陸陸雞煲火鍋 (已結業)

係雞煲任食當道既時候，我還是選了有質素保證既雞煲~陸陸雞煲係我個人認為較為少有既價格相宜又別具特式既上等雞煲。先論主角，雞，雞肉厚實香滑啖啖肉，可以用juicy來形容，味道濃度相對一般雞煲淡，可能因為叫了小辣，但亦有好處就係食得無咁吃力，因為重味雞煲食到最終...總會令我(條脷同喉嚨)崩潰。總括而言味道還是夠的，有多種配料既香味，惹味! 肥牛超正有quality，又鮮又嫩價錢亦相當相宜，實屬必點之算！食肉之時當然要食菜減減油膩感，而蔬菜種類選擇有許多，完全迎合到我貪心又易飽的為食貓。最愛還是這裡的珍寶帶子，十分新鮮無雪味，肉質嫩滑有質感，煮熟後都仍然是珍寶size，值得一讚！另外更叫了一客墨丸，彈牙又爽口，正到不得了。其實這裡的海鮮類質素都不俗，性價比高～喝一口冰凍的檸檬梳打，爽！最後還有雪米糍送上完美作結～

試咗咁多間雞煲都係覺得呢間最好味, 點解蠔新鮮無雪藏味，香料同辣味兩樣都啱啱好， 價錢適中每次去都好多人所以一定要book位，枱覺得有啲細成日裝唔曬我哋order咁多嘢有可能我哋係眼闊肚窄。 好鍾意D poster好有趣.

天氣凍咗，突然心郁郁想食雞煲，就隨意入咗晌白布街一間陸陸雞煲，整體來說幾好味，值得Encore，先講雞煲，入面有洋蔥、香茜、辣椒，嚟到時香噴噴，第一轉雞煲的雞好濃味同嫩滑，當收咗水後亦唔會太鹹，之後幾轉加水做打邊爐，雖然雞味無咁出，但都keep到陣辣辣地的味。打邊爐少不了肥牛，肥牛脂肪算平均，而紋理清晰，唔鞋口，而且嚼勁亦唔錯。個桂花蚌雖然賣相麻麻地，但好爽口。最好味的是響鈴大大條，亦脆口，浸浸湯底軟身後，味道好夠。價錢尚算合理，下次可再嚟!

天氣開始轉涼，又是吃火鍋的季節，約了幾個朋友吃個雞煲。由於是平日下班，選址以方便為主，便光顧這間在旺角的食店。雞煲調味正常，不太突出，但雞肉肉質相對難得嫩滑，不俗。吃過雞煲之後，這裡有辣湯提供，之後吃火鍋料便不會令辣味減退。這裡不少配料有創意而且質素不錯。例如圖中這道釀油條雙拼，分別是墨魚滑和咸牛芝士釀油條，爽脆惹味，當中嘅鹹牛芝士想不到味道十分配合。另外火鍋必點嘅牛肉， 呢碟拼盤有手切肥牛，肉味夠濃，但雪花肥牛質素一般。另外老闆加送牛柳粒 ，但肉質非常韌。另外特別點了這碟鮮帶子， 口感煙韌，但鮮味不突出。另外點了一般的火鍋料，蔬菜新鮮， 手打丸亦不錯飲品點了一揸青檸梳打， 清甜爽口 總括而言，食物質素不錯，但價錢偏貴，不過要在旺區有一間環境好的地方吃雞煲沒有辦法了。

