阿來泰式地道風味

营业中

休息中

月前在朋友A小姐的個人臉書看到她大推一間泰國菜，並講到那種味道和辣甚具特色，令她驚為天人！而碰巧在不久後就約她晚飯，本來是打算去吃大阪燒，卻遇上大排長龍。正好問她：＂咁不如就今次妳帶路，去妳上次話好好食個間泰國野？＂講起來若想在九龍區想吃泰國菜，很多人的首選都會在九龍城。但其實近近地，旺角其實也有不少選擇。所以今次的這篇文，與其是筆者我的推介，倒不如說是她的推介更加準確。而她帶我去的地方，其實是很多人都常經過的通菜街。中間屹立著一間不太起眼的泰菜小店，名為＂阿來＂。＂阿來＂，在泰文意指好味的意思。語帶相關，這餐廳的命名有意思得黎又簡潔。它只是一間約雲吞麵店大小的小店，更說不上有很華麗的裝修，用的就是實事求是的態度。順帶一提，尖沙咀的＂呀來＂並不是它的分店，別去錯了！Menu也是似茶餐廳的風格，但選擇上極多，更有二人餐或四人餐等選擇，而且全日不收加一，可謂抵食又貼心。而由於A小姐對部份食物敏感，所以最後還是散叫。Ａ小姐先來一杯咸檸七；而我則選擇叫泰象啤。說起來自兩年前泰國一行之後，就再沒緣飲過它。兩年一別，味道格外清新。先上檯的是泰式炸春卷($68)，由於剪得不好，賣相上可以說是有點參差

貓貓旺角買完銀包就去食泰國野啦。已經好耐冇食泰式海南雞，今次見到有，仲要係無骨海南雞。開心哦。海南雞好滑，彈牙。而且無骨，酸辣醬整得都幾惹味，一齊食越食越開胃。貓貓開曬胃，黃咖喱牛腩又點會難得過貓貓。咖喱真係整得好香，香濃既咖喱同牛腩好夹，牛腩彈牙又軟，幾入味。食咖喱，蒜蓉包唔可以少。蒜蓉包同咖喱呢個組合真係天作之合，好惹味呀，貓貓食到濕曬個嘴。食泰國野，椰青唔可以少。清新椰青，輕輕甜甜，好夏天feel。食得好滿足，價錢又平，貓貓覺得一流呀！

今日口痕忽然間諗起泰國野，就落去旺角食，食完順便去旺角shopping。黎食泰國野又點可以無馬拉盞炒通菜呢，味道夠辣而不濃，馬拉盞香味超撲鼻，通菜炒至青綠又夠嫩，為成餐飯揭開序幕。再黎呢度特色既鐵板蠔仔蛋，超多蠔仔的說，蠔仔每粒都差不多成隻手指公咁大粒，食落嫩滑蠔汁爆多，炒蛋炒成金黃色更充滿蠔汁味道，配以泰式辣醬味道更惹味，用鐵板上更能保持溫度添。跟手叫左呢份泰式燒豬頸肉，外皮燒到香脆，肉質保持住豬頸肉果份軟淋淋既口感，仲有秘製泰式辣汁，酸酸地辣辣地食落就更加惹味呀。泰式粉絲蝦煲，蝦肉嫩滑而帶點微辣，令蝦既鮮味更能滲出黎，粉絲煮到非常爽，而且粉絲係索水既關係，食落充滿住蝦汁同蝦膏，就更鮮味了，這個配搭係絕配。最後仲有甜品椰汁西米糕，椰汁味夠香濃，淡淡椰香配上西米粒粒既口感，令這份晚餐更添飽滿感。

太耐冇食泰國菜啦，呢間好大間又多客應該吾錯就去試下。都吾洗點等，就可以入到去，嗌左好想食嘅明爐烏頭，加碟炒通菜已經夠晒正，加碗飯簡簡單單就好好食。先嚟炒通菜，可以選天馬，會帶點辣嘅，馬拉盞同蒜選擇，我就選左馬拉盞，我覺得泰國菜食炒通菜係好正嘅，炒得好香，通菜又吾老，都好大碟，吾錯。吾洗好耐烏頭嚟啦，明火咁有係爐heat住條魚，另外仲好細心咁加左碗魚湯，同醬料，魚上面加左好多肉碎，所以個魚湯好鮮甜，又帶點酸酸地，好開胃，魚應該煮到岩岩熟，再heat住食都吾會老，魚肉仲好嫩滑，幾好食。加左兩杯飲品，我要左椰青，椰青好大個，入面d椰青水滿到就漏出嚟，好清甜涼快，朋友就嗌左青檸梳打，看來都吾錯。整體好滿意，又吾洗加一，幾抵食。

