鏞鏞．藝嚐館

营业中

休息中

好耐未食過咁好食嘅燒鵝，一定要分享下。雖然依到同其他專門做燒鵝嘅餐廳比較仲係好年輕，不過佢都係同燒鵝界一哥鏞記一脈相承，質素絕對係信心保證。燒鵝外皮油光同顏色都好靚仔，唔會好暗沉咁冇食慾，而家唔少燒味鋪都整得好差但價錢就依然收到好貴，咁樣唔會有常客。最緊要嘅係燒鵝油香同肉香好平衡，點埋酸梅醬食真係冇得頂。擺盤都好有心機，成條line 行比較年輕嘅路線吸引食客依個諗法我覺得幾成功，門面睇落光線充足之餘又有現代感，環境都加好多分。

元旦，早上姊妹們約飲茶， 拗曬頭皮，大日子唔早訂，那些好中餐廳都爆滿，你都休想，終於找到此處，雖然無枱布，雲石枱光潔明亮，10人大枱坐6人，在落地玻璃陽台側，元旦陽光温和暖照，高層遠眺維港景，2小時多的閒坐談聊，飲茶嘆點，舒服滿意。 燒鵝例牌，我都仍然覺得唔係咁得，壹滙都還好。脆銀魚金磚豆腐，豆香不夠，內滑有進步空間。欖角骨保持水準。松子牛肉腸，有馬蹄粒好，但松子不配，香茜會好的。鐵板鵝肝生煎包，有創意，好有酒香，鏞記臘潤腸切粒，唔錯！燒賣，彈牙，肉鲜。春卷only蝦，雖鲜甜但單調，無特式無鳳梨酥，轉腰果蓮蓉酥，不是千層脆皮不像合桃酥，即鳳梨饀換蓮蓉，一般。蛋白杏仁茶$68，杏仁不香，少北杏，較稀無粉無奶，最不值。 說實話，我個人認為一般及格質素，賣相也講究，地點方便，尖沙咀東鐵站，不用出路面，就直達，K11此龍脈打通真好。

大年初一嚟到尖沙咀，試咗之前一直都想嚟食但係冇機會嚟嘅鏞鏞，想講佢嘅燒鵝一啲都唔輸鏞記，面且仲有佢哋好有特色嘅原隻炭燒燒鵝髀，啲鵝油滴返落啲炭到令隻髀勁香煙薰味，而且大大隻咁食真係好有滿足感，嚟食嘅人絕對唔可以錯過。另外佢其他小菜都好好食，有個好傳統嘅梅菜扣肉用料好講究，肥瘦好啱可以送好幾碗飯，唔會食一兩舊就唔想食。新年流流當然要食好嘢所以都叫咗唔少嘢，不過全部都係好食嘅完全冇投訴。價錢嚟講就唔係平㗎喇，不過我覺得完全值得，食物質素同服務態度都好令人滿意，期待下次再嚟食。

日日返工搞到個人好大壓力，就搵咗一日冇咁忙嘅請返日假嚟畀自己放鬆下，搭個過海小輪嚟到尖沙咀有啲肚餓就喺K11搵下有咩食，試網見到依間好似算幾唔錯咁就walk in睇下有咩啱食，佢哋啲燒味都算幾唔錯，燒鵝皮好香同薄脆，食得出係啱啱出爐嘅好有誠意，點埋佢哋自家製嘅酸梅醬更加係更上一層樓。坐喺個舒服嘅地方望住個海景放空真係好解壓，加上有啲好嘢食就更加分，嘢食都係走精緻路線，但又唔會份量好細，一至兩個人嚟嘅話其實會好啱，價錢都算係合理，雖然有少少貴但係計埋喺尖沙咀地段都係正常。放完自己一日假心情都好好多。

尖沙咀不嬲都唔會搵唔到嘢食，唔同菜系都可以喺依到搵到，但係有時就會煩唔知應該食咩好，好彩有鏞鏞畀我揀，一想食粵菜就唔使諗一定係佢。佢之所以好係因為佢有好多創新，個下午茶set好特別同創新，應該冇第二間有依樣嘢，而且佢啲粵菜都唔係淨係得個樣，身為老字號鏞記嘅副品牌啲食物全部都有保證，甚至有朋友話佢哋依到嘅燒鵝仲好食啲，話個皮夠曬脆同香口，加埋啲鵝油真係離遠都聞到。所以真係好欣賞佢哋肯改革曬成個粵菜嘅做法，加大量創新元素之餘又唔會本末倒置，繼續保持傳統好味道，真係一試難忘，再試傾心。

