阿來泰式地道風味

营业中

休息中

耐唔耐試下泰國菜，都係一個不錯選擇，今日行開旺角，打算係度開餐，朋友講起有間地道泰國餐廳，於是乎上網，係旺角通菜街，阿來泰式地道餐廳開始是日晚餐😆🖖🏻。餐廳內係一系列既木製家具裝潢設計🤔，環境舒適，感覺都好似處身泰國食地道風味小菜。二人座位是是正正，乾淨企理，雖然係擠迫左d，但勝在餐廳地方有限，都容許樓上座位full晒，都好在我地早到，餐廳外已是大排長龍。泰式肉碎生菜包，係好正宗既泰國野食，來到一定要試，堅係好食，雖然韓國料理都有呢味，但相比之下，我更加喜歡，岩口味。肉碎上有粒粒好似nuts既野，唔知係咪，但食落口感似，係完全搭👏🏻👏🏻，好新趣既食法。青咖喱，配搭有海鮮，有雞，豬，有牛……，好多選擇，今次試下牛，睇下係咪特別d。結果出乎意料地好搭，牛煮到唔韌，好入味，原先以為青咖喱會係好辣，因為未食過，所以意想不到會係甜，口感真係唔錯👍，青咖喱唔易煮，呢個好價錢合理。酸辣鳳爪沙律，好正，好清新，鳳爪好爽口，食完主菜，叫個小食是不錯的。配菜，有我至愛既西芹，莞茜，酸酸甜甜入口，好正。泰式咖啡，點可以錯過，加奶好滑，有點甜，未有帶走原有咖啡味道，反而帶出泰式咖啡既特色。友人叫左杯青檸梳打，

無意發現極品泰國菜啊！！作為一個痴迷泰國菜的粉絲！為食泰國菜而飛泰國千次！終於係香港穩到家的味道！呢間泰國菜真係無得彈！全部都好正宗阿！細細間店舖都大有作為！！超愛佢既海南雞飯！真係勁好食！超滑！超嫩！蒜蓉通菜超好味！！我一個人已經可以食曬成碟！！佢既豬腳飯好味！同清邁鳳飛飛真係有得揮！！完全還原正宗既味道！！一定要食啊！！生蝦都無得頂！！特別配上綠色個汁！真係好銷魂！！！海南雞我特登叫左雞比肉！！超嫩！！泰式咖啡都好好味啊！！！不過pad thai就真係一般啦！！其它都超級無敵正！！

星期六番完通宵訓到2點，起床到旺角與朋友打壁球，運動前先在附近醫醫肚，快靚正的就想起了阿來。阿來的餐館雖然不大，但炒菜和咖哩印象中都不太差。今次放棄了永遠追隨的炒Phad Thai，點了這個泰式SUKI炒粉絲。你說我很愛炒粉絲嗎，不是，只是我對面的這一位也是叫suki，難得相遇，好像不可以阻礙他們碰面的機會。面前這份suki style，眼看配料很多，吃落口啖啖都食到菜很爽口，蛋香豐富，不過對比下粉絲非常幼細，像變了配角。炒時加上少許辣椒碎，令滿滿菜既小炒多了番味道。鐵板蠔仔蛋，奉桌時盡是誇張的沙沙聲，油在鐵板上翻滾打轉。不過蠔仔和蛋都被下面厚厚的芽菜托住了，真正沾到鐵板的蠔仔蛋沒有幾多，內裡的蠔仔size也不細，幾有肉地，而且數量也很多，不過蛋和蠔的味道均不太重，要靠附送的辣醬給味。泰式無骨鳳爪沙律，大大碟，沙律用上大量香菜，不好香菜的朋友立刻就放慢手腳吃少一點，鳳爪爽口，但沙律味道偏清一點，像少了點應有的酸辣味道。我兩來了杯三色冰和咸檸7，前者椰汁味不太淡，啫喱條份量也很豐富；後者咸檸底稍稍偏乾身，咸檸味在汽水中不太出。

