阿來泰式地道風味

营业中

休息中

旺角先達附近有一間泰國菜，朋友極力推介，因為泰國菜非常有泰國風味，地點方便，而且價錢相宜，經常都會去幫襯！海南雞（半隻)海南雞非常之滑，雞味好香，最緊要肉質鮮嫩，加上脂肪分佈平均，非常肥美，海南雞嘅醬汁都非常重要，酸酸辣辣，非常惹味燒豬頸肉好鍾意食燒豬頸肉，因為豬頸肉肉質比較實，好有質感，而且個醬汁非常好食，酸酸鹹鹹，好香香料味，同豬頸肉非常夾。海鮮喇沙個湯底好香，辣味啱啱好，海鮮有魷魚、蝦、青口等等，味道唔錯，個麵都好彈牙。整個喇沙味道唔錯一大班朋友去食泰菜，其實係最好不過，可以點多啲菜，多啲款式，呢間泰國菜款款都好好味，而且價錢好抵，絕對值得再去食！

星期五收工想同朋友出去食個飯，日本野韓國野cafe都食厭左，就決定去食泰國菜7 點收工，去到阿來7 點半，門口已經有好多人等緊，仲有幾個外國人添。等左半個鐘，終於入得，原來間鋪係分上下兩層，上面都坐左好多人雖然迫就迫d, 不過香港係咁嫁啦，咁先叫有風味丫嘛。我同朋友叫九個辣椒油蝦頭膏海鮮炒飯，同埋麵包焗咖哩軟殼蟹先上既係炒飯，超好味！！！佢有d辣辣地，朋友唔係咁食得辣都話好惹味，仲一啖接一啖咁食 佢有兩隻蝦，好脆口，仲有d蜆呀，蝦米仔呀等等，好香口好惹味然後到軟殼蟹，好脆，入面d汁唔辣，我地食完隻蟹，將d麵包切開一舊舊，再點滿d咖哩汁，簡直係一洗入面仲有芹菜同紅椒，好豐富晚餐唔洗加一，樓上既後生男店員們超級忙，但我無見到佢地發脾氣，反而仲幾有禮貌，值得讚賞

放工黎到阿來附近，見食評講到有幾好味幾平幾正宗。好！就試試！七點幾食飯時間人多我明，上樓上搭臺唔緊要。樓上有幾張細圓臺，佢地要坐滿一張，先會坐第二張，所以明明有幾張臺係吉既，我地都要同人搭臺，無得選擇。唔緊要！叫左個柚子沙律，大蝦金邊粉，海鮮拉沙，椰青。啲食物上得都幾快。你睇下啲野食放得幾近，我差啲食左人地個碟.........椰青太青，唔夠清甜，又細個😔😔😔。金邊粉煮得太'淋' ，係一pet pet 野咁，口感完全係唔得。拉沙個湯睇落似泥水咁，但係又無咩味喎🤦🏻‍♀️🤦🏻‍♂️，上面既海鮮又少又過熟，個麵底又係成pet 野咁......真係無哂mood。柚子沙律得個兩隻蝦，柚子唔新鮮又唔甜，我諗住沙律咁安全都出事😭旁邊有個男朋友仲同佢女朋友講呢間野個廚係泰國人......可以真係太地道我唔識欣賞🙇🏻🙇🏻‍♀️係我懷疑自己叫錯野食，諗住可能食其他野真係好啲既時候，我地已經係坐滿左八個人一張臺，旁邊個對情叫左個椰青遲遲未到，佢地已經吹左一次，兒家成餐飯食完都未上個椰青，唔通真係爬緊上樹摘😳......於是情侶好有禮貌咁再吹一吹個椰青，樓上唯一一個伙記望一望我地張臺，大聲又帶有懷疑指住我地問：「

揀左好耐，因為130個likes所以揀左呢間泰國餐廳。服務唔錯，但菜就有d⋯⋯同朋友點左5個菜，都ok既，可惜有2菜麻麻地，咖喱蟹，可能我少吃泰國菜，所以我覺得佢偏甜左d，但好夠汁，配蒜蓉包都OK；通菜，上菜既時候只係微溫，無乜味，比我以往吃既馬來盞通菜仲要油！炒河粉唔錯好吃；炸蝦餅外面酥脆，內爽；春卷好味！

