阿詩瑪雲南風味軒 (已搬遷) 新店位置

Awful Sticky Bamboo Rice Soso NoodlesCheapy vegetable but high priceSoso dumplingEvery dish we ordered were no good, really bad luck!

媽咪,哥哥都有o黎捧場, 見佢o地咁俾面, 所以同佢o地去完食野先, 夜晚再去慶祝.人人都企晒o係門口, 都唔知大家做乜, 唔理三七二十一入去先. 一睇餐牌就知咩事, 原來等緊tea time. 咁又真係抵好多o既!有2/4/6人lunch set揀, 叫o左o個set冇記錯有氣鍋雞, 回窩肉, 雞柳豬扒米線, 4粒小籠包, 同甜品玫瑰甚麼湯圓. $1xx 算多野食啦.個雞湯好入味, 落料足, 係油多o左o的; 唔似有味精, 不過我唔太sure. 豬扒質感好特別, 我未試過咁淋但又唔霉o既, 所以初頭食時我都唔知佢係乜.小籠包幾多肉; 回窩肉雖然油但滋味, 我食到停唔到口; 湯圓第一啖好正, 個皮煙韌, 不過食多幾啖覺得太甜啦.食物整體上ok, o岩胃口, 但服務態度唔掂, 個做到部長級o既男人反而黑口黑面, 咪唔俾tips囉!! 結果連多謝都冇聲!!!

氣鍋雞同雲南過橋米線就覺得唔抵食又唔係特別好味﹐主要係湯底淡。香醬白肉味道ok﹐用個sauce點D 粉皮食都唔錯。個蔥油大餅有幾次都整得好正﹐面有D 脆﹐入面又香軟夠熱﹐不過好大份﹐有四個人食比較好。仲有餃子都抵食。<br />試過一個雜菌鍋﹐$98左右﹐同個納西脆皮豆腐都係細份唔抵食。個糖醋里脊就即係好似咕嚕肉﹐但佢地係一塊塊唔係一舊舊﹐味道一般﹐不過細路仔會鍾意食。<br />炒米線夠鑊氣﹐雲南炒飯同埋昆明湯飯都係自己成日點既﹐鍾意佢落左D 酸菜﹐幾開胃。個湯飯有少少辣﹐有花生﹐想食D 濕口野既時候最岩。甜品試過食湯丸﹐一般啦﹐個皮唔夠薄﹐不過糖水係玫瑰花蜜味道﹐清甜。有個四喜糯米餅就幾甜幾煙韌﹐個餡都唔差﹐鍾意食甜野既話就合味道啦~<br /><br />呢度成日午飯晚飯時段都要等位﹐幾旺。下午茶set 都唔算貴﹐二十幾到三十蚊左右包飲品。服務一般﹐檯與檯之間空位唔大﹐唔夠舒服。

今日去到呢間鋪頭食tea，個好似主任咁款既waiter真係激到我慶，我都唔知佢點做帶位既!首先，我一入去就問佢仲有無tea，佢話俾做埋我呢個tea order，然後呢??間鋪個陣根本一個客都無，佢就係都唔俾卡位我坐，係都要塞我坐係路中心，仲要係o係張6人檯分左張單人檯俾我坐!!!!!!最慶既就係跟住又有個人係一個人黎既，但係個waiter居然一俾俾左個卡位?!!有冇搞錯呀!!我著得雖然casual d，雖則o個個人唔係食tea叫小菜姐(我去個陣5-6點到，岩岩轉dinner)，都唔駛咁呀!!!最離譜既就係，我臨食完既時候，個死人waiter居然帶左3個人坐係我隔離分出黎既4人檯，大佬咁同搭檯有乜分別呀!!我望勻成間餐廳，根本得一兩檯客，d卡位檯仲要有成5-6張，點解係都要我地搭檯呢!!?!?!?!?!?最衰我岩岩食完咁滯又無理由要換檯，我都唔知點鬧佢好!!佢咁樣算咩意思先，話就話得我一個食tea姐，都唔駛白鴿眼到咁要我坐得咁唔舒服呀!!!你咁樣就一早同我講無得叫tea咪算lor!!咁整人地以後都唔黎啦，今時今日咁既服務態度點得ga!!我以後都唔會再去!係都去times square個間

兩個人去食lunch，叫o左：1. 香醬白肉，$42：其實冇乜白肉，因為底下鋪o左好多米線。白肉味道算okay啦，不過乾身o左D。隻醬有D似麻醬，用o黎點白肉怪o左少少；不過用o黎撈米線就幾好味，好似食緊涼麵咁，幾得意。2. 麗江燴雜菌，$68：價錢好似貴一D，不過呢D雲南菇茵唔係好多地方有得食，都值得試下o既。不過小妹喜歡大理家常茵多D，材料一樣，但味道帶辣，食落香口好多。3. 阿詩瑪排骨米線，$28：之前食過呢度o既過橋米線，覺得麻麻地，又貴；依家只叫其他米線。D排骨都唔差，夠熱又幾鬆o丫！4. 兩食蒸餃小籠包，$20：即係兩隻蒸餃加兩隻小籠包；小籠包厚皮o左D，不過都算好味。服務方面，今次座o左入去最裏面o既檯，好似冇乜人理咁；座出面o既話D service會好好多~~~