陸陸雞煲火鍋 (已結業)

自問無雞不歡如果各種肉類供我選擇我二話不說一定是選雞陸陸雞煲當然成為我必試的餐廳下班後與朋友匯合後便一起到餐廳去餐廳內的裝潢別具心思用上了紅 藍 橙等鮮豔的顏色令餐廳充滿陽光和活力感餐前小吃 好味我們二人點了陸陸雞煲（例）$148 微辣本來打算選bb辣但店員極力推薦微辣當中的麻必定能俘虜等倆結果之後再說～雞煲上桌後 完全不用我們動手交由店員主理可以食用時店員便會告訴客人十分細心雞煲內的雞件大大件雞肉肉質嫩滑 連雞胸部位亦如是雞很入味 食到我lamlam脷由其是某些雞件煮得微濃 很香脆餐牌上的選擇非常多而且創意十足陸陸手切肥牛$158肥瘦適中 油脂分佈均勻陸陸手打墨魚丸 蝦丸(雙拼)$100兩款丸類都覺彈牙但自己偏愛另一種質感～不是我杯茶但外形非常討好百花+咸牛肉芝士釀油條(雙拼)$62創意滿分 店員提醒需涮30粒方可食用因為肉仍然未完全熟透口感一流先有咸香 再有油條的脆口珍寶帶子$90都幾大粒 而且新鮮 不過始終喜歡吃生的帶子另外每人還各點了兩杯特飲今餐非常滿足 價錢屬偏貴的一餐不過吃過質素高的雞煲後相信一去不能覆返了不過吃過雞煲後 在頭髮 衣服留下的油煙味真的令人痛恨

最近陪朋友來了66雞煲佢想食好耐，所以就來了食物飲品令人有驚喜未食今日主角前先來2個小食味道十分好，特別係油條吃過2個小食後，主角來了跟店員提過，雞煲可以選擇小麻如果你不太喜歡麻辣感，個人覺得很不錯，不過偏甜，如果可以鹹一點會更好，雞肉好嫩滑，完全給麻辣湯滲透，味道好鮮又惹味食濃味的東東，怎可唔點杯飲品頗有特色，而且好大杯好夠飲再來火鍋必點的牛肉大大碟又夠抵食十分新鮮而豬肉亦好大碟好薄片雙拼丸如果可以平圴一點就好，因個人較喜歡黑墨魚丸，特別好味道響鈴好香脆，即叫即炸竹笙夠曬份量，第一次食咁巨型的竹笙，出奇地鮮，口感十足帶子同樣巨型啖啖肉，鮮又有嚼勁蔬菜籃一次過吃到多款蔬菜，新鮮喜歡吃雞煲又愛火鍋的朋友，這裡確不錯，一晚內可吃齊，不過建議成班朋友黎最開心，不但吃到多款式，又可暢飲歡聚，而且坐得舒服，很滿意呢！

新日大熱的陸陸雞煲，點可以唔試下。 點了個陸陸雞煲（$148），點了小辣，所以不會很辣。 陸陸雞煲是加份了了麻辣，所以吃上來充滿麻香味道。辣子腸頭（$48）煙韌可口。 蒜蓉牛油雞翼（$38）蒜香味道很香，外脆內軟，很好吃！ 陸陸惹味牛肚（$38）麻香味突出，牛肚大件且爽口。陸陸牛三拼（$228）肉質嫩滑，條紋清晰可見，肉香有嚼口。 手打墨魚丸、蝦丸（$100）彈牙可口，推介墨魚丸，黑色的大大粒，真材實料。 豬大腸（$40）份量很多，質感煙韌！雞子（$60）用花鵰酒醃成，酒味突出。鮮鵝腸（$70）不錯！招牌百花+咸牛肉芝士釀油條（$72）每件煮20-30秒，入口味道特吃，尤其咸牛肉口味！ 巨型北海道帆立貝（$138）真的很大！ 珊瑚蚌、桂花蚌（$90）夠新鮮！ 野生竹笙王（$88）比外面吃到的更加肥美大條，吸收更多湯底味道，很好吃！ 自家炸響鈴（$44）脆卜卜，最好煮幾秒就吃了。 薯粉（$24）是我的最愛。當然不少得一籃陸陸鮮菜籃（$72）飲品選了青檸梳打（$48）味道清新醒胃，大大樽可以同朋友一齊share.

