陳儀興玫瑰餐廳

营业中

休息中

陳儀興玫瑰餐廳 (新蒲崗).. ⚜️雜菌烤魚套餐⚜️$168.呢到係性價比高地方，地方唔太就腳但勝在平靚正，烤魚set先$168! 我倆見好耐無食過烤魚，就叫左條，上枱勁大條勁深嘅盤🤣本身已經有支竹，豆卜等勁人味配料，另外仲有一盤生菜🥬同雜菌！.⚜️蜜椒薯仔牛柳粒⚜️.🥰呢到除左有火鍋烤魚，仲有小菜食！蜜椒薯仔牛柳粒好好食，薯仔外脆內粉，牛柳粒又多另有青椒作配菜！.—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地下.—————————————————————-

好食當然要覆桌，之前喺呢邊做嘢，機緣巧合下試過依間餐廳，一試便記得，今次特登帶朋友過嚟食，一齊試吓啲性價比高嘅美食。蜜椒金薯牛柳粒（$78）大排檔名物，整得好食真係會記得間野，上次我嚟食都有點呢一味菜，真係久久不能忘記，今次水準依然，金薯同牛柳粒表層炒得脆脆的，再配合豐富的蜜糖，令味道更加豐富更加有層次感。👍🏻薑蔥桶蠔（$158）砂鍋咁大隻蠔有冇見過？冇圖冇真相，隻蠔成個碗咁大，冇花冇假，成口蠔jam 好rich ,而且香蔥爆完再放喺個啫啫煲入面真係好鬼死香。😹蠔仔肉碎浸時菜（$68）食完咁多咁重味嘅嘢，梗係要叫啲菜清一清個口，之不過只要有個蠔字，都唔會待薄客人，嗰粒所謂嘅蠔仔都好L大粒，真係諗緊間餐廳會唔會蝕本㗎。啫啫豬膶雞煲（$88）一如以往地依個豬膶雞煲又係非常足料，飽到pk而且豬膶好鮮嫩口感烹調啱啱好。整體來講今餐性價比極高，好有大排檔水準，雖然我已經食過三次但係再食多一次都無所謂👍🏻

 如果每個區都要選一間大排檔坐鎮新蒲崗區的話我肯定選陳儀興玫瑰餐廳小廚。餐廳走大眾平民路線， 沒有美輪美奐的裝修，換來的卻是扎實便宜大方的價格的，難怪即使平日晚上也坐無虛席無book檯連飯都無得你食。餐廳晚上會由中午的茶餐廳變成私房菜，有老闆米芝蓮 拿手小廚小炒當然不在話下，但同時也有特色火鍋邊爐雞煲 任君選擇，可以一邊打邊爐又可以一邊食小炒，雙管齊下。玫瑰小炒王98材料超豐富，韭菜花， 魷魚乾 ，原條大蝦乾， 菜脯，仲有一大堆銀魚脆脆同花生。 炒得夠鑊氣不在話下，份量仲好大碟，魷魚乾同蝦干係成碟小炒王的靈魂，夠鹹香， 食得出勁有鑊氣 。香脆咕嚕肉88這碟是我個人最推薦。出面街我食的咕嚕肉都是淋身的， 但這裏將豬肉炸得乾脆， 然後上面再淋上酸甜的咕嚕醬。 豬肉本身外脆內爽， 最重要是完全不會覺得肥膩， 食得出師傅的功力。配上青椒紅椒菠蘿， 酸甜開胃讓人一口接一口停不了。豆腐雙腩煲78去大排檔冇理由不吃豆腐煲吧 ，加埋火腩及魚腩， 超夠鑊氣，豆腐仍然是 嫩滑而入味。姐吃的是男人的情懷鐵板薑葱啫啫魚標98離遠已經聽到鐵板吱吱聲。一條大魚或鯇魚只有一個魚標， 而單是這一味鐵板魚鰾， 就可能已

新蒲崗一向都多小店餐廳，經朋友介紹，推薦了一間扺食又好食既餐廳，所以放工就即刻去試下。 餐廳有火鍋或小菜提供，但身為火鍋控既我，緊係揀打邊爐啦😋花雕醉雞鍋(HK$138)🐓花雕醉雞鍋材料非常多，包括紅棗，杞子，桂圓，花旗參等等，暖氣又滋補。水滾後傳出陣陣酒香味，當中帶一點甜味。半隻雞都頗為大隻，份量頗多，雞件嫩滑，配上香濃湯底，十分入味。安格斯肥牛 (HK$38)🐂叫醉雞鍋可以用優惠價$38享受一客安格斯肥牛，超級優惠。肥牛肥瘦平均，牛肉味尚算濃烈，質感軟唸！食雞煲配返支凍啤，簡直係人生一大樂事！ 🍻另外仲有唔少火鍋配料，超過五十款的配料任君選擇，大家食到捧住個肚走呀！🍲