今次試下中環鏞記酒家嘅姊妹店 - 位於K11 Musea嘅鏞鏞．藝嚐館. 價位比鏞記平少少, 裝修方面行簡約輕奢路線, 可以坐大露台望住維港靚景食飯, 唔錯! 1. 鏞記燒鵝(半隻) $480 - 黎鏞記就梗係要試佢個招牌燒鵝, 燒鵝唔算肥, 烤得好靚, 層皮好脆. 個汁幾特別, 用左花生整成, 唔咸, 但入口有花生嘅香味. 燒鵝肉咩部位都好嫩滑, 絕對係靚貨, 難怪係招牌菜👍🏻👍🏻👍🏻2. 花膠鮑魚雞煲 $680 - 鮑魚有四隻, 煮到好稔, 易入口. 雞算滑, 惹味. 花膠就少左啲, 得兩三舊. 其實味道係ok不過份量真係好少, 唔抵食3. 咸蛋黃金沙蝦球 $340 - 咸蛋黃個粉好食, 好有咸蛋黃香味. 蝦就有六件, 都算大隻嘅, 不過食落咸左少少. 整體唔錯4. 黑椒蔥爆牛肉 $240 - 正常發揮, 普通中菜水準, 唯一特別係佢落左少少碎蝦片一齊炒, 對味道無乜影響但叫做少少創新5. 上湯竹笙浸時菜 $180 - 普普通通, 竹笙大件可取, 正常發揮again6. 大白兔奶凍 $58 - gimmick野, 賣相係cute嘅, 不過真係太甜, 奶味太重, 都係打卡算😝7. 芝

尖沙咀咩都有得食，但想搵個舒服嘅地方坐低hea下又好似冇咩好選擇咁，喺K11 MUSEA嘅依間鏞鏞就係我嘅第一名，一嚟夠高可以睇到海景，而且食物都幾多選擇，加上又有啲雞尾酒可以飲下同打卡，成件事好舒服。輕輕鬆鬆咁坐喺樓上唔使畀人嘈住咁睇下街景，chill下。嘢食都幾好，雖然都係啲例牌中菜多，但係食得出係好有心機，個職員都好肯介紹下個嘢食，同你講下啲食材出處之類嘅嘢，成個體驗都好舒服，所以先會成為我最中意嘅尖沙咀餐廳，睇住個日落飲住杯酒可以話係人生一大樂事。

梅菜扣肉應該差唔多所有人都食過，肥得嚟油香十足啱曬送飯一齊食，不過自己整工序又好複雜，出去食好多都太過肥，搞到都冇咩機會再食。鏞鏞就係少數我好中意食嘅嗰間，間唔時就想去食多次，好多人都覺得梅菜扣肉淨係食舊肉，不過其實梅菜都好緊要，佢可以中和啲油膩感，而且梅菜香味都可以令佢更加有層次感。而塊扣肉就更加重要啦，鏞鏞係用本地豬嚟整，當係支持下本地產業都唔錯，而且佢肥瘦適中唔會食得一塊就唔想食，而家天氣突然凍咁多食下依啲暖胃嘢都係一個好選擇嚟。

尖沙咀咩都多，人多車多好嘢食都多，但有時都想搵個地方可以hea下畀自己放鬆，當放自己半日假。K11係近年文青最中意去嘅地方，樓下同期都會有唔同文化藝術相關嘅活動舉行，反而樓上嘅餐廳就有時都幾靜，不過鏞鏞就都算多食客，上次見幾啱就去試下。首先個裝修好靚好年青，唔會又係啲舊式嘅風格咁悶，而且都幾適合K11 本身嘅style，但係食物方面都係啲傳統嘅粵菜再加啲新意做到類似fusion菜咁都幾特別。試咗個家鄉梅菜扣肉，賣相已經好吸引，用瓦鍋小火爐上檯keep住熱咁嚟到，一打開就有好香嘅梅菜香味搞到隔離檯都望過嚟，豬就係用本地豬，肥瘦適中，唔會食兩啖就唔想食，加埋個白飯好快就食曬。價錢雖然唔平，不過唔會坐多陣就趕人走，睇下個靚景hea下hea下咁，之後又可以落去睇下啲展覽，咁就過咗半日都幾唔錯。