陸陸雞煲既醬汁濃味，當天一試，果然係夠香夠濃，但唔會太咸，雞件都好入味，係果種食完會想返尋味既餐廳！可惜雞肉有點冰鮮味，肉唔夠嫩滑，不過我想大部分人都唔會食得出！另外再叫了黑毛豬肉腩片（＄１０８），　有點貴，　但係真係幾好食，肉質好有彈性，簿簿地，好易入味！另外仲叫了自家響鈴，其實無咩特別，係貪佢吸曬Ｄ汁，幾野味。另外，仲有小小前菜食，有蕃茄仔同螺肉，蕃茄仔Ｄ肉有Ｄ厚，螺肉就幾好食，唔辣

一向喜歡打邊爐，所以不論是春夏秋冬也會吃雞煲或火鍋，由其是運動後或辛勞地工作了一天後，總想要點肉類或多款食物滿足身體所需，來到旺角一帶，總愛走到白布街附近逛逛，看看有沒有新開的食店。不過最後，還是選擇了雞煲記得上次由於下層已滿，所以需要走到上層，這次下層有位置就方便多了，而最特別之處是下層的裝修比上層的更加色彩繽紛，牆上還印上了一幅幅著名畫作的改圖，感覺趣怪點餐紙主要有兩張，上圖第一張的是雞煲火鍋配料點餐紙，有數款鍋類、肥牛、豚肉、海鮮、丸餃、蔬菜及麵食類。而另一張較細的點餐紙就有著數款餐前小吃、即製特飲、啤酒及汽水等餐前小吃坐下後店員就先為我們送上一份餐前小吃，分別有車厘茄及螺肉粒。帶微酸的車厘茄加上帶微辣的螺肉粒，令人醒胃青檸梳打 $48飲品方面除了有汽水啤酒外，還有少量沙冰及梳打供選擇，梳打有3款味道供選擇，看到別人大大樽的放在桌上，感覺蠻抵喝的，於是我也選了一樽青檸梳打一試。青檸梳打內還加入了薄荷葉，為酸甜的梳打更添幾分清涼口感，邊吃雞煲邊喝青檸梳打，絕配陸陸雞煲（例）$148雞煲有bb辣、微辣、小辣、中辣及大辣。由於上次已試過bb辣，辣道不太明顯，所以這次可以嚐一嚐微辣的。雞

自小喜歡吃雞，可惜香港的雞愈來愈欠雞味，退而求其次，唯有吃一些調味濃郁的雞菜式以補不足。雞煲其實是一個幾好的選擇，但並非間間做得出色，今晚再度光顧，發現陸陸進步了不少，本來比較大路，只是抵食而已，現在不只雞煲調味恰到好處，其他材料亦揀手。陸陸雞煲（少辣）濃郁的醬汁，見到雞件全身染上深褐顏色；霧出的香氣，盡是洋蔥丶蒜頭及大蔥的焦香，夠鑊氣；看清楚，花椒滿佈材料，小心被麻！這次調味真的不俗，回甘的微麻，十分惹味；少許的辣，異常醒神；雞件吸收了醬油之味道而又未有過鹹；雖然是普通的雪雞，但肉質依然有彈性，大件未有厚厚肥膏，整個鍋並不膩。追加豬軟骨想起需要骨膠原補一補，雞煲一到，馬上補充追加豬軟骨。一客四件，大大片的，入口軟腍，完全鬆化如煮了多小時的肉，纖維已經溶化，因為軟組織豐富，完全不嚡，而且吸汁力強，滲入了雞煲之醬汁，味道豐富，別於一般吃到爽口的軟骨。頂級封門柳是横隔膜下的一塊肉，每一隻牛只有兩塊，是牛迷的寳，但其怪地又不普遍，亦不貴，百多元已有一份。顏色深紅，不規則相間著脂肪，質地棉密，看似硬朗一點。灼熟後紋理清䀿，入口既煙韌亦鬆軟，濃郁牛味近乎有些羶，怪不得並非人人受落，我卻喜歡。西班

