會分開上 而食法我都唔太清楚😂評分：7.5/10.隠世白伝 $79白伝湯底非單單係豬骨湯 而係魚介豬骨湯 魚介同豬骨香雙互交替 兩者配合既香氣絕對唔比黑蒜湯遜色🤤🤤 檯面有樽昆布醋 加少少吊下味會更加好食👍🏻 原隻既半熟蛋流心程度一流 可惜唔知係湯底太濃定隻蛋唔夠入味 覺得味道較淡🙁評分：7.5/10

十年都唔黎一次西九龍中心，朋友話上次行行下街唔覺意發現有間好隱蔽嘅沾麵叫我一齊食，反正上堂之前仲有時間，我地兩個人就去睇下什麼環境。老實講佢響格仔舖區域入面真係好難會有人發現到佢，不過通常呢D情況出現親都有D嘢～～小店座位好少，餐牌都係得3款-白，黑，紅。隠世白伝 $79我叫咗白色，我諗算係原味或醬油味嘅沾麵，由於所有order都係即叫即整，所以都要等一段頗長嘅時間，自己一個黎就悶D，唔怪得朋友要我陪啦～不過上台嘅時候強烈麻油飄香，即時胃口大增！就咁睇，佢D料多到好似碗湯麵咁，一路撈會撈出唔少食材，其實真係好足料。本身唔喜歡芝麻嘅我都被佢D芝麻吸引住，撈住醬汁食有D芝麻令口感更多元化味道都更香，你唔會覺得好油，因為每樣嘢都有存在價值，塊紫菜厚到就算浸咗一陣湯汁都係脆的～不過我最最最驚嘆係個溫泉蛋，係甜架！佢雖然流心但唔會流到好似水咁，用黎撈麵真係恰到好處，早知就追加多一粒啦～食到尾發現原來仲有好多筍，佢D筍酸酸地，去到尾食剛好可以減膩，繼續食落去。D拉麵其實都好加分，雖然好似成餅嘢咁，但入口依然好彈牙好爽，除非一次過怒堆入口，如果唔係真係會keep住咁食，應該係同新鮮淥有關。隠世黑伝

位於西九龍中心既蘋果商場入面，真的好隱閉！嚟呢度某程度上係要同老闆meter chan致敬！多謝佢帶俾我地咁多美食！位置好小好細，亦因爲如此，更有日本屋台味道！我地點了兩個黑蒜油沾麵。湯底極濃郁！內有入口即溶的叉燒、荀及半熟蛋（都可以選擇温泉蛋）枱面有昆布醋，加入少許酸味反而更吊味，沒有任何違和感。另一限定 柚子冷豚亦好出色，豚肉無膻味，配清新柚子醬汁好配。加上有大量白蔥，又夾又香！吃完拉麵可叫店員加上魚介高湯，一飲而盡，非常滿足！

話說上次同朋友食彩 其中一個話深水埗有間好食d既 咁岩呢日黎深水埗唱錢同買電話卡準備去旅行 搞掂晒d野之後就決定去試試佢講既呢間沾麵 呢個鋪頭非常唔起眼 位處蘋果商場既角落 仲要無招牌既 入到鋪頭亦見到鋪頭無咩裝修 牆身仲係裝修用既木板 櫈係用裝可樂樽既箱疊起而成 同一般專做拉麵或沾麵既鋪頭一樣 選擇唔多 有白 黑 紅揀 我就揀左黑蒜油沾麵 麵質係我鐘意個種 比較硬身 有咬口 而且掛汁 湯底方面夠晒濃 好香黑蒜油味 不過唯一既挑剔位係有少少辣味 同個湯唔係好夾

呢間拉麵一直都好受歡迎次次經過都排長龍難得今日經過，竟然唔駛排隊即刻試下有3款沾麵，白，黑，赤仲有期間限定嘅冷麵黎到當然要試沾麵叫咗一黑一白，半熟蛋有齊調味，同最重要嘅冰水，似足日本拉麵店裝修似日本街邊細細嘅拉麵店，幾有風味牆上貼咗沾麵食法，等食時可以睇下先先黎白，係豬骨湯將魚粉，葱，芝麻撈好再加麵落去d麵好掛湯汁！而且好煙un！忍唔住一啖接一啖咁食另外黑麵都黎到，直情見到d黑蒜油係面食落真係好黑蒜！好香！鍾意蒜嘅朋友一定唔可以錯過配料有叉燒同蛋，就一般般，冇特別驚喜最後食法係加湯，飲埋個沾麵汁其實幾好味，不過飲咗2啖飲唔落食完就明點解長期有條隊

位於西九龍中心的最不起眼角落，靠住實力吸引到人前來排隊。 日式裝潢，布廉懸掛系門上，卡座用盛汽水玻璃瓶既膠盤一層一層堆砌成桌椅，創新、環保、又省空間。隱世黑伝 $89，重口咪必選，香濃黑椒味，郁厚稠密既湯汁，麵質q彈，掛湯力強！日式溫泉蛋，黏滑口感，清甜柚子味！

佢係深水埗西九龍文化中心入邊，第一次食係因為無意中去西九買野，行過見到就入去試試啦，佢位置係最入，所以經過都未必好覺，今次已經係第二次黎食﹗佢入邊裝修係好日式既，D櫈係可樂箱都幾特別，佢位置唔多，得幾張枱同埋煮食枱果邊有D高櫈位，位置都幾逼下，因為位唔多所以第二次去就等左二十分鐘先有得食。甘入去前店員會問你係咪第一次食，答係就會簡單同你講下餐牌，其實餐牌上面得3樣野食，隱世白伝即係豬骨湯沾麵，隱世黑伝即係黑蒜油豬骨湯沾麵，隱世赤伝即係辣味豬骨湯沾麵，仲有果每日限量既咖哩味，可惜每次都食唔到﹗第一次去食過隱世黑伝，黑蒜油勁香勁濃。今之就食隱世白伝，先講湯，好濃味，食得出熬左好耐先出到呢隻味，麵條係粗身好掛湯，叉燒好香好入味肉質好軟，總之就好好食啦﹗有機會會想試埋赤伝同咖哩呀﹗

魚介沾面係隱家最出名嘅沾面之一，其實係佢開嘅時候我已經食過一次，嗰陣時覺得面嘅湯底同埋比較濃仲有比較鹹，不過個人就覺得佔年本身就係比較濃嘅湯底，而且餐廳嘅面係非常之彈牙同埋好食，掛湯能力都幾高，叉燒嘅份量都幾多下，而且半熟蛋做得啱啱好，味道亦都唔會太過鹹，已配料來講我覺得依間拉麵店做得唔錯。今次去食嘅時候我覺得個湯底冇之前咁鹹同埋咁濃，仲有少少酸酸地嘅味道，食落去比較清新，唔知道係湯底改良咗定係今次去食先會有分別，但係我覺得比之前更加好食，如果唔鍾意比較鹹嘅湯底，今次去食嘅話我覺得有進步。雖然餐廳經常都要排隊等位，但係價錢比較合理，加上配料同埋半熟蛋嘅份量都幾多，我覺得都算係幾抵食嘅沾面之一。