阿來泰式地道風味

营业中

休息中

抵食＠阿來泰式地道風味 旺角搵食實在愈來愈難，基本上都被連鎖式食店佔據了市場，味道千篇一律～ 想食得特別一點，一係就好貴，一係就質素不好 早陣子和友人shopping完在先達附近找到了一家排長龍泰式小店，見價錢便宜而且多人食，便決定入去試試看～ 晚上７點左右，人不萛太多，我們等了１５分鐘就入座了，之後見門口愈來愈多人等候，而且排隊人們不單止年輕人，而且還有老外和公公婆婆，相信這裡的口味非常之大眾化！ 雖然門口很多客人等候，但入面的座位沒有為了招呼更多的客人而擺滿桌椅，空間感十足，而且冷氣強勁，原來入面都很多位置，所以不用等很久便能夠入座 食物款式很多，一般泰菜館有的這裡都有供應 窮人恩物，一份泰式雞扒飯大大碟才＄４８不用加一，我眼見好多年輕人和打工仔都是點一客飯，食飽飽就走，飽肚又抵食～ 飲料有很多泰式飲料選擇，都是＄２０左右 明爐冬蔭功烏頭＄１６８ 明爐冬蔭功烏頭份量非常之大，跟一碗冬蔭功湯同上 肥美的烏頭用，香茅，南薑、檸檬葉 、指天椒、蕃茄 芫荽，唐芹等一起煮，未食已經聞其香味 魚上桌之時是半熟狀態！之後把魚和魚湯擺上爐上繼續煮～ 雪白的魚肉食起來因此不會過老

同男朋友去睇完戲，佢就話想食泰國野，咁我地就上網搵左一間食泰國菜的餐廳！一去到好多人排隊等位，我哋就等左一陣，喺門口睇咗一陣餐牌就到我地啦，如果下次一定要記得早啲去排隊！我一入到餐廳，員工都好有禮貌帶位同幫我地落order👍🏻因為今日實在太熱啦，我第一時間係叫咗個椰青消暑先，椰青肉好甜好滑，椰青水亦都好清甜介紹下d食物先😋咖哩炒大蜆咖喱汁好濃好香好入味，蜆得好新鮮好大隻，因為咖哩汁又正，我地仲叫埋蒜蓉包一齊食Tim 泰式木瓜絲沙律我每次食泰國菜係必點的，辣度適中，酸酸辣辣，好胃口，還會上引😂泰式粉絲大蝦煲好多好香嘅薑蔥味，我好鍾意😍大蝦都好大隻好爽口，仲有好多好多的粉絲，下次一定要encore串燒沙嗲（豬肉同雞肉）一定要推介大家食，因為個重點唔係d肉，而係個沙嗲醬，好香好好味，係成個串燒嘅精髓馬拉盞炒通菜雖然係馬拉盞，但係有少少蒜蓉香味，令到通菜更加入味更加香口，通菜亦都唔老，都好新鮮冬陰公湯個湯好香好濃，酸中帶少少辣，加上湯中嘅配料都好多，有大蝦、菇、蕃茄⋯令到湯更加入味總括來講，間餐廳食物選擇多，員工服務都好好，價錢便宜，又唔使加一服務費，我覺得真係物超所值，下次我都會再encor

難得今日放假，當然要約班姊妹出黎聚下，見下面傾下心事，其中一個姊妹話想食泰國菜，禁就去佢介紹既旺角阿來泰菜成班人行到好肚餓，排緊隊個陣已經睇緊食咩好餐廳會提醒客戶菜式可調校合適既辣道，最岩鐘意食泰國菜而又食唔到太辣既人，好貼心呀泰式生蝦，呢個係食泰菜必點既菜式一共有八隻，每隻都非常爽脆，再配上生蝦汁，蒜片和辣椒一齊食，超好味泰式粉絲大蝦煲，大蝦係虎蝦黎，好大隻粉絲不會太碎而且炒得很乾身，正泰皇咖哩炒大蜆，咖哩味超香，大蜆完全無沙蒜蓉飽，叫得咖哩當然唔可以唔叫蒜蓉飽啦，蒜蓉飽熱辣辣，脆卜卜細冬蔭公湯，配料十足，夠酸又夠辣，好好味半打串燒（雞和豬），肉串加上濃郁既沙嗲醬，非常惹味食到停不了口，哈哈甜品就係芒果糯米飯，鮮甜芒果和有咬口既糯米飯好夾，口感十足總結：食物好好吃，上菜快，餐廳又貼心，走的時候看見餐廳係收凌晨兩點，以後又多一個宵夜好地方