頭先一家五口去食飯，明明叫兩隻鵝脾，侍應回覆全部賣哂，要即場燒一隻燒鵝，跟住5min 就到，隻鵝一嚟到完全吾熱！！！堂堂$800一隻燒鵝，食完成肚氣！咁大間餐廳居然甘樣欺騙人！

次次即興想來此處，因為時常book滿，所以好多時都幫襯唔到，今次终於來到。 裝修簡簡單單中有氣派，線條簡約橡木色椅幾喜歡，綠色瓦磚牆想起中式屋頂青瓦磚，白磁茶壼有醇厚感，還有一對順滑木筷子，及一套青磁食具，湖水綠純掃點金，清雅中帶點貴氣，呷啖香茶，摸模杯子，看看精美藝術品，未食，已滿足精神享受！ 今次由波士發板，先來葱油餅$58，用深啡色平圓碟盛上，有朵小黄花，放在白色黑點麻石枱上，颜色對比好特出吸引，餅皮香酥薄脆有口感，葱足熟香甜，好過后園，好個上次三星葱。 惹味陳皮欖角骨$88，熱騰騰，半肥廋肉炸脆，骨脆可嚼可咬，件件有骨，只嚐到欖角甘香但不多，但陳皮味舌頭鼻孔感覺唔到，縱是如此，也不失其美味。 手捲雪茄$80，好矜貴，得一碌，用烘熱咗厚厚型格水晶玻璃冒煙灰缸的器皿盛上，七味粉灑卷頭，作燃點着，黑芝麻碎扮煙灰，擔番口大雪茄，餡鵝肉絲鞋，not juicy，without鵝香，話說鏞記開，出名係鹅，何解？波士建議為何不拆鹅頸肉絲作料又香，又唔肥。以此價貴在創意上。 新豬肉鮮蔬素腸粉$65，比我揀我一定唔揀，我唔喜歡食物經過精制去扮肉。餡有波菜紫薯粒，新豬肉碎像乾菌，質一般，味淡，腸粉

日常生活中，時遇長輩與後輩不咬弦的狀況，就此引伸出新與舊必然是磨擦碰釘、格格不入、水火不容的定律？！其實世事又豈會一面倒，民以食為天，不如將兩者關係放諸於飲食，位於尖沙咀一個時尚商場裡，找到接近八十年經典粵菜品牌與潮流創意融合為一的好例子，馬上要跟大家分享一下這新與舊擦出的美麗花火！「鏞鏞‧嚐藝館」— 疊字作起首的店名帶來了青春感，放低了「鏞記」老字號的形象，同時以嚐藝館三字表達對粵菜精髓與手藝承傳的主旨！觀乎其中西合璧、傳統與時尚共冶的用餐環境，客人置身其中，透過視覺率先感受藝術的氛圍！輕食與主餐兩區以現代感的中式拱門分隔，方檯及可共享的長檯代表著輕食區！而分佈大小圓檯和紅色餐椅的則是主餐區！主餐區所連接的戶外用餐區令人眼前一亮，所佔面積是整個商場食肆之最，充裕空間感固然不在話下，景觀更是開揚，中環及尖沙咀一帶景物近在眼前，若是略帶秋意的黃昏在此用餐，簡直是雙重享受！坐擁如斯美好的戶外景色，酒吧與美酒有助燃美食的效果，自認年青的自己就非常之 Buy！是日正午陽光燦爛，我們還是留在室內用餐較為愜意，哈哈哈！菜苗帶子餃 HK$68/3隻碧玉鮮露蝦餃皇 HK$58/3隻甘筍鹹水角 HK$5

