阿牛火鍋海鮮大排檔 (已結業)

男友同我都好鍾意打邊爐, 今日黎到位於太子既"阿牛火鍋"入到餐廳, 就見到有個醬料區可以自選醬料呢2個MENU都好吸引, 所以我地2個都有嗌到最鍾意就係飲住啤酒打邊爐雙拼湯底都係加$5, 即點: 花雕藥膳湯鍋+四川麻辣鍋"阿牛發辦"由師傅按當日揀出5款靚牛肉牛肉既脂肪分佈比例均勻"阿牛發辦"由師傅按當日揀出5款靚海鮮,今日師傅就安排左鱆紅魚刺身, 竹串海蝦, 鮑魚, 帆立貝, 蟶子另點左："加拿大桶蠔"“午餐肉”食飽飽後, 仲有西瓜作為甜點

太子呢頭好多特色火鍋店，今次見呢間新開，又以牛肉做主打，岩曬我地呢d牛魔王🐂🐂🐂7點半左右去到，店內都坐左7成人。店員服務都好親切，笑容可掬。有個配料區，選擇都算多。我們點左兩個湯底: 花雕藥膳湯鍋 拼 四川麻辣湯鍋花雕藥膳湯底味道幾清，唔太濃，花雕味略微唔太夠，當清湯部分幾好。四川麻辣湯底相反就幾辣，愈食愈辣，麻味唔係好重。點左每人一份精選盛牛 $28/位 有五款廚師發辦既牛。我們有：紐西蘭羊肉仔、西班牙黑毛豬、美國安格斯牛小排、M6澳洲和牛保樂肩、M4-M5澳洲和牛牛板健。五款中，我最中意牛板健同保樂肩。呢兩款個牛味最突出，仲好淋。放落邊款湯底個牛味都好出色！反而羊肉仔食落有少少穌。另外，點左每人一份環球海鮮 $98/位 都有五款廚師發辦既海鮮。我們有：帆立貝、竹串海蝦、大連鮮鮑、蘇格蘭蟶子、白鱔片。整體都幾新鮮，蟶子同個麻辣湯好夾，白鱔片亦入曬麻辣味，好惹味！另一要提及既係響鈴 $45 唔似買街外現成既，似自己炸，好香脆😍真心正！另外，點左黑毛肚 $108都幾大片，不過淥既時間要注意⚠️好快熟，如果唔係就太硬。整體味道不錯，每份既份量都好夠，店員服務態度好，下次想試下其他湯底😆

去左一間幾有佬味嘅地方打邊爐，雖然環境唔精緻，但係食物有驚喜。極級安格斯牛頸脊叫得阿牛，應該都係主打牛，而且呢個價錢唔貴，所以就試吓。點知一上枱，真係好驚喜，估唔到佢咁大碟，食落去，唔係得個樣，好嫩滑，好好味。呢個價錢我估出邊食可能只得一半。自製炸魚皮又係嘩一聲嘅料，超長，而且都幾脆，不過個粉多左少少，但超飽肚。加拿大桶蠔上網見到食評話好大隻，所以都係必點嘅料，其實餐廳都幾有心思，會用冰鎮住d蠔。真係好大隻，食落口好過癮，美中不足有少少沙。另外都叫了鮮蝦水餃及三款丸，唔算好特別，正常味道。

近排成日食西餐今晚改變下口味走去食火鍋，一開始就先試一款川芎白芷魚頭湯，打開後陣陣藥材濃香撲面，一鍋老火湯要頗長時間淆製，濃蜜香甜，心神都被藥材香氣吸引住，川芎白芷對頭痛頭風 極有幫助。跟住我哋點了多款肉類， 尤其佢嘅鮮蝦雲吞，滑捋捋嘅雲吞皮，裹著滿滿的食材，大大隻爽甜鮮蝦， 絕不吝嗇。一大碟雜菇拼盤有多款品種提供。一款黑松露水餃，輕輕咬下散發著陣陣幽香，肉碎夾雜著多種爽脆配菜進食，餃子皮同樣爽滑。仲有意式芝士牛丸同樣出眾，一顆渾圓彈牙牛丸，牛香濃郁，內心藏著意大利流心芝士，充斥著你的口腔，吞食後仍然回味無窮。餐館還有多款菜式提供選擇，可待日後再來一試。最窩心係佢自家炮製竹蔗水，真材實料，清甜潤喉，係火鍋的最佳拍檔。

