陳儀興玫瑰餐廳

营业中

休息中

隱藏於新蒲崗工廠大廈既火鍋餐廳，早一日book左個魚獲至寶美顏鍋，湯底既材料果然十分美顏，師傅完全唔手軟，有勁多好料係鍋底。魚獲至寶美顏鍋($228)魚獲至寶美顏鍋材料超級豐富，超足料。有一大條鮮嫩魚滑既鱸魚、 香甜可口嘅木瓜同埋冬菇、秀珍菇等等，仲有唔少既配菜。湯底方面，美顏鍋浸煮左鱸魚既鮮味，更添幾分既美味，淨食個火鍋都夠哂飽肚呀!但見到隔離枱叫咗牛肉，覺得打邊爐冇牛點完整呢！就即刻叫左碟安格斯牛肉(大)($168) 牛嘅雪花超均勻、好新鮮，好重牛肉香。仲叫左個芝士丸($33)，鮮蝦雲吞($43)，手打薯粉($13)， 娃娃菜($18)，兩個人食完真係捧住個肚走。環境方面，火鍋店有好多寬敞嘅位置，又有畀兩人卡位等，岩曬一大班人黎，又岩兩個人撐下枱腳添，下次黎會試埋個冬瓜盅同佢個1蚊牛柳粒。

睇Facebook見到個朋友po打邊爐相勁大隻蟹超誇張，睇到都流晒口水，咁就當然要自己親口試吓啦！呢個海鮮濃湯黃金甲原來係做緊推廣，至少要提前一日預訂，想見真章請早一日打電話去留定隻蟹喇！餐廳仲有其他唔同嘅湯底可以揀，幾十蚊至百幾蚊不等，不過難得嚟到梗係試吓佢嘅新野啦！黃金甲就比較上貴少少，但係勁足料，包你叫咗唔會後悔，真係堅抵食!有圖有真相時間:打開煲蓋，大大隻黃金甲展現眼前！香噴噴蟹鮮味傳入我的鼻咁香濃當然唔止剩係得隻蟹啦，打開個蟹蓋望下有啲咩先除了包括已經”湯”好嘅蟹,大大粒既蜆肉(約莫食到應該有二十幾粒)，仲有南瓜，芫荽，洋蔥，草菇，冬菇同粟米！想唔甜都難啦，隻蟹仲要有蟹膏，所以個湯好濃好好味。隻蟹真係啖啖肉，帶有南瓜既香味及粟米既甜味同埋本身既鮮味，正！建議食左隻蟹先，因為蟹煮得耐肉既鮮味就會減少。無吹水真係大大粒肥蜆無沙又清甜，海鮮控岩曬仲有煮到淋曬既南瓜入口即溶，大滿足。咁高質既湯底緊係嗱嗱聲叫返d火鍋配料啦！丸類點都要試下手打系列，因為手打夠彈牙，trytry個芝士墨魚丸先，當然手切肥牛不能缺席啦！竹笙就係當遇上靚湯底時先會叫既食材，因為竹笙吸味，吸收左湯底既精華再一啖

病好要擦餐勁！睇食評畀呢間餐廳吸引，因為佢嘅傳單好清晰搶眼介紹有咩款式嘅火鍋，本來想食椰子雞鍋嘅我被肉蟹吸引，轉軑試海鮮濃湯黃金甲。見傳單寫住要一日前預定，朝早whatsapp問吓有冇海鮮鍋，店主覆得好快，好彩訂得切。收工同男友去食，坐巴士喺景泰街或譽港灣落車行3分鐘就到。 一入去就嗌訂左嘅海鮮濃湯黃金甲，好驚喜因為隻蟹好大隻，而且肉蟹新鮮清甜，蜆都好鮮甜但略嫌有沙（約3、4隻），相當多芫茜👏🏻冬菇同秀珍菇好惹味，仲要有一大圈嘅南瓜令湯底好鮮甜好大個南瓜圈令到湯底超鮮甜,煮到咁上下,侍應好主動走埋黎用較剪剪開南瓜成為一舊舊容易夾, 南瓜份量係多到就咁食都已經好飽,其實唔使再哎其他打邊爐既料。好大隻蟹，肉質新鮮甜美。一坐低侍應就放低醬料任畢，芫茜、炸蒜、蒜粒、紅辣椒圈同豉油。上網打卡可以$28/碟牛柳,非常香濃既牛味但超級靱,靱到會吞返成舊出黎，非常可惜。雙併韮菜餃同雲吞$48中間心未完全解凍，要煮比較耐先食得。蜂巢豆腐$38吸晒海鮮湯好好味！雙併響鈴同龍蝦丸$38，值得一讚係響鈴，本來睇賣相覺得響鈴表面好似好油咁，食落就知好香脆，估計應該係有炸過所以好香，比起平時既響鈴香口。兩人埋單$

