阿來泰式地道風味

营业中

休息中

這家泰國菜在旺角一直人氣高企，門口經常要排隊等位，因為其價錢大眾化，味道又好，在這邊逛街的話都會去光顧。開胃前菜，一定選泰式無骨酸辣鳳爪沙律$78，小酸小辣程度，大部分人都能吃，鳳爪爽口，要多醮酸辣汁，和沙律一起吃，這樣味道才正宗，吃得非常開胃。泰王咖哩火山軟殼蟹法包$158，是這裏的招牌菜之一。咖哩不辣是香甜味的，軟殼蟹炸過香脆，拌著咖哩和法包一起吃，越吃越香，不知不覺就吃完了。法包浸在咖哩會變軟，所以要快點吃。這個價錢，吃到這麼美味大份的軟殼蟹法包，很值得一試。泰式suki海鮮炒粉絲$69，很超值的一道菜，海鮮和蔬菜等配料比粉絲還要多，夠份量！最愛有八爪魚仔和大蝦，其他配料還有蜆肉、魷魚、雜菜等，味道是微微酸辣的，朋友吃得很滋味，就是有酸辣味才開胃！椰青$38，吃完辣的，來個椰青解辣最適合。滿滿的椰青水，清甜滋潤，還有椰肉，喜歡的可以挖出來吃。二人埋單加一服務費$377，吃了美味又豐富的一頓泰國菜，性價比很高，所以一直這麼有人氣呢！

呢間地道泰國菜餐廳，真係唔可以錯過🙌我之前都食過幾次👍佢哋嘅午市套餐極抵食，免加一，50幾蚊就可以食到飽，套餐入面有多款選擇，性價比超高😽豬手飯豬手肉質軟嫩，搭配上香濃嘅醬汁，非常入味👍另外餐廳仲配搭咗一個清新嘅酸汁，淋上豬手上面，食落減少咗豬手嘅油膩感，超好味😽青咖喱雞飯亦係一個必試嘅選擇，青咖喱嘅香氣撲鼻而來，雞肉煮得剛好，配上白飯，味道絕對一流🙌煎魚餅外脆內嫩，魚肉鮮甜，搭配上特製醬汁，口感非常好，不過份量就比較少，但兩個人食都啱啱好😸蒜蓉雞翼係餐廳非常一個受歡迎嘅小食，蒜香味十足，雞翼肉質鮮嫩惹味，令人食到停唔到落🤤蒜蓉炒通菜通菜鮮嫩脆口，充滿鑊氣，加上蒜香味令整道菜更加提味，好開胃🤤白雲鳳爪沙律鳳爪軟滑爽口搭配上清爽唱啦沙律醬汁，味道清新開胃🤤椰青跟餐加$22，清涼解渴，完美結束一餐🤭🤭我哋仲加咗$16有兩件椰汁西米糕，超推薦！食午市記得加👍📍 阿來泰式地道風味 (旺角)旺角通菜街97號地舖

今次嚟到旺角嘅阿來泰式地道風味，真係感受到正宗泰國菜嘅魅力！阿來海南雞飯可以加$10轉雞髀，雞髀大大件，肉質特別嫩滑，皮薄脂香，雞肉鮮甜多汁。海南雞飯嘅雞汁酸辣開胃，辣度啱啱好，配埋香噴噴嘅泰式黃飯，每啖都食得出誠意，食完真係回味無窮。泰式無骨酸辣鳳爪沙律係必點，鳳爪新鮮爽口，無骨食得方便，啖啖彈牙。沙律仲有大量生菜、辣椒、洋蔥、蔥同蘿蔔，配合酸酸辣辣嘅醬汁，每一口都有層次感，特別醒胃，辣味夠晒勁，啱晒香港人口味。小食拼盤選擇豐富，有素春卷，入面包住粉絲、蘿蔔、芋頭同蔬菜，外皮炸到金黃香脆，內餡清新唔膩。炸蝦餅用足料蝦滑，外脆內彈牙，蝦味突出。雞翼炸得香口，肉質嫩滑，唔會太油膩。炸魚餅最特別，帶有濃郁冬陰功香味，一咬爆香，辣味同香料味完美平衡，食落好過癮。飲品方面，凍檸水少甜少冰，味道清新解渴，唔會搶去主菜風頭。椰青新鮮即開，椰汁香甜，椰肉軟腍易咬，飲完仲可以食埋椰肉，感覺超滿足。整體嚟講，阿來泰式地道風味價錢親民，份量足夠，全部菜式都見得到誠意，環境舒服，職員服務有禮，係旺角區想食泰國菜嘅一個好選擇。推介比鍾意泰菜、又想搵抵食好味之選嘅你！