三個人食飯食雞煲就岩晒，可以叫多啲配料又唔怕會飽死。今次係第一次黎陸陸雞煲所以叫咗個招牌陸陸雞煲試試。驟眼睇佢地既配料選擇都有成一百款，有啲仲好特別，我地點咗百花&鹹牛肉釀油炸鬼,玉子,珍寶帶子同手切肥牛。因為三個女仔食量唔大，為咗試多啲唔同既配料，今次叫咗例牌份量既雞，雖然有啲唔夠喉但最後食埋其他野都好飽。呢到既雞煲同一般食既味道有些少唔同，除咗鹹同辣仲有啲甜味同麻香，味道唔錯又唔會太鹹，調味配料豐富，見到有洋蔥、芹菜、莞茜、八角、花椒、京蔥、青椒，香得黎有層次。我幾鍾意佢將雞件斬成一大舊，啖啖肉唔會碎濕濕。雞肉鮮嫩，就算係雞胸都完全唔un唔鞋，係靚料雞。手切肥牛無得頂，雪花分佈平均，食落肉質軟滑，充滿油香同濃郁牛味。雞煲打邊爐食玉子真係第一次，幾與別不同既的食法，玉子帶少少甜再吸晒雞湯既味道，軟軟熟熟。珍寶帶子新鮮無雪藏味，帶點鮮甜。百花＆咸牛肉芝士釀油炸鬼又係好創意既配料，店員提醒呢個係未全熟叮囑我地要煮一陣。百花餡好足料，非常爽口彈牙，並唔係成口粉漿；咸牛肉芝士味道都唔錯，不過我覺得有啲膩，鍾意咸牛肉既人會大愛。兩隻餡同油炸鬼都好夾。青檸梳打不過不失，同雞煲係絕配。

  原來白布街都幾多嘢食架喎        我唔係咁熟呢頭, 都係FD子約食飯先過咗嚟雖然啲人成日都話食雞煲喺我嘅意識入面, 成日都以為係好似中菜嗰啲咁, 原來唔係喎   一人叫啲嘢飲先, 呢枝柚子梳打, 都倒到大約3杯, 最緊要係食呢煲, 好解渴呢杯係類似VIRGIN CALADA嘅嘢, 質地有啲似奶昔, 所以都會飽肚個煲未得之前, 食咗個椒鹽姇軟骨, 正正子, 香口嘢一定係食到停唔口雖然我唔食得辣, 但係老細話微辣先好食原來佢個辣係有麻辣咁GA!個雞真係好好食, 香濃, 帶有麻辣同洋蔥香嘅汁拌住啲滑滑雞肉,我初初以為係第一次食, 新奇感+肚餓先覺得好食FD子話, 你都唔知好彩定唔好彩第一次食就撞中間好食嘅, 第時食第間嘅時候可能會失望啦　當你啲雞食得差不多嘅時候, 原來佢會幫你加湯, 變成打邊爐你睇啲雪花......各式丸子, 我覺得墨魚丸唔錯食咗好多肉, 都要食返啲蔬菜嘅新鮮蔬本身就鮮甜, 吸收咗湯汁再食, 更正都唔算少位, 但係都幾多客, 下次再嚟都應該要枱定枱LU~

雞煲平時都食唔少，今次就同朋友去試下呢間66 Hot Pot，所以一早留定肚，食餐勁！先order一煲小辣的陸陸雞煲(例)。上菜速度都幾快，一打開蓋，濃郁的香辣味隨即散發開來，令人食指大動。每件雞都沾滿香濃的辣汁，非常有光澤，令人睇到好有食慾！雞肉咬落嫩滑多汁，而且好入味吸收了配菜、辣椒、花椒⋯等的味道，食落帶有香辛的味道之餘，個口仲有微微麻辣的刺激感。雞肉足兩人份量，食完有少少半飽的感覺。但有留定肚的我們又點會剩係食雞煲就夠，即刻加湯再食麻辣火鍋。打邊爐點少得肥牛，先來一碟陸陸手切肥牛(例)，色澤好靚，而且脂肪散布分明。食落嫩口，牛肉味濃，而且唔係薄到沒晒口感，值得一試。響鈴亦都係我平時打邊爐時必點的，所以今次都唔例外點了自家炸響鈴。響鈴炸得好脆，浸落火鍋一陣，即刻吸收了麻辣極雞煲的精華，而且口感變得又脆又軟，好食！另外還叫了百花和咸牛肉芝士釀油條，呢個都幾特別又創新，從未係其他地方食過。脆口的油條加上爽口的百花及咸香軟滑的咸牛肉芝士，口感特別，加上麻辣的湯汁，味道好夾！六寶丸分別有蝦滑、黑色墨丸、牛丸、龍蝦丸、貢丸、香魚蛋等，每款都係爽口彈牙又大粒，但我特別要講係黑色墨丸，有別於平