去接朋友放工，然後就去左佢介紹既玫瑰餐廳打邊爐。見到牆上有張單張個養顏鍋幾好樣，就叫左黎試下。好大煲好足料呀！成大條魚，成大條木瓜。湯底清甜。魚真係唔係講笑，超鮮甜，大大忽肉夾出黎食好爽。魚湯仲可以飲。響鈴好脆，淥佢兩秒，人間美食。黑松露蝦丸都幾爽口，同木瓜魚湯都好夾，因為湯清，就唔會遮左黑松露既味。牛肉正啦！厚肉，有肉味，好香牛味。健康foodie一定要叫菜啦！戈筍都好清爽，冇筋。$18一份都好抵。冬瓜片都係$18份，食多啲菜健康呀！湯底又唔油，唔怕索晒啲油會好鬼肥。雖然我地健康人生，打邊爐都要必食腸仔😂 正常腸冇咩特別，不過想話佢同類食品都同價，如要雙併就加$5，咁都幾好，兩三個人食想試多款可以雙併，就唔使叫咁多。

「陳儀興」可說是新蒲崗出名的火鍋餐廳，很多年前已聽朋友介紹過這間餐廳。今天來到新蒲崗便決定試試它！餐廳裝潢跟一般茶餐廳沒二樣，環境都算寛敞，看見很多附近街坊踢着拖鞋過來吃晚飯，跟員工的關係是有非常熟悉的感覺，就知道這間餐廳是那麼受街坊的歡迎。這次是衝著火鍋而來，點了御前極品冬瓜盅。這冬瓜盅深藏不露，到打開鍋蓋時才發現原來是那麼足料！湯中有雞件、鮑魚、海蔘及花膠等等，還附送野菌雜菜拼盤一份。湯底非常鮮甜，超濃的雞湯味，非常黏咀，忍不著喝了一大碗！鮑魚爽口彈牙又鮮甜，想不到是那麼高質，鮑魚跟雞湯味道非常搭配。海蔘跟花膠吸收了雞湯的味道，非常入味，是很養顏的湯底，出色👍🏽安格斯牛肉油脂均勻，而且是用雙飛切，每片都很有份量，重牛肉香味，必點。超喜歡食牛的我倆另外點了一份爽牛肉，雖然不清楚其部位，但口感真的超級爽脆，完全不牛肉的口感，但牛味卻很濃，超好食的。另外再另點一份花膠，份量都算多；花膠滑嫩，吸收了火鍋湯底的味道，超正的。這家的火鍋餃子全都是人手包製的，味道非常特別，點了韮菜餃和鮮蝦雲吞。皮超級薄，餡料又多，而且不易爆皮，手工一流。這家餐廳的食物質有保證，是真材實料那種，下次可以試試的小炒