*冬陰功湯湯色橙紅透亮，香茅與南薑的清香, 鮮蝦彈牙，草菇吸了湯汁的精華, 濃郁的酸香與辛辣口感, 又不會滿口辣椒碎, 一讚*泰式炸蝦餅外皮酥脆與內餡蝦肉的飽滿彈牙、鮮甜，搭配酸甜醬汁, 正。*泰式明爐烏頭魚烏頭好大條. 魚肉的鮮嫩、湯底的酸辣與香草清新，味覺豐富, 必點*泰式鐵板蠔仔蛋上桌時的滋滋聲、鑊氣、蛋餅的嫩滑焦香、蠔仔的鮮美飽滿加點魚露醬汁, 鮮味更出, 碟底嘅芽菜係精髓*炒通菜一定係大火快炒的通菜, 才保持著翠綠的色澤與爽脆的口感,微辣, 有泰式嘅味道*咖喱炒大蝦大大隻的蝦裹滿了濃稠的咖喱醬汁。這椰奶的香甜平衡了咖喱的辛香與複雜香料味，辣度溫和卻層次豐富。蝦肉質緊實彈牙，鮮甜飽滿，每一隻都裹著厚厚的醬汁，入口是濃郁的椰香咖喱與海鮮甜美。用蒜蓉包同薄餅蘸取盤底香濃的咖喱醬汁，是絕不能錯過的精華，每一口都是滿足感。

是日與朋友去旺角阿來泰式地道風味吃晚餐。我們點了泰式炒金邊粉，泰式香辣魚伴青芒沙律，蒜蓉包，串燒沙嗲，泰式炸蝦餅，泰式肉碎生菜包，西米糕，泰象啤，泰式奶茶，椰青。泰式炒金邊粉-金邊粉炒得乾身，而酸甜味道更加令人吃過不停。泰式香辣魚伴青芒沙律-青芒沙律有著酸辣味道刺激了我的味覺。而魚加上醬汁更加惹口。蒜蓉包-香脆包配起燒香了蒜蓉更加好味道。串燒沙嗲-燒到肉夠晒香，肉質都好而醬汁令肉更加吸引。泰式炸蝦餅-蝦餅口感同味道俱佳，再炸到蝦餅中冇多餘油份令口感有所提昇。泰式肉碎生菜包-用新鮮蔬菜包著肉碎吃唔會有一份油膩感。西米糕-面層椰汁咪香，底層西米同芋頭粒有口感又夠香口。泰象啤-吃泰國菜必飲之一泰象啤。味道夠清，唔會太濃味。泰式奶茶-茶底香，奶味濃，拉出來夠晒滑口。椰青-清甜甜地椰水，又夠清涼。連椰肉也刮埋出來吃。

今晚到旺角阿來泰式地道風味食晚飯。今晚點左泰式炸蝦餅，泰式炒金邊粉，泰式肉醉生菜包，串燒沙嗲（豬肉，雞肉）,泰式香辣魚伴青芒沙律，蒜茸包，西米糕，椰青，泰式奶茶，泰象啤。泰式炸蝦餅：炸到金黃脆口，蝦肉肉質爽口彈牙。泰式炒金邊粉：甜甜酸酸令人非常開胃，仲有幾隻大大隻蝦。花生粒同西檸汁令口感更加有口感。泰式肉醉生菜包：新鮮生菜包住洋蔥香料炒香了的豬肉碎。串燒沙嗲（豬肉，雞肉）：串燒鎖得住肉汁又燒得夠香口。配上香濃花生味沙嗲醬更加可口。泰式香辣魚伴青芒沙律：魚肉鮮嫩，配上香辣青芒沙律令人開胃食到停唔到口。蒜茸包：蒜蓉包烤得香脆。西米糕：西米糕入面有粒粒芋頭，口感好好。椰青：成個椰青上枱，非常清甜。刮椰肉出來吃更加有口感 泰式奶茶：甜度剛剛好。泰象啤：泰象啤清爽，隻杯雪凍更加涼入心中。

