阿來泰式地道風味

营业中

休息中

近日心情好一般，想食下啲濃味食物刺激一下味蕾，沖擊一下神經，諗諗下覺得食泰國菜就最適合今日嚟到阿來，原來泰文「阿來」係好味嘅意思，而中文又有歡迎嘅含意，語帶雙關，睇嚟間餐廳都幾有心思喎九成滿坐，唔洗等位二人餐 ABC 都好吸引中，但因為好想食泰國國寶級甜品- 芒果糯米飯，所以都係選擇A餐值得一提係特飲唔洗再加錢！抵讚咖哩抄蜆一黎到就有強勁既視覺享受！大大隻蜆擺係到面前！餐廳都毫不吝嗇、有十幾隻大蜆，啖啖蜆肉咖哩汁，原本諗住會有少少辣，點知完全唔辣仲有少少甜，咖哩味好濃厚，仲有陣陣蛋黃味泰式滷豬脾食豬脾最重要就係食豬皮豬脾肉煮得好淋，肉質幼嫩！豬肉入晒d滷水汁味！豬皮膠質含量勁高，連皮食口感好豐富飛天通菜飛天辣椒唔惹小，都算幾辣但係佢絕對唔會好鹹，食幾多都唔怕有時配角都好重要！套餐可轉油飯油飯有好重薑味！撈埋咖哩汁真係一流！食飽飽係時候食甜品芒果糯米飯擺碟好有心思，椰漿味好濃郁本身都諗住冬天芒果唔當造點知芒果出奇地甜二個人食咁多嘢真係好抵食飽到上心口埋單每位150

自從上年年尾去泰國旅行，就開始喜歡泰國菜。返嚟香港之後，成日都心思思想去食泰國嘢。只可惜香港地好吃又唔貴嘅泰菜都集中喺九龍城，地點對我唔太方便，就打消念頭。但近期電視播泰國旅遊節目，又勾起我鋪隱，於是立下心睇下邊到有既就腳又平靚正嘅泰菜食！見呢間泰菜評價唔錯，價錢幾抵，多數$70-80一道菜，而且地點好方便，就喺先達對面，就約friend來試試餐廳生意唔錯，七點多去到已經坐滿。幸好仲有張2人枱，唔使等位。一打開menu就俾個火山軟殼蟹法包吸引，另外仲叫咗串燒同馬拉盞通菜。其實呢到已經好夠2個女仔食，但因為我太愛青木瓜沙律，所以叫咗碟嚟食呢個火山炸軟殼蟹法包一上枱就十分吸睛，d軟殼蟹多到個包都塞唔哂而且軟殼蟹唔算細隻，食到有蟹肉同少少膏架！個咖喱汁就唔辣嘅，唔食得辣嘅朋友就啱哂啦，仲帶有少少薑味，幾特別。個麵包脆脆地，用嚟送汁一流！串燒，半打，豬雞各半。以為係細細串，估唔到係咁大串，抵食！兩種串燒都燒得好香，肉唔會乾身，面頭仲燶燶地，帶點焦香。點沙嗲醬同上面軟殼蟹個咖喱都好味馬拉盞通菜，不辣，帶點咸香。我的最愛，青木瓜沙律，比起泰國食到嘅就冇咁辣，但都好好味，上面d花生碎同蝦米增添口感呢

今日同朋友行完旺角, 天氣凍凍地, 所以突然想食番次泰國野~行下行下就去左阿來泰式地道風味度食LU~朋友叫左個海南雞飯~個海南雞飯好有雞味, D雞塊塊都好多用~加埋D泰汁拌飯真係幾好食~ 而湯方面~因為天氣凍凍地, 又難得食緊泰國野,所以我地就叫左衣個冬蔭功湯~ 大家都可以睇到個冬蔭功湯賣相真係非常好~亦都好夠料, 而個湯就辣辣地, 好醒胃, 隻大蝦都好有肉~成個湯都好好飲我地仲叫左個最多人食既泰式肉碎生菜包~ 食泰國野緊係要食埋個生菜包啦~ D肉碎好入味, 夾埋D菜食味道就岩岩好~唔會太鹹~總括而言, 衣間泰國野D野食都相當唔錯, 而小編覺得個冬蔭功湯最好味~大家唔知又點睇呢?