上一次來「陳儀興玫瑰餐廳」是衝著招牌雞煲來的事後看報導才知道，其實小菜小炒同樣非常出名所以，今天決定來會一會看看是不是真的「超水準」😈.晚市款式五花八門有海鮮，牛，豬，雞，時蔬，小食，六大類別.🥢重慶辣雞煲 $138美味指數：🌕🌕🌕🌕🌗重慶辣雞煲小菜原來是指「熟上」廚師加入紅辣椒，京蔥，大蒜和辣雞炒至全熟雞件吸收醬汁和辣椒精華，非常入味雞肉嫩滑彈牙，醬汁依附在雞件上，香辣又惹味！淋上醬汁，確是送飯好菜👍.🥢香口脆鮮魷 $98美味指數：🌕🌕🌕🌕🌗原隻鮮魷切件炸至金黃色炸粉薄而不易脫落，鋪上一層層炸蒜，香氣迫人鮮魷外層酥脆香口，內裡彈牙鮮甜沾少少香醋，解膩又開胃～.🥢松子陳醋排骨 $88美味指數：🌕🌕🌕🌕🌗味道與糖醋排骨有點相似糖和醋的比例調得恰到好處糖衣包裹住每塊排骨，脆脆的口感入口酸酸甜甜，甜而不膩還有一粒粒的松子，增加口感！.🥢凍檸樂，凍檸茶 $18~$21美味指數：🌕🌕🌕🌕🌗這裡的檸茶檸茶，比一般茶餐廳大很多但售價也只是平民價，非常推薦👍.結論，無論雞煲還有小菜都如傳聞中一樣有水準！如果我不是屯門牛牛，一定會成為我的飯堂😂

今日特登嚟到新蒲崗，約咗朋友仔一齊打個邊爐之前一直有食開陳儀興嘅打冷，今次朋友就特登約埋我哋試一試佢個火鍋餐廳啦！入到去諗唔到原來都好大吓喎！同兩個朋友一齊食我哋仲叫咗幾支啤酒慢慢坐！佢今日做特價$38有安格斯肥牛唔係唔叫呀嘛！食火鍋之前一定要叫個雞煲先啦！我哋叫咗中辣，辣度都好夠！俾大家睇吓肥牛真係有質素㗎！同朋友兩個人仲叫咗少少菜同埋牛柳粒！我自己就覺得雞煲個湯底打邊爐再加粉絲真係絕配！冇諗過除咗打冷之外佢嘅雞煲都做得咁出色！

屯馬線開線後,鑽石站就熱鬧起黎鑽石站附近一帶既美食亦都多人關心了由地鐵站行10分鐘就到新蒲崗非常方便,這邊小店選擇多,水準都相當出色當中更加有不少本身已經非常受歡迎今次要介紹既小店就係陳儀興玫瑰餐廳睇報導講,師傅係以前曾經在名店工作過自己跳出黎開業,唔洗一年已經做起左深受當區食客歡迎,晚晚爆場打邊爐係主打,但其實佢既小菜都係有水準兩個人,叫左三款小菜一個白飯飽到幾乎要CALL的士返屋企!!椒鹽鮮魷 $98 /避風塘粟米$68蜜椒金薯牛柳粒$78基本上都係份量大大碟,料又多,夠獲氣避風塘粟米$68滿滿既料頭,洋蔥,金蒜,蔥,辣椒,蒜頭未食已經風味十足,最重要係炒得夠乾身唔會成碟都係油,呢D先係真功夫粟米走過油,每件粟米都吸飽濃辣香氣入味輕微帶點辣,粟米既甜中和左辣椒既勁終於食到期待已久既招牌小菜,送酒一流呢度都係比較多男人黎,佬既客人為主 呢D咁重口味就岩曬蜜椒金薯牛柳粒$78拋下書包,聞說呢種煮法係源自剩菜將食剩既炸薯角同肉粒加醬汁炒成慢慢就演化成而家呢個版本係好多出名既小菜店都一定有呢款菜式但呢度只賣$78,佢比足一塊牛扒既份量你!睇牛柳粒既樣,應該係由一片片既牛扒切成粒份量食落應該

