陳儀興玫瑰餐廳

营业中

休息中

雖然中秋後天氣仍然炎熱，但已經急不及待約定好友一齊去打邊爐，今次揀了位於爵祿街的《玫瑰餐廳陳儀興》。見天氣乾燥，我們就早一日預訂個御前極品冬瓜盅 ($188) - 因為材料有鮑魚又有花膠，滋陰養顏。冬瓜盅賣相吸引，碧綠冬瓜圈入面放滿鮑魚、花膠、海蔘和雞件。湯底味道鮮甜，有濃郁的鮮雞味，花膠爽口、鮑魚十分鮮美彈牙，海蔘滑溜，連雞肉都相當嫩滑，鮮味好食。野菌雜菜拼盤 - 跟冬瓜盅附送，相當新鮮。安格斯牛肉 ($118/細) - 色澤新鮮有光澤，牛肉味濃郁，爽口中帶點咬口，而且份量都頗多，抵食！鮮魚腩 / 野生竹笙 (雙拼$48) - 鮮魚腩非常嫩滑；竹笙爽脆，索咗湯底鮮味後尤其好食。餐肉／響玲卷 (雙併$38) - 餐肉軟滑，響玲卷香脆。而且雙拼既可試多款食物，又唔因過多而浪費，份量好適合2-3人食用。青島 ($22/大枝裝) - 冰凍抵飲。

平時好少嚟新蒲崗，今晚跟朋友來試下「陳儀興」，原來呢位陳生（陳小姐？ ）係新蒲崗都有幾間不同食店，勁野！今次呢間叫玫瑰餐廳，以為是文清店？非也！而是香港人很喜歡的火鍋！朋友早一日已經預訂定個冬瓜盅（$188），打邊爐都有冬瓜盅食？真係第一次，可能啱夏天消暑掛！呢個冬瓜盅絕不簡單，配料相當矜貴，有鲍魚、花膠和海参，裏面仲有紅棗杞子雞湯，好補呀！鮑魚每人一隻，相當彈牙，花膠和海參煮得夠腍，補充骨膠原！正！食完將冬瓜切件再加湯，就可以打邊爐！豬牛羊我們都有叫，豚肉（$88）肉質不錯。牛(大$238）係本地牛，個樣都靚喎，雪花紋平均，肉質軟腍，好有牛味，好味！另外仲有一款係牛柳粒，只要在facebook like餐廳專頁，就可以以$28換3両牛柳粒，都抵喎！而且牛柳粒一口一粒，好有咬口又好味！羊肉（$72~）係蒙古羊，濃郁既羊膻味，愛羊之人必定喜歡！海鮮類既代表有桶蠔（$158），非常肥美而且好鮮甜！推介！仲叫左蝦丸（$88），一上枱奇怪點解有點綠色，原來係加左芫荽，雖然我唔好芫荽，不過依然覺得蝦丸彈牙好味！由於冬瓜盅附送雜菇，所以我們另外只叫了唐生菜，都唔錯！夠哂新鮮！

新蒲崗不嬲都出名多好野食，今日又搵到一間餐廳好好食！😝😝呢間陳儀興玫瑰餐廳外貌唔算好特別，所以絕對稱得上係隱世美食🙌首先我哋叫咗玫瑰小炒王，好足料啊！有腰果，蝦乾，菜甫等等。雖然呢碟小菜係好常見，但絕對係功夫菜😝呢碟野鑊氣好足，鹹度適中，所有味道協調得來都好分明，相映成趣。好快就被一家四口清晒成碟啦😎😎😎另外，一直都聽朋友講呢度嘅煲好好食，我哋今日就叫咗冬瓜盅。價錢平不在話下，仲要好足料啊！海鮮每款有四隻🤤🤤一人一隻啱啱好😛冬瓜都揀得好好，好快就煲到好淋😍夏天解暑一流。食晒啲材料仲可以加火鍋料打邊爐，冬瓜湯底冇得輸。我哋仲叫咗男人的浪漫:豆腐雙腩煲🤡啲火腩肥瘦分明好正啊！香濃嘅豆腐味深入火腩，食每一啖都覺得好滿足。😝不過美中不足就係魚腩比較多骨，不完美可改善。

呢晚黎到新蒲崗打邊爐，黎左呢間玫瑰餐廳～～～我地叫左個魚獲至寶美顏鍋！呢個湯底真係不得了！ 原條魚上！仲有個魚翅瓜包住！有魚有菜！抵食！呢間餐廳可以叫半份真係好好！岩哂你人少少又想黎打個邊爐！魚成條既話中意食真係兩個人都唔會嫌多！同埋個鍋本身又有菇同埋花膠！可以唔駛叫菌類！我地另外再叫左炸魚皮、響鈴、肥牛、安格斯牛、雙併餃、脆肉鯇腩、油麥菜、蟹柳同埋豬皮！可以半份而你又得兩個人既好處就係咁！！！試多d唔同既野！ 正呀！重點係食材新鮮！其他都唔駛再講！飲品方面就叫左大大杯既柑桔蜜同柚子蜜！ 夠哂解渴～～～～ 已經想再encore!

