陳儀興玫瑰餐廳

营业中

休息中

好耐都冇試過出街食飯，第三波outbreak 終於好返啲就可以出黎食下飯 唔洗再淨係留係屋企。今日黎到新蒲崗既陳儀興食飯，我地２個人７點左右到 餐廳就已經坐左７成人，可想而知依間真係不乏人氣呀！入到餐廳見到有好多蒸汽，成間餐廳既食客９成既客人都係食緊火鍋，但今次我地就craving for小菜，所以就決定左係食下依到既小菜~第一個菜係金銀蛋浸津白，依家食飯都會叫菜，令到自己心理平衡啲，好似點都會健康啲咁！依到既菜色份量十分大，津白我望落去都有一大個，以佢既價錢黎講真係好抵食~ ＄６８蚊就食左好大碟菜，而且質素都好好。唔會話好求其第二個菜就係口水雞半隻，之前都有聽過朋友講呢到啲雞好食，有雞味之餘仲會好滑。印象中店員有問我地食唔食得辣，但身為無辣不歡既我地緊係叫佢再加辣啦！！！碟野一上枱個陣我地兩個都覺得十分震撼，直情係比佢嚇親。。。碟雞真心好大碟，好似仲多過半隻咁，食落去十分惹味，似乎應該係有事先調味左先咁，的確係辣得黎又好過癮呀！！！！第三樣就係咕嚕豬肉啦~好耐冇食過啦~屋企根本都冇可能整到。。。所以基本上出街食飯都一定會叫~ 今次既解放餐就緊係唔小得佢啦~酸酸甜甜咁，真係好開胃~ 炸

同屋企人晚飯堂，大食夾抵件。四人限眾，終於可以一家人整整齊齊一枱食飯。【潮式墨魚餅】$108爸爸既最愛，真材實料既墨魚爽彈又有少少墨魚粒口感，仲有香菜提鮮。【沙嗲金菇牛煲】$88吾小心叫左兩碟都甜既菜式，好彩有沙嗲汁中和下，夠哂香濃花生味，如果系辣既就更好。【蜜淑金薯牛柳】$78食過甘多間當中最大粒既牛柳，外脆內嫩，仲好有肉味，不過薯仔炸得吾夠耐，同埋偏甜少少。【拔絲咕嚕肉】$78啖啖肉既咕嚕肉，炸粉吾厚，酸甜剛好。

早排朋友話好耐無打過邊爐啦🥘, 於是約左小妹去陳儀興食雙龍吐珠海鮮鍋🐉🦀🦞🦐🥘, E個鍋要提前兩日預訂, 而且每日嘅海鮮都有唔同🤤!餐廳光線充足, 環境幾乾淨, 由於海鮮鍋係客人嚟到之後即刻準備所以非常新鮮😉! 一上枱已經聞到好香嘅蕃茄🍅同南瓜味, 入面仲有好多洋蔥, 芫荽, 粟米🌽同菇類🍄!心急嘅小妹當然忍唔住睇下入面有d咩海鮮👀🥢🥘! 入面有大大隻蟹🦀, 鮑魚, 大蜆, 蝦🦐, 份量都唔少而龍蝦🦞係大約食到一半左右另上的!! 第一樣要做嘅就緊係要飲左頭啖湯先, 湯底味道清甜唔味精, 蕃茄味濃但無蓋過左南瓜嘅甜!海鮮整體味道唔錯幾新鮮, 蟹膏甘甜, 大蜆鮮甜無沙, 鮑魚鮮嫩夠爽口, 蝦同龍蝦食落口感結實啖啖肉👍🏻食飽海鮮緊係再飲多啖湯, 湯底吸收哂海鮮嘅精華, 非常鮮味! 小妹又點會浪費左個咁正嘅湯底先😝緊係叫多兩三樣野嚟烚下烚下☺️ 我地叫左一份炸魚皮, 一份唐生菜同滑牛肉🐂! 炸魚皮幾脆幾香口, 滑牛肉肉質爽滑, 味道鮮嫩, 厚薄適中, 幾抵食!😋