family day同家姐、爸媽四人行，突然好想食泰菜，就決定今晚黎呢間阿來泰式餐廳醫肚20:00左右我地就入座啦！太懷念係泰國既時候！由其係泰國既美食！既然呢到話明係地道泰式菜！一定要好好試下先第一道開胃菜先（泰國木瓜絲沙律）-爽脆木瓜絲加上酸甜辣汁，再加上果仁碎小蕃茄！頓時有回到泰國既感覺泰式生蝦-冰凍生蝦加上蒜塊，沾上泰式生蝦汁！必食大蝦粉絲煲-半只手掌咁大既蝦，肉碎加粉絲，配上香料調味！惹味汁燒原隻魷魚筒-新鮮彈牙！烤得剛好！加上汁料食好懷念好回味泰國街邊食烤海鮮既時候！生菜包、馬拉盞炒通菜-必食的地道泰菜！串燒拼盤、冬陰公湯-足料！香味十足！最後梗係要黎返杯泰式青檸梳打！完美！總捨來講，好滿足既一餐！完全有令我迅間回到泰國的感覺！

正宗泰味道！！超級無敵泰國迷的我！終於係香港搵到泰國故鄉的味道！！！雖然不是泰國人！但番泰國多過番鄉下！野食正宗唔正宗！係咪地道泰國味一食就知！！識飲緊係飲三色椰汁冰！濃郁既椰奶加上三色椰果！！！超級消暑！！！特別適合熱辣辣的夏天！芒果糯米飯！！D芒果超級甜！！！而且糯米飯好鬆軟！！試過好多間香港泰國菜D糯米飯都好硬！但呢間真係好正！！無敵生蝦！！！生蝦好大一條！！一碟有八條！！夠曬口癮！！而且配上真係超正宗既泰國青辣椒醬！酸酸辣辣！！非常開胃！！特別推介生菜包！呢間生菜包真係好正宗！！泰國最地道！！生菜分量都好足！肉碎都超級無敵入味！！！汁燒魷魚筒！！好大條啊魷魚！！超有肉感！！而且配番泰式酸甜醬！！！真係好有芭堤雅feel！！瞬間穿越泰國！！呢間阿來！！真係無得彈！！

在和男朋友剛剛開始拍拖的時候，在旺角行街，相信也是一般情侶都是常見的活動。當年行得累了，加上附近有一間抵食的泰國餐廳，於是當天我們就在那兒食個飯了。而在一年後的今天，我們再次來到這個地方，看看食物的質素，是否和我們的感情一樣無變。坐下之後，我問調皮地問男朋友，記唔記得當初我們在這兒吃的是什麼呢。男朋友摸一摸頭，大概講了幾道泰國菜式，他竟然忘記了。男人真係好冇記性。於是，我忍唔住終於說出了答案。他當時吃的是海南雞飯，我吃的是冬陰公湯金邊粉。本來想叫返上次一模一樣嘅菜式，可是胃口不太好，只叫了一個雞飯和一道小食，加多一味炒菜。海南雞飯仍然都似以前一樣，雞肉鮮嫩，油飯識落香口，油分又恰到好處。當店員看見男朋友在撕走雞皮之後，還細心地提醒我們，原來可以叫師傅走皮的。夏天冇乜胃口，所以叫左泰式炸魚餅。魚餅做得好香口，點上泰式酸辣醬又彈牙，好好食，少少辣。雖然有少少熱氣，不過一次半次都唔算過分啦。而泰式鹹肉炒椰菜苗都是在泰國餐廳，必點的炒菜。椰菜苗本身是在泰式餐廳以外，都幾難有得食的蔬菜。加上大量炸蒜，椰菜苖炒得好香口。所以話，食得均衡健康都好緊要，而均衡健康同好食原來是可以並存嘅。另外餐廳的店員

本人睇到咁多好評黎食呢間野一坐低見到隔離枱既野食，就覺得同open rice 既好評完全不符，D 評論讚到天上有地下無, 但賣相非常求其味道都普普通通，唔難食既，係旺角女人街或者一般港式餐廳既質數一啲都唔值得有咁多好評, 我自己就俾唔落叫杯水叫3次, 成間鋪好多STAFF架喎旺角，Ｄ位當然又迫又窄啦炒菜-油浸咁嘅炒飯 好似屋企炒果隻咁，一D鑊氣/餐廳水準都無同九龍城差天共地.我自己見到D咁既環境就唔敢試 生蝦刺身喇, 生野唔知佢地有無處理好價錢亦都唔係特別平希望OPENRICE 可以唔好 過濾D 負評