旺角雞煲周圍都有～要搵間好食既都唔係咁容易，今日朋友帶我去一間食好東西，試下雞煲好唔好食先！地點就腳係我欣賞既地方～餐廳設計幾靚，燈光又夠光猛，冷氣仲夠大tim！先叫左個例牌雞煲，$148唔算好貴，好味既就值回票價！微辣唔係好辣，麻辣感多過辣，雞件大件，骨少，啖啖肉架！雞肉既雪藏味都Cover晒，所以只係食到好濃好入味既麻辣味～煲內既洋蔥同青椒係另一個賣點，因為味濃，索晒啲味，而且煮得耐又夠晒林！好味道～食完雞煲立即開始打邊爐啦！手切肥牛又點少得呢？牛既賣相好靚，紅紅的一片片，雪花部份較少，證明肥既位唔多，每片放入水中大約滾30-40秒就夠啦，因為夠薄，易熟，牛肉充滿牛香味，又嫩滑！因為係牛切唔係機切，所以唔會凍冰冰硬晒咁！配料都叫左啲啲，有手打丸，手打真係唔同啲，餡豐富啲同彈牙啲，我最中意蝦丸，有豐富既蝦肉，唔腥味無膠味，食完唔痴牙tim！至於蔬菜藍啲菜好新鮮又翠綠，肉食得多食返啲菜都OK。另外仲有泡菜餃，唔係好辣，充滿泡菜味，皮就稍為厚左啲，但有個好處，唔會鬆散呀！今餐食得好飽，好滿意～

今次係第一次食陸陸雞煲，所以叫左BB辣，雞肉嫩滑，配料充足，青椒，蒜，葱, 只係麻辣味可以多啲，下次會嘗試小辣, 整體非常野味，服務好好，店員會敎你每樣食品煮時間分配陸陸牛三拼 (金錢𦟌, 手切肥牛, 美國肥牛)店舖推介既牛三拼，一次過可以嘗到三種牛牛, 金錢𦟌食落有層次，美國肥牛重脂肪味, 個人鐘意手切肥牛肉味比較濃, 值得一試百花 + 咸牛肉芝士釀油條 (雙拼)依個係必食之選，煮時間好快，主要係煮熱咸牛肉同芝士，食落口香濃撲鼻，還有重點係油條是脆卜卜珍寶帶子帶子比想象中大隻，切開兩半都比五元硬幣還大，一碟八隻物超所值, 帶子上桌已解凍，煮一鎮就可以食

又係火鍋季節, 雞煲當然唔少得啦餐前小食, 無乜特別不過等雞煲同時有啲野放入口咬下都幾好雞煲比平時多青椒, 都幾清新醬汁夠濃, 花椒麻香, 小辣啱啱好肥牛都唔錯, 油花均勻, 厚薄適中雙色墨魚丸拼蝦丸黑色食落平較有鮮味蝦丸相對無咁彈牙, 不過就比較鮮甜鮮腐竹配雞煲一流, 夠晒吸味油炸鬼釀蝦滑墨魚滑就試得多今次試呢個咸牛肉真係有趣小小咸多多趣, 推介

雖然女生的聚會很多時都會揀了在CAFE 或裝修較精緻的餐廳, 但對於我們好吃又識得太耐的人, 找個地方可以坐得耐又好食才是最重要。於是這次我們就選了吃雞煲, 痛痛快快地"麻甩"一下。約了八點的飯局, 難得大家都準時出席。相信約於方便地點, 旺角, 也有一些關係。而白布房街附近更要新興食肆臨立, 真係食完雞煲再來一ROUND 甜品也有大量選擇。坐下來就先點了一個BB辣的細麻辣雞煲。店員姐姐很快手便送上來~很快惹味麻香慢慢從煲中傳出, 除了有肉香, 還混有不同的香料和芫茜和等, 口水分泌不斷增加。開動啦! 即使在夏天, 這個雞煲仍是十分吸引, 我們一邊講, 一邊不停把雞件往口裏送。這兒不愧是出名的雞煲火鍋店, 雞件切得大小適中, 入味非常。而且這個BB辣程度真的不算辣, 只是有點麻辣點綴, 令你越食越滋味。加上時間控制得剛好, 雞肉還很嫩滑, 不會因放得過老而變老了。 除了雞件好吃, 那些一起炆的青椒和洋蔥等配菜更是入味爽甜, 識食一定會食埋這些...我們既不想飲酒, 又不太想要汽水, 所以這夜我們揀了韓式柑桔蜜。一JAR 大約可以分到3-4杯, 味道清甜潤喉, 配"熱氣"的火鍋是幾好的配