同好姊妹相約旺角相聚，勝在地點夠方便，無論家住東南西北都就腳。姊妹愛吃辣，自然想起泰國餐行經通菜街，見到一間門口站滿人的泰國餐館，甚是誇張。似乎不錯，時間還早就試這間吧!餐牌很整齊，圖文並茂。圖片非常吸引，真的增加不少食慾。兩人都急不及待點了兩個椰青解解渴，很新鮮清甜!泰式炸蝦餅，這個必食，賣相金黃炸得皮脆蝦肉彈牙熱辣，配合泰式甜酸醬汁，一流。冬蔭功海鮮湯，正宗泰式辣道，野味湯濃，姊妹食到停不了口。自問辣不起，但確實有素質，大大的鮮蝦啖啖肉，滿足!辣椒膏蝦頭油海鮮炒飯，很香口野味的泰式炒飯。每口都滿有香濃的蝦頭味，辣辣的 刺激著味蕾，很不錯的炒法!海南雞飯，雞肉非常鮮嫩，雞肉煮得剛好，不過生亦不過火，加上秘制泰式醬料，無得頂!

星期五晚上好多人等位諗住好食。點知。。。- 咖喱炒大蜆：張相好靚，但碟野好削，因為啲蜆同個汁唔friend，完全唔入味，好似就咁淥熟啲蜆撈落啲汁咁，搞到啲蜆個味勁瞹昧。個汁其實算可以，撈飯食係okay, 但泰國菜來講佢又唔夠惹味。- 馬拉盞炒椰菜苗：人生第一次向九龍城食椰菜苗覺得好嫩好好食，人生第二次向呢間野食覺得又硬又老。- 鐵板蠔仔炒蛋：味道比較正常，全靠個汁，但都係偏淡，唔好諗住係大排檔個啲咁有獲氣，你只幻想佢係「健康版」蠔餅。- 蒜蓉牛油雞中翼：again, 蒜蓉同牛油同雞翼雖雞撈埋一齊但味道各自演譯。我懷疑佢用大量既蒜掩蓋啲雪味/隔夜味，啲雞翼係乾同鞋的- 椰子雞湯：again and again, 成個湯啲料都係唔入味的，個湯其實係椰汁＆雞肉＆ 菇sss＆3粒車厘茄既mixture其實唔係貴，又唔係等超耐個隻，但overall就係覺得唔值唔忿氣囉。

突然好想食泰國菜 朋友就推介叫我試下呢間6點幾去到 吾洗等位 一入就有位坐😌不過見到佢7點已經要開始等位泰式炸蝦餅 $68 新鮮炸起 熱辣辣 好正😍脆脆地 入面仲有蝦粒 好香口👍🏻泰式燒豬頸肉飯 $48呢個就冇乜驚喜 但係豬頸肉份量都幾多泰式濕炒河粉(牛) $58大碟到驚親我😂牛又夠料 仲有雜菜重點係 濕炒啲汁 真係好好食😍配飯食係一流😍😍😍見到佢廚房係啲泰國人煮我諗應該都好正宗同埋 真係好平！下次一定一定再泥食😍

係旺角行行街，見到有間食泰式食品既餐廳多人食，應該味道都唔錯，就決定呢間啦。明爐冬蔭公鳥頭一上黎，staff就幫你點咗火先。見到條魚係用魚形既碟裝住，好吸睛。仲有一碗冬蔭公湯附送，呢個係等你煮緊乾咗水，可以自己加。仲有一碟醬汁。煮完，夾咗啲肉黎食，肉汁鮮甜，嫌唔夠入味既話，可以點醬汁，醬汁酸酸甜甜，具有泰國特色。咖喱炒蜆每粒蜆都好大粒，入面既蜆肉都好大粒。呢碟菜式咖哩醬好多，黄咖哩醬味道甜，醬汁稠身，叫多個飯或蒜肉包配就唔會浪費個咖哩醬啦。生蝦刺身好少食泰式刺身。呢個生蝦刺身係中間介開咗，夾住蒜粒同一片紅辣椒，睇落都覺得好辣。生蝦新鮮，夾住配料加上醬汁，味道清鮮，蒜粒味係口中揮發，重蒜味。椰青食泰國菜點可以冇嘢飲。今次叫咗椰青，椰青味道清清的，好解到辣味。記得要食埋啲椰肉，椰肉好嫩滑，特別係中間位。