放假去左新蒲崗探朋友，約好今晚一齊食晚飯傾下計，朋友訂左攻瑰餐廳陳儀興，説餐廳隣近有工廠區和住宅區，深受食客歡迎，除了火鍋，還有早午茶市和晚飯小菜。御前極品冬瓜盅：朋友於日前已經訂，因為有優惠。冬瓜盅非常足料又新鮮，鮑魚都好大隻又彈牙、花膠和海蔘爽滑、雞鮮嫩，大大舊冬瓜由侍應為我們剪開，方便進食，湯底濃郁鮮甜，冬瓜吸收了湯的精華，夠曬鮮味！大家都飲返碗湯先開始食火鍋。食冬瓜盅送野菌什菜拼盤，雜菌、唐生菜都好新鮮。蝦丸：用新鮮蝦打成蝦膠，加入蝦肉和芫荽，鮮味彈牙有口感。鮮蝦雲吞：皮薄餡料飽滿，預先包好急凍保持新鮮，餡內還加有芥末，味道不錯！脆鲩片：厚薄適中，新鮮爽脆。肉質鮮甜。潮州魚蛋、魚片頭：爽口彈牙。

今日朋友帶路去新蒲崗食晚飯，朋友住了在新蒲崗經已好十多年了，可說是當地覓食地膽了。這次她帶我去食一間火鍋店，說是非去不可的。湯底點了御前極品冬瓜盅，附送一份野菌雜菜拼盤。一打開鍋蓋，才發現原來這個冬瓜盅是深藏不露的，裏面有雞件、四隻鮑魚、很多片花膠、想不到還有海參在湯中。待湯滾起便急不及待嚐了一口湯，非常新甜而且很重濃濃的鮮雞味，感覺沒有添加味精，非常好喝！鮑魚爽彈，不會過硬，而且保留其鮮甜味。花膠嫩滑，非常重膠質。海蔘滑嘟嘟的，感覺整個湯非常滋陰養顏！職員友善地幫我們把冬瓜環剪開一小件，方便食用。餐單有很多配料選擇，但感覺每樣都是有質素的，不像火鍋放題那種一式一樣的雜丸配料。安格斯牛肉，師傅把牛肉起了雙飛，所以每塊都很有份量。肉質嫩滑，油脂均勻，重牛肉香味，必點👍🏽再encore花膠件，因為雞湯配花膠真的很夾，花膠把湯的精華吸盡，非常美味養顏。黑松露墨魚丸，可看見每粒都有超多的黑松露醬，每口都非常重黑松露味，而且可以吃到粒粒墨魚肉。遇上好味的湯底，冰巢豆腐是必點的；吸盡了湯的精華，好味。另外，這間餐廳的餃子類全部都是人手包製的，因為款式非常特別在外面根本沒有如果這口味的餃子。我們點了

陳儀興，熟悉新蒲崗既都應該認得呢個名，最出名既應該係打冷店。陳儀興係新蒲崗有3間店，大致分為打冷，小炒，火鍋，3間每日都有唔少捧場客。平日既lunch 間唔中都有幫襯開呢間餐廳，午市就好似一般茶記咁，午餐/快餐樣樣齊。店面貼滿好多火鍋既promo, 終於今日趁OT 可以同同事黎試下。今次試左個美顏鍋，一見到個鍋就已經嘩嘩聲，成條魚做湯，用料好足，湯底仲有香菇花膠等配料。開動之前記得要試下碗魚湯。火鍋配料都正常，價錢亦都好合理，某d 配料仲可以雙拼，岩哂我地d 心大心細既朋友。招牌手切肥牛黑松露墨魚丸肥美鵝腸

今日班朋友話想打邊爐，記得有同事話佢屋企附近有間餐廳好食（玫瑰餐廳）😋😋我地見到有御前冬瓜盅湯底，而呢個冬瓜盅湯底內有鮑魚，花膠，雞件同海參等🤩🤩。我亦試左一淡湯底好鮮甜🥳野食到我地叫左黑松露墨魚丸🐙，招牌手切肥牛🐂，手打牛丸，牛柏葉，響玲同牛爽肉等等招牌手切牛肉真心正，一放落去個煲到就熟而且非常嫩口👅👅，個個都爭住食😅。牛爽肉都唔差都好冧好爽口😋之於個墨魚丸，好重黑松露味同好彈牙👍牛柏葉就要碌耐少少，但食起上黎一d都唔“銀”。中意食牛柏葉既朋友真要試試，保正都話正🤩飲品方面我地分別點左金桔蜜，柚子蜜同檸七。最特別既係呢幾杯野飲係加大號🤣🤣。價錢係同普通單叫既價錢，非常抵飲🥳🥳