今晚和K慶祝生日，4個人最好係打邊爐，T提議去"陳儀興玫瑰餐廳", 呢個名又幾特別wo!冬瓜盅$188~夏天熱辣辣，最好就係食埋個冬瓜盅才打邊爐。半個大冬瓜上面盛着鲍魚，花膠和海参，鮑魚好腍好彈牙，花膠和海參雖然不算大件，但都黏口，飲埋碗雞湯，即時感覺非常滋潤，好好味！原來湯底除了雞件外，還有紅棗和杞子，雞件的肉質都頗嫩滑，飲完2碗雞湯，店員將半個冬瓜切件再加湯，就可以開始打邊爐la!本地牛(大)$238~雪花紋分佈平均，肉質非常軟腍，入口即溶，牛味好濃郁，好好味！豚肉$88~口感柔嫩，肉汁香甜！羊肉$72~ 蒙古羊，羊味好濃郁，嫩滑，好正！最驚喜係 like餐廳專頁，可以$28换3両牛柳粒，牛柳粒牛味濃郁而有咬口，好超值呀！桶蠔$158~勁大隻，肉質肥美嫩滑又鮮甜，非常美味！蝦丸$88~爽甜彈牙，丸裏面還有很多芫荽，我勁鍾意！唐生菜，雜菌(隨冬瓜盅附送)~唐生菜非常新鮮爽脆，菇菌也非常清甜！凍檸賓$25/凍柑桔$25~飲住凍檸賓和凍柑桔打邊爐，酸酸甜甜，冰冰涼涼，超爽！

香港人不嬲都好中意打邊爐 而香港都開到遍地都係 而其實一個邊爐要好食 其實都好籣單 只要做好兩樣野就可以 分別係材料新鮮同湯底好今日就介紹一間湯底可以飲既比大家🙋🏻‍♂️ 佢有個冬瓜盅只係$188 不過大家記得預早叫 因為佢要早少少預備 個湯底係用老雞煮出嚟既 飲落味濃 又冇味精味 再加上冬瓜 ，鮑魚，雞塊 ，花膠 煮出嚟又甜又惹味🌝 我自己都飲咗4，5碗😂 因為果時天氣好熱 食返d清涼既食物 就好舒服🌝 -之後到打邊爐 最出色係豬頸肉 油香味好重 好後悔叫咁少 應該叫多少少😂響鈴係即炸出嚟 上到嚟仲係熱既 真係冇得輸😂 三秒就可以拎上嚟食 正正🌝豬大腸都好重油香味 同平時任食食到果d完全唔同🙋🏻‍♂️ 真係好食總結來說 一間幾高質既放題 值得去食🙋🏻‍♂️

素來知道新浦崗有陳儀興老字號潮州菜，但原來在Mikiki後面還有另一間陳儀興。雖然配上玫瑰餐廳四字，聽起來像浪漫的西餐廳，但其實卻是比誰都更貼地的地道火鍋小菜館。餐廳門外已經貼滿優惠推介，款式眾多。還有幾款火鍋預訂優惠，建議先選好，訂座時順便一併預訂鍋底，那就划算得多。【御前極品冬瓜盅】冬瓜盅為暑假限定款式，非常適合夏天消暑。這非一般的冬瓜盅配上了花膠和鮑魚，既豪華也不單調。冬瓜盅當然可以先喝湯，湯底用上老雞和金腿熬製而成，感覺滋潤不燥。冬瓜肉厚，需要時間煮透，所以先放著至尾段再吃就好了，還能吸收湯底和食材的精華呢～【野菌雜菜拼盤】訂座贈送的野菌雜菜拼盤跟單點的份量相同，所以都不用再多點一份了～【本地手切牛肉】牛肉新鮮肉質色澤油亮，肉味濃郁，放進湯底快煮一會就好，不然口感會變柴。【牛爽肉】牛爽肉和手切牛的口感大有不同，牛爽肉非常爽脆，挺特別的～【韮菜餃&魚皮餃】餃子韮菜餡料飽滿，而且皮薄，煮好後記得輕夾，不然就會破皮了～魚皮餃就跟現成貨色差不多，也沒什麼期望吧～【芥末西芹餃&麻辣香芹餃】除了傳統餃子外，餐廳還有新式的芥末餃和麻辣餃，這配搭出奇地和諧，喜歡嚐鮮的食客一定不能錯過～【豬大腸

