阿詩瑪雲南風味軒 (已搬遷) 新店位置

跟大學同學去行山，行完後，返太古城，唔知乜好，諗好耐。，決定來這兒試試。由於那時未夠七點，沒有人等位，好快可以安排入座。我們六人，要了一個4人餐，份量和菜都應該不止四人分，所以夠我們分，仲有剩添！ 最欣賞個汽雞鍋，湯底清甜，滋補，另外名好多都唔記得，不過味道不錯，還有一個雲腿蔥油大餅，煎得外脆內軟，酥化無比，我連吃兩件也不覺滯，埋單每人差不多$160，不算便宜，但一試無妨。

星期日下晝三點, 有下午荼, 不過份量超細, 味道又一般, 早知去大x樂. 叫左一個阿詩瑪排骨米線$30, 見有阿詩瑪三個字, 以為好有特色, 原來是清湯炸豬扒米線, 個清湯清到無味道, 唔掂.另叫左一個小籠包+烤尤魚串, 份量十分孤寒, 兩者只各兩件, 攝牙la都唔夠, 仲收成$26, 可惡. 烤尤魚串粉多過尤魚, 小籠包上台時已穿左.連兩杯飲品, 埋單$64, 嬲得我無比1貼士.

2005年8月23日係太古城行完街街之後,找地方食晚餐,本來想去王家沙,但見到有雲南野又想試下,畢竟除左米線之外,都無咩食過雲南野嘛.因為不知從何入手,又見二人餐的食品似乎幾合口味,於是就叫了二人餐了.山珍氣鍋雞:湯底清清地唔錯,不過d雞肉就鞋到食唔到.香醬涼茄子:其實同上海既涼拌茄子炸不多,不過呢度既就係濃味版,食落有點似魚香茄子.白肉醬燒鴨:呢個菜就完全唔得,個d鴨肉仲又靱又鞋雞松菌海參:第一次食呢隻菌,口感同金針有點相似,同軟綿綿既海參一起食好相配.酸辣什醬米線:因為我本身唔食得辣,所以問店小二可唔可以走辣,奈何係唔得,不過佢話可以分什醬同米線分開上囉,碗野黎度時我又忍唔住試下個什醬,對於我黎講就真係好辣,好彩分開左上咋,碗米線雖然得湯浸著咩都無,但就唔會淡如水吐囉,而米線既軼靱度都煮得恰到好處,煙煙靱靱咁,都幾好食.花生湯圓:好唔我既一個甜湯,湯圓煮到過晒火,淋淋的很難吃,吃了一粒我就沒有再食喇!奉上的茶個味道好特別,問過店小二,佢話係雲南出產既,但我唔記得左叫咩名喇,好似同糯米有關架,不過未必人人都覺得好飲囉!可能係我唔識叫野食啦,我覺竹7今餐好一般,比起上次同這裡的食友去觀

最近有一日，中午同同事去太古城既阿詩瑪食晏，去到門口見到一堆客人係度等緊位．．．等左好耐，都仲未輪到我地！行埋去睇下，見到個知客安排得非常之咁混亂！！！等到有位，坐低左好耐又唔見有人拎餐\牌俾我地睇！我地放ｌｕｎｃｈ既時間好短，唔能夠容忍到咁散慢既服務囉！

11月22日12:40因身上有瘀，中午來盅田七汽鍋雞去去瘀。迷你汽鍋，雞極淋，雞骨亦淋，湯藥味。但價錢和份量不成比例。埋單時門外已人頭湧湧，排隊等位。香港經濟真的好轉了？

食米線要成40個大洋，味道還要較外面30元一碗差，其實不值酸辣水餃米線：水餃好唔得，皮身過厚，而且不夠熱，”van仔碼頭”好食過佢；米線尚算可以

琴晚同女友去左呢問晚飯, 等左3/4張枱就有位(星期日wor )環境普普通通, d 枱就細左d, 叫得幾個餸就冇位放 叫左4 樣嘢嘶嘶雞, 葱油餅, 咩醬白玉, 阿詩瑪特色炒飯1.嘶嘶雞–隻雞冇雞味, 重有好重雪味同“so”味, d 醬汁普普通通, 完全唔得2.葱油餅–大大件, 油同粉比較多, 味道一般3.咩醬白玉–肥豬肉片加青瓜片, 點啲類似花生醬+ 甜醬嚟食, d 豬肉烚熟切片冇咩持別, 味道一般4.阿詩瑪特色炒飯–冇咩特色可言, 普通炒飯, 有d 虾同帶子咁一齊炒, 冇驚喜線括來講, 唔會再去, 埋單要$228 , 以咁嘅食物質素唔值law ……

昨晚去幫襯,二人吃了四個,唔可以話難食,但味道好濃,好油,吃完整晚要飲水,不知是雲南菜的特色,還是餐廳的問題?