星期五晚呢間泰國餐廳真係真係好多人😭，1945去到拎飛要等10幾張枱，2035入座，為左食好味既野食可以去到幾盡🙈🙈好彩個日食左d小食打底，否則男朋友實發脾氣😂🙈🍕今次叫左3樣野食，咖哩軟殼蟹農夫包，柚子蝦沙律同椰青🍴🍴🍽咖哩軟殼蟹農夫包 $138一直好抗拒食軟殼蟹，因為好小肉同冇咩鮮味。但男朋友話不得不試！所以就叫左🏋🏻食落果然好有驚喜，軟殼蟹咬落去有好多肉又有好多膏，好香好有口感！但軟殼蟹份量就較少可能因為太多人了，要搵次少人d既時候再戰！個汁有小小咸同包有d地方燶到變黑，扣左小小分🙈😭柚子蝦沙律 $68蝦得2隻，唔夠我呢個海鮮怪食😭😭😭😭柚子份量足但醬汁有小小重味😈椰青 $35應該唔係當做，所以不是太甜見對面既Pad Thai, 冬陰公同串燒都好正，下次要黎試下！😤😤😤😤

今日嚟到旺角想試吓泰國菜，經過女人街見到阿來泰式地道風味，價錢都算合理，於是入嚟試吓首先叫咗Grilled Jumbo Tiger Prawn 泰式蒜蓉燒虎蝦，即叫即炒，好香好好食，蒜蓉醬加新鮮嘅老虎蝦，絕對值得一試！另外試咗佢哋午餐其中一個出名嘅選擇，海南雞飯，加少少錢就可以揀雞髀，仲好好咁幫你挑走左啲骨，淡淡都係肉，油飯香得來又唔會太油，都幾好食呢間鋪頭唔算大間，但係上菜速度好快，而且地理位置相當方便，經過旺角嘅話，推介食一下佢哋嘅海南雞飯！

同朋友係旺角行街行到咁上下 加上就黎去泰國旅行 諗下諗下就突然好想食泰國菜 見呢間門口咁四正就決定係你啦坐左上樓上 都幾舒服 不過好似我朋友生得高就要睇頭喇 哈哈哈!馬拉盞炒通菜份量夠哂多色水睇落都唔錯, 但食落馬拉盞香味唔太出 但味道都叫唔錯唔會太油 少少辣就連唔太食得辣既我都食到津津有味海鮮雜錦喇沙好足料既喇沙 面唔會太軟 湯底好傳統既味但又唔會太搶 令配料入哂味又唔會煮得好爛 豬紅都仲好彈牙 加埋仲有豆卜 青口 蝦 魷魚 蟹柳等等 大食既人都夠食夠滿足芒果糯米飯芒果份量多!甜!FRESH! 糯米飯軟硬岩岩好，椰汁唔會稀同淡 又香又滑!龍眼冰無甚驚喜 甜! 

唔知大家有冇感覺係有時去到旺角會唔知食咩好 因為實在太多餐廳可以選擇   今次會食阿來就因為比佢個大門口吸引到 因為好有泰國STYLE泰式醃豬頸肉沙律 好多醋頸肉既沙律 味道咸咸地酸酸地辣辣地幾惹味 岩幾個人當開胃菜咁食阿來海南雞飯 無骨海南雞飯 油飯冇咩特別 有點乾 雞就幾大件同幾滑下  個汁唔太辣 整體感覺OK泰式炸蝦餅 有6舊唔太大既蝦餅 咬落障彈牙但表皮如果脆D就更好 另外佢似係用蝦膠整而唔係蝦粒 感覺雖然無咁爽口但就好實在飽滿既感覺 汁燒原隻魷魚筒 幾有驚喜 原隻得黎隻魷魚幾大隻下 另外煮得岩岩好唔會太老 少少煙UN既感覺加埋D辣汁好惹味 椰汁三色冰

突然好想食海南雞飯，所以特登黎阿來，因佢個海南雞飯好出名。星期六，七點幾黎到已滿座。招牌海南鷄飯必食，好小食到咁嫩滑既海南鷄，雞夠嫩滑，正宗！！油飯都好香，好出色入味，配油飯真係一流！！食海南雞，個sauce都一樣咁重要，呢度d sauce都好正，成個飯十分美味，正，好滿足！！仲有叫燒魷魚同豬頸肉，燒得好香，而且肉質唔會韌，d配醬都整得好好味！！椰青好解渴好飲。我地幾個都食得好開心，好滿意，全部食物都有水準，服務都唔錯，最重要係價錢都好公道！！