行下行下旺角就開始搵野食了，見到有間唔使加一咁正嘅餐廳！諗都冇諗就入左去lu！咁我就叫左個肉碎生菜包，海鮮炒金邊粉，同埋蝦餅，仲有一杯三色冰。首先，個肉碎生菜包嘅肉碎都一啲都唔少，數量都幾多，而且食落辣辣地，配埋生菜，唔錯唔錯，可能第一次咁食，感覺好新鮮。其次，海鮮炒金邊粉都係好大碟，一上枱嘅時候賣相好靚，有個蛋炒到呈網狀咁放左係面，食落都好唔錯，以呢個價錢黎講嘅話係叫低食呀。而蝦餅係正常發揮，食落唔會太厚粉，不過份量就唔太多，加上三色冰都係一樣嘅發揮。整體感覺都係唔錯，性價比算係高！

平日既夜晚行過通菜街一帶既食肆見到呢間"呀來"有人排緊隊,見到價錢都唔係好貴就決定跟下風喇!到到有位既時候先知原來呢間餐廳係有2層既,全部檯都full晒前菜當然要叫返個木瓜沙律,木瓜絲刨得好幼細,份量算幾多,同平時食開既木瓜沙律一樣都係有少少辣,但係好開胃,所以做前菜真係最好不過泰式炸蝦餅,新解熱辣辣,個粉漿唔會好厚,咬落去好脆口,不過覺得份量比較少,呢到夾埋都係得3個蝦餅,所以要飽肚啲既話叫串燒好似抵諗啲!火山軟殼蟹法包, 上菜既時候好香咖喱味!因為個法入面就係裝住軟殼蟹同埋咖喱汁既,可以將個法包湛啲咖喱汁黎食!而個包本身有焗過,所以係熱既,而軟殼蟹果然係岩晒我呢啲懶人,因為唔洗再用力咬蟹殼!哈哈椰青做飲品可惜今次個椰青唔夠嫩,刮啲椰青肉要大力啲先刮到!最後想讚下呢到既上菜速度幾快,落完單5-10分鐘就不斷出野食了

同朋友簡簡單單的一餐.. 又想食辣野.. 咁當然就要首選泰國菜..  去左新開阿來泰國菜館食..當然我地星期六竟然無book位又勁多人.. 足足等左成大半粒鐘先有位.. 建議大家去之前一定要訂座呢.. 個人等左咁耐都熱辣辣叫左材野飲飲下.. 不過飲品味道就一般般.. 我會寧願飲返港式野飲算.. 青檸梳打:  青檸味不夠.. 如果一粒會更好..椰青: 夠清甜同新鮮.. 飲完晒仲有得食.. 椰汁3色冰: 沒有3隻色.. 味道一般.. 冬蔭功湯: 辣度剛剛好而且好香噴噴.. 只係叫左細碗.. 都勉強夠3個人分3碗..  不過勝在夠足料.. 好多茹類同車哩茄都係我最愛.. 但朋友就話D蝦唔係幾新鮮.. 蝦肉煲左湯都已經無咩味咯.. 不過湯的味道確實係一流.. 泰式小食拼盤: 蝦餅及魚餅都好香口.. 蝦餅咬落口就好彈牙.. 外皮脆卜卜.. 魚餅煎得剛剛好.. 而雞翼就相比之下就平平無奇.. 春卷外脆內軟.. 似係即叫即做咁.. 整體來說不用點醬汁都夠味了..馬拉盞炒通菜: 通菜食落一D都唔老.. 但食落不夠香口只有一點點辣椒絲.. 略嫌辣味不夠.. 而且感覺有點似大排檔少通菜.. 港式味道..

旺角泰國餐廳好多，但係有特色嘅就唔係有好多，呢一間泰國餐廳非常之地道，而且好有特色，絕對值得推介店面同一般泰國餐廳冇乜大分別，不過一入到去見到有好多客人，遲一步都會冇位坐，所以星期六日最好先預約。炸蝦餅基本上我食親泰國菜都會點呢一道菜，因為呢個小食非常好食，即叫即炸，所以入囗仲係熱辣辣，非常之脆口，蝦肉好彈牙，蝦味好香，like泰式粉絲大蝦煲雖然食泰國菜預左食辣，但如果每一道菜都辣的話，就會好辣，所以一定會點番一兩個唔辣既菜，而呢個粉絲煲就係唔辣菜式既推介，大蝦好大隻，又甜又彈牙，而且已經開邊，方便食用，蒜香味濃，粉絲索哂蝦既鮮味，從未食過咁正既粉絲，超正！馬拉盞炒通菜馬拉盞好香，通菜上鋪滿炸蒜，更加惹味，通菜又爽口，泰"菜"必食之選椰青又夠凍又夠甜，椰味又好香，非常清心解渴，食泰菜一流呢間泰國菜簡直超水凖，估唔到旺角有間幾好食而且價錢又合理既泰菜，一大班人食飯之選！