母親節出街食飯，都預左多人，連ｐｉｚｚａｈｕｔ門口都大排長龍，但呢間反而仲有位，未入去前都驚唔知好唔好食。全晚最好味既係白玉醬烤鴨，鴨肉好腍又入味，仲腍過伴碟既冬瓜，不過二人份都好細隻，一個人都絕對食得晒。米線又酸又辣（類似炸醬麵），陣味怪怪，結果完全冇人肯食，得個擺字。碟崧子魚片都ｏｋ，唔同上海菜既煮法，崧子加辣椒一齊炒，再鋪上ｄ魚度，一齊食既口感好特別，不過魚片本身冇味，齋食崧子就好鬼咸。仲有一碟野菌炒菜（唔記得個名），幾好食，不過冇咩特別。另外再叫左一個類似蔥油餅既大餅，學下面小女巫話齋，個餅幾香幾脆，不過得幾粒蔥，感覺上有ｄ似食緊烘過既麵包咁。五樣野３２０蚊，唔可以話貴，但係以味道同份量黎講就唔抵食，尤其係唔食得辣既人黎呢度食，選擇起碼少三份一。環境就好一般，普通裝修，又坐得好迫，張檯又唔係大，但係佢上親既菜，無論份量大小，ｄ碟都鬼咁大隻，好鬼阻定。ｓｅｒｖｅｒ一般，見到個女侍應行過隔離檯添水，倒到成檯成地都係，仲整濕埋人地袋野。雖然後來個女侍應拎左條毛巾黎抹，但係拎條唔知抹過ｄ咩既毛巾，仲要伸隻手入去抹人地個袋入面ｄ野，如果入面係ｄ衫褲之類既野，都唔知鬧唔鬧佢好囉。

食過下午餐的雞翼米線,哇, 好好味呀, d 雞翼好入味架, 不過好似有少少味精...呢度真係好少好少人, 銅鑼灣都咁少人好奇怪,但係都幾好坐

今晚同老公食左:氣鍋雞,一個唔知咩菇炒芝士大蝦球,芝麻餅同竹筒飯,除左個芝麻餅叫做幾好食之外, 其餘既野都令我覺得難食到我唔會再去第二次, 今餐食左二百幾蚊, 不過我覺得佢既質素只係值幾十蚊!至於服務就幾好, 唔係好覺之前d人講話d waiter 黑口黑面喎!

黎左兩次都覺得幾好,每次都有6,7個人去,叫過好幾個麵,飯同湯都唔錯,好足料,又大碗又好味,係個阿詩瑪特色炒飯唔知究竟有咩特色,同埋味道淡左d.值得注意o既係一個$48,個名有少少似蔥油餅o既大餅(能分八件),成個pizza咁,外面脆脆地,鋪滿芝麻,中間有少少似麵包,最裏邊有d蔥油,雖然唔係好大陣蔥味,但咁有口感o既一個大餅,暖暖的透著微微o既芝麻香,很是誘人,所以去左兩次都有點,不過小心食滯.d湯,飯,麵,點心都咁有份量,但價錢都只係$2x - $4x左右,如果得一兩個人黎其實反而唔太抵,因為食唔得幾多款.但如果一大班人黎就好抵喇~!d卡位好大張,夠坐六個人,要加o係側邊又得!可能我黎兩次都係十二時許,上菜十分之快~服務都唔差,不過晏d一點鐘就好多人lu

之前聽朋友講,話呢間麻麻好食.上次同男朋友路經此地,又唔知食咩,於是試左佢.一坐低,侍應就送左一碟類似虫0既物體.佢話係雲南一d野生植物.咸咸地,幾得意.要左一個細氣鍋雞.好似媽媽煲0既雞湯.好勁藥材味.有少少油,都唔算好肥.d雞肉竟然出奇唔鞋.炒唔知咩咩菌.幾爽.冇咩特別.老實講我都唔知佢邊條打邊條.不過就配菜多d.又係一個好似辣子雞丁,幾好.唔太辣.但就好香.因為有花椒.我最鍾意花椒陣味.仲有一個唔知咩餅餅,咸咸地.不過幾熱氣架.埋單二百幾.服務幾好

昨晚和媽媽兩個人去食，因為唔想煩，所以叫左個2人餐。食物份量豐富，三個人食都夠，道道菜都唔錯，冇味精，少油份，感覺幾健康。個點醬青瓜好得意，脆脆地，不過唔點醬仲好味過點醬；山珍氣窩雞好重藥材味，幾甘香；燕窩湯圓好有驚喜，d燕窩很足料，粒湯圓係花生+橙味，好特別。其餘仲有水煮魚、雙菇扒豆腐和水餃牛展米線，都唔錯。食咁多野連加一都係二佰幾，唔算太貴。服務方面就一般啦，我地兩個人佢都肯俾張大卡位我。不過替我落order個男部長就麻麻了，我問佢水煮魚辣唔辣，佢話小辣，我因為唔食得辣，想問清楚係唔係只係舌頭會有少少「慶」個種辣(有d餐廳話小辣其實都好辣架麻)，佢就表現出唔係好耐煩話「少辣同少少辣有咩分別呀?」，佢咁講令我感覺唔係幾好。

都幾特別的....首先係杯怪味茶..應該是雲南出名的粿米味茶..而前菜小吃為醃苦瓜..不錯的...另外叫了過橋米線,小龍包...餃子....但跟上海店的口味不同...幾好吃的...價錢兩人吃一了100蚊....不貴...