見天氣開始轉涼，約咗幾個朋友去新蒲崗「玫瑰餐廳新儀興」打邊爐。之前睇過介紹話老闆係前米芝蓮大廚，所以專程過嚟食。未到7點已經座無虛席，好彩一早訂左位。我哋三個人坐低之後見到旁邊好多食客都係食胡椒豬肚雞湯，一於落單試試。服務員好快送上湯底，胡椒豬肚雞湯有驅寒、去濕消腫功效，奶白色湯底鮮美濃郁，淡淡胡椒香，清甜唔油膩。配上胡椒、豬肚、酸菜同芹菜，豬肚口感爽脆有嚼勁，湯底火候十足。啱啱飲完個湯，服務員亦送上其他打邊爐配料。半隻雞份量足夠三個人食，食落非常有雞味。而家餐廳做緊優惠，加一蚊可以送一口牛柳粒，咁吸引我哋當然唔會放過啦，牛柳粒肉味較濃，脂肪分布平均，啱晒各位食肉獸。特別一提，除咗好大隻、好足料嘅菜肉餃之外，呢度仲有一款好特別嘅豆豉鯪魚餃。皮唔算厚但真係勁多餡同非常惹味。其他配料仲有滑牛，感覺係用新鮮本地牛，口感嫩滑。蟹子丸同芝士丸粒粒新鮮有光澤，口感彈牙有鮮味、層次感豐富。魚腩好新鮮，鮮味十足，份量亦十分足夠。炸腐竹同埋豆腐有濃郁豆香味，口感滑溜。午餐肉鹹香肉味濃，非常香囗，入口柔軟又多汁。打邊爐當然唔少得青菜，我哋要咗個西洋菜，吸收哂湯底精華，簡直係完美配搭。

來到新蒲崗估唔到咁多美食，呢間係朋友介紹，性價比好高抵食又大份先來前菜胡麻鮮淮山，入口清爽帶甜，胡麻醬好清新，食完好開胃我哋叫咗個胡椒豬肚雞火鍋，成個湯底奶白色好夠胡椒味，豬肚夠腍身，仲有好多鹹酸菜另外跟埋嘅雞有半隻，雞件都大隻，入口嫩滑好正喔加$1仲有牛肉粒送好抵食喔，大大粒嘅牛肉粒牛肉味濃，真係好優惠點都會叫啦避風塘脆骨腩送酒一流，魚腩走油走到好香脆，魚好新鮮又彈牙，避風塘抄真係好惹味見到有賣個辣椒油都不錯

今天同同事去新蒲崗工作，下班時已八時多，唯有在這裏吃晚飯才回家。原來新蒲崗工廈裏也有很多餐廳，我們進了最近我們的玫瑰餐廳。它其實是一間茶餐廳，晚飯可選擇火鍋或小菜。為了方便快捷，我們點了薑蔥桶蠔，蜜椒薯仔牛柳粒，豆腐魚雲湯。先來的是湯，份比想像中大很多，本來想加的白飯都不用了，白白的湯汁裏除了鯇魚肉和豆腐外，還有蔬菜。湯汁充滿鮮味，十分開胃。然後是牛柳粒，牛肉很鬆軟，薯仔，青椒和洋蔥都沾滿甜甜的醬汁，十分好吃。再來是桶蠔，一煲有五隻，而且每隻跟手掌差不多大，蠔身有一層炸衣在外再烹調的，滿滿的蠔味一咬便充滿在口腔內。最後當然要配上一支青島啤酒，為忙碌疲勞的一天鬆一鬆。

今日同爸爸撐枱腳，近近地去陳儀興食晚飯。其實餐廳除左小菜，仲有打邊爐，local style，好多食物都係手打，之前食過都好正。今日人少少，就試下呢度小菜，款式都好多，又有海鮮、牛豬雞、菜，仲有必食推介，唔怕唔知食咩好。鐵板蠔仔煎餅 $78蠔餅食得多，鐵板款真係第一次食，上菜個時，仲咋咋聲，好熱。 切開入面除左蠔&蠔之廿，仲有好多洋蔥吸哂煎蛋&蠔味，真係必食推介！蜜椒金薯牛柳粒 $78餐廳款款菜都好大碟，薯仔&牛肉都好多，仲有厚厚蜜汁好食物上面，食落口幾”痴”牙，不過真係好好味！金銀蛋浸時蔬 $68特登叫款清清地菜款，時蔬有好多款卑你選擇，加錢仲可以簡皇帝菜等。好難得食金銀蛋菜嘅味道係剛好，完全唔喊，我地叫左油麥菜，同爸爸係咁爭住食