旺角除左西洋菜街外，先達附近都有唔少餐廳今日就好似發現新大陸咁，搵到一間泰國菜館，味道都唔錯，可以同大家分享一嚟先試生蝦刺身生蝦刺身伴上蒜蓉、辣椒，唔單只食到生蝦嘅新鮮味蕾上又帶點刺激，作為開胃菜十分之醒神蒜蓉炒通菜普通嘅家常菜，出去食就可以食多一陣鑊氣蒜蓉味十分之足，但又唔會過咸，通菜本身又新鮮，清得好快串燒沙嗲半打 豬牛雞串燒沙嗲係是日精選，以上三種串燒都相當之惹味而且燒到外脆內嫩，真係成功能夠鎖住肉汁，唔係間間餐廳都做到 當中最喜歡就係雞肉串燒，肉質仲係一絲絲西米糕就可以為是日既泰式菜畫出一個圓滿句號 上面係椰汁糕，下面唔單止有粒粒西米，仲伴有粟米粒口感非常多層次而且又唔會過甜

去泰國食地道菜，一定係價錢平，仲要係一諗起嗰味菜就一定會知道係來自泰國的菜式。最近得知旺角有一間打正名號話食地道泰菜，所以就要試一試。餐廳裡面的格局比較本土，迎合番香港人的地道文化。泰式炸蝦餅呢碟 泰式炸蝦餅 每一件都好大舊，而且件蝦餅熱到噴煙，要一邊喝著飲品一邊食。點過側邊的泰式辣醬一齊食用，真係好惹味。燒豬頸肉呢味 燒豬頸肉 切得好薄身，所以好容易咬開。而肉質食落唔會太乾，加埋醬汁點來食更突顯到豬頸肉的香味，成件事係好配合。菠蘿炒飯菠蘿炒飯 差不多是我好多時食泰菜時會點的，而呢一碟給我感覺係海鮮和菠蘿都係大大件。既有菠蘿和海產的鮮味，亦有側邊肉鬆的甜味，醒胃到會不其然爬多兩啖。其實食完真係好飽飽，而且又唔係貴，確實抵食~

難得星期六，可以約個朋友出去旺角行下，落到小巴站等佢，見到一間叫做阿來的泰國餐廳，剛剛前幾日好想食海南雞，又食唔到，於是即刻捉埋朋友入去食個lunch先.雖然只係例牌，但係都算幾大碟。海南雞啲肉好滑，好香雞味，當然個醬汁先係靈魂所在，酸辣度恰到好處，完全帶出雞的鮮味，好味到連啲雞皮都一齊食買。叫咗六串沙嗲，三串係豬三串係雞，呢個沙嗲燒得幾乾身，而且好香，個沙嗲汁幾甜，香港人會好啱食，唔太辣嘛。朋友就想食菠蘿炒飯，上菜嗰時個炒飯都幾香，仲有兩隻有時大有爽的蝦肉放在上面，賣相都幾好！除咗可以拌少少肉鬆，炒飯本身裏面有細粒粒的泰國臘腸，好惹味。

今日約咗好姊妹旺角dinner，我早到咗行過見到間泰國菜餐廳，見到鋪內幾乾淨同埋好耐無食過泰國菜就決定揀呢間試，當時6點幾又唔使排隊，但到差唔多7點鋪外已開始排隊。我地點咗4道菜，有我至愛生菜包、泰式明爐烏頭、咸肉抄椰菜苗、金沙抄大蝦。 我至愛生菜包~無令我失望，味道適中，好好味好惹味但又唔會太咸，仲好juicy，帶少少辣令人胃口大開。 泰式明爐烏頭~食泰國菜必點菜之一，魚肉好滑，魚點湯已幾好好食，仲有個泰式特制醬汁比你點魚肉食，超惹味，個湯 好開胃酸酸地再配合啲配料簡直令人胃口倍增，我地將配菜都食晒。ͻ 金沙抄大蝦~碟蝦望落唔夠full，但味道唔錯 很濃郁嘅蛋黃味同口感，蝦肉夠爽滑。 咸肉抄椰菜苗~又係泰國必點菜之一，我只見過泰國餐館有呢種菜點，口感好好配泰式抄法好惹味，同好新鮮好翠綠啲椰菜苗。 識飲一定食泰國菜飲泰啤喇，大象啤，平時我唔點飲啤酒嘅我都不停乾杯，暢快無比~絶配。