有多久沒有吃過雞煲，我忘記了。有多久沒有看戲，我會好記得，應該一個星期左右。上次睇戲，我睇睇下聞到橙味，原來有人係前面食橙，好彩不在我隔離，如果佢將橙汁澌落我身上，我應該會毫不猶豫用粗口問候佢。雖然朋友曾經告訴我佢會帶蕉入戲院食然後我都覺得有問題，但係橙都係好X過份。然後朋友在Fb講開曾經有人帶盒飯入戲院食，究竟啲人係食飯定睇戲，我真係萬個問號，如果食燒味都算，如果係濕飯，我真係會投訴佢趕佢老闆出去。這晚睇戲前，為了避免像那非常風趣的朋友在戲院食飯，當然要吃左先，加上朋友提議吃雞煲，我都幾肯定，係戲院絕對吃不到雞煲，當然，一百歲唔死都有新聞聽，要在戲院裡吃雞煲可能都有日會發生。說真，你有想像過可以係戲院吃燒賣嗎，其實都係同樣道理，濕到咁，點食。今晚睇戲前，就來到了旺角有名的陸陸雞煲，估不到這裡的感覺就完完全全像戲院般。坦白說，從來沒有想過吃雞煲的裝修可以咁靚，勁多以雞為主的電影海報，年輕化的裝潢，連餐桌椅子等也是年輕化，你完全想像不到這裡是吃雞煲的。那刻的感覺，真像在戲院裡吃雞煲，我想如果那些私人影院搞gimmick大可以考慮下這個點子。先說雞煲，當然是不錯，我們要少辣，最重要唔係好辣

韜韜教落，打邊爐最緊要係個爐，但對於我倆來說，打邊爐最緊要係個燈膽。無左呢個燈膽，打邊爐會食少好多野架嘛~不知何時開始，雞煲與火鍋的不可分割，似乎發展得比打得火熱的情侶更為親蜜。這夜來到的陸陸，給我的感覺是家不似賣雞煲的雞煲火鍋店？除了那卡通化的雞仔招牌外，門面能看到與雞有關的元素大概就是有藏身於玄關位白兵群中的扮雞樂高人了。即使走進店裡，看著牆上的手繪壁畫還有較新潮的餐椅，蓋著電池爐的話說這裡是Cafe也會有人相信吧。陸陸雞煲(例) $148選雞煲永遠是吃雞煲火鍋最重要的一環，選得太辣往往影響了之後火鍋的味道。還記得試過一次遷就吃得辣的朋友，結果到火鍋階段辣到舌頭也麻掉了。這次就選個微辣的雞煲便是，三個人的話半隻雞的例牌份量會剛剛好~熱呼呼的雞肉味道香濃，爽滑口感伴隨辣中帶甜的味道，對於不吃得辣的朋友來說會是個入門的好選擇。好吃的不止雞呢，洋蔥與青椒盡是醬汁的惹味，嚼多兩下滲出蔬果的香甜！陸陸手切肥牛(例) $158同樣是只叫例牌的手切肥牛脂肪紋理清晰，只是輕輕滾幾秒，已夠肉香嫩腍，不錯吃。百花+咸牛肉芝士釀油條 (雙拼) $72看著脆卜卜的油條釀了滿滿的餡料，在店員的指示下咸牛肉芝

今晚我同阿妹去食雞煲。係我衰，對雞煲念念不忘。因為食完雞煲可以變身做邊爐。餐廳內燈火通明，而牆身佈置都幾creative5分鐘之後，雞煲就登場啦今次我地但麻辣雞煲小辣，上面文放左芫茜、紅蔥、仲有好多好多雞呀。佢用左花椒、蔥、八角做調味食落去有啲辣，食落去有啲麻。啲雞都幾好肉。食哂啲雞之後變邊爐食物的材料好新鮮，黑魚滑嚟到一定要食。除左食墨魚味勁之外，仲有墨魚肉。無得輸呀。牛肉亦係值得一試的，因為牛肉的脂肪分怖好平均。牛柳粒好滑，好彈牙。響鈴真係要就時間滾，滾幾秒就可以做到唔太淋但都幾脆ga青檸梳打，酸酸地，幾開胃。