今晚想突然想食泰國菜，所以就聽朋友介紹去左「阿來泰式地道風味」試下啦一於就睇下佢夠唔夠地道，所以就叫左一碗冬陰公！味道唔錯，酸酸甜甜有點辣，裡面有好多料，而且仲有隻大蝦係裡面，好豐富平時好少機會飲到，今日一賞覺得好好味！跟住叫左一個小食拼盤，尼個好抵食呀！一次過有四款野食我就特別喜歡食魚餅同蝦餅，唯獨是個泰式春卷一般，但整體好食既！「生菜包」細細個已經好鍾意食，所以係必叫既今次食尼個味道較濃，配上生菜一清一濃好夾，而且好食落仲保持到肉汁，正呀最後，叫左一個「咖哩軟殻蟹法包」！咖哩汁濃郁，而且裡面仲有薯仔等其他材料，豐富絕不馬虎，配上法包或者白飯一流！

聽講里間好出名，次次都見人龍排隊。今日同朋友仔睇完戲，💁🏻推介里間餐廳，所以我地一行五人就黎左幫襯。七點半黎到門口，果然有批人係度排隊。我地拎完飛等左大概半個鐘先有位。搞笑既係門口果位侍應哥哥明明係佢比飛我地，而且佢仲係認得我地，但佢係我地入去前竟然要收返張飛佢先比枱，所以張飛係好重要既！千萬唔好唔見🙃🤣我地係門口已經諗好左叫咩，所以一坐底就可以落單啦！🙌🏻1）串燒沙爹$68（半打就係3串雞🐔3串豬🐷）本人覺得雞好食d，燒得岩岩好，保持到肉汁，聞落幾香，味道都唔錯。豬就乾身左少少，冇雞甘好味。我就無點到沙爹汁食，朋友仔話個汁一般，可點或唔點醬😶2）阿來海南雞飯$52🐔個海南雞飯既雞幾滑，佢係雞脾肉，份量適中，有齊上脾同下脾，起骨切成一塊塊，方便進食。個醬汁味道都夾件雞，但佢得一個汁，唔似其他地方有三個汁可點。3）青咖哩牛$68🐂青咖哩牛不嬲係我去泰國必點既菜，但里間個青咖哩個汁有點稀，配料有點少，牛係好普通既牛，唔滑既！可以唔叫👎🏻4）泰式粉絲蝦煲$148🦐里個我對佢期待好大，因為以為蒜蓉、粉絲同蝦既配搭實冇死，點知⋯⋯🙊個煲野有蒜蓉但味唔出，大頭虎有兩隻開邊，所以有四塊可分，但d肉質

旺角真係好多餐廳，而且仲要轉得好快。某次經過見到排晒長龍，於是決定訂位一試。食泰某最緊要係冬蔭公湯，絕對係泰菜嘅精髓與靈魂呀點了入小嘅，因為怕太大碗會飲到成肚水。小嘅份量就大約每人三碗仔度，其實都幾夠嫁再看看份面嘅材料，真係好足料，絕無欺場，首先有兩隻大蝦，有金針菇，有蕃茄仔，重點：真係有少少酸辣味的之後當然要試返個小食拼盤啦蝦餅、春卷、雞翼等都真心正嘅不過自問熱愛蝦餅嘅我就真係最愛蝦餅啦唔好太淋太粉，反而真係有蝦肉粒仔係入面緣主角出場啦：火山軟殻蟹法包一上菜果時真係嘩左一聲，因為真係好大個，同埋好多汁即刻點了碗白飯泥撈汁先，以為係咖哩醬，但原來係蟹粉泥嘅仲正呀！軟殻蟹炸得好合時，咖會over cooked呢度真係唔Book位都無得食！ 下次再泥

約了朋友在旺角小聚，在openrice 見到阿來泰國菜，訂了晚上8：45 。我們都早了一點到達，等了一會，大約9點可以入坐。因為太肚餓的關係，在等待時間已選定餸菜，希望食物早一點到。枱面上整齊放了不同醬汁，魚露，醋， 辣椒粉。生菜包，生菜份量不多，肉餡炒得香口，鬆化不鞋口，每一口都有淡淡香料味，十分開胃。椰汁雞湯（小），十分香濃！！湯內有雞肉，靈芝菇及小蕃茄，雞肉沒有雪味，菇亦沒有草腥！十分新鮮 。泰式炒金邊粉，伴有青檸及花生碎，粉上有一塊很靚的蛋網包裹。金邊粉炒得乾身，味道不錯。金沙炒蝦，有2隻大蝦開邊，蝦肉爽口彈牙，咸旦黃醬平均地包裹蝦身，香而不膩，底下的炸粉絲過足口癮，正！！！炭燒魷魚，有點過火，但魷魚非常新鮮。

