隠家拉麵工場 (已結業)

尋日深水埗電腦節，收工後行完電腦節就去呢間好評沾麵試一試。作用競爭激烈西九龍中心鋪位。鋪頭去到7樓咁高都可以做咁耐，証明有返咁上下能力。尋日大概七點幾去到，知道係格仔鋪內唔使搵好耐已經搵到。當時有三個人前面等位。店家已經係門口比定紙排隊嘅人填。等左一陣好快就入得去。鋪頭比較細大概坐到十幾人，裝修亦可以話無乜，坐位坐係汽水箱上，如果有帶袋唯有自己抱住。店家安排左我坐門口bar枱，入門口已經即交紙比職員。我就點左隠世黑伝同一個fireball(叫之前唔知係乜）。麵未到fireball已到，篤下篤下大概估到係辣椒磨碎再加一d醬料吧。拉麵黎到後，先睇下個湯，都暖熱之間，湯內有叉燒，蛋，同一d肉碎，都濃厚。之後再按指示加上fireball。湯頭更濃。再試下麵質，麵條感覺同出面沾麵比較幼身一點，麵形曲度都ok，咬落都彈牙。沾麵試下掛唔掛，由於湯好濃，掛麵情況好好拉麵每條都好多湯汁。不過湯嘅味就真係比辣味蓋過左，食唔比黑伝有咩特別。下次有機會試下食普通版再加fireball或淨黑伝。由於湯夠濃，食完後湯好彩仲有少少暖，如果再有碗飯就更好。店鋪值得再試

假日下午嚟食都要等位，等左差不多20分鐘～ 排緊隊時間有職員俾定餐牌你揀左先，之後差唔多到你入去就等多陣有得食了！終於試到呢間好出名既沾麵店！！名不虛傳湯底極厚極濃郁！！！ 麵質彈牙 very good! 湯可以掛到喺麵上一齊品嘗半熟玉子都係高水準食完麵可以叫店員加熱水，再飲埋d 湯不過我地太飽，同覺得湯太咸所以冇咁做～沾麵上嘅紫菜都好有心思 有「隱家」字樣喺上面！不過放一陣就淋左喇～ 後記：餐廳裝修都好用心，客人座位係用紅色裝可樂膠箱疊起做架！

一間位置7樓格仔商場入面既食店，附近既鋪都係做乾貨生意，突然有間食店，仲要外觀冇店名，入到去好日式拉麵店感覺，叫左個隱世白伝，叉燒好正好食，78蚊一碗，正常價。

經同事的推介，話在深水埗西九龍中心內有一問隱世的日式沾麵店，我和朋友們決定去一試，幾經辛苦終於搵到😆佢嘅位置真的非常隔攝，在西九龍中心七樓的蘋果商場格仔舖後邊，如果不是那長長的人龍我絕對不會想像到那裡有一間餐廳😅雖然隱蔽但都咁多人排隊估計應該都幾出名，我哋星期日下午二時去，已經過咗午市，但大概都要排左20分鐘先入得。入到去個個格局真係好似去咗日本一樣🇯🇵，環境有舊式日本拉麵店的感覺，裝修簡約以木板為主，枱和櫈都係以舊可口可樂膠箱砌成，既特別又環保♻️位置不多，大概可以容納20人，是一間有特色的小店😀在排隊就到我們進入其間，店員會先識我會點餐，這𥚃主要只有三種沾麵供選擇，分別是隱世白伝（豬骨濃湯）$79，隱世黑伝（黑蒜濃湯）$89 和隱世赤伝（蕃茄紅湯）$99，我們都是第一次嘗試，所以大家都決定試最基本的隱世白伝（豬骨濃湯）先。大概等了十分鐘，沾麵便到了，麵和湯分開，就咁睇份量都幾多，而且他是有步驟的，首先我哋要先攪拌下湯中的材料包兩塊叉燒和一粒糖心蛋，再加入柚子醋同埋黑蒜片，個香味即刻提升，你有清新的柚子味又有濃濃的蒜香味，齋聞已經好香好想食😋跟住就可以放拉麵下去湯度點來食了！拉麵的粗幼

喜歡味農的你一定要黎試下，個人最喜歡白色，吃完個麵D湯都飲曬一滴不漏，隻蛋剛剛好，總之系我系香港吃過數一數二的拉麵店，值得推介。。。。。。。。。。。。。。。。。。。。。。。。。。。。。。