見好耐無食雞煲 於是就同朋友去試下旺角呢間雞煲 一入去發覺佢同之前我食過嘅雞煲餐廳有啲唔同 係新潮啲嘅同埋佢牆上面畫左好多畫都幾得意嘅我地兩個啱啱放工都勁肚餓 好快手咁嗌左野食由於朋友唔係好食得辣所以店員建議我地嗌微辣 佢話個辣度係好似熱浪咁 我地最後嗌左例牌嘅雞煲、帶子、肥牛、釀油條、雙拼丸、香鈴 同埋菜 另外仲嗌左杯特飲添個雞煲一攞到埋黎 就已經聞到啲麻辣味 勁香 但就擔心朋友會食唔到 食落啲雞仲係好滑而且真係唔會好辣喎 佢好香好足料 佢個醬調得好好 啲芫茜蔥令到個煲好惹味 辣度啱啱好唔會一味得個辣字特飲我嗌左青檸梳打 佢入面有啲青檸 檸檬 薄荷 同埋少少菠蘿 飲落唔會過甜 而且味道好清新 啱晒食雞煲嗰陣飲個雞煲我地食到差唔多 就開始上火鍋配料 然後店員就幫我地加清湯 啲帶子好大粒 我地烚一烚就可以食 好肥好爽口 食得出佢好新鮮然後就係雙拼丸 我地揀左墨丸同蝦丸 佢嘅墨丸有兩款 一個係普通白色嘅 另外一個係黑色嘅 黑色個粒佢應該係用左墨汁 好香墨魚味 咬落去仲要食到啲墨魚碎 而且好彈牙 食得出係手打嘅之後就試下個特別啲嘅野 雙拼嘅釀油條 佢一個係釀左百花 一個係釀左芝士咸牛肉 開頭

前排行過旺角見到$1雞煲已經好想食，可惜超多人排隊...無緣，今晚去信和買完game約左兄弟幫食飯，即刻諗起呢間！先叫左個雞煲，$148(例牌)，雞件唔算多，件件都幾大件，肉同骨既分怖平均，我地叫左微辣，所以都唔係好辣。雞件之前應該有處理過，是關好入味！嗰種辣係有d麻味，食完會覺得少少麻痺，但的確愈食愈滋味！食完雞煲當然唔夠，我地就開始打邊爐。身為牛控，先叫手切肥牛，$158其實都幾貴，唯有期望下佢有質素。黎到都幾驚喜，大大碟，每片肥牛都切得好薄，雪花位較少，相對上唔係好肥。肥牛呈鮮紅色，係新鮮嗰種紅，睇到覺得好安心同開胃，肉質亦幾鮮嫩，抵食的餐牌見到有日式叉燒片，成日食豚肉都悶，無諗過平日拉麵的叉燒片都可以打邊爐？叉燒片都幾厚身，鮮啡色，食落感覺有啲似牛，但牛比較淋，呢個軟的，易咬！煙鴨胸送過黎嗰時我地都嚇一嚇，嘩！咁大碟既，堆到成座山咁味道只屬一般味道，優點係幾抵食！打邊爐又點可以無丸呢？我地叫左份手打丸雙拼，手打鮮蝦丸同墨魚丸。手打的確係唔同，肉質非常新鮮，起初我地都擔心黏力唔夠會散，但無，手功非常好蝦肉好新鮮無霉的情況，墨魚丸的墨魚味好重，唔似一般街市買到嗰啲，新鮮野的確唔

雖然夏天熱辣辣，但仍然無損我同家姐想食雞辣既決心！今次黎到陸陸雞煲白布街分店一戰。正所謂無期望就無失望，但今次係喜出望外！ 餐牌選擇非常多，任君選擇！一坐底侍應就即刻送上前菜，有車厘菇同螺肉。車厘茄好鮮茄又爽口，螺肉就正常味道但就唔辣。一開始梗係食個招牌陸陸雞煲先啦！兩個人食唔得多，叫左例牌小辣。侍應溫馨提示我地唔好掂個煲，等一陣佢地會幫你搞搞佢。煲左三四分鐘，侍應搞左兩三次後，終於開蓋！聞落佢唔太攻鼻，勁多洋蔥片（我最愛😍）！食落去唔太辣，但好麻，好有感覺！雞件啖啖肉，非常入味！食完一啖又一啖，好快就清得七七八八要落湯打邊爐啦！餐廳有得揀落清湯定辣湯，家姐頂唔順話越食越辣，咁就落清湯！手打墨丸滑：有兩隻色既！黑色個隻就好重墨魚同有墨丸粒係入面，口感較特別！陸陸六寶丸：蝦丸D蝦膠打得好好，好有質感亦好有蝦味！白魚蛋食落去好滑好彈口，又唔太腥。四寶餃：最正白菜豬肉餃，入面勁多白菜又唔係用肥豬肉整，多菜少肉包成。雲吞入面又勁大隻蝦，又唔算話好大粒，好正好香。陸陸牛三拼：肥牛切得夠薄，擺落去烚廿秒，食得！牛柳粒勁重牛味，但要煮耐少少先敢食！自家製響鈴：比起來貨響鈴較大，有六件，但就要烚耐少