呢期都比較懶煮加上疫情稍為緩和，所以都多咗外出食飯！而且見好耐都冇食過小菜， 係我Bookmark 入面又有一間睇落唔錯嘅小菜餐廳，一於去試吓啦！呢度無論係門面同店面都有著傳統小菜餐廳嘅模樣！簡樸同踏實的！坐低後我哋叫咗三餸一湯，包括豬肚湯 、薑蔥魚腩煲、啫啫豬潤雞煲及蒜蓉粉絲蒸蝦！其實有好多都想試，可惜眼闊肚窄，唯有試住咁多先！我哋先開動個豬肚湯，濃郁嘅胡椒味令我哋連飲咗兩碗呀！呢度啲煲仔菜式都幾好食，個薑蔥魚腩幾滑幾惹味！而個豬潤雞煲嘅雞都好嫩，不過啲豬潤就稍為鞋咗少少！而碟蒜蓉開邊蝦都好新鮮，粉絲好入味！食咗咁多嘢都係HK$406, 原來呢度係不收加一同茶錢的！難怪唔近地鐵站都有咁多人嚟食啦！

朋友係新蒲崗返工, 今日放假, 就約左佢收工一齊食dinner一聚。佢選了公司就近餐廳, 呢間餐廳有得打邊爐, 又有小炒食, 今次就先試下小炒,雖然平日晚又唔近地鐵站, 但餐廳都坐滿大半食客, 幾有人氣。我地叫左幾個小炒試試,  椒鹽鮮魷 $98炸皮夠薄, 入口鬆脆, 唔會過於油膩, 鮮魷爽口彈牙, 點少少醋食, 味道提升。椒鹽雞軟骨 $72份量都幾多, 炸皮同樣薄而酥脆, 軟骨位爽脆有咬口, 送酒一流!蜜椒金薯牛柳粒 $78薯仔粒同埋牛柳粒平均包住薄薄蜜糖漿, 黏左少少黑椒粒, 表面甜甜地亦帶胡椒香,牛柳粒林而keep到肉汁, 薯仔外層被輕輕炸過, 微脆內軟, 正!!百花釀大腸 $108 大腸外皮香脆, 唔會太肥, 釀左百花, 帶些少鮮甜, 咬落雙重香脆, 夾集炸蒜食, 更為香口。 汽水: $12/罐

臨近中秋，朋友特意約我吃飯，順道送贈我月餅卷。我們差不多兩個月沒見面，朋友說她超想吃火鍋，她一段時間都沒吃過，我也是，於是我們去了她同事所推介的平民價火鍋店陳儀興玫瑰餐廳涮火鍋，這裡一如他介紹便宜又好吃。平常火鍋店鴛鴦湯底都比一款口味的湯底貴，但這裡竟然是同價，只是68元，愛嚐鮮的我們當然點鴛鴦湯底，分別選了下火芫茜湯底及潮州沙嗲湯底。下火芫茜湯清爽不油膩，也是女生們的最愛，上桌時可以先喝一碗，下一下火，淡淡清香繚繞在舌尖。至於潮州沙嗲湯底加入大量花生醬熬煮，使湯頭更濃香，骨子裡的靈魂一整個昇華起來，為任何食材賦味，煮沸之後就是人間百味。蘿蔔片，娃娃菜每款只賣20元，廉宜到不行，它們用來均衡營養，我們都不能只吃肉嘛。娃娃菜與蘿蔔片甜度很讚，放進下火芫茜湯煮，蔬菜鮮美融入湯中。吃火鍋時喝凍鹹檸雪碧夠港式道地，鹹酸的鹹檸加上雪碧甜蜜的氣泡，嚐火鍋火氣上升之際，一大口灌下凍鹹檸雪碧，就像火堆上直接潑水那麼痛快，豈止一個「爽」字來形容。牛柳粒的油花形似大理石的花紋，堪稱涮食的佳品。牛柳粒涮至五分熟最為完美，淡粉的牛柳粒一口可吃，牛肉滑軟細嫩，嚼起來口腔盡是牛肉的馥香。炸魚皮也是經典火鍋配料，可

又黃雨又紅雨，今日個天總是落雨越落越大，幸好老公揸車來接我放工，還同我去新蒲崗陳儀興玫瑰餐廳食飯，因為近工廠區泊車比較方便。老公話之前嚟食火鍋時見到有小菜食，所以嚟試吓！拔絲咕嚕肉：豬肉沒有肥肉，炸得外層脆口，肉質鮮嫩有口感，沾上酸酸甜甜的醬汁好好味！薑蔥魚腩煲：用熱騰騰的鐵鍋盛載上，魚腩炸過，再沾上用薑蔥爆香調製的醬汁，夠鑊氣又惹味，魚肉新鮮好嫩滑。椒鹽鮮魷：老公送啤酒必點的，鮮魷炸到金黃色，配合椒鹽甚惹味，口感卜卜脆食不停口。霸王雞半隻：半隻雞都大份量，雞皮沒有肥膏，雞肉嫩滑，配特別調製的甜豉油，加埋芫茜蔥，又香又甜又好味！真係要配返碗白飯撈汁！