店面隱藏在食街的一樓，如果不是朋友推薦真可能會行過都唔知～上到一樓已經係好地道嘅打邊爐格局，已經好肚餓啦，拿拿臨叫野食先。見到呢兩個真係好抵！特別係牛果個，每位加$28咋伙記提議先叫湯底，我地叫左雙拼，一邊是藥膳，一邊是麻辣。兩邊都好入味，始終我地都鍾意重口味湯底打邊爐，所以呢兩個湯都正正滿足到我地。每人加$28呢個盛肉盆真心超值，肉質樣樣都好見得下人，牛肉更是近乎入口即溶。而海鮮拼盆每位加$98亦沒有令我地失望，真係好多種類，海鮮好新鮮而且好大隻。其中鮑魚、扇貝更是令我驚喜。黑毛肚好爽口，好快已被全台人清晒墨魚滑$68超推薦，好鮮甜好彈牙，份量食落先知咁多，5個人食到由頭食到尾。響鈴好香口，食得出應該係自己炸而唔係平時街買一盒盒果啲。菜各$28份量都幾多，可以由頭食到尾。

好耐無打邊爐，行經太子見到呢間阿牛火鍋海鮮大排檔都唔錯，一上去見到已經接近坐滿，平日生意都非常好呢～最近有點熱氣，所以揀左清熱下火既芫茜皮蛋湯鍋HK$65自助形式取火鍋醬料，選擇非常多～包括少有的鎮江醋、麻油、芝麻醬、沙爹醬、辣椒、蒜、葱花等等。值得一讚是補充醬料速度很快，而且四周都十分潔淨～自製炸魚皮HK$45炸得夠脆口而且好大塊，鬆脆且厚薄適中，很不錯～油麥菜HK$28好新鮮翠綠，健康之選雜菇拼盤HK$65有多款蘑菇又有我最愛既金菇!蟹籽墨魚滑HK$70份量十足，手打墨魚滑夠哂爽口彈牙，口感極佳！肉眼筋HK$50口感爽脆又帶點煙靭，不肥膩，正！法國鵝肝墨丸HK$98層次豐富，味道濃郁，真材實料，爽口彈牙！脆鯇片HK$50肉質結實，爽脆軟滑，魚味鮮甜。稻庭烏冬HK$40口感爽滑彈牙，吸收哂湯底精華，超正！自家竹蔗水HK$28竹蔗水養陰潤燥，最岩打邊爐飲～而且甜度剛好，清熱氣一流～叫多支道地解茶為今晚晚餐畫上完美句號，阿牛火鍋抵食又好食，而且坐得舒服，值得再黎！

太子餐廳特別多！  見到又南街開新店,  間鋪主打係食牛~ 價錢都好接地氣！ 見佢個menu 都有好多款牛揀, 其他配食都好多選擇, 仲有d 懷舊小食, 出面比較少見！ 仲見佢有埋海鮮拼盤 300幾, 超多野 , 都幾抵下！配料都好多, 個蝦辣醬好出色！ 值得一試！ 因為兩條友食, 所以冇試甘多新野！   所以嗌jor d 麻甩佬必嗌既野！ 火鍋就要jor 個花雕藥膳 同埋 四川麻辣！   一次過食曬兩個唔同口味！ 嗌jor 個 牛脷托, 外表號靚仔下,  滾幾秒 就食得！ 蟹籽墨魚滑鴨血-係我最愛既打邊爐必食 之一,  放係麻辣火鍋度, 簡直係絕配！ 雞子-麻甩佬先會食！  估唔到 係甘大份！   食落口 唔覺得沉,  新鮮！ 鵝腸-呢個鵝腸都好靚, 油脂比例岩岩好, 滾幾秒 就可以食得！ 爽口 響鈴- 最後黎個響鈴, 先吸入湯個精華,再食落口！  覺得唔錯, 款式都算多！ 而且食物質素唔錯！ 而且 價錢接地氣！  