人真係有種心理叫羊群效應，見到咁多人排隊又走埋去睇下有咩好野，依間阿來好多人排隊都要食，相反旁邊幾間食店都無咁多人等位...於是我又等埋一份，不過都唔係等左好耐，等左10分鐘到就有位，原來間野有兩層都幾多位，一行入去就嗅到好香冬蔭公味，口水都流啦...叫左幾個餸，同幾枝泰國啤酒！！- 辣椒膏炒虎蝦- 好香好野味，重有d茹呀青椒一齊炒，廚師已經將虎蝦開邊，食起黎好方便，由其吸蝦頭d膏，吸得乾乾淨淨！- 挑出黎既蝦肉，大大舊，啖啖肉，真係無得彈！- 泰式無骨鳳爪沙律，鳳爪爽口好有咬口！- 海南雞，肉質滑嫩！！- 冬蔭公湯，酸辣過癮，重有去殼海蝦，做法正宗既冬蔭公湯，飲完成個人暖卜卜！

對於我來講旺角實在是個又愛又恨的地區, 因為旺角是攝影迷必到之地, 作為一位攝影愛好者, 經常都會在旺角區出入, 而另一方面, 旺角街頭真的人山人海, 差不多逼到行都行唔到。但無論如何, 這一晚也如常地到旺角區買些攝影用品, 留意到攝影用品店對面有間泰國菜館, 看看手錶原來尚有時間, 不如先試試這裡的泰國菜才回家。原來店名「阿來」在泰文就是好味的意思，坐下來，店子不大，但也潔淨舒服, 是日人客也不少,透過玻璃窗見到廚房內掛了幾隻黃油雞, 也看到廚師都是泰籍人士，感覺上應是地道的泰國的風味吧。先來大大個椰青解渴, 飲了些椰青水, 味道清爽而冰涼可口，同時可以用匙子把椰肉都了刮出來食, 唔錯。奶白色的椰汁雞湯賣相也相當對辦，聞起上來香噴噴的，似乎也不錯, 湯面的油份不多，湯料都不少, 喝起來味道濃郁，雞肉的肉味盡在湯中,香茅及香葉味道俱備，也不錯。 還點了一籃蒜茸包(4件)，蒜蓉包是即叫即烘的, 包拿上手塊塊都熱辣香脆,烘得皮脆而內鬆軟，塗上蒜蓉就是簡單的美味,吃起來滿有牛油及蒜蓉的香味。再要了炒通菜(飛天), 一上檯已聞到香味四溢的, 通菜也算新鮮，通菜唔會炒得太老，味道辣辣的, 非常惹

邊個話食泰國菜一定要去九龍城嫁？今次去嘅泰國位於旺角，地點方便，性價比仲好高添！泰國無骨酸辣鳳爪沙律，大大份，鳳爪又多，唔會係話用好多蔬菜墊底就算，好抵食。鳳爪酸酸辣辣，好開胃，配菜嘅蔬菜都尚算新鮮，可以一食。泰式明爐冬蔭功烏頭魚，烏頭魚又分冬蔭功湯底同普通湯底，加多少少錢就有埋冬蔭功飲，就梗係加啦！烏頭魚肉質鮮嫩，香辣嘅冬蔭功味滲入烏頭魚，味道香濃。泰皇咖哩炒大蜆，咖哩偏甜，適合唔太食得辣嘅人士，配合埋蒜蓉包同白飯一齊食都好適合，大蜆數量多又大粒。食泰國絕對不能少嘅椰青，大大個，椰肉鮮甜，椰汁解渴又解辣。

見好耐冇食泰國菜，就捉咗屋企人陪我食，呢間餐廳雖然鋪面細細，但都有好多菜式提供。生蝦刺身生蝦刺身好新鮮，配合辣椒粒同生蒜一齊食，仲有特製嘅香料醬，酸酸辣辣，泰國風味十足，帶出生蝦嘅鮮味。蒜蓉炒通菜因為有小朋友嘅關係，所以冇叫辣味嘅飛天通菜，而選擇咗比較普通嘅蒜蓉炒通菜，但呢碟通菜都唔錯，份量充足，蒜香味好重，通菜炒得啱啱好，保持鮮嫩。串燒沙嗲串燒沙嗲選擇好多，豬牛雞，有齊三種，驚食唔哂仲可以揀半打，大家可以根據個人食量選擇，減少浪費，串燒燒到啱啱好，冇燒到過硬嘅情況，雞肉肉質鮮嫩，而牛肉同豬肉都燒至香口，好惹味，餐廳嘅沙嗲醬偏甜，唔會好辣，啱哂一家大小食。西米糕西米糕係傳統嘅泰國甜品，好香椰子味，上面有一粒粟米粒做裝飾，好可愛，西米糕有好多西米粒，好有口感！

