鏞鏞．藝嚐館

营业中

休息中

喺尖沙咀咁多嘢食選擇，依一間幾有驚喜，K11本身環境已經唔錯，而且佢仲要喺高層可以睇到個海，景色依part好高分。而食物都好有驚喜，將傳統粵菜結合西式新派嘅做法，有新意得嚟又唔會冇咗中菜嘅味道，燒鵝例牌好多汁皮又燒得脆口，加埋酸梅醬真係我食過最好食嘅燒味之一，而且個腐乳炸蝦丸真係好特別，完全冇諗過可以有咁嘅組合，腐乳味道濃得嚟唔會搶曬個味，勁有驚喜，最後個甜品大白兔糖奶凍有幾分細個食嘅嗰隻味，最重要係奶香味夠濃，食完飲啖茶啱啱好。三個人食食咗1200蚊到，都可以接受，主要係當試下啲新嘢。

前排晏晝成日突然落大雨走都走唔切，上次就入咗去K11 MUSEA避雨又咁啱見肚餓就一條友睇下有咩食，上到去見到裝修環境幾靚就入去試下啦，睇唔出原來係食中菜嘅。試咗個原隻鵝脾，$290蚊唔算平但上到嚟大大件咁其實好抵食，炭香味十足又多汁，完全唔會覺得滯，一個人食完依件脾之後都已經飽到7-8成，最後加咗件童年大白兔糖奶凍做甜品，白免糖味幾濃，係幾有細細個食嘅嗰隻味。一個人坐喺樓下睇住條街嘅行人同埋落下嘅維港真係幾舒服，咁啱食飽就停雨，真係啱啱好。

今晚去半島酒店staycation，入左酒店房後，到酒店四圍行，好行到黄昏，又是食晚餐的時候了。我們到尖沙咀K11Musea揾野食，可能是第一次去，揾左好耐先揾到7樓，見到鏞鏞·藝嚐館就入去。店內環境優靜光猛，只有幾枱客，服務員安排我們坐在最後一枱。我們點了鏞記正宗燒雞脾、乾燒咖哩蝦球粉絲煲、腿茸餐肉燴冬瓜、銀棯醬帶子豆腐等。～燒雞脾肉肥美味，我們都搶着吃，可惜太细碟，好快食完。～蝦球粉絲煲，咖哩味濃，蝦球大，好吸引，撈飯一流。～腿茸餐肉燴冬瓜好大碟，外觀吸引，也適合撈飯，冬瓜清涼，適合夏天進食。～銀棯醬帶子豆腐也很適合配飯，銀棯醬味濃吸引，只是件數不多，好快食完。食物味道好，但不大碟，價錢較貴。.

同朋友去到尖沙咀突然想食中式嘢，上網見到依間就嚟試下，畀門面裝修吸引曬注意力，因為真係一啲都睇唔出依間裝修咁靚嘅餐廳係食中菜。可能閒日去唔太多人佢畀咗張大檯我，坐得舒服又望到個海景，坐低咗就叫咗啲點心同燒鵝例牌，點心皮薄餡靚，份量都叫足夠，起碼兩個人食係夠飽。不過燒鵝就真係估唔到咁好食，可能之前多數喺燒味鋪買過嗰啲質素都參差啲，但依次真係好好食，皮燒到脆脆哋又唔會太油膩，少少嘅炭香令隻燒鵝更加香，完全唔會好似之前試幾舊就已經唔想食。價位嚟講當然唔算平，不過嘢食好食，而且環境舒服又有得睇下海景，都係可以接受嘅範圍。整體都好滿意。

前排成日落雨，約咗朋友喺尖沙咀食飯點知突然落雨，就近近哋試下鏞鏞，一開始睇啲裝修以為食西餐，點知原來係中式嘢嚟，都幾驚喜下，嘢食都幾唔錯，份量上有調整過，冇傳統中菜咁多搞到食唔曬，啱曬我依啲三心兩意嘅人。不過最中意嘅都係個景，落住雨舒舒服服坐喺度望住個海食飯真係幾好，濛濛哋睇住個海真係好靚，下次可以再嚟試下其他嘢食。最有驚喜嘅係龍躉魚扒，佢哋將西餐嘅擺盤mix埋中餐先會見到嘅龍躉，一嚟個視覺效果已經好吸引，而且食落都好正，龍躉本身肉汁唔算多，不過配埋佢哋個醬汁係幾夾，真心推薦。