打邊爐 最講究係 用料同湯底。呢間阿牛火鍋，絕對滿足到要求高既你。湯底：麻辣拼藥膳麻辣湯底辣味適中，麻味香濃，配料有豬紅豬皮等等，岩哂喜歡重口味既你。藥膳湯底好濃既藥材味同花雕酒味，准山杞子當然少不了，打完邊爐記得飲番兩啖補補佢。配料：黃喉大大塊，新鮮，爽口彈牙，配麻辣湯係完美既組合。配料：手打墨魚滑份量十足，比一般火鍋店黎講算大份。墨魚滑手打，彈牙，墨魚味重，食落知有質素，唔似一般火鍋店既粉比墨魚多又少又削，必食推介。配料：美國筒蠔食筒蠔最怕唔新鮮，相信有打邊爐既都試過中伏既滋味。呢到d筒蠔新鮮飽滿，份量十足，蠔味濃厚每一口都係滿足既感覺。配料：黑松露餃黑松露餃中有淡淡既黑松露，雖然味道唔算濃郁，但本來食水餃，講究既係皮要薄，餡靚。綜合各方面算是取得平衡，值得試試。總結：高水準火鍋店。食材新鮮，份量十足，湯底亦十分出色，相信能滿足對火鍋有要求既你，不妨一試。

今日同屋企人食飯，適逢太雨，我地廢事周圍行，就決定近近地係太子站附近覓食，誤打誤撞嚟到呢間阿牛火鍋海鮮大排檔。雖然話自己係大排檔，但係格局相比大排檔就舒服得多，有冷氣嘆，價錢亦都幾親民，火鍋料都好大份。呢度有唔同嘅湯底選擇，豐儉由人，雙拼都只係需要加$5。等咗大概10分鐘，食物已經陸續上枱，上菜速度都幾快。十分推薦手打墨魚丸，用非常合理嘅價錢就可以享受到粒粒真材實料嘅墨魚丸，份量亦適合多人分享。墨魚丸爽口彈牙，蟹籽令口感更豐富。炸魚皮脆卜卜，夠曬香口。蝦滑份量十足，味道香濃。肥牛牛味重，輕輕一淥就食得。配料選擇都幾豐富，充滿大排檔嘅風味。除咗打邊爐之外，呢度都有幾款熟食提供，椒鹽魷魚酥幾香口，不過就比較辣。總括嚟講，價錢抵食兼大份，好啱成家人、成班朋友聚餐。

【#傳統的港式火鍋風味♨️】 最近太子新開既港式火鍋專門店 — 阿牛火鍋海鮮大排檔🐂 佢地既湯底主打以懷舊為主，足料 「老港」湯底，例如蕃茄薯仔牛腩鍋、馬來沙嗲鍋、芫茜皮蛋湯鍋(芫茜愛好者必食)等等經典醇湯底。（平均湯底價格大概$90）今次湯底方面，簡左花雕藥膳雞鍋，藥膳味好重而且湯底真係十份足料！不過本身以為係藥膳雞湯，原來雞件係另上既，所以都係當普通火鍋配料食！食物方面，今次叫左個鮮蝦生鍋（$198），生鍋係昔日大排檔的一種火鍋特色，大排檔主張「大件夾抵食」，會將每日最新鮮的食材已雜錦拼盤形式放埋一鍋，有肉類有海鮮有蔬菜有麵食，以優惠價格出售。岩哂想食飽又咩都想食心思思又有選擇困難症嘅朋友。講起打邊爐，梗係唔少得肉類啦。阿牛有精選靚牛拼盤，由於二個人食所以叫個肉盛拼盤（$288）。重質不重量，份量岩岩好，每款肉類有六塊，包括西班牙黑毛豬、紐西蘭羊肉片、美國安格斯牛小排和牛板腱 全部既油脂分佈都好靚仔 肉味又夠重 食肉必叫！-🎈太子大南街6-8號璟璜大廈1樓及3樓平均傷害：$300