平時連鎖式邊爐就去得多, 今次黎到單點邊爐, 貪佢有多D唔同種類既野食, 而且又可以食下佢既手切牛。環境方面非常傳統既舊式老舖裝修, 比起連鎖少一點格調, 多一點老實既感覺。座位方面, 有圓枱又有卡位, 岩曬一班人請呀。食物方面最推介就係佢個手切肥牛，夠曬厚，食落好有口感，肉質都非常鬆軟，雖然未到入口即溶既感覺，但都可以話係中上，推薦點醬汁黎食，因為手切肥牛既牛味比起西冷無咁重，所以要靠多少少醬汁吊味。另外，就叫左個安格斯肥牛，相對手切就無咁厚，但牛味比手切重好多，唔需要點醬汁，點左反而破壞左牛味。另外，響鈴都幾好味，唔係一般百佳買果d，炸得仲好脆，唔會好濕，食落夠亁身，好味。飲品方面，十幾蚊，大大杯，抵飲。

依家食火鍋都唔分季節，而且中秋都就黎, 都係時候補一補。今日同友人去到「玫瑰陳儀興」打打邊爐，之前都黎過，食過番尋味的原因無他，呢度用料靚，尤其湯底, 非常出色。 店鋪位處新蒲崗工廈地下，係MIKIKI 隔兩條街。甫進入餐廳，地方都幾大，靠牆係卡位, 而中間係十多張圓檯, 多人黎又得, 三、四個人黎都一樣無問題。但整體環境雖然有年月味道, 但企理乾淨。 坐低左一陣，店員就遞上醬料盤，蔥花、生蒜、辣椒、炸蒜及豉油等等，陣容唔洗強勁，食番食物原本真味就OK, 唔夠亦可以再添。 湯底係呢到的亮點，揀咗人氣之選嘅「魚獲至寶美顏湯」, 個鍋一睇就知唔野少, 有一大舊青木瓜，一條鱸魚，花膠海參，又有d 冬菇同秀珍姑，杞子、紅棗。花膠同海參頭頭尾尾都有6、7舊，好多骨膠原, 仲要件件都好大塊。呷啖鱸魚湯, 淨飲都好香甜，夠晒滋補。鱸魚肉質軟嫩, 雖有少少骨, 但暖身也暖胃, 蛋白質含量非常的豐富. 極力推薦! 黑松露豬肉丸 豬肉丸打得鬆化, 混入黑松露，別具風味牛爽肉 好爽身, 即使穩陣D灼耐多陣，入口都唔會韌, 寧舍爽口。 鯪魚餃及芥末餃 一碟過試勻店家嘅招牌鯪魚餃及芥末

之前就食過「陳儀興」，早早就推介朋友去，今次就直頭帶埋路🤣🤣再去食～御前極品冬瓜盅先飲湯，湯頭冇退步到，非常濃味👍🏼👍🏼👍🏼鮑魚～岩岩好一人一隻🤣🤣新鮮，先食完入面既料雞件、 花膠...，侍應就會幫忙剪開冬瓜，加湯再慢慢煮林，依個時候就可以打邊爐。什菌拼盤湯底送一盤蔬菜🥬清清地特別甜～好好味！潮州牛丸上次已經食兩碟，今次一樣🤣🤣咬牛丸爆出肉汁，香濃牛肉味，食唔停口。牛肉：分量不多，有牛香味👍🏼滾幾秒就食得。炸響鈴🔔吸左湯汁，不錯炸魚皮即炸，出黎仲有支支聲，粉少脆口👍🏼朋友大讚

夏日炎炎仍然無損我對食火鍋的興致，不過今晚其中一位朋友腸胃不適，我們就決定食個冬瓜盅火鍋，又消暑又健康，還有野箘什菜併盤送喔。冬瓜盅的份量好大，除了有大大件冬瓜外還有四隻大鮑魚、花膠及雞件，奶白色的湯底特別清甜。之後職員就會幫我們剪開冬瓜，方便食火鍋，我們都點了很多配料食火鍋。在網上看到餃子不錯，就點了四款餃子，包括有韭菜餃、魚皮餃 、芥末西芹餃及麻辣香芹餃。果然皮薄又料多，當中韭菜餃及麻辣香芹餃則最合我心意，韭菜的份量比肉多，是我最喜歡的比例，而麻辣香芹餃不算太辣，但麻辣味好香，不錯!蟹子墨魚滑墨魚打得好彈牙!豬大腸份量夠多，而且好肥厚，口感一流。招牌手切肥牛新鮮的牛肉肉質就是不一樣，牛味極濃，而且雪花分佈分明，肥瘦剛好。超正牛爽肉其中一樣牛精朋友必點的部位，肉質跟肥牛不同的是比較爽口，但牛味一樣濃。其他配料質素都不錯，而且性價比的確高，人均只需$220，值得再來!