當看到了這餐館名叫阿來泰式地道風味， "阿來"係泰文的意思是 好味道！ 而且心血來潮想品嚐一下地道風味的泰國菜！ 餐館簡潔清新，坐位略嫌迫了一點！ 坐下來看看餐牌， 點了幾款菜式， 滿心期待呢！泰式香葉肉皮炒河沒有令我失望呢， 而且有驚喜， 廚師炒得很野味，泰式香葉果然是這碟菜的靈魂， 不可缺失的，這裡的河粉不是平時食的粗河或幼河， 他們是選用一片片的河粉， 炒出黎效果有意想不到的滋味呢無骨海南雞飯：雞肉份量多， 但略嫌不夠滑口， 飯粒香軟，雞肉必定要點這個秘製醬汁， 帶有少少辣， 非常開胃！跟餐會有飲品， 平價之選三色冰， 好解渴， 不會太甜對於我地呢d 小吃貨， 又點可以唔食多一兩個小食頂下口隱呢～蝦餅是不二之選啦！ 外層香脆， 蝦肉彈牙， 只是有點熱氣姐， 但間中食下也無壞呀夏日炎炎又一推介食品～泰式無骨鳳爪沙津既然無骨就唔洗怕失儀態啦～又唔洗lur 骨， 好方便！而且咁熱天氣無咩胃口， 這款小食酸酸甜甜夠哂開胃啦

有一位老友很喜歡吃泰國菜，之前去第二間泰國菜也是和他一起去。這間聽說是平民版的高質素泰國菜，由於地下無位，所以我哋就上咗樓上，佈局比較似茶餐廳，有數張大圓枱，有很融洽的氣氛。椰青＄35 吃泰國菜，最喜歡就是飲椰青，清新清甜。特別在夏天，一款清涼的椰青實在是不二之選。這個椰青大大件，而且旁邊的椰肉也是鮮甜無比。泰象啤（大枝）＄35朋友喜歡喝啤酒，泰國啤酒的最大特點就是他不會太苦澀，反而是清清的，無論是男生還是女生都一樣適合。炒飛天通菜＄68通菜可以選擇幾個煮法，選擇的這個方法就是有一些蒜蓉，也有一些辣香味，少少油但是已經非常爽口美味。阿來海南雞冇骨飯＄52海南雞等左5分鐘都冇就已經上枱，賣相OK。最緊要是海南雞真的有海南雞的感覺，當然皮我們是不吃的，減肥。吃起來還是偏白色的會比較鞋口，整體是剛剛好。加上有油飯，加上這個醬汁是必吃的！我一般對醬汁都沒有什麼好感，喜歡吃原汁原味，例如烤雞。這個醬汁雖然看起來深啡色，但是吃起來酸酸甜甜又開胃又美味。海鮮什錦喇沙$45喇沙45分在旺角區算得上很抵吃，海鮮配料又豐富，包括有蝦仁、魷魚、青口等等。連豬紅都有👍🏻喇沙湯底都尚算香，這個價格已經對得住了。

約左人趕時間食飯,用最短時間係OPENRICE搵一間評分高又唔貴既餐廰,係正先逹對面,人流十分之多,但都有位,款色真係好多,不過真係無時間慢慢睇每枱都有3款醬料最辣係辣椒粉海南雞飯,用雞脾肉,滑滑的無肥糕但雞皮小小厚但都可以接受美中不足無海南雞飯既醬油同薑豬牌飯,勁多脾,好軟好淋醬汁都多,配白飯一流好得意,臭草粉絲炒蛋貪佢平平地又未試過但係幾好味,睇落好多好大碟,但食下食下都成碟食晒前後食飯只係用左半個鐘真係快靚正~~~

泰式炸蝦餅＄68一碟有6舊，每舊都係啖啖肉，好厚肉，炸粉簿，點上醬汁更加好味，泰式酸辣醬。鹽燒鯽魚 $138鯽魚上面有一啲鹽，未點醬汁食呢個鯽魚，食到有少少鹹嘅味。鯽魚燒完仲保持到肉汁，肉質好滑身，有水份。個醬汁有少少辣有多多酸，見到個醬汁有少少辣椒，點個醬汁更突出鯽魚味道，酸甜開胃。海鮮什錦喇沙 $45呢個喇沙幾抵食，入面有兩舊豬血，兩舊魷魚，兩舊大蝦，兩舊豆卜，兩舊蟹柳等等，材料好豐富，絕對值呢個價錢。呢個喇沙湯底偏辣，有少少椰汁味。

