阿詩瑪雲南風味軒 (已搬遷) 新店位置

昨晚和媽媽兩個人去食，因為唔想煩，所以叫左個2人餐。食物份量豐富，三個人食都夠，道道菜都唔錯，冇味精，少油份，感覺幾健康。個點醬青瓜好得意，脆脆地，不過唔點醬仲好味過點醬；山珍氣窩雞好重藥材味，幾甘香；燕窩湯圓好有驚喜，d燕窩很足料，粒湯圓係花生+橙味，好特別。其餘仲有水煮魚、雙菇扒豆腐和水餃牛展米線，都唔錯。食咁多野連加一都係二佰幾，唔算太貴。服務方面就一般啦，我地兩個人佢都肯俾張大卡位我。不過替我落order個男部長就麻麻了，我問佢水煮魚辣唔辣，佢話小辣，我因為唔食得辣，想問清楚係唔係只係舌頭會有少少「慶」個種辣(有d餐廳話小辣其實都好辣架麻)，佢就表現出唔係好耐煩話「少辣同少少辣有咩分別呀?」，佢咁講令我感覺唔係幾好。