聽好多人講話阿來既泰菜好正宗，地點又方便，行完街想食泰菜所以揀呢到食晚飯。裝修ok坐得舒服。叫咗個二人餐超級扺食，叫咗個C餐，成個list都係我想食嘅野，難以想像咁嘅價錢有咁多野食。鮮蝦冬蔭公湯：蝦大大隻，湯好多菇，足料，湯酸辣得好醒胃！！海南雞：呢度嘅必食，好正！！加$10轉咗蒜蓉包簡直係一絕，好味配搭！！青咖哩：咖哩放落枱已經閒到好香既咖哩味，一望個色就知好正宗，加上料又多，辣度只係少少辣，唔食得辣既朋友都食到。飛天通菜：菜爽口新鮮，辣得好惹味。食物同服務都好好，推介比鍾意食泰菜既朋友，真係值得一試！！

每次經過總會看見在等位的客人，上OpenRice 搜尋，原來好多好評，今晚就食泰國菜啦！咖喱炒海鮮（148元）好大碟，海鮮份量算多，有大大隻大頭蝦、花蛤同青口，咖喱夠香但是唔夠辣。炭燒豬頸肉（68元）外面焦香，保留肉汁同爽脆，沾滿醤汁更好味！馬拉盞炒椰菜苗（68元）第一次食椰菜苗，賣相吸引，好惹味！椰青（35元）食左濃味餸菜點少得冰凍椰青水，清甜可口！芒果糯米飯（58元）芒果好大、夠甜，糯米飯軟硬適中，榔汁香滑！

突然想食泰國菜，就約咗朋友喺旺角搵左間泰國菜試下。以前食開都係喺九龍城，點知比我搵到一間係旺角嘅道地正宗泰國菜餐廳先講環境方面，地方已經算闊落對比旺角其他餐廳來講。坐低睇下menu即刻揀左個二人套餐。另外再加多咗個泰式生蝦。來到泰國餐廳點可以唔試吓泰式生蝦。味道方面，頭盤泰式生蝦真係無得輸，生蝦夠鮮甜醬汁都夠入味。冬陰公好入味但係有少少辣最好味嘅主菜就係泰式豬脾同埋豬頸肉。通菜炒得好香，唯有青咖喱有少少甜，個人口味因人而異。 整體來講係一間值得試嘅泰國菜

超高質素嘅泰國菜食過真係返尋味呀今日同朋友喺旺角行街行下行下好肚餓無意之中見到呢間泰國菜幾就腳於是就入咗去 睇一睇餐牌就算係二人餐都好抵食相片呢有豬頸肉有青咖哩有泰式生蝦 泰式生蝦好似話外叫嘅 仲有冬陰功湯等等 全部都係我哋最鍾意嘅嘢食等咗冇奶食物就上場豬頸肉 有趣又好味雖然就薄咗少少青咖哩椰汁味重偏甜唔係我最鍾意嘅味道不過都好好食 仲有嗰個泰式嘅豬腳定係豬手 係我少數覺得好味嘅而且個汁送飯一流 泰式生蝦都好新鮮點埋個帳食簡直就係完美 我哋擺到成枱都係送連擺玩嘅位都冇食完都只係四百幾蚊真係超級抵食呢間泰國菜應該更加多人知道大家如果鍾意食泰國菜嘅咁就一定要去試呢間呀

食泰國菜，又吾食得辣嘅我，海南雞飯都係我幾常選擇嘅菜式之一，今晚嘅呢間嘅海南雞飯都幾吾錯了，雞好滑，而且冇骨，岩晒我呢d懶人食，另外飯都好香，同埋飯嘅份量好多，岩晒大胃嘅我，晚上食呢碟先$54，抵食。朋友就嗌了泰式香芒蟹肉炒飯，這個就$68，朋友指芒果肉都好甜，蟹肉都食到好多，飯炒到粒粒好香，味道好，都好食。最後我好想食西米糕，所以嗌個一齊share，都好平，$38有6件，好香嘅椰味，好滑，涼浸浸，食落好舒服，下面嘅西米都幾多，煮得軟身，幾好食。

食親泰國菜都好想食柚子蝦沙律！今次依個柚子蝦沙律都好正啊！酸酸甜甜個種味道好正啊！仲有好多紅蔥，香蔥做配料！蝦雖然唔多！不過都夠新鮮彈牙啊！食番個菜健康下！一定要食個飛天通菜啦！通菜勁香！辣味唔到辣到麻哂啦！係越食越香個種啊！好香口！好快親清哂啦！仲有泰國菜必食既係炒金邊粉啊！依個金邊粉似泰國街頭個種！好香濃！又好有火候！金邊粉比平時食開個種粗！但好彈牙！加埋芽菜就清新d!最後飲番杯龍眼冰！勁多龍眼肉！好正！