雞煲熱潮 未有因天氣轉熱而有減退 店內裝修跟環境很不俗牆上掛了不少畫當晚於火鍋店二樓用膳但二樓實在座得太迫 唯一大讚就是冷氣夠強！地下反而會坐得比較舒適有些食物有提供雙拼感覺不錯雞煲我們只嚐小辣(例$148)伴隨芫茜洋蔥濃香惹味，醬汁亦不過嗆！醬汁味道亦能滲入嫩滑雞件裡！吃完雞煲，才加湯變成火鍋手切肥牛片片油脂平均肉嫩鮮滑，牛味充足質素不錯手切肥牛配上惹味雞煲不需沾上任何醬汁，已經很入味！桶蠔大隻飽滿百花+咸牛肉芝士釀油條 (雙拼) 可作小食之餘亦可把其放入湯底中輕灼 咸牛肉芝士釀油條灼二十秒左右，很惹味午餐肉 切厚粒，份量充足 跟辣雞煲相當相襯蔬菜籃也很新鮮清洗乾淨，令人吃得開懷飲飽食醉的一夜，十分滿足特別喜歡它的雞煲，推介給喜歡吃辣的朋友!

一坐低就有小食送,車厘茄加上辣螺肉。首先就叫了一個鷄煲(小)的鷄煲，叫左微辣。鷄件兩個人食絶對足夠，鷄好入味又帶點辣，越食越想食，肉質都夠滑。另外必叫手切肥牛，雪花分明、牛味濃郁，質感又夠滑嫩。陸陸手打墨魚丸 蝦丸(雙拼)，兩款都好好食夠曬彈牙,用料十足，食得出係手打丸。第一次食咁巨型的竹笙皇，吸曬啲湯食一流（好可惜掛住食唔記得影）另外重叫左珊瑚蚌、桂花蚌, 食落好爽口，一啲都唔腥,，好新鮮。

好朋友生日，話想食雞煲，即時上開飯找找，見到呢間幾多Like兼有分店，就決定試下，點知......失望......不是唔好食，而係極之普通，雞煲味道一般，啲雲吞細粒又皮厚，牛肉都係一般，飲品包括青檸梳打同利賓納梳打都係淡兼無咩氣，碟碟都好少份量，今晚一試絕不回頭！還有，枱細坐得迫，兩個鐘就要人走，仲聲稱好多人排隊，但走時岩碼有兩張吉枱兼根本無人排隊！

天氣開始轉涼，又是時候找三五知已出動吃雞煲的時候。今次要試下的是陸陸雞煲，我們是為咸牛肉芝士釀油條而來的。陸陸雞煲（例）$148 （Kim子推介指數7/10）雞煲有不同辣度，我選了bb辣！待五分鐘即可吃！香辣味道從雞肉中慢慢滲透出來，第一口雞肉嫩滑，辣度適中。aftertaste的辣味 會慢慢滲出，原來都幾辣！品嚐完雞煲，加入辣湯即可打邊爐！陸陸牛三拼$228 （Kim子推介指數8/10）非常大盤的牛三拼！由牛的不同部位切出來，當中最好味的是肥牛！咸牛肉芝士釀油條$62（Kim子推介指數9/10）這個是我最期待的鹹牛肉芝士釀油條油！炸鬼切成小塊並開邊，釀入咸牛肉及芝士！吃時只需反轉油條放入煲中煮三十秒便可。 吃下去油炸鬼非常香脆，配上咸牛肉芝士惹味無比！手打蝦丸+墨丸$90 （Kim子推介指數8/10）新鮮製作的手打蝦丸及墨魚丸！ 蝦丸及墨魚丸打成交狀，吃下去十分彈牙！當中蝦丸非常足料，吃下去仍可看到一些蝦肉。響鈴$44（Kim子推介指數7/10）檸賓梳打$44（Kim子推介指數7/10）