個到餐牌係日文，要上黎睇下人地的食評先知係咩味，貼心既係佢有好多張貼講解點食。咁我地2個女仔去既，坐係的可樂箱，無得「浪」腳，又頂住膝蓋，一的都坐得唔舒服。我朋友叫左碗限量既咖哩沾麵，真係普通咖哩汁，完全無特別，唔怪得我地成夜晚8點幾9點去都仲有。我就叫左碗黑蒜沾麵，好食過咖哩。總之坐又唔好坐，如果想坐耐的的唔好去，相反你想速食加減肥，咁你可以去下既🤬🤬🤬🤬🤬🤬🤬🤬🤬勸各位唔好去食，我同朋友食完，第二日我地各屙左5次以上🤬🤬🤬🤬🤬🤬🤬🤬🤬

「相信已去到達摩級既隱世難搵拉面店」尋覓世間奇怪又好味既食物係我既目標！放工約左fd係西9相聚，尋尋覓覓睇到水牌爛終於簡定食日式拉面. 隱世拉面工場呢個名好吸引，好似近期好流行既隱世咩咩店咁，抱住好奇既心態就同個fd去左食. 原來間店係蘋果商場入面，搞到搵左好耐，果然夠隱世......門口有人招呼，大概8點唔洗等就入得座. 店內環境. 比較特別既係d chair,竟然係幾個疊高既膠籃..有特式不過可能我太矮，坐得唔多舒服同埋店內空間比較少.其實佢係sell沾麵為主，上圖係豬骨味，下圖係黑胡椒味. 佢主要sell3款面，除左以上2款仲有辣味.2款都各有特式，胡椒味夠香，亦唔會搶走其他食物味道. 豬骨味夠濃郁. 塊燒肉半肥瘦岩岩好，脂肪比例適中，浸埋落d湯度吸晒d味👍🏻.仲貪得意叫左Fireball, 好似幾有趣...但叫完望到個樣已經feel到中伏，準備菊花殘...... ok fine, 真係好辣...結果*痛左成日

我愛沾麵😋😋😋見到呢碗湯汁係紅色係咪以為係辣既呢？其實佢係🍅湯黎架😆😆食落又幾特別，我覺得又幾好食。始終平時出去食沾麵都好少有番茄湯汁。.呢度既沾麵有3款：分別係黑、白、紅⚫️⚪️🔴.呢間鋪頭細細間，都幾日式既。不過入面啲枱係用裝汽水既籃疊成既，坐底食既時候隻腳就會頂住個籃，搞到有少少唔方便。不過都係食物味道最重要，係值得既😋👌

位於西九龍中心嘅蘋果商場入面，唔專登搵真係唔會知有呢間舖，但慢慢行近時就開始聞到好香嘅味道喇，雖然舖仔細細，只有約20個位，但入到去就覺得好有日本feel！呢間舖專食沾麵，一共有三款：隱家白伝、隱家黑伝、隱家赤伝，有時會有啲期間限定嘅款式，我叫左白伝，係豬骨湯底，湯底呈深啡色，望上去已經覺得好濃郁，小試左一啖，好滑，好香蒜味，又唔係好鹹咋喎，麵質較硬較煙韌，但掛湯力幾好，餸方面可揀溏心蛋或溫泉蛋、叉燒、竹筍同紫菜，佢嘅溏心蛋真係一流！浸得入味，蛋白嫩蛋汁稍流出嚟，仲有2大塊叉燒，肥瘦適中，$79係抵食嘅！

the decorations and settings are quite special. The noodles were great, texture just good. but the soap was too salty even for 沾麵。services were nice and the environment was clean. hope they can make soap noodles (make sure not too salty please)

每次黎到西九，總會見到好多人係呢間店前排隊，今次下午黎到，見到無乜人又夠鐘食個lunch，一於決定試下啦排左一陣隊就入得去啦，店內裝修麵好簡單，主要都係木牆，同木枱，而椅子就係用可樂膠櫃疊起，非常有風格。另外都有高枱可以望住師傅整野食，都有日本既風味。今次我地點左隱世白伝同隱世黑伝。兩種對於香港人黎講都可能比較咸，而黑伝就更濃味，因為係用左黑蒜，而麵質既軟硬度麵適中，仲有可以因應個人喜好，選擇要溫泉蛋定溏心蛋。呢種係沾麵，將麵浸住碗湯沾黎食既，最後可以試下飲一啖湯，就知真係好咸啦