玫瑰餐廳陳儀興，好有「佬味」的打邊爐/小菜餐廳。今期有湯底推介：海鮮濃湯黃金甲（$198）新鮮肉蟹非常大隻，加花甲、雜菌、粟米，以及半個南瓜，非常足料！湯頭非常鮮甜，有濃郁蟹鮮味，飲返幾碗至開始打邊爐！湯頭越熬越濃！蟹件已經預先斬好，方便易食，啖啖肉！響鈴卷（$33）：索滿蟹湯食更好味。自家手包韭菜餃拼鮮蝦雲吞（$48）：有8粒夠飽肚，韭菜餃好香，同湯底好夾。招牌手切肥牛（大）（$238）：唔知點解佢比左大碟份量我地，本地牛果然確不同，有肉味又新鮮，仲好大份添！呢度冇加一及醬料錢收費呢！

同事上次介紹這間餐廳新出了海鮮濃湯的火鍋，早幾天相約同事去附近的餐廳來個小聚會。海鮮濃湯黃金甲一上枱，已覺得份量非常多，相當抵食，裡面有大南瓜、蟹一隻、茜芹、蜆、粟米菇類等配料，蟹夠新鮮，肉質爽彈，蜆份量勁多，吃極也吃不完，再飲下湯十分濃郁鮮甜，但留意需提早一日預訂。肥鵝腸新鮮，份量也頗多，入口爽脆。菜肉餃及芥末西芹餃這餐廳最好的地方昤部份食物可雙拼，可試多一次不同款式，菜肉餃餡料十足，芥末西芹餃味道較濃，喜歡芥末的朋友一定會喜歡。蟹子丸及炸枝竹又有我的最愛炸枝竹，吸了濃湯汁，好味指數立即提升，油麥菜吃點蔬菜類，減減油膩感。

朋友放工太夜，所以就佢去佢公司附近食飯～位於新蒲崗百勝工廠大廈地下～平時真係極小去新蒲崗，所以就由朋友決定～於是就帶咗我去呢間玫瑰餐廳陳儀興～外觀睇落似一間港式小炒茶餐廳咁～但其實又係一間打邊爐、雞煲、烤魚集結一身嘅多功能茶餐廳我哋揀咗御前極品冬瓜盅～暑假優惠$188仲送野箘什菜併盤～成半個冬瓜放入個鍋度～冬瓜裏面放滿雞件、鮑魚、花膠、海參一齊熬湯～侍應叫我哋先飲咗啲湯，之後再加水打邊爐～奶白色嘅湯好好飲好夠味～飲完個湯之後就可以叫侍應剪開冬瓜，就可以開始打邊爐～第一時間就緊係食響鈴炸魚皮啦～響鈴同炸魚皮都係即叫即炸嘅，因為feel要佢上枱時熱辣辣～響鈴點落個湯底度超夾超好味～炸魚皮亦好脆好好味啊～不禁咁係咁食，唔停口～安格斯牛肉～好靚仔，有厚度，打邊爐必點潮州手打牛丸～超級好食，好有牛味，彈牙得嚟仲爆汁添～極品黑豚肉～好大塊，但要留意唔好淥太耐，唔係就會好鞋～芝士墨魚丸～彈牙，食到有芝士味～睇到有兩種芝士喺入面～蟹籽墨魚滑～超多蟹籽，令到本身彈牙嘅墨魚滑更加有口感～另外仲有什菜拼盤、雞脾菇、午餐肉、蘿蔔等等～湯底好飲，另到火鍋配料吸收湯底精華，更加好食～最後我哋仲叫咗個出前一丁，又係

妹妹係新蒲崗附近工作，之前黎過玫瑰餐廳食火鍋，話好正好好食。見她大力推介，就黎試下，她又真係無介紹錯。呢度價錢好抵食，湯底款式多又唔貴，海鮮濃湯黃金甲，勁過料，又蟹，蜆，南瓜，菇，先228蚊，預訂或者7點半前離座，仲平d。呢度仲要唔收加一，無茶錢，醬料費等，非常經濟實惠。首先飲下湯，濃濃海鮮味同南瓜清甜，飲多幾碗先捨得停。飲完湯可以打邊爐，配料都好平，份量足，所以我地2個女生都唔係好食得曬。牛爽肉好特別，口感同平日常見的肥牛唔同，超級爽口。另外我好喜歡竹笙，吸收曬湯底的鮮甜。芥末西芹餃子又係好有特色，wasabi 味道辣辣地，又唔會太辣，好有趣。好飽好飽，每人先二百多元，性價比高。