原本約左朋友黎太子打邊爐, 發覺餐廳轉左名, 不過見價錢又幾平喎, 就無所謂, 照去呢到醬油係自助式, 免醬油費, 小食都係免費湯底大約有10 款, 都係傳統湯底,雙併湯底只不過以價高者再加$5, 咁抵實在無理由唔要雙拼揀左蕃茄薯仔牛腩鍋 拼 馬來沙爹鍋, 沙爹鍋零舍惹味我地食火鍋一定要食牛, 叫左極級安格斯牛頸脊, 份量睇落幾多見到有D驚訝, 牛頸脊顏色鮮紅, 油脂分佈靚, 算係薄切, 牛味唔錯鮮四寶丸, 粒粒都係新鮮自家製, 呢個價錢又係好抵食牛肉丸帶陳皮味, 豬肉丸& 墨魚丸都好彈牙, 可惜鯪魚球咬落幾多骨自家炸魚骨, 一睇就知餐廳自己炸, 炸得好薄放落湯底淥一淥, 入口依然香脆韮菜餃, 厚度適中, 正常水準唐生菜都幾新鮮豬肉豆卜, 份量都幾多, 粒粒豆卜鑲上鮮豬肉膠飲品, 本身我地都無諗住飲啤酒, 但見到Budweiser 大支600ml 裝, 都只係 $15, 而且愈夜愈平, 實在抵飲最後仲有生果請我地食

有親友來港數天，下塌於太子站附近，為表歡迎，約他們見見面吃頓飯在所難免，我選了附近的火鍋店，相信他們會喜歡！食肆是在二樓，地方尚算寬闊，作為一間火鍋店，每張檯都有電磁爐是必然的。醬料是可在醬料區自選，選了芫茜皮蛋湯底，接著是選配料。四寶丸有，牛，豬，墨魚和鯪魚。吃得出是自家製的，尤其是牛丸有陳皮味，有驚喜，四種丸都爽彈有肉汁，水準之作。選了娃娃菜和油麥菜以均衡飲食，而且快熟，適合我等心急之人。鯇魚片，是脆肉鯇，不易散，肉爽，有魚味。鱔片，很肥美，滋味的肉質，煙韌彈牙，賣$72，很化算。鮮蝦雲吞，又是自家製的，蝦很新鮮，有雲耳，雲吞皮又薄又滑，好食！雪花肥牛，雖然近期多吃了牛肉火鍋，但也要一碟招呼親友，紅白相間，稍漉便可吃，點沙茶醬能提升肉味。後加了靈芝菇，因想吃多點東西，但又不想吃肉，菇菌易消化，又滑，多多也吃掉。最後用米粉以吸索充滿百味精華的湯底，芫茜的香氣雖然不是每個人都喜歡，但剛巧我和親友都是芫茜怪，還有皮蛋，這碗米粉真的好吃到一個點！餐後還有西瓜送，服務很週到啊！

