陳儀興玫瑰餐廳

营业中

休息中

約左好耐無見的朋友聚舊，揀左係佢屋企附近的玫瑰陳儀興打邊爐。我地點左最近新推出的新鍋底 - 海鮮濃湯黃金甲試下。 海鮮濃湯黃金甲 - 好足料，大大隻肉蟹係面，蟹下面有大大舊南瓜同花甲。肉蟹好厚肉好有蟹味。南瓜的清甜配埋肉蟹同花甲的鮮味，湯底夠曬濃，我自己忍唔住飲左三碗湯。 招牌手切肥牛 - 肥牛油花比例平均，紋路清晰可見，色澤紅潤，非常軟滑又夠肉汁，每片放入口都滑進喉嚨唔黏牙而且有嚼勁，牛味夠濃郁。 自家手包韮菜餃拼豆鼓鯪魚餃 -韮菜餃軟紮實，香汁四溢；豆鼓鯪魚餃咬落去微微透著豉香，相當惹味。 響鈴卷 - 薄身夠脆而且好有豆香。 唐生菜娃娃菜 - 份量多，新鮮翠綠。