前排生日，滿心期待諗住試下呢間中菜…去之前都做定少少功課，叫左4道菜炭燒鵝髀 - 價值200幾蚊呢隻髀，皮脆肉嫩，食落味道係唔錯既！題外話：餐廳會另外俾刀叉我地自己分隻髀，食用係有些少麻煩🤔流心西施蝦丸- 見好多好評，但食落真係一個好普通的蝦丸😕竹笙時菜- 未試過出面食菜，個高湯係冇味既🙃呢個豆腐吹左成個鐘先出，一般屋企都做得出既水準🤨整體黎講，餐廳性價比較低，走貴價既住家餸😌 值得一提係餐廳睇到日落🌄同埋餐廳用自動送餐機送餐係有啲得意。但應該唔會再光顧住啦🤭

鵝又瘦又老，上菜已經凍，衰過酒樓果d水準個花膠鮑魚雞煲簡直垃圾，雞又老又hi口又唔入味，成個煲靠d汁去上味， 好睇唔好食，得個菜係正常，大家真係要睇路，食中菜廳好過，真係可一不可再

唔少食物都有新創作，好似個雪菜鵝肉炸春卷咁，真係會笑一笑，的確係有心想做好依條line， 見天氣熱叫咗個降鳳梨”菇”嚕肉開下胃，酸酸甜甜咁幾好食，又唔會係味精嗰種死甜死酸，價位都可以接受，唔錯唔錯。

去K11 MUSEA 商場朝聖，餐廳不預先訂位的話就預咗要排長龍！而家九點last order ，八時半過後想食飯真係好困難。好彩錯有錯着，行咗上頂層「空中庭園」有幾間餐廳完全冇人排隊！價格適中！可能是新餐廳，避開了人流！直接有得入座在三間餐廳中選了中菜- 鏞記-嚐藝館，不同於傳統鏞記酒家，大膽走摩登中菜的年輕化路線！流心西施炸蝦丸外層的炸絲香脆，包覆著一層流心腐乳醬，裏面是香滑的蝦蓉。賣相和份量也滿分！這道菜真心推介- 鴛鴦遠年陳皮牛肉但是用心的擺盤也加晒分這味一菜兩吃的佳餚分別是辣炒牛肉和陳皮牛肉餅，牛肉片口感香軟，帶點塞外風味的微辣，會是花椒粉或五香粉嗎？調汁香濃伴着白飯吃一流！另外，陳皮牛肉的口感挺新奇，肉餅口感彈牙不用多說，陳皮的獨特甘香令牛肉味更突出。夠特別龍躉扒-以西餐「鋸扒」概念上菜的龍躉魚扒，有點中西合璧的元素。平時煎鱈魚扒就食得多，龍躉扒真係第一次食！識落先發現原來龍躉十分適合煎煮，肉地厚身，沒有多餘的幼骨，食落去啖啖肉。龍躉肉鮮嫩，充分吸收了由京蔥和姜汁調和嘅醬汁，值得一試！這次二人小聚，能使的菜式不多，值得再次蒞臨試埋其他菜式！