🌟喺旺角咁多選擇之中，想搵間地道泰國菜真係唔容易。呢次係朋友介紹下嚟咗「阿來泰式地道風味」，位置方便，入面裝潢簡約企理，最重要係菜式誠意十足又抵食，真係有驚喜✨🦐金柚子鮮蝦沙律 $78第一啖已經充滿開胃感，柚子清甜多汁，蝦新鮮爽口，酸辣味道平衡得好好，加上炸紅蔥頭、花生、辣椒等配料，層次分明又唔膩，好啱香港人口味💯🍤青咖喱海鮮 $88青咖喱香料味突出但唔嗆鼻，又有椰香，微辣程度啱啱好，配飯一流！入面仲有大量海鮮料，例如大蝦、蜆肉、魷魚，份量唔馬虎，個汁濃郁得黎唔會死咸，幾驚喜🧄🌿🍝泰式炒金邊粉 $70炒粉香氣四溢，調味掌握得恰到好處，酸、甜、鹹、辣比例好平均。粉條唔會過淋，有口感，每啖都有蝦香加花生碎，好有泰國街邊檔嗰種味道🥜🍋🥥椰青 $38冰凍清甜，飲完仲可以慢慢挖啲椰子肉嚟食，食完啲辣嘢再飲返啖真係透心涼😌🥭芒果糯米飯 $68芒果夠熟又甜又多汁，糯米飯仲熱辣辣上枱，煙韌香口，配埋微鹹嘅椰汁一齊食，完全係完美甜品收尾🍚💛呢間「阿來」真係有驚喜，價錢合理，份量足味道正，幾道菜都好出色。以旺角區嚟講算係性價比高之選，想食泰國菜又唔想踩雷，呢度可以列入口袋名單🇹🇭💥

今個夏天唔使飛泰國，我喺旺角搵到間超正東南亞小店！佢哋就算有2層，但日日都大排長龍，事關佢哋地點就腳，價錢又抵食，點有得輸呀～😘**🐔✨海南雞例牌配油飯** 雞肉去骨切件，皮爽肉嫩，肉質滑溜到似食緊啫喱～🍮 最正係個辣椒醬醒胃，蘸醬食又可以食到另一種享受！油飯用雞油同香茅煮，粒粒分明又閃令令，非常香口～**🌶️泰皇咖喱炒蜆** 鑊氣十足嘅招牌菜！大蜆隻隻開口，吸晒黃咖喱嘅精華～🍛 咖喱汁用椰奶調和，唔太香辣得嚟帶甜味！蜆肉肥美無沙，真係食到停唔到口！ **🥬飛天炒通菜** 通菜炒到「飛起」，翠綠油亮唔出水～🔥 用蝦醬同辣椒爆炒，鹹香惹味到極！雖然係普通蔬菜，但鑊氣贏晒好多餐廳！ **🥥椰汁三色冰** 彩色層次靚到似彩虹！🌈 底層係彩色啫喱，中間係濃郁椰奶，面頭鋪滿碎冰～飲之前要攪勻，甜度剛好唔膩口！🌴 **🌴椰青** 原個椰青上枱，冰涼透心！💦 椰青水清甜到似糖水，刮埋入面嘅椰肉食，嫩滑似啫喱，唔會浪費任何一絲椰肉！ #泰國菜 #海南雞飯 #少女食評 #打卡餐廳 #夏日美食 阿來泰式地道風味 (旺角)旺角通菜街97號地舖