一行8人相約晌新春大家齊齊見個面，事關新春吃得太多油膩嘢，所以有人提出想吃啲酸啲食物，最終決定揀泰菜來自唔同地方，油尖旺必定係平時放工時間約埋較好嘅依飯地方，原本選擇同區另一間，但由於嗰間冇得book位，相反阿來有，就決定嚟一試book了7:30 8位，嚟到只係等員工清枱之後都有得食生蝦係大家嘅favourite，叫了兩碟 (@$98)，佢個蝦好新鮮，無冷藏味，個汁都好正宗，配搭一流呢個係大份量冬薩公，甜味多啲，材料足，好飲，如果加番多啲辣同酸會更好木瓜沙律亦都好fresh，唔太辣，開胃半打串燒，個汁都OK，燒得好香，亦都無overcook，唔太韌，有咬口呢個芒果蟹肉炒飯值得推介，首先個炒飯唔太油已經好好，另外啲蟹肉啖啖有，兩者配搭起嚟都幾match8個人仲有叫其他嘢，又有飲品同飲酒，中段掛住食已經無影相，不過印象中碟碟味道都幾好，無特別bad feeling，最後埋單每人130，個個飽飽的，以價錢同食物質素嚟講，可以話性價比十足，值得推介為平民版泰菜選擇

見咁多好評，於是黎試下都幾多人食，要上樓搭枱先有位馬拉盞通菜：正常，但可以再正惹味d咖哩軟殼蟹+蒜蓉包:好香，味道好，另加蒜蓉包一流芒果糯米飯:等左10幾分鐘先有。同平時食開既唔同，d飯竟然係熱既可以再黎食既

今日真係就到聖誕啦,不嬲都知出街食餐飯都比人殺到一頸血,今次小胖女帶我去旺角食到間價錢非常親民又好味既泰國野係大家食緊好正既聖誕大餐之時,泰國野反而唔算多人黎,我地食親泰國野其實黎黎去去都係食個幾味首先一定係新鮮生蝦刺身出場,配上泰式醬料黎食真係百吃不厭,當然唔少得係一個熱辣辣既冬陰功湯啦,配料配多,辣味同酸味十足,另外小食就叫左串燒,沙嗲汁點埋黎食味道非常配合,今次試新野,咖哩炒大蜆同蒜蓉包,蒜蓉包點咖哩汁黎食份外滋味,炒大蜆亦都好足料,唔係全部都係殼當然唔少得一碟靚菜啦,馬拉盞炒通菜勁多蝦米,辣味岩岩好,最後叫埋椰青同青檸梳打做飲品,解油解渴一流,呢餐又平又好食,非常滿意

同男朋友係旺角行街，行到肚餓就諗住食晚餐。正考慮梗食韓國野定泰國野好，就見到呢間menu有一樣野食好吸引，所以就決定入黎呢間食。平日黎講都幾多人，我地入去嗰陣已經滿左8成。我地叫左幾樣野食，第一樣係串燒半打。串燒燒得岩岩好，金黃色帶帶少少焦，分量都幾大串，食落去啖啖肉。沙嗲汁都唔錯，泰式沙嗲汁唔辣，更帶一份生花嘅堅果味。呢個串燒係一個唔錯嘅小食，不過可以燒得更熱更惹味就更好😎呢個就係今日嘅重頭戲。係門外睇到個陣已經覺得好吸引，食落去果然冇令我失望。呢個分量都幾多，大概兩人份量。用烤到香香脆脆嘅麵包裝住軟殻蟹咖哩，唔會浪費任何一滴咖哩。麵包烤到好香脆，單食會食到清脆嘅聲。點落咖哩入面，麵包吸收晒咖喱汁，食落去勁滿足。咖哩有微微嘅辣，令菜式更加惹味。而重重嘅椰奶味都令咖哩更加「泰國」。而軟殻蟹都好好味，炸到外層脆卜卜，但入面都仲係有軟殻蟹本身嘅質感。加上軟殻蟹本身都有調味，加埋咖哩同麵包一齊食，係口感，味道上都有驚喜。甜品當然就係芒果糯米飯。呢個嘅價錢相對上冇咁抵，但質素都相當唔錯。芒果入量都幾多下，仲多過飯，好似有成隻芒果咁多。本身以為冬天芒果應該冇咁靚，點知啲芒果好甜，好好食。糯米飯係

今日同朋友行旺角 無留意原來通菜街有間泰國餐廳... 雖然食開九龍城啲泰國菜 見都唔少人幫襯 就決定入去坐坐餐廳乾淨企理 同九龍城一樣 就係啲位迫小小...四個人叫左一個飯 一個粉 一條魚 一個菜 一個咖喱 好飽「飛天通菜」最先上 小妹食泰國餐廳特別喜歡點通菜 呢份通菜都唔錯 幾入味 又唔會太鹹 就咁食都得... 通菜炒得綠油油 有賣相跟住上「泰式炒金邊粉」 好特別嘅係 以前食嗰啲係用蛋皮包住 呢個係蛋網 都幾得意 金邊粉炒得濕度啱啱好 唔太乾又煙韌 又唔酸 我哋幾個好快消滅咗佢「青咖喱雞」不失不過 正常水準 撈飯食最好 唔辣 很滿意重頭戲「冬蔭公蒸烏頭」 真係無令人失望 以前食蒸烏頭比較注重魚本身嘅鮮味 但今次魚肉浸冬蔭公汁 另有一番滋味 好似更入味 唔會太清淡 配料色澤鮮豔 好睇又好食 最後係「海鮮椰青飯」 飯粒黐粒粒 易入口 海鮮夠料 椰肉清香 唔錯四個人五個餸加埋飲品先$500 好抵食呀！