個日返工係到食過lunch, 佢d海南雞好出名呀，見到玻璃貼左d晚市菜式，原來依到夜晚有小菜晚飯，個日之後就想試下搵晚食，今日天時地理人和岩岩好，夾到同朋友一齊去食，依間阿來泰國菜，d野食唔錯呀而且相對價錢好抵！明爐冬蔭公湯烏頭魚色.香.味 俱全，餐牌上寫住廚師推介，果真不錯既推介蕃茄，雜茹等，好多伴菜，條魚都幾大條，好抵食！冬蔭公味道酸酸辣辣，每一淡都熱辣辣，好醒胃好過癮！烏頭打麟程序做得足，唔會重連住好多魚麟，依點好重要，我好討厭邊食邊吐魚麟！！原先想叫飛天通菜，但見到有豬頸肉炒通菜就改叫依款，無咁單調，重問店員可唔可以加辣椒炒，是可以這樣柯打的，大家鐘意食辣都可以咁叫通菜食到最後一條仍然係翠綠無變黑，豬頸肉幾爽幾有咬口，用蒜香椒絲等調味炒，好野味依個椰青好靚，好多椰水，他日選椰青都要選這些型，高身薄皮！！整體黎講都真係好滿意呢間平民泰國菜價值偏低，質素咁好。值得再幫襯

2016-12-28阿來泰式地道風味******************去完旅行第一餐去食泰國野~~~~好多泰式海南雞飯既香味比較淡, 但阿來既飯, 對比我食過既泰式食肆, 係比較香。海南雞滑(大胃首領算好好彩, 未食過鞋/怪既海南雞)。蠔仔蛋飯都冇渣流攤, 幾多蠔, 而且勝在唔係好多油 (油就一定有, 但唔會話見到滴緊出黎果種)。最後, 飛天通菜, 味道偏小小辣, 但十分香口, 濃淡適宜。******************消費: $174優惠: /

星期四夜晚同朋友約咗喺旺角食飯，大家都係無諗過食咩，結果由旺角道行到先達附近見到呢間阿來，價錢亦唔算貴，就決定入去試試！當時夜晚9點，但都坐滿九成人，都幾旺場！海南雞飯賣相唔錯，份量正常，雞肉每件都OK大舊，皮下脂肪唔算多，無骨之餘肉亦幾滑！美中不足係油飯有色但味道偏啖不過醉翁之意不在酒，成碟飯嘅精髓係個泰式酸辣醬汁聽講呢個係餐廳嘅秘製醬汁，味道濃郁超惹味，酸酸辣辣非常開胃！老實講呢個價錢真係算平，所以本身只係諗住過下口癮，但估唔到有驚喜！伴有青檸同花生碎嘅金邊粉有蛋網包住，賣相特別！上面配有三隻蝦，粉濕度岩岩好，有咬口得黎又唔太乾，I like it！值得一提餐廳無加一服務費，兩個人想喺旺角食得平靚正絕對可以揀呢間！

係附近想食泰國嘢，上OR見到好多人都比好評咁就黎試吓啦！我同友人嗌咗一個金邊粉、一個海南雞飯、一個魷魚。友人就飲鹹檸七，我就飲椰青。對於好鍾意食金邊粉嘅我，呢個金邊粉真係要讚，唔止好食，個樣仲睇得呢個金邊粉上面用蛋漿組成一個網，套住碟金邊粉，賣相唔錯。友人好少食金邊粉都表示好食個雞飯都係無骨嘅，正宗海南雞啲雞幾滑，啖啖肉，正魷魚係烤魷魚，配埋個酸酸甜甜汁，好開胃好惹味整體都幾好食，下次經過又想食泰國嘢會再嚟