同細妹喺旺角行街，行到好攰，想搵間就腳餐廳簡單食餐晚飯，揀咗阿來泰菜，位置方便近地鐵站，食完好快可以搭車走！餐廳分上下兩層，裝修較為樸實，系泰國地道泰菜餐廳風格，重點系好多菜式，而且性價比系超高！想食又平又正宗嘅泰菜，呢間系好選擇！✔️金柚子鮮蝦沙律$78近排食泰菜都系點鳳爪沙律，今次終於到我話事，點咗心心念念嘅柚子鮮蝦沙律，柚子大塊、完整多汁，非常甜美，蝦肉彈牙爽口，亮點系個酸辣調味汁，真系好清新開胃！好滿足呀！✔️泰式炒金邊粉$70金邊粉質地Q彈、份量多，微酸微辣口味，中間夾雜左蛋香花生碎嘅堅果香氣。✔️豬頸肉炒芥蘭$78揀咗用蒜蓉炒，豬頸肉切片，外皮煎至脆香，芥蘭莖部爽脆、葉部嫩腍。✔️芒果糯米飯$68特登唔食太飽，留返肚食芒果糯米飯！呢度嘅糯米飯上枱嘅時候系暖笠笠，飯粒煙煙韌韌好有口感。特別之處系用椰漿完全裹住糯米飯，用匙羹勺起嘅時候，椰漿同糯米飯嘅比例啱啱好，味道豐富。芒果系新鮮嘅，散髮自然果甜，冇浸糖水。✔️龍眼冰$25清甜沁涼，特別解渴。✔️椰汁三色冰$25椰奶味香濃，仲有三色粉條，又靚又有口感。

我真係好鍾意食泰國嘢，呢間餐廳我已經嚟過幾次，地點好就腳價錢又親民，係同friend聚會嘅好選擇😆🥬馬拉盞通菜勁大碟好抵食，通菜炒得好香口惹味，另外嗌咗個炒飯，配埋佢送飯一流！🥭芒果蟹肉炒飯炒飯炒得好乾身，粒粒分明。蟹肉份量比得好多，配埋香甜嘅芒果，好有層次，食到停唔到口。🦀咖喱炒軟殼蟹勁多咖喱汁，軟殼蟹好入味。大家加多份薄餅，用嚟點汁都好夾。🍞薄餅咖喱梗係要配薄餅啦! 呢餐嘅餸兩個人食啱啱好，價錢平味道好😋😋

一直都 bookmark 咗呢間位於旺角嘅平民泰菜餐廳「阿來泰式地道風味」，今晚終於有機會嚟試吓喇！🤩 晚飯時間真係好多人，不過好彩都唔使等好耐，等咗大約 10 分鐘就有位喇！🥳呢間泰國菜喺旺角一直都人氣高企，門口經常都要排隊等位，原因好簡單：佢啲嘢食價錢大眾化、味道又超正！🤤 泰式肉碎生菜包 $90 🥬🥩 嘩！個肉碎真係超大碟、超足料！🤣 肉碎粒仲有少少肥肉 mix 埋，所以個口感更加豐富有層次！帶點微辣🌶️，另外仲見到有唔少嘅乾蔥🧅 用新鮮生菜包住食真係好 refreshing 🌿四人餐$598 我哋今次叫咗個四人套餐，真係抵到爛，食到勁飽又滿足！▪️冬陰功湯湯味香濃又足料，最正係佢酸辣平衡得好好，完全唔會死酸死辣，啱晒我呢啲又鍾意泰菜又怕辣嘅人！🥰湯底充滿晒香茅、南薑同香葉嘅香氣🌿，入口濃郁得嚟帶點甜味，就晒香港人口味！🤤 湯料方面，有4大隻鮮蝦🦐，肉質彈牙鮮甜，仲有雞脾菇🍄同車厘茄🍅，吸晒湯汁精華，超滋味！😋 雖然對唔食得辣嘅朋友嚟講可能會覺得有啲辣，但整體嚟講，真係好味到停唔到口！▪️泰式炸蝦餅食泰菜指定菜式，一定要點炸蝦餅！👍 佢哋個蝦餅已經一開二，同朋友 share 食好方便！

cp 值超高阿來泰@旺角二人餐（B）👉🏻金柚子鮮蝦沙律 除左柚子鮮蝦，仲有好多櫻花蝦toppings,好惹味😇👉🏻燒豬頸肉 唔係好肥，燒得脆口😇👉🏻泰式肉碎生菜包 超大碗仲可以自選辣度，就返我，唔太食得辣👉🏻海南雞 雞肉嫩滑 雞皮薄嫩😺👉🏻蒜茸包 （4件）好似蒜蓉包蒜蓉 香氣撲鼻 烤得香脆， 就咁食同埋撈生菜包都好正😺👉🏻泰式奶茶呢度 呢度嘅泰式奶茶唔似連鎖店咁樣固定 甜度， 可以揀少甜🥰👉🏻椰青夏日消暑一流嘅完個椰青 跟餐 只係22蚊超級抵咁豐富嘅二人餐都唔駛 500蚊，性價比好高😺😺😺