太耐無打過邊爐，又係時候要去下，天氣熱都無阻食慾！今日到呀牛火鍋海鮮大排檔，實在有好多出色地方要分享！餐牌選擇太多，好多吸引的但胃袋有限實在可惜。餐廳以炸青豆替代花生做餐前小食，個人好中意，比花生好太多！馬來沙嗲鍋，沙嗲香味撲鼻，湯底内有瑤柱蝦米增加鮮味，香而不辣，非常適合我！自家製竹蓆茅根，店員十分推介的，餐廳自家製的，比較欣賞係甜度合適，好多時其他餐廳都係糖水比例更多，今次我好喜歡！打邊爐主角當然係極品手切本地肥牛啦，入口一下已被超濃牛肉味佔據，滿口牛香真係非常美味，而且脂肪比例平均唔會太肥無肉，肉質較嫩，推薦！羊肉片性價比非常高，雖然片數唔多，但每片都好大塊同厚切，羊味十足而且唔羶，都只係48蚊！這杯好似刨冰的係墨魚滑，夠嫩滑當然是基本，上面有蟹籽鮮味同賣相都同時增加，內裡有馬蒂來增加口感層次！餐廳內有魚缸放置海鮮，確保一定新鮮，桂花蚌的確可以證明，入口濃厚鮮味，加上吸收左沙爹湯的味道，再者口感非常爽口，一大碟2個人食哂都唔覺得夠！另外值得一提係店員服務態度好好，除左自覺加湯基本事情外，笑容亦非常親切。總括而言，餐廳已被我收藏，準備下次再來！

一開始係因為見呢間餐廳係新開，上網睇圖係老北京火鍋果種中間有煙通嘅鍋，覺得好有特色咁，點知去到係普通一個鍋🥺，幸好味道唔錯🤪，算係無白黎一趟。芫茜皮蛋湯鍋（$65）皮蛋質量好靚，芫莤味重得黎係飲得出無加味精。極級安格斯牛頸脊（$198）份量唔少，牛肉十分新鮮，食落嫩滑無根。冰鎮極上鮮牛（$80）一開始點果時都唔知原來係剌身，薄薄一片，不過生肉唔係人人接受到，用黎打邊爐一樣得，數秒就食得，正！鯊魚魚唇（$70）食落一啲都唔腥，仲有豐富膠質同蛋白質，養顏一流。意式芝士牛丸（$68）係自家製，裡面嘅芝士好足料。豬肉丸（$35）都同樣係出面食唔到嘅爽口彈牙。道地解茶&道地芒果玉露（各$12）價錢合理，解渴岩曬。總結係性價比不錯，值得再來。

以下是今晚所吃的 叫咗咁多樣嘢六百蚊有找 兩個人都已經食唔曬 性價比超高豆腐清湯鍋 由於呢排食得太豐富所以點咗個清清地嘅鍋底 主要材料係蔬菜頭豆腐 完全冇脂肪 味道清新清甜 又唔會蓋過食材嘅鮮味白鱔片肉質爽脆 而且無骨啖啖肉 魚皮煙韌彈牙 油份豐富肥美鵝腸 店員非常貼心提醒我哋 在鍋中來回十下就食得 條條爽脆彈牙 完全冇內臟腥味豬肉豆卜而家喺出面好難搵到呢款懷舊食材 豬肉打至起膠 彈牙而且鮮味 豆卜吸收咗湯底嘅精華咬落去有爆汁嘅效果芝士牛肉丸估唔到份量有咁多 粒粒用鮮牛肉 製造而成 中間嘅餡料用咗意大利芝士 味道相當濃沃 而且有拉絲效果冰鎮極上鮮牛 原來係生食嘅牛肉片 一於一試！牛肉片塊塊色澤紅潤 目測相當新鮮加啲豉油wasabi 配上新鮮洋蔥即可食用 估唔到又幾好食喎 完全冇肉嘅血腥味 食落有啲似吞拿魚生咁加拿大桶蠔一碟有六大隻 好抵食 隻隻有手板咁大隻 真誇張生蠔滾完出嚟都仲咁大隻 就算有縮水都係縮咗少少 依然啖啖肉 好肥美呢度除咗有一般嘅火鍋配料提供之外仲有活魚及刺身料理 價錢相當親民湯底仲有多款選擇 大概有十種 鍾意老火湯或者簡單懷舊湯底 任君選擇亦可雙拼鴛鴦鍋 以價錢較高的一