約左朋友行旺角，見到呢間泰國嘢，諗住都可以試下九龍城之外嘅泰國菜。食完覺得又平又正，值得推介。呢間鋪頭都幾好揾，旺角站D2出口行2、3分鐘就到啦。鋪面唔算大但係我地四個人都唔算坐得太迫。嗌左炒金邊粉，海鮮焗飯，飛天通菜，冬蔭公蒸烏頭魚，青咖喱雞同埋四杯嘢飲都係五百零，非常抵食。  「飛天通菜」非常惹味，有小小辣，但唔會太鹹或者太辣。今晚最佳。  「炒金邊粉」就有埋好多蝦，蝦肉都幾彈牙，夠晒料。  金邊粉唔會太酸，很煙韌，唔錯。「青咖喱雞」-- 其實我對青咖喱冇乜特別興趣，但呢個青咖喱都幾好食，d汁又唔會太辣，反而甜甜地。如果雞肉份量多小小就好啦，我地幾個好快食晒。  「海鮮焗飯」有D淡，不過好在海鮮份量足夠，用啲咖喱汁撈飯食，「冬蔭公蒸烏頭魚」真係好大條！冬蔭公汁係特色，D汁酸酸辣辣十分惹味！一啖魚肉一啖雜菌一啖番茄，口感豐富，停不下來！呢餐很滿足，又唔貴，行過旺角都值得入來坐下。

好耐無食過泰國菜，今日行行下街，心血來潮想去試泰菜，一於叫埋我老友一齊去食。首先食份生蝦刺身先，生蝦精瑩通透，上面有一塊生蒜片，一塊辣椒，入口係蝦肉爽帶點甜，生蒜味帶點辣加上辣椒味道令舌頭升溫，感覺爽快。如點上那碟酸辣醬汁，令味道更豐富，辣之外更帶點酸，令這份前菜更醒胃。不得不說的還有這份飛天炒通菜，馬拉盞與蒜味夠濃，令通菜尤其入味，通菜清爽，與這醬汁更為匹配，令人越食越想食。還有這味泰式蠔仔蛋，不是什麼台式柯仔煎或是潮式蠔餅，這份蠔仔蛋是頗特別。蛋是混合牙菜和蔥粒後與蠔仔煮成，蠔仔與蛋的比例接近是一半一半，即是蠔仔數量頗多，而且夠新鮮，蠔汁一咬是噴出來而且鮮甜，炒蛋帶點蠔汁味，上面加上炸蒜粒令口感更佳。最後仲有碟咖哩炒蜆，每隻大蜆大約有掌心咁大，咖哩味唔會太濃我鍾意因為不會搶去大蜆本身既鮮味，至於蜆肉爽而不帶沙，口感一流。

今日同好耐無見嘅朋友食飯，突然有d想食泰國菜，就選擇左依間我地6點左右入黎，因為未係食物時間，所以未算好多人。但係去到7點左右就爆哂，所以下次要睇下有冇得bk位我地叫左4樣野，分別是炭燒豬頸肉飯、泰式乾炒雞肉河粉、沙嗲串燒雞及豬、芒果糯米飯。首先，豬頸肉飯。賣相幾靚豬頸肉好淋、塊皮好脆，配上特製醬汁更加好味。而且，醬汁撈埋飯一齊食，更加惹味乾炒雞肉河粉。味道好濃郁！雞肉好淋！入面仲有椰菜同芥蘭，所以食落去吾會好油脷！值得推介沙嗲串燒！超熱辣辣！雞肉好嫩滑，豬肉燒到啱啱好，吾會太硬或太淋而且，佢嘅沙嗲醬應該係自家製，味道好香，而且吾辣，好適合吾食辣的人食芒果糯米飯！我嘅最愛芒果好甜，佢係即叫即刻切芒果比你，所以好新鮮！配上糯米飯，暖暖地嘅椰汁加上一啖芒果，超match超好食，但係要同人share。如果吾係，實飽死！總括，依間泰國菜無論炒河、串燒、定甜品都非常好食，超值得一食再食！