安格斯肥牛好正，肉同脂肪既比例介乎1比1與2比1之間，一層肥一層肉，白裡透紅，條理分明，所以口感非常好，爽口加嫩滑集於一牛。成碟食晒都食唔到有筋既，絕對係靚部位黎啦，我地等唔切食完就急不及待order第二碟啦。仲有wo，上碟以為standard A4甘既size，誰不知一放落個煲滾兩滾，就變成A3甘大既double size lol。原來師傅起左雙飛，但摺埋黎擺碟，真係好有驚喜，好抵食。另一推介既係羊肉，一上檯就聞到我至愛既羊臊味，一邊涮一邊慢慢散發出黎，可謂「臊」到骨子裡，口水都流埋出黎呀。有D人話怕臊，但我覺得唔臊就不如唔好食羊喇，係咪?! 同樣地，羊肉一塊疊一塊，疊到成座山甘樣，仲塊塊都大大塊嫁播，真係大件夾抵食，最岩我地呢D窮L，我仲即時WhatsApp 我個friend，話佢知冇介紹錯添呀。大大杯既柑桔檸檬特飲都係廿零蚊杯咋播，仲係大生啤杯甘既份量添。打邊爐興合合，實口乾嫁嘛，甘抵飲，使咩就住就住姐，叫多兩杯都唔肉赤啦。飲盡食盡，飽到捧住個肚先起到身行出門口，先係每位200零蚊，又好食，堅抵呀!

放監喇喂!! 係屋企屈左甘多日，終於可以出黎打邊爐喇! 我就最怕洗野，但又超級鍾意打住邊爐，烚下烚下甘黎隊啤同D friend慢慢傾，梗係要搵間好食又抵食既火煱店先得喇。未入門口就聞到火煱獨有既香味，一入到黎呢度就見到檯檯都「豐」煙四起，「餓」左甘耐真係要好好甘放縱下先對得住自己呀。一坐低就見到張吸晴poster介紹花雕雞鍋加$38就可以配埋安格斯肥牛，甘抵! 梗係即刻叫黎試下先喇。估唔到，上菜都好快手，點完野食無幾耐，個鍋就到喇。嘩! 花雕酒香係空氣中不停回盪，我誠實既身體即刻比晒反應，咕咕作響，同水滾既卜卜聲好有共嗚。放雞落鍋既同時，攪攪下見到好足料，成個鍋可以稱得上座無虛席，當歸、北芪、紅棗、黨蔘、圓肉，總之就係各式其式，應有盡有。雞肉好嫩滑之餘仲有極濃郁既花雕酒香，相信醃雞既時間同配料都非常充足先有甘Perfect既效果，真心覺得係我食過過百次醉雞煲以黎味道最極致既一次，一定會再反黎Encore，等我呀!

之前都聽過呢間茶記係新蒲崗區老字號陳儀興飯店頂手回來做的，原本叫玫瑰餐廳，頂手後加上了陳儀興三字。有米芝蓮大廚坐陣嘅火鍋店會係點？🧐😍今次就專登過來朝聖。佢位置喺mikiki商場附近，就咁睇以為係普通茶記，其實原來係隱世食店。胡椒豬肚雞湯似乎係必點項目，啱晒我地兩個都好中意飲湯😂 仲有優惠價加$1 有一口牛柳粒😍 另外我哋仲叫咗幾款呢度獨有嘅特色火鍋配料，包括豆豉鯪魚餃同手打麻辣豬肉丸。仲叫咗兩款蔬菜，冬瓜同西洋菜。最後唔少得當然要試吓佢哋嘅鑊氣小炒。我哋係餐牌上嘅熱門推介揀咗兩樣，拔絲咕嚕肉同埋椒鹽脆肉鯇😊😊 非常豐富！首先飲左一碗湯再落雞，半隻雞都好多，分量十足！再黎就飲多碗湯同食雞😌😌 好鮮味滋補，豬肚新鮮爽口👍🏻剛剛好小菜到啦，熱辣辣即刻食就最正！椒鹽脆鯇好惹味香口，炸得乾身，食多幾件都唔油。咕嚕肉就皮薄爽口，唔會麵粉多過肉😂啖啖肉😆😆睇相就知道非常足料，火鍋配料亦全部大大碟。餃子好特別，出奇地夾！一蚊一口牛柳料絶不馬虎！好好食！麻辣豬肉丸好足料，好多香料！今餐真係飽到要打包，三個人食都夠，兩人食都只係4百幾。