個養顏湯底好正！有好大條木瓜好清甜！仲好大條魚超好味，一邊淥熟佢一邊好心急咁夾啲魚肉木瓜肉。個湯好甜！完全冇味精。響鈴上碟時岩岩炸起，差啲想即食，浸兩秒就食得。索左啲好鮮甜既湯，咬落去仲脆卜卜。黑松露墨魚丸好爽口彈牙，松露味都好出，但我相信呢個咁清甜既湯會襯豬肉丸多啲 😋 下次再試先！餃類雙拼都係原價加$5，幾抵叫，大家可以試多啲。叫左魚皮餃同創意豆豉鯪魚餃😂 魚皮好味，味道好，淥耐左唔會散晒林晒；創意餃就好特別😂 人一世物一世要試！蝦丸又係好爽口，鮮味！不過個人太鐘意芫茜，佢就撈左落去，建議大家叫前問清楚！整體好舒服，係家常小店既感覺，好多親朋好友一齊黎 😋

今日同個帶小狗出街嘅朋友行Mikiki商場，晚上約咗老公喺附近食晚飯。香港人真係好矛盾，大熱天時想食冬瓜盅解暑，但自己又好想打邊爐，估唔到可以搵到間食店一舉兩得。店內裝修係傳統飯店格局，香港地度感覺，有卡位也有大圓枱，有街坊，也有內地遊客，越夜越熱鬧。預先訂定個《御前極品冬瓜盅》可以平啲，冬瓜用雞湯浸住，店員著我們飲完雞湯才打邊爐，雞湯香濃鮮甜，堅正！鮑魚新鮮、花膠滑口、海參爽口，雞件份量唔少，好滑！食得七七八八嘅時候，店員會幫忙剪開冬瓜，冬瓜索曬啲湯又淋又好吃。呢個時候已經飽到六、七成，點了一些打邊爐嘅食物。安格斯牛肉(細)~ 其實都唔算細，兩個人好足夠，放湯一陣就可以食，有口感唔韌，好香肉味。彈牙鮮蝦丸~ 確實彈牙好新鮮。芥末西芹餃拼豆豉鯪魚餃~ 雙拼可以試多款，各有四隻，芥末西芹味道新穎，西芹爽口，芥末唔會太辣，豆豉鯪魚餃是一個新嘗試，不錯。野菌雜菜拼盤~鮮冬菇、秀珍菇同雞髀菇，爽口，份量啱啱好。除咗冬瓜盅仲有雞煲、海鮮煱等等，食物選擇好多，下次可以再嚟試下其他。

今晚約左媽媽食飯， 佢話想打邊爐， 同埋要係東九龍， 因為下午佢約左朋友係觀塘， 費事放工時間多人迫車。 好啦， 咁我就問係係東九龍返工嘅朋友布無介紹啦， 朋友問我鐘唔鐘意食魚， 我同媽媽都好鐘意食魚， 但我 Honey 唔食辣 , 水煮魚就唔太啱， 朋友就回覆唔係水煮魚個d, 唔辣㗎， 仲要美顏養生添喎， 嘩， 咁吸引嘅offer, 唔係唔去食嘛？去到餐廳， 格格比較街坊， 隨便d, 媽媽就最啱， 因為佢話傾計唔駛就住就住， 我見佢地唔係任食， 咁食品質素一定有啦。 咁我一坐低， 二話不說就叫左朋友推介的美顏鍋， 好正呀！好正呀！佢係原條魚上架， 同埋好大煲， 好多配菜， 所以我地額外點左幾款打邊爐配料， 怕食唔晒。媽媽大讚個美顏火鍋， 因為佢話估唔到咁樣成條打邊爐， 條魚都仲係咁滑咁好食，條魚仲好鮮味， 仲話想同魚都夠晒飽。呢間餐廳可以encore 呀。 做仔女嘅見到媽媽開心滿意係比自己開心更開心。⭐️⭐️⭐️⭐️⭐️另外加左以下配料招牌手切肥牛生菜松露墨魚丸牛柳粒極品黑豚肉樣樣都好新鮮， 好好食推介餐廳⭐️⭐️⭐️⭐️⭐️