朋友突然之間話想食泰國菜，就陪佢近近地去咗旺角食，之前已經食過一次，覺得味道唔錯，所以就建議食呢間喇。雖然，鋪仔細細，但都好多人食嫁！因為同朋友都唔算好肚餓，所以就決定叫一碗麵同兩個小食，一齊share食。海鮮雜錦喇沙呢碗喇沙超足料，有好多種海鮮，大蝦、青口、蟹柳、魷魚、豬紅、豆卜，樣樣齊，仲要唔只得一舊，share就啱啱好。喇沙湯底好濃郁，同一般嘅喇沙唔同，相比起椰奶香，呢度嘅喇沙香草香辛味比較重，米線煮得偏軟身，入哂味；而海鮮亦尚新鮮，彈牙；豆卜吸哂湯底嘅香辣味。泰式炸蝦餅炸物一直係朋友嘅至愛，見佢食得咁開心，我都好滿意，冇介紹錯！炸蝦餅炸到卜卜脆，炸粉唔厚，蝦餅大大舊，蝦滑打到好彈牙，配埋泰式辛辣醬，酸酸甜甜，感覺又冇咁熱氣。鹽燒側魚側魚大約一個半手掌咁大，份量充足，魚表面佈滿鹽粒，驚太咸嘅話，可以先輕輕撥走少少，側魚煎到啱啱好，肉質鮮嫩，魚肉再點泰式醬料亦好夾，酸酸地，好開胃。加上，魚內部塞滿咗好多香草，食落會有淡淡嘅香草香。

前幾天一家人黎食飯，食泰國野~介紹下個香芒蟹肉炒飯先，份量唔少，足夠1-2人食(飽肚) ,芒果夠甜，個飯炒得唔會過份"濕"，好好食小食拼盤，好食，但略厭價錢有點偏貴。個蝦餅超級好食！無骨海南雞(半隻),好好食！個汁整得好好，帶少少辣！值得一試。咖哩牛腩煲，個人認為可不用叫。因為薯仔好硬，咬唔入。同牛腩得幾舊。味道覺到冇特別。吊筒魷魚，幾好食，但我覺得有d硬。總括價錢ok，食物質素中上！食緊既時候真係好似置身泰國

呢間鬧市中的泰國菜館 ，看落細細間 ，但其實他還有樓上舖 ，是一間兩層的食肆 ，晚飯時段非常多人，兩層均坐滿。 食物很豐富有很多選擇……今日食咗金柚子 鮮蝦 沙律， 泰式滷豬蹄， 泰式肉碎生菜包， 和芒果糯米飯。金柚子鮮蝦沙律好大碟 ，雖然鮮蝦並不多 ，但柚子好多，好鮮甜，醬汁酸酸甜甜 ，很開胃。泰式滷豬蹄，相信是店內的 必食 食物 ，應該也是王牌食物吧 ，見到很多客人也有叫，所以我们也叫了一份，份量相當夠，豬蹄炆得好淋好入味 ，皮的部分一點也不肥膩，瘦的部分 入口溶化 ，用來送飯 非常一流。泰式肉碎生菜包 可以選擇不同的辣度，我們選擇了小辣 ， 所以食落不覺很 辣， 肉碎不會有太多的肥膏 ，以瘦肉為主 ，生菜很新鮮， 包住 食 口感很好。芒果糯米飯， 最重要是 椰漿是否調教得好味， 今次呢個芒果糯米飯 的椰漿 又香又滑又甜 ， 糯米飯 好煙靭 ，好好食。原來依家呢食晚飯結帳時仲有九折優惠， 真係好抵食

前晚七點幾八點同男朋友行完街就周圍搵野食,行過先達見到有間餐廳排晒隊就諗住去試下,等位時間都好快,15分鐘就安排入座,不過就安排二樓搭枱。 泰菜經常吃的都係燒魚,生菜包，冬蔭公湯比較普遍,就想試試其他選擇。 所以找來一位侍應來介紹落單。 侍應態度都很耐心,有禮貌,值得一讚。他為我們介紹了明爐烏頭,同炒蟹,結果我地叫左明爐烏頭。但制作需時,等左20分鐘到。 魚的味道不錯,還有很多配菜,賣相同口感都不錯。 原本諗住試下咖喱炒蟹,因為都食得好飽,好滿足,所以留留下次