店舖雖然隱身在格仔舖之中，但無損各尋求美食的人排隊一嘗其有名的沾麵。白伝。由於是第一次來，故點了最基本的款式。店家會在很多地方貼上吃沾麵的方法。根據店家的指示，加了少量昆布醋和炸蒜於湯中。沾麵的湯本來就是較濃味的魚介豬骨湯，但湯中有柚子和後來加入的昆布醋，使得它濃厚得來不失一絲的清新，減去油膩感，伴隨蔥花、炸蒜和芝麻，豐富湯底的食感。麵條掛湯力良好，軟硬適中而有彈性。筍干鮮味，半熟蛋煮得恰到好處，叉燒燒得剛好，帶一點厚度，仍有肉汁鎖在內。唯一的缺點是那用汽水膠架砌成的椅子，坐得不太舒服。

話說朋友試過呢間餐廳話佢既拉面好好食,所以帶我黎試下, 星期日夜晚, 呢個角落頭位都要排下隊前面有4枱人, 不過都快既, 10分鐘左右就有位.佢個裝修真係好似日本咁,有個BAR枱, 對住個水吧食, 又有2/4人枱,  都可以自己一班FD咁食侍應帶左我地去吧枱, 枱面有水, 有醬料可以自己選擇醬料~亦都有指示教你點食先岩我地點左個黑伝 同 紅伝,湯底極濃, 拉面係粗面唔係幼身面,加左2個火之丸, 其實都唔係好知係咩, 不過就係撈埋D湯底一齊食~有少少辣但係好野味跟據佢個指示, 食完可以叫佢加水飲埋個湯,我加完之後飲左一啖, 因為就算加左水, 都係好咸所以試下就算啦~

新加坡朋友嚟到香港話想食日本菜(我以前係新加坡食過日本菜都真係麻麻哋)，佢上網搵完之後特別話想食呢間隱家拉麵。其實不嬲都有聽過嘅，但係就一路都無試，終於因為佢嘅緣故拜訪咗呢度。店內嘅裝修都唔知話佢係簡陋定係有特色好。啲枱係木板搭嘅，啲凳就係裝玻璃樽汽水嗰啲膠架，一啲都唔舒服，連飲茶嘅水杯都好似茶記膠杯咁樣。不過裝修都係其次，最緊要啲沾麵好食。望一望個餐牌，其實得日文同埋英文兩種。日文只可以靠啲漢字估估下，反而睇英文餐牌仲明佢講乜。我自己就叫咗隱世白伝($79) (左)，朋友就叫咗黑伝(黑蒜湯底) ($89)。雖然佢係豬骨湯，我反而覺得有咸魚味。個湯底都幾濃郁，鹹鹹香香。我自己唔鍾意太重口味嘅湯，雖然呢間嘅湯比起食過嘅其他沾麵嚟講唔算好鹹，但係我都係覺得偏鹹嘅， 不過佢好嘅地方係落咗片柚子，食落感覺清新。個沾麵粗幼啱啱好，食落好彈牙，唔會因為浸湯浸耐左而冇咗彈性。夾起啲湯又唔會溜走晒，有足夠嘅湯汁留喺麵上面。至於佢嘅配料係非常之足夠，紫菜芝麻夠香，蔥花夠新鮮，個筍冇渣之餘個味啱啱好，另外叉燒係抵讚嘅，肥瘦適中，輕輕燒一燒過夠晒香口，個肉質軟熟得來又夠咬口唔係霉嘅。不過真係食唔慣太鹹嘅湯，

隱家拉麵 蓮藕拉麵🍜之前食隱家沾麵都覺得得個咸字、今次見出新限定拉麵、就膽粗粗去試下！第一次試全素拉麵🥦🥒🍆🍅🌽賣相真係幾靚、有用心機去砌！好濃厚湯底！炸蓮藕要浸完先好食，就咁食有點硬！碗邊辣醬放唔放分別唔會太大、可能我食得辣隻蛋幾流心、係唔太入味！食完好滿足！幾好味、飲得出湯用好左好多菜去煲 係濃厚個隻、飲到底有柚子香味 ，雖然一塊肉都冇、但好飽、繼鰹之一滴之後、meter san帶俾我的驚喜之作！