阿牛火鍋海鮮大排檔 (已結業)

去左一間幾有佬味嘅地方打邊爐，雖然環境唔精緻，但係食物有驚喜。極級安格斯牛頸脊叫得阿牛，應該都係主打牛，而且呢個價錢唔貴，所以就試吓。點知一上枱，真係好驚喜，估唔到佢咁大碟，食落去，唔係得個樣，好嫩滑，好好味。呢個價錢我估出邊食可能只得一半。自製炸魚皮又係嘩一聲嘅料，超長，而且都幾脆，不過個粉多左少少，但超飽肚。加拿大桶蠔上網見到食評話好大隻，所以都係必點嘅料，其實餐廳都幾有心思，會用冰鎮住d蠔。真係好大隻，食落口好過癮，美中不足有少少沙。另外都叫了鮮蝦水餃及三款丸，唔算好特別，正常味道。