先生在觀塘新蒲崗一帶返工，見到新蒲崗的玫瑰餐廳陳儀興的火鍋豬肚雞煲半隻$138，送牛柳粒$1元， 抵食又吸引 ，所以今日專程過來食。豬肚雞煲半隻$138送牛柳粒$1元坐下當然是先點豬肚雞煲，湯底很多胡椒、豬肚、酸菜及芹菜，奶白色的湯底很重胡椒味。豬肚煲得腍度剛剛好，點上自調的辣醬汁，很好味。半隻雞份量十足，切得大大件，食落感覺新鮮，肉質又腍又滑，抵食。牛柳粒看落有點深色，切得比一口牛稍為大少少， 原來切牛柳粒果然比 切片味道較為濃厚，$1元果真抵食又美味。 鮮淮山拼炸魚皮雙拼$40 鮮淮山有健脾作用，所以我很喜愛食。 炸魚皮剛剛炸起還熱辣辣， 侍應還特意提點我們，預防辣親。炸魚皮可以即食，又可以放湯內浸一浸食， 脆口又入味。花膠仔$58原隻花膠仔細細隻， 大約灼六至七分鐘就可以食，好抵食。魚雲$98魚雲很新鮮，份量都不少， 新鮮又鮮味，最愛佢又腍又滑的，很愛食。雞份量都很多，還有淮山、炸魚皮、魚雲…等，當然青菜少不了，要了個油麥菜，食火鍋，我很愛食烏冬，吸收了湯底的精華， 最要多個可樂，食得非常美味。

因為限聚令，已經很久沒有吃火鍋，趁着放寬限聚令至晚上九點，第一時間來到這裏吃火鍋。花雕醉雞鍋$138，花雕酒香四溢，無論在雞肉內，或是在鍋底內，都可以嗅到。將雞肉放在鍋底內，待約10分鐘，便可以吃到嫩滑的雞件。安格斯肥牛$38，牛肉份量不少，牛肉味道十足，以這個價錢來說， 十分抵吃。脆肉鲩魚腩$68，全部都是魚腩，爽口彈牙，味道鮮甜。青島啤酒$22，冰凍的啤酒，一直是吃火鍋的最佳伴侶。潮州手打牛丸$68，肉味濃郁，十分彈牙。西洋菜$20，西洋菜吸收了鍋底的酒告，味道更加豐富。

早兩天下班不想回家吃飯，去了玫瑰餐廳陳儀興吃點東西就回家，平時來這裡多數都是吃火鍋，今次想試試他們的小菜。椒鹽鮮魷份量頗多，外皮炸得相當酥脆，鮮魷肉質一點都不韌。玫瑰小炒王裡面有多種配料，有花生、蝦米、菜莆等，每一種都是我最愛，炒得很夠鑊氣，吃得非常惹味。拔絲咕嚕肉口感外脆內嫰，吃一口就吃一口菠蘿，酸酸甜甜，非常滋味。白灼肥牛鵝腸吃火鍋必點的鵝腸，這次小菜也少不了它，配上芽菜、芫苗、蔥，也會令白灼變成美味的食材，超正。

陳儀興在新蒲崗有兩間店舖，一間食潮州打冷，另一間食火鍋小廚。陳儀興玫瑰餐廳據聞是米芝蓮大廚，坐落於工廠區，可以以廉宜價錢一試小菜功架。胡麻鮮淮山先叫兩個前菜，鮮淮山切片以芝麻醬拌勻，滑潺潺的質感被芝麻醬蓋過，健康鮮甜爽脆。陳醋雲耳雲耳質感細嫩爽脆，酸度與份量十足。玫瑰小炒王小炒王材料十分豐富，有韭菜花、炸魷魚、蝦乾、草菇、菜圃、炸花生等，非常惹味，送飯送酒不俗。松子陳醋排骨這個陳醋骨與生炒骨同樣酸酸甜甜，但沒有厚厚的粉漿。排骨骨頭稍大，肉質軟腍。陳醋比一般白醋多一分醇香味，調配到紅肉上可減少肥膩厚重感。黑松露蝦仁炒蛋此餸蝦仁與炒蛋份量勻很多，炒蛋炒得剛熟但依然滑溜，韭黃與黑松露皆提升香氣。

餐廳：陳儀興玫瑰餐廳 (新蒲崗)地址：新蒲崗爵祿街33A-37A號百勝工廠大廈地下推介指數：8/10【潮式墨魚餅】$108炸到金黃Q彈，爽口又juicy，調味得宜，夠味得黎又吾會蓋過哂鮮甜味。【椒鹽鮮魷】$98炸到不油不膩，炸皮又夠薄身，勁多炸蒜，不過吾夠鹽。【水煮滑牛肉】$72勁大鍋勁抵食，以為會有好多芽菜墊底，牛肉片數量都吾少，勁有鍋氣熱油香氣，花椒味十足。【潮式煮魚鰾】$98未試呢款潮州菜式，魚鰾好爽口，豆卜都好正皮有d咬口，湯頭幾鮮，味道有點似黃豆醬味。