喱日我升咗呢做咗一個下晝經理兼董事長勁！其實大家都可以同我一樣去升呢，只要搵到好地方就得嘞。喱個好地方就係鏞鏞藝嚐館佢係中環鏞記嘅後生線，裝修食物都行型仔路線啱晒我喱啲*後生仔*哈哈。除咗有空間感十足嘅室内仲有好舒服嘅室外座位，聽聞喱道仲可以攪婚禮添。不過天氣仲鬼咁熱都係入番室内嘆住冷氣食好啲！身心都準備就緒喱場升呢晏仔一觸即發。首先食點心第一粒係菜苗帶子餃，面頭有隻好新鮮嘅帶子同脆卜卜嘅魚子食落好鮮味喎。然後食蝦餃肥肥白白嘅身型好得人鍾意，蝦餃皮唔會痴牙入面仲塞滿爽彈嘅鮮蝦好高質。我最like食鹹水角不過整得好食又唔油嘅真係唔多，喱個甘筍鹹水角造型盞鬼，糯米皮炸到夠脆又唔油，入面嘅豬肉餡都好夠香比例仲啱啱好真係掂。升呢時候到嘞我得到喱枝大雪茄仲唔充生晒扮經理咩嘿嘿！脆皮扮嘅雪茄、黑芝麻扮煙灰加埋緻細到雪茄嘅著火位都做埋，真係唯肖唯妙玩味十足。喱枝鏞鏞手捲雪茄其實係雪菜鵝肉春卷，食落脆卜卜入面仲好香鵝肉味好正㗎。做完經理再上一層樓做董事長好威水！只要識食喱個流心西施炸蝦丸就可以做到董事長㗎喇。 因為喱粒流心西施炸蝦丸入面有甘董事長食嘅腐乳，靚仔嘅流心味道咸香細緻，鮮味彈牙嘅蝦丸加埋脆卜

全日紅雨黑雨都受惠唔到，只可以食去發洩心中嘅憤怒。和鏞記酒家不同，鏞鏞．藝嚐館走現代路線，餐廳擺設、侍應、到菜式設計都同酒家有啲唔同。脆皮燒鵝真嘅，真係脆皮，鍾意食肥嘅朋友可能會失望，但個人喜歡偏瘦嘅肉，咁先可以食到肉嘅味道。蝦多士假嘅，因為入邊有帶子同埋蝦，細細粒好易食，值得一讚嘅係上碟嘅時候十分熱 👍欖菜骨汁醬十分好吃，份量適中。椰汁白肺湯椰汁白肺湯準備嘅時都要好多時間同心機，好好彩呢一度有呢一個湯，即刻要試吓。值得一提嘅係好足料，湯味濃郁，值得推介。西湖牛肉羹西湖牛肉羹就略嫌失色，芫荽味道濃郁係讚嘅，但係嘅質感就略嫌薄弱。

邊個話我傻我請佢食燒鵝！哈哈好Old School但又充滿童年回憶，說到燒鵝鏞記的出品當然是膾炙人口吧！而鏞記亦隨著時代步伐開設了年輕品牌鏞鏞．藝嚐館，這天我們就來會一會這老字號新感覺啦！座落於K11 Musea的鏞鏞．藝嚐館裝潢很摩登而且充滿現代感，地方非常寬敞內裡更設有露天茶座及酒吧，中西並融又型格十足絕對飛甩老套。遇著好天氣可安座於露天茶座欣賞著可愛的微笑菠蘿包，心情即時大靚胃口亦大開是時候回室內享用午餐了。率先品嚐我最喜歡的點心環節，我們得到有菜苗帶子餃、蝦餃和甘筍鹹水角，三款點心的賣相也很精緻，而那中原一點紅吃得出是我喜愛的辣椒醬品質牌呢！蝦餃身形豐滿摺位工整外表夠吸引，吃下澄皮爽滑內裡更藏著滿滿鮮味的蝦肉，吃了第一件點心後已萬分期待餘下那兩件了。然後到品嚐這件菜苗帶子餃＄68/3件，碧綠外皮同樣煙韌爽滑更添上了一絲清新，帶子彈性十足亦鮮甜內裡還混上不少香菜來增添風味。這件造型可愛的是甘筍鹹水角＄55/3件，炸得香口不油膩皮咬下外脆內軟糯，餡料調味恰到好處吃得我很滿意。接下來是玩味跟吃味也非常有驚喜的鏞鏞手捲雪茄＄80，造型唯肖唯妙的雪茄其實是雪菜燒鵝春卷。有可愛又貪玩的車爸