記憶中跟家人已沒有一年多在酒家吃飯，今次終於可以齊齊整整約會了，既熟悉又陌生的面孔返齊來，真是有點莫名的高興。。。首選是他們的叉燒叫上例牌HK$200.落單職員告知分為兩派，一派是肥一派是瘦，猶豫了15秒最終我還是要了後者,上枱顏色其實很漂亮，驟眼看燒得很盡量，不過咬在口中除了瘦削之外，還加了一種嚡的感覺，不夠鬆化～至於蝦餃HK$68.個人就感覺平平，沒有落差已經算贏～(燒鵝半隻)HK$480.平分為兩邊，肉質較為偏瘦但不算柴，肉香身旁伴着的(蠔油豆)是上世紀的美食，現在已很少在坊間看到，所以兩旁的蜜豆就差不多被本人掃清光～叉燒腸HK$65.自己就沒有食所以不作評論不過沒有拍照的另一段蝦腸自己就覺得腸粉較（粉）絕對有進步空間～啤梨的賣相的原來是鹹水角HK$55.，用來呃like絕對是最好不過，不過自己亦沒有吃所以在此也不作評論～一道蝦子扎蹄HK$110.應該可以試試，賣相亦都堆砌得不錯，咬在口中不會鬆散，味道亦都剛剛好，充足的蝦子被一層又一層的腐皮卷得很是漂亮～簡單一碟的層次分明迷你蛋撻HK$50.，在飲茶當中不可缺少～蟲草花灌湯餃HK$68我們總共叫了四籠，自己就較為喜歡他的湯汁，清

環境一流，休閒自在，十分適合三五知己小聚。 同朋友二人打算relax 下就發掘到依間餐廳，地方寬敞，空間感十足，食個下午茶放鬆下係唔錯選擇。 我地冇選擇叫套餐而係散叫。 食物分量適中，食下點心飲下茶，食量細既朋友其實都夠食。 金菊綻放蝦餃王蒜香豉椒蒸鳳爪迷你甘筍鹹水角雪映龍皇杏汁包鏞鏞手卷雪茄點心質素都算高質， 但都係預料之中既味道。 唯一驚喜之作係特色手卷雪茄，外型真係相似，加埋細節位做得好用心，令人驚喜！

本身都唔係太大期望 但呢度啲燒鵝又乾又鞋 難食過普通茶記 個雪茄卷入面啲鵝肉更加係無味 $80蚊一條都唔知食咗乜 個叉燒都係比較乾同鹹 其他野中規中矩 唯一比較好食係個吊片炒通菜 甜品個大白兔奶凍真係白兔糖味 但質感唔夠滑 而個蓮蓉酥就好少餡 總括黎講 呢間野真係唔洗去! Signature roasted goose was tough and dry, and don't bother ordering that "cigar". Other dishes were fair at best. Do not recommend at all. Save your money and stomach space and go elsewhere.

Totally disappointed with the tiny portion of roasted goose! Its all bones and fat swimming in oil with hardly any meat! And really hate the waitress just poured the sesame sauce onto the goose without asking if I wanted it or not! Ding’s kitchen or even Cafe de coral are better than this crap!

中午滿懷希望、以朝聖的心態來點了300+一位的尊貴行政套餐，燒味只得三塊瘦到無朋友，只有皮同骨的燒鵝胸肉！難道這就是傳說中嘅全香港第一的鏞記燒鵝嗎？。我想問問這是全球五十大餐廳的待客之道嗎？米芝連餐廳應有的態度嗎？人品差到如此地步，讓人情何以堪⋯⋯菜品凍咗，都不見白飯之踪影！不僅這輩子，下辈子都不會再來。可憐可悲可嘆的假期米芝連之旅。怎一個嘆字了得。憤怒！憤怒！吃完難以下咽的燒鵝後，倒胃口。成餐飯都沒有胃口。永遠黑名單。

第二次到這間高級酒樓，因為想用新世界送的K Dollar。客人和上次一樣不多，兩個人可以坐在一張大枱，景觀是一大賣點，面向維港，如果天氣涼的時候可以坐在戶外，但是這個日子很遙遠。叫了三碟餸，椒鹽吊片腰果、燒鵝例牌、梨山醬汁豬柳。其實很少人會炸吊片的，口感比正常的椒鹽魷魚好，不會太油。燒鵝有秘製醬汁，整體上普通，可能有些舊式炭燒的鵝比它還好吃。豬柳最為驚喜，香口而有適量肉汁。最後叫了紅豆沙湯圓，濃郁但價錢比較貴。多謝新世界。