我由細到大都好鍾意食泰國菜㗎， 鍾意佢嘅配料味道調得好出色，而且款式亦夠特別。 食泰國菜就當然要點返支象啤飲下啦，咁先夠曬地道㗎嘛 只有泰國菜館先有得點嘅椰菜苗 ，一般都會 跟返 咸豬肉食，我覺得呢個配搭先至 係最正嘅。 咸豬肉嘅豬油香味滲透咗喺椰菜苗度，令到椰菜苗更加翠綠 香噴噴。 黃金蝦，其實呢一道菜比較港式大排檔風味， 不過坐喺泰國菜館食起上嚟 錯過真係好似變得泰國風味左😂😂 泰式明爐烏頭好大條呀 ，點著火燒到佢熱辣辣一邊食， 更加風味。 唔會好辣而且調味料以蓋過烏頭嘅泥腥味 上湯更帶出魚嘅鮮味 雖然覺得佢好大條 但係兩個人不知不覺食食下又食曬佢成條喎haha 泰式生菜包，每次 去食泰國菜， 唔知點解有一定會點喎， 梗係會有啲情意結 呢間嘅泰式生菜包 味道比較重一點， 較為惹味， 就是生菜嘅份量比較少食到最後要加多六蚊點多一份生菜先至夠滿足。

近日口痕想encore泰菜，朋友咁啱又提起去食泰菜，咁就相請不如偶遇收工即去！經朋友介紹下，去左阿來泰式試一試😋地方好就腳係旺角站行出來，過一條街到，因為係地下鋪，好顯眼所以唔難揾餐廳有上下層，我地係樓下坐;大概到左晚市食飯時間，餐廳門口等位既人都逐漸多左，建議大家都係book位穩陣🤔餐廳環境舒適，乾淨企理，最怕係地下污糟有水😖，因為餐飲主打木製家具，俾人感覺好似返左屋企冬蔭公湯，急不及待想試，其實都幾辣😅，唔食得辣，食小辣可以試下但是正宗泰國風味😀，會感覺到好有椰香味飛天炒通菜😗，帶有少量辣椒，加左啲豆抄，配搭口味唔錯😆，一d都唔輸蝕腐乳炒通菜，送飯一流燒雞軟骨，我至愛😆，超級好食😀😄，不同日本放題餐廳，燒得剛好，咬落脆口，帶有汁好juice椰汁三色冰，超好飲，好香椰汁，飲落好綿滑，價錢都合理👍，真心推薦服務同食物都有一定質素👍🏻

耐唔耐試下泰國菜，都係一個不錯選擇，今日行開旺角，打算係度開餐，朋友講起有間地道泰國餐廳，於是乎上網，係旺角通菜街，阿來泰式地道餐廳開始是日晚餐😆🖖🏻。餐廳內係一系列既木製家具裝潢設計🤔，環境舒適，感覺都好似處身泰國食地道風味小菜。二人座位是是正正，乾淨企理，雖然係擠迫左d，但勝在餐廳地方有限，都容許樓上座位full晒，都好在我地早到，餐廳外已是大排長龍。泰式肉碎生菜包，係好正宗既泰國野食，來到一定要試，堅係好食，雖然韓國料理都有呢味，但相比之下，我更加喜歡，岩口味。肉碎上有粒粒好似nuts既野，唔知係咪，但食落口感似，係完全搭👏🏻👏🏻，好新趣既食法。青咖喱，配搭有海鮮，有雞，豬，有牛……，好多選擇，今次試下牛，睇下係咪特別d。結果出乎意料地好搭，牛煮到唔韌，好入味，原先以為青咖喱會係好辣，因為未食過，所以意想不到會係甜，口感真係唔錯👍，青咖喱唔易煮，呢個好價錢合理。酸辣鳳爪沙律，好正，好清新，鳳爪好爽口，食完主菜，叫個小食是不錯的。配菜，有我至愛既西芹，莞茜，酸酸甜甜入口，好正。泰式咖啡，點可以錯過，加奶好滑，有點甜，未有帶走原有咖啡味道，反而帶出泰式咖啡既特色。友人叫左杯青檸梳打，