之前在這裏食過一餐晚飯，這裏的小菜做得真不錯，今日來本來都想再試，不過見這裏有很多不同的湯底火鍋，突然又變了想打邊爐。我們點了胡椒豬肚雞鍋，趁下火鍋料之前試一試個湯底。胡椒味濃到不得了，有點嗆喉，不過當放下雞件之後，湯頭即刻變得鮮甜好味，胡椒味亦變得恰到好處。豬肚煲得很稔，唔會有咬唔開的情況。這裏所有的火鍋材料都不太貴，而要選全晚最出色的，大概就是這個就是這個豆鼓鯪魚餃，材料不算罕見，但餐廳會用這個作餃子的餡料實屬是大膽的嘗試，但是出來的效果又出奇地好。另外滑牛肉亦不錯，如果不想高消費的安格斯牛肉，滑牛肉是一個不錯的選擇，在鍋上輕輕灼一灼，味道雖然沒有安格斯牛肉那麼濃，但是滑滑的而且吃下無渣。總括而言，作為一個街坊餐廳，這個邊爐絕對打得過。

今日同同事想傾啲公事所以約咗泥依間餐廳慢慢傾，餐廳格局一睇就知係男人的浪漫🌹可以慢慢傾偈高談闊論。地方尚算寬躺。蜜椒金薯牛柳粒（$78）5/5真係極度惹味，首先唔似一般嘅薯仔牛柳粒咁多軒汁，唔怕妹仔大過主人婆。第二，黑椒同蜜糖配合得非常之好，兩種味道在口腔中徘徊，正到不能形容，至於牛柳粒和薯仔粒除了炒得剛剛好外脆內軟之外，表層仲有少少黑椒粒和糖粒，真係將口感昇華。蒜蓉粉絲蒸蝦（$148）5/5唔講啲蝦住先，啲粉絲底下sok 晒啲汁想點啊，擺到明極度邪惡。至於啲蝦佢蒸嘅時間啱啱好，所以口感亦都非常之好，啲肉非常之分明，而且配合埋佢個汁發揮得更加好，絕對冇叫錯。蠔仔肉碎浸時菜（$68）（4/5）作為（懶係）健康JJ的我們，當然要叫啲菜保持均衡飲食啦。最後叫咗皇帝菜，啲蠔仔粒大粒都唔可以叫蠔仔叫蠔哥，所以令到碟菜更多一層色彩，而且啲菜好鮮甜，可以偶爾扮吓健康👍🏻

#陳儀興玫瑰餐廳 (新蒲崗)睇完專輯介紹，先知道呢間餐廳臥虎藏龍，有個米知蓮大廚坐鎮。胡椒豬肚雞煲（半隻雞） $138湯底用足了熬製，好香。因為用嚟打邊爐嘅關係唔會整到好濃郁，岩岩好。胡椒味唔會嗆，溫和一點，適合所有人飲。鹹菜爽口。豬肚無異味帶點彈牙。雞有半隻，都相當多。雞味濃厚，雞皮仲好有彈性。整體來講呢個鍋底相當滿意。韭菜餃拼雲吞$50 兩款都好大隻，韭菜餃好多爽脆韭菜，好好食。雲吞多鮮肉，啖啖肉會好滿足。滑牛肉拼豬頸肉$50 牛肉淥完都好滑溜。豬頸肉都唔錯正正常常。竹笙併三菇$50竹笙好爽脆份量又多。不過菇類就比想像中少。生菜$20 超甜粟米$20和牛牛柳粒 $1我冇打錯價錢係真係一蚊咁抵，Like 社交平台就有啦。大大粒又香牛肉味。超值之選。凍檸樂 $18 鹹檸七 $18 整體我覺得兩個人打邊爐，平民嘅價錢食得又多嘢又好食！

晚市有小菜又有打邊爐，人少少，試下小菜也無坊。小菜都係$70幾蚊起，碟碟都好大碟，大件夾抵食。CP值完全超班，所以不少街坊都光臨陳儀興。薑蔥桶蠔$158十級大gei蠔，一窩熱烘烘上台，薑蔥味香，蠔又炸到金香，完全冇腥味。成碟又唔會太油膩。強烈推介！玫瑰小炒王$88大大隻蝦乾，仲有彈牙魷魚，有口感！，脆口花生&菜脯，韮菜爽口。送白飯一流！水煮滑牛肉$72花椒味十足，食到個嘴都麻哂XD。牛肉片分量絕到冇同你慳，食極都仲有。碗底仲有薯粉，完成驚喜位！