裝修係一般舊式飯店格局，不過並唔係一般既火鍋店，果度有多款不同鍋物，雞煲、鴨煲、海鮮鍋、烤魚、冬瓜盅火鍋….多種選擇今次我地揀左個魚獲至寶美顏鍋，造型特別仲好足料，一個大木瓜夾住條沙巴躉，仲有好多花膠、海參、什菌，鍋一到試下d湯好甜，材料新鮮，花膠大大塊，海參都好厚另外叫左不見天、安格斯牛肉，牛味香濃﹔鮮蝦雲吞d蝦爽口彈牙﹔松露墨魚丸，一食落口就有濃濃松露味，仲有手打三寶(鯪魚球、豬肉丸、蝦丸)全部都爽口彈牙，全部材料都好新鮮除左火鍋外，我見佢都有好多款小菜，睇住隔離枱食我都覺得好吸引想食埋一份，下次一定要去試下先

今日難得放假但出邊落緊大雨~~根本無得出街御前極品冬瓜盅😍 個湯底一上嚟~我見到嘅係鮑魚！鮑魚！鮑魚呀！ 而且數目仲要唔少下添呀👍🏻👍🏻 之後店員好快咁過嚟幫我哋剪開個冬瓜！！ 發現邊仲有雞件、 花膠…極足料喔而且嗌呢個盅仲包埋什菌拼盤金沙青🤔因為之前完全冇食過嘅關係~今次真係貪得意試吓！！發現原來就係豬頸肉嚟嘅~但係呢就有少少偏肥~~豬頸肉都算爽脆！！鍾唔鍾意食就要睇你自己啦 我哋都覺得唔錯下~鮮滑牛呢個真心好味呀😈😈 真係邪惡推介！ ！牛肉十分滑身放落去滾一滾即刻食得啦yummy 響鈴卷佢嘅好味程度真係唔使我多講~放落湯底吸十至二十秒就食得 wow 吸哂湯汁勁正啊最後嗌多兩杯特飲

今日朋友話係新蒲崗做完野，問我有咩好推介，梗係陳儀興啦 !! 好廣告 ... SORRY ~~ 我都好耐冇食喇 !! 同朋友講完佢叫我一齊，梗係好啦 ! 呵 ~~ 等我收工過黎都好快啫 !! 叫住野食等我 ~~ 正 !!朋友話係門口見到王苑之，我地食食下都見到吳代融，呢道幾時變左星店 ~~ 哈哈 !!佢都真係識選，我上兩次黎都好想叫，但呢個鍋2個人都真係多左 !! 所以今次連埋我有4個人，都真係可以試下 !! YEAH ~ 個冬瓜盅鍋都真係唔係扼錢，入面有幾隻鮑魚/雞/花膠/海參，好豐富 !! 個鍋仲送菇盤送，正 !黎到一定要叫既凍檸茶 ~~ 好掛住你呀 !!! 我好耐冇飲檸茶喇 ~ 好日都唔飲杯，梗係要整杯啦 !叫左碟招牌手切肥牛，正 ~~ 雪花到呢 !! 不過我黎左先發覺，我應該要提朋友叫安格斯牛肉，有同行朋友唔多 LIKE 肥牛...SORRY 呢 !!炸魚皮，勁脆 !! 未打邊爐都俾我地食左半碟 !!新鮮牛柏葉，正 ~ 鯇魚腩，我冇食，朋友話都 OK黃沙豬潤，呢個堅正，佢地用薑醃左，又夠薄，好快食得 !!魚皮餃，呢個為我而叫，正 !! 午餐肉，極度邪惡，如果佢炸一炸會好D !!