阿牛火鍋海鮮大排檔 (已結業)

今日同屋企人食飯，適逢太雨，我地廢事周圍行，就決定近近地係太子站附近覓食，誤打誤撞嚟到呢間阿牛火鍋海鮮大排檔。雖然話自己係大排檔，但係格局相比大排檔就舒服得多，有冷氣嘆，價錢亦都幾親民，火鍋料都好大份。呢度有唔同嘅湯底選擇，豐儉由人，雙拼都只係需要加$5。等咗大概10分鐘，食物已經陸續上枱，上菜速度都幾快。十分推薦手打墨魚丸，用非常合理嘅價錢就可以享受到粒粒真材實料嘅墨魚丸，份量亦適合多人分享。墨魚丸爽口彈牙，蟹籽令口感更豐富。炸魚皮脆卜卜，夠曬香口。蝦滑份量十足，味道香濃。肥牛牛味重，輕輕一淥就食得。配料選擇都幾豐富，充滿大排檔嘅風味。除咗打邊爐之外，呢度都有幾款熟食提供，椒鹽魷魚酥幾香口，不過就比較辣。總括嚟講，價錢抵食兼大份，好啱成家人、成班朋友聚餐。