每次來旺角,我都好鍾意來這間泰國菜餐廳,泰國菜式做得非常正宗,而且款式多,價錢非常平,絕對係抵食又好食。泰式乾炒牛肉河 $69河粉炒得非常乾身,醬汁味道香濃,牛肉嫩滑好食。泰式黃咖哩牛肉 $80黃咖哩的味道非常香濃,而且味道不會過辣,反而帶有椰香的味道,而且還配有多種配料,有洋蔥、蕃茄仔、紅蘿蔔、薯仔等等,令到牛肉的味道更加豐富好食。豬頸肉炒通菜 $78餐廳用上蝦醬來炒通菜,令味道非常之香口惹味,而且豬頸肉的肉質夠爽彈,配襯得剛剛好。泰式滷豬脾 $90豬髀肉已經完全去骨,入口就是啖啖嫩滑的豬髀肉,肉質能夠保持到細嫩,滷水的味道極為香濃,配上滷水蛋,滷水白蘿蔔,咸酸菜等,同樣入味,個人覺得十分推薦。椰汁三色冰 $25清甜的椰漿味道,特別要求少冰少甜,冰涼感十足。今晚來到呢間泰國餐廳,由於都幾多客人,我們被安排到樓上的座位,空間感更加充足,坐得更加舒適。

燒豬頸肉 🐷🔥一上枱已經聞到陣陣燒烤香，豬頸肉切得厚身，外層烤到金黃微焦，內裡仲保持嫩滑多汁。每片肉都帶點油脂，咬落煙韌有嚼勁，唔會太肥膩。配埋泰式酸辣醬汁，酸辣開胃，層次感即刻提升，食到停唔到口！😚馬拉盞炒通菜 🥬🌶️通菜炒得火喉十足，色澤翠綠，保持爽脆口感。馬拉盞鹹香帶微辣，炒得好入味但唔會搶走通菜本身嘅清甜，送飯一流！😍香葉肉碎煎蛋伴白飯 🍳🍚白飯份量十足，粒粒分明。煎蛋外脆內流心，蛋香撲鼻。底下嘅香葉肉碎鹹香惹味，九層塔香氣突出，配埋飯同蛋一齊食，真係完美配搭，食完超滿足！😆泰式脆蝦薄餅 🍤🍕薄餅炸到金黃香脆，外皮酥脆唔油膩。每件都包住蝦肉，蝦味鮮甜彈牙。配埋泰式甜辣醬，微辣帶甜，越食越開胃，做前菜或小食都一流！😊

🐟 泰式青檸酸辣蒸烏頭烏頭魚肉質鮮嫩，蒸得恰到好處，魚肉一夾即散。青檸和酸辣醬汁非常開胃，酸度鮮明但不會過嗆，辣度溫和帶點微甜，適合喜歡清新口味的人。🥬 馬拉盞炒椰菜苗椰菜苗爽脆嫩口，馬拉盞炒得香氣撲鼻，鹹香帶微辣，非常下飯。蝦醬味道濃郁但不會過鹹，加上蒜片和辣椒爆炒，鑊氣十足。蔬菜保持翠綠，口感爽脆，是一道充滿泰式風味的經典小炒。 🍜 泰式金不換香辣肉片炒河河粉炒得乾身不油膩，金不換（九層塔）香氣突出，帶微辣惹味。肉片嫩滑，醬汁均勻包裹每條河粉，加上豆芽和韭菜增加口感。🍗 阿來海南雞飯（白飯）可選白飯或油飯，雞肉嫩滑多汁，皮薄肉嫩，蘸上泰式辣椒醬和薑蓉更提味。雖然是簡單的海南雞飯，但雞肉質素高，醬料搭配得宜，推薦。