陸陸雞煲火鍋 (已結業)

近年係香港真係好興食雞煲, 可能因為平時香港人都比較鍾意打邊爐, 面而家係打邊爐之前仲可以一嘗麻辣雞, 真係「一雞兩味」啱晒香港人鍾意多重食法嘅享受😆陸陸雞其實有兩間分店, 一間位於奶路臣街, 另外一間喺白布街.. 平時多數行經奶路臣街每次行過呢間陸陸雞都好多人等位, 今日特登嚟到白布街呢間諗住會少啲人... 原來我咁諗係錯晒😂😂😂係門外有一幅好得意嘅白兵擺設😍 好得意!如果留意到嘅相信大家除咗見到有白兵同黑武士之外仲有一隻隱藏係白兵入邊嘅「🐔」！🐔👈🏻佢扮緊白兵! 😂😂😂 咁得意嘅擺設真係忍唔住要同佢影返幅相🙈幸好打個電話黎book枱, 如果唔係相信未必有位... 今日全場差不多爆滿, 估唔到平日晚上都有咁多人幫襯😨 我真係有點睇小左白布街呢間分店場內裝修比較簡潔, 而有塊牆壁畫左少量手繪圖內容都係以🐔為主角, 幾得意!黎到陸陸雞當然係要食雞煲啦! 因為同男朋友兩個人份量所以食唔到太多, 叫咗半隻雞嘅份量+微辣 $158因為雞煲係用生鐵煲, 所以放上枱之後職員多次提醒唔好掂到個煲👍🏻 好貼心既提示冇幾耐之後職員會主動幫客人處理雞煲, 撈好之後再焗多一陣就食得👏🏻👏🏻👏🏻😍😍😍😍😍😍😍

見到咁多好評所以一行3人走黎試下，我係walk in去食，因為見過唔多人所以冇book,入去果時地下果層得2枱人，其他都冇人坐，職員唔比我地坐4人枱，一定要坐大枱之後同人夾位，心諗好啦，可能其他位比人book晒，一坐底慣例比人催落雞煲，之後雞煲都好快上，隻雞味道係唔錯但始終骨同皮多過肉，d野飲叫左幾次都未黎話整緊，整到我食晒d雞煲先拎野飲黎，之後轉打邊爐，叫左好多有叻推介果d，野食既質素唔值佢呢個價，可能鋪租佔左7成，不過漏單是常識吧，叫職員加湯叫左幾次都冇影，仲有幾個字就2個鐘就開始催我埋單，心諗通常d店都係一埋單就會開始趕你走，所以我拖住先，每隔分幾鐘就過黎一次催，3個人食左千1到，埋左單就比左粒甜品，估唔到食完甜品就比人趕走，話有人等緊位，明明仲有空枱，加上門口跟本冇人等緊，最後當然走啦，不過呢間店咁多好評原來只係食個名氣，但服務同食物既質素就完全唔值，如果係想抵食或者食好野唔會再黎呢間

又係食雞煲嘅時間，見到呢間人流都幾多就要去食啦，啲雞煲出到嚟熱乎乎感，聞落去已經覺得好香 果然食落去真係又正又惹味。個肥牛拿出嚟真係嘩咗一聲，因為佢真係望落好新鮮，啲肉又望落色澤好靚，食落果然又甜又有口感。茼蒿用嚟打邊爐真係一流，今次個湯底重要係雞煲，唐蒿索曬啲汁，唐蒿變成精華所在，又香又辣，好刺激呀。青檸梳打大大杯青檸梳打，驟眼睇都有一公升多，好抵飲，佢用嘅梳打唔係特別多青檸汁足夠，唔會好似平時咁多梳打氣

今晚再同朋友食雞煲，來左呢間係因為唔洗等位入去埋位已經有人來話落左雞煲先，不過諗住等埋另一位朋友來到先叫，期間問左幾次食咩雞煲，有啲煩朋友到左後就落單啦、雞煲味道一般，可能因為叫左小辣，有啲淡味，雞肉都萛係咁啦，無咩問題，牛肉就好啲，可能叫左貴既牛肉啦，配料都比較貴，都係食番一品好啲

嘩，今晚天氣凍冰冰,即刻想起打邊爐,啱啱經過陸陸雞煲 ,門口好多人排隊,我諗應該係正嘢,咁就排埋一份。例牌一個細雞煲半隻雞，雞煲上檯香噴噴，員工在幫我哋兜兩兜焗一焗，麻夠香，辣夠味 ，雞夠足配料多，好味好味。手切肥牛例牌 餐牌上面寫美國靚牛肉，上枱嘅牛肉有安格斯嘅質素，牛肉處理得好好，一啲雪藏味都冇感覺好新鮮，肉質好嫩滑，值得推介。百花咸牛肉芝士釀油條第一次見咁嘅菜式，上枱時員工教我哋點樣食，肉向下油條向上，輕輕淥20秒，芝士加鹹牛肉嗰款，咸牛肉加芝士嘅味道好突出加有小小油條味唔錯。桂花蚌+珊瑚蚌這碟雙拼盤上枱顏色十分鮮豔 ，感覺十分新鮮，輕輕滾一滾，好正真係超新鮮，肉質爽口鮮甜帶小小海水味，冇得彈。柚子梳打佢嘅柚子味好似柚子蜂蜜，加入梳打有氣嘅感覺，這款飲品十分清新嘅味道，感覺好解渴。

天氣急轉凍，突然間由夏天衫變咗著羽絨 ，成個腦都突然間淨係想食火鍋 ，約咗朋友就出咗去食雞煲 ，呢間都唔係第一次食㗎啦 ，佢有雞煲依然好有水準又麻又辣 ，鍋底勁多配料洋蔥陳皮青椒，都係比較罕有嘅雞煲醬料配搭，又香又好食 ，食完即刻暖笠笠。手打墨魚滑呢個雙色嘅墨魚滑一睇已經覺得賣相好吸引，一個墨魚滑有兩款口味，白色係普通嘅墨魚滑，黑色係加咗墨汁嘅墨魚滑，你問我我都係喜歡傳統白色墨魚滑，因為食得出佢嘅新鮮食得出有好重嘅墨魚味。自家製炸響鈴佢嘅響鈴造型不規則，一睇就知唔係超市貨，響鈴嘅最佳食法，一定係浸一浸湯底就食，完全冇油味，可見一定係新鮮製造。皇帝菜成晚都食肉係時候食返啲菜，雞煲嘅湯用嚟碌皇帝菜，辣辣地，加上皇帝菜多汁，係一個唔錯嘅選擇。檸賓梳打巨型飲品一支飲品足夠飲一餐 ，利賓納加咗檸檬同青檸，加入小小梳打，甜甜酸酸咁有少少氣好飲。

陸陸雞煲開到依家，大大話話都食左4-5次，通常都係朋友生日、同事聚會就揀雞煲，食食下都好似變左習慣，睇住由無咩人黎食，到排哂長龍等位，到依家開埋分店，好似睇住佢大咁！今次唔係一大班人黎，所以食唔得多，不過兩個人食半隻雞，加多片牛肉同一盤菜，其他都好飽。加上今日有得坐樓上，傾計都方便好多。照常叫中辣，未食就已經聞到招牌香味。今日個汁唔錯，辣度啱哂我，麻中帶香，黏稠度剛好可以包裹雞肉。雞件切得有點大舊，但好在入口幾滑，唔覺唔覺就食哂半隻。叫左手切牛，油脂分佈平均，賣相已經頂瓜瓜。入口有嚼勁，但絕對不鞋口，肉味比想像中濃郁，正！

一入秋冬就想瘋狂食雞煲同打邊爐，呢間聽聞很久，終於相約朋友前來<陸陸雞煲> $158 /例先來一個例牌雞煲，有個個辣度分，當天選上中間位置小辣，上枱時煲身燒到紅唒，而入面嘅雞係即炒，侍應會再即場打開蓋再快炒一陣，焗10分鐘左右就食得雞身都幾嫩滑，食落會先辣，後會慢慢滲出一點麻，而煲內嘅配菜吸哂啲味都好正<陸陸手切肥牛> $168 /例估唔到呢到嘅牛都不得了，一啲都無交行貨，雪花分佈分明，牛味重，油脂夠香<桂花蚌+珊瑚蚌> $92 /雙拼<陸陸手打墨魚丸+手打蝦丸> $102 /雙拼<陸陸自家炸響鈴> $42<菜類雙拼> $42 娃娃菜+金菇<柚子梳打> $49

又約知己閒日食飯,地點要就大家放工,食完又要方便番屋企,朋友介紹係旺角食雞煲打邊爐確實好選擇,而今次食呢間只係球場隔離街,而且成條街都係食店,都算而搵.打邊爐緊係要飮野,叫左檸賓疏打,睇少佢只係$48,如圖一大樽已經夠三個人每人兩杯,真係抵飲!我唔食得辣,朋友就我叫少辣(好似係).以前食過雞煲一般般,食兩三件雞已經夠晒數,但今次的雞真係超入味,少少辣但仍然夠麻,我係食到停唔到口!第二round,打邊爐.如常加湯,可惜D湯沖淡左雞個種麻辣味,唔辣既湯淡左D,應該改加辣湯先岩,食得辣仲可以喪加辣椒粒!自我利申:唔好豬牛羊雞,專攻餃丸類,乜都要試(所以特別鐘意呢到好多類都可以雙併)牛柏葉併金錢肚: 夠爽,因為夾湯底所以必叫.泡菜餃:全晚最愛!識我都知我愛粉皮!個皮冇得頂,意想不到泡菜同鍋底好夾,我食左三隻!鮮蝦丸墨魚丸:好大粒,彈牙,味道ok.雲吞水餃:本人覺得好好味,但因為自己鐘意食,所以自知唔中肯.芝心百花油條:係有少少失望,油條皮太硬,煑唔到自己愛的入口感覺,另建議增加釀入去油條即芝心百花的份量,塞爆佢!手切牛:我唔特別好牛,正常,唔識評價.菜籃:我like,因為乜菜連粟米都有,岩晒我

2016-11-17 一行三人約六時入座（白布街分店），先叫了一個大雞煲，但發覺有三隻脚，好多頸（最少6-7舊），但一舊脾都冇。於是問侍應大雞煲是否一隻雞份量，佢只支吾以對，話可能好多隻雞一齊腌，執落煲不同部位會有多有少。但我堅持話個煲二百幾蚊，咁樣唔係好對板。佢之後話換過畀我哋。但換過一個大雞煲分別不大，有2-3舊脾，2-3舊翼，其他都係下欄嘢，一樣有成7-8舊頸（即係唔食得果啲部位）。加埋一碟大手切肥牛（其實係機刨薄雪牛，又係二百幾），牛舌，手打墨魚滑，薯粉，二杯飲品，八點前埋單八五折，約$700…………不過呢間嘢一定冇下次囉！！

早前約左個好朋友食晚飯，突然大家都好想食雞煲，於是就走左去位於旺角o既「陸陸雞煲」。鋪頭有趣o既LOGO招牌令人一眼就睇到。大概20:00左右，餐廳已經坐滿七成位置，看來雞煲真係一個熱潮！一黎到就即刻整個小吃開下胃先，蒜蓉牛油雞翼起初聽個名，有d擔心會唔會太過heavy，點知食落去鬆脆，又唔太油，keep到d肉汁係裡面。66 Colada (見個名幾有趣，原來係椰汁西米之類o既東西期間限定，夏天消暑一流！佢地標榜雞堡即叫即整，等待期間，我四圍望，睇到好明顯鋪頭環境落過好多心機，同佢地個鋪名一樣，都係走年青路線，佢地用左好多搞笑塗鴉同畫作，製造左一個輕鬆有趣o既氛圍，望住D畫笑下，已經唔怕食飯要R話題啦哈哈！過左一陣，熱烈烈o既雞煲出現係眼前喇！順提雞煲係可以選擇唔同o既辣度，我地揀左BB辣。陸陸雞煲呢個係今晚o晚重點，唔知係咪期望值太高o既關係，食落去未有太大驚喜，只可以話不過不失。陸陸手切肥牛一見到d牛肉果下，已經嘩左聲，雪花分佈得幾平均，食落肉質鮮嫩，兩個食份量剛剛好！陸陸鮮菜籃食咁heavy o既野，當然要叫番個菜蔬黎balance番，材料都幾新鮮！建議即熟即食，如果浸太耐會索晒

同老婆出街食飯, 問佢想食乜佢竟然話想試下雞煲，本來諗住搵任食既但老婆戰鬥力實在太低，最後決定重質不重量試下呢間好評多D既因為老婆唔太食得辣所以要左少辣，雞煲本身好夠味，雞肉冇overcook 唔會鞋比任食果D好好多，全部食哂跟著加湯打邊爐！湯有辣有唔辣，我地揀左辣既（其實都唔辣）北海道特大帶子，點睇都係刺身用，放落鍋一陣就食得，外熟左內𥚃仲有帶子特有既甜美，正！其他特別啲既配料有自製既魚丸同響鈴，魚丸賣相及口感非常好，一般出面果D根本冇得比響鈴比平時食既厚吸更多湯，有咬口我鍾意，牛肉同鱔片質素亦上佳，唔錯整體上間店食物唔錯，環境比一般火鍋店乾淨好多, 服務亦周到，對用餐體驗有要求既值得一試

叫個陸陸雞煲(例), 份量都有十幾舊, 咁兩個人黎講絶對夠食。 選左微辣,味道辣中帶甜 初初食雞肉未夠入味, 不過滾多陣個麻辣入曬味， 仲加埋其他洋蔥，蒜頭，大蔥配料好香　 雞肉又滑，冇雪味。  之後放湯打邊爐就左幾樣野  野生竹笙皇 我從來有諗個條竹笙可以咁長,今次有幸見到 耐少吸曬啲湯底,辣得過引~  66手切肥牛 呢個又係冇得頂, 啲雪花分佈好靚 食落牛肉味好濃, 一啲都唔"UN"  百花+咸牛芝士釀油條 又係一樣特別, 未試過油炸鬼打邊爐,仲要釀埋野 個人比較咸牛和芝士,好香好夾, 不過唔好煮咁耐,油條帶脆比較好食~

朋友帶我去食雞煲，呢間地方都就腳，聽講平時都好full,好彩醒目book左枱就唔洗等得甘辛苦！首先有個前菜其實我好中意食辣，不過朋友唔食得辣，唯有嗌小小辣過下癮就算！好快啲雞已經滾，配菜好多，有青椒，紅椒，芫茜，未食已經聞到好香，食落真係幾惹味。店員好細心甘走來幫我地撈下，避免痴底。打邊爐點少得肥牛，我地嗌左碟手切肥牛，切得好靚，緊係相機食先。兩個人食一大碟已經好足夠。另外再嗌牛柳粒，油脂分布好靚。見到隔離枱食呢個油條好吸引，我地又忍唔住嗌左碟試下，原來係咸牛肉芝士黎架，非常特別。淥一陣就食得，油條可以索哂湯既味，唔錯然後再嗌左碟泡菜餃同八寶丸。啲丸睇得出係手打，特別靚同彈牙。每款兩粒，一人一粒唔洗爭，哈哈再嗌左菜清清腸胃。飲品方面，香蕉冰同紅豆冰都超大杯，不過味道比較啖，一般。

今日天氣轉涼了，就約埋好朋友去滾一滾 😏 雞煲 😂 陸一陸暖下身，一去到已經爆哂人要等，不過好快就到我地了！我地最後叫左最原始既雞煲！開頭會黎左蕃茄仔同日式螺肉，開胃既前菜 😋 之後雞煲就黎了，值得加分就係服務，不時留意有冇煮燶黎攪一攪！要食了，要食了！醬汁真係不是味兒，辣之餘仲麻麻地，愈麻愈正 😍 最後好口渴頂唔順，朋友叫左柚子梳打，